萬聖節睇咩小說好？

andskynerak

萬聖節睇咩小說好？西方首推吸血鬼系列，其中又不能不得提吸血鬼女王Anne Rice。佢有個吸血鬼紀事系列，分別有成十本可以獨立咁睇既小說，包括改編成電影既Interview with the Vampire。吸血鬼仲有Southern Vampire Mysteries同暮光系列啦，呢兩個就唔駛多講了。

外國嘢仲有Stephen King。最近歐美等地咁多恐怖小丑出沒嚇人，有講係源自佢既小說《牠》，入面講到有怪物扮小丑到處捉細路，小說出過電影版，個恐怖小丑形象的確嚇人。不過最恐佈始終都係人心，小說入面講心魔，講霸凌，講童年陰影，確實唔容易忘記，衝破唔到既話就一世。


華文世界都有恐佈驚悚既盜墓系列，始祖當數天下霸唱既《鬼吹燈》，好似剛剛推出咗十年，寫古墓、殭屍寫到超級內行，有曬成個世界觀。之後又寫咗《無終仙境》，入面有好多民間既神怪傳說。聽聞前者嚟緊會有網劇，後者就有遊戲推出，唔知會改編成點。


萬聖節又會諗起百鬼夜行個類嘢，日本小說就諗起夢枕獏既《陰陽師》，講平安時代既人鬼妖怪，最中意係「首塚」，極之正宗既日本鬼故。其餘好似「蟾蜍」、「牽手的人」，都幾恐佈。主角晴明同佢老友博雅既友情線都好好睇。

chewing86

thx for sharing