排隊食王你想點樣公道?雙羸?真是狗屁 - 九陰真經

2000FUN論壇 › 綜合論壇 › 九陰真經 › 排隊食王你想點樣公道?雙羸?真是狗屁

查看: 2617\|回覆: 22	go [閒聊討論] 排隊食王你想點樣公道?雙羸?真是狗屁 [複製鏈接]

禿鷹王

一星新手會員

Rank: 1

UID: 3672753
帖子: 4
積分: 4
Good: 1
註冊時間: 14-8-11
在線時間: 0 小時

1^#

發表於 14-8-16 05:57 AM |只看該作者 |倒序瀏覽 |打印

本帖最後由禿鷹王於 14-8-16 06:01 AM 編輯

　　話說盟線既輪候冊隨住邪教被踢出局後已經被打亂，盟線入面開開心心等食飯既小小幫眾都要戴定頭虧，攝定鋼板準備開拖，邪惡軸心就緊係有咁亂搞到咁亂啦。鹬蚌相争，漁人得利，中立幫終於可以一嘗食世王既滋味。

　　盟線眼見自己既利益被瓜分，係面對軸心大軍壓境既同時，仲要擔心世王被中立幫搶走。有見及此，盟線派出擁有高超演說技巧既劉大哥向中立幫伸出橄欖枝，提出一個公道而又能雙羸既動議：將中立幫加入世王輪候冊，每個星期分三到四隻世王比中立幫，待遇等同盟線中既盟友一般，相當公道。如此一來，中立幫就有世王食，盟線又唔洗每日提心吊膽咁食世王，形成所謂雙贏既局面。

－

　　一切看似很美好，但聽完一段咁波瀾壯闊，動人心弦既演說後，細心一諗。咦？點解好似比人搵左笨咁既？果種感覺同你係鴨寮街買左個號稱可以吸收晒所有空氣中既大氣電波，方圓百米內得佢可以收到既強攻型收音機，去到DSE果陣先發現呢部係試場唯一一部收唔到訊號既收音機冇分別。
　　公道？盟線入面一個幫可以食一隻王，中立幫呢？因為唔係某個指定既幫會，即係除左盟線同軸心既幫會以外全部人都可以加入中立幫既團隊，所以食世王必定爆團。每個星期有十幾隻既世王，其中四隻分比中立幫，仲有近十隻係由盟線瓜分。但係咁多個中立幫加埋，都只係同你盟線其中一個幫會平起平坐？咁樣公平咩？盟線既幫會就算唔足一團人，可能有半團咁，另外半團就由其他既同盟填入以確保輸出隻王，世王所得既野全部由該日「應份」食隻王既幫會ROLL，得益既都係半果團人，反觀中立幫每團世王就要同48個人ROLL，當中一定有盟線或軸心既分身，攤返開黎計每個人既得益相當之少。
　　即使話盟線改為兩個幫會夾埋一團食一隻世王，但唔好忘記盟線手上有近三分二既世王係手，點都唔會蝕左去。中立幫依家每次打王最少都有團半人數，仲未計Ｄ因為唔敢得罪大幫會而唔入組既中立幫，再加埋兩條線既分身，一團肯定係唔夠裝晒Ｄ人，二團幾乎係必定要開，但係更多既問題黎啦，有兩團人要打王，Ｄ殘卷古譜應該點分呢？中立幫四隻世王，一團拎兩隻好似係唔錯既解決方法，但站係其中一個中立幫黎睇，明明有四隻王係中立幫食，點解我得兩隻可以ROLL?再黎另一個問題，點樣確保到入一團既人唔會入埋二團？CAP圖？兩張48人既圖玩找不同？重有一個問題，如果人數只係夠開一團半，果半團應唔應該分到一隻王？

－

　　食世王本身就係一樣我有你冇既唔公平，任你安排得幾周密幾有秩序去排隊，都唔會變得公道。再講，世王冇寫名，任何一個輸出高既團隊都可以食，但係由盟線一統江湖之後，中立幫幾乎掂都冇掂過世王，原因係因為盟線有開紅守王既習慣，話明中立幫緊係唔想同大幫會開戰當然識相地行埋一邊啦。但係以呢種手法霸左隻王咁耐，依家拎幾隻出黎就當慰勞左咁多個中立幫唔覺得諷刺架咩？情況就好似幾個劫匪去爆格，爆完之後渣槍果幾個大佬分晒Ｄ錢，到有事發生，差佬黎到啦，果幾個大佬就塞幾舊錢比拎刀果幾個o靚仔然後同佢講：拿我有分錢比你架，你唔好做反骨仔幫個差佬出賣我呀。

　　其實，叫得做中立幫，又憑咩去收受其中一邊線既利益，接受佢地既安排呢？如果咁都仲敢自稱係中立幫既話，本王真係佩服閣下既面皮。

關閉 安全驗證

[閒聊討論] 排隊食王你想點樣公道?雙羸?真是狗屁 [複製鏈接]

點評

點評

點評

點評

關閉安全驗證