APPLE NEWS 【英超煞科】車仔獎盃未到手？ 摔角金腰帶袋住先

franky$$

【英超煞科】車仔獎盃未到手？ 摔角金腰帶袋住先

英超今晚迎接煞科日，已經提早封王嘅車路士喺史丹福橋迎戰新特蘭大可輕裝上陣，迎接賽後祝捷派對，據報球會亦相當識做，準備免費白酒同啤酒款待入場球迷。冠軍獎盃未正式到手，車仔球員一樣有嘢「揸手」，就係由世界摔角聯盟（WWE）送上嘅金腰帶！其中傳奇摔角手Triple H亦喺社交網站送上祝福，車仔隊長泰利亦禮尚往來：「感謝Triple H同WWE嚟到車路士，向我哋頒發冠軍金腰帶。」

慶祝還慶祝，但車仔嚟緊仲有對阿仙奴嘅英足盃決賽要應付，領隊干地喺賽前記招亦呼籲球員唔好過於放鬆：「我唔鍾意『放鬆』呢個字，我寧願用『享受』，享受你嘅成就。我哋要繼續努力，希望下季更強，如果有人沉醉於過去，佢唔係勝利者，佢係失敗者。」

http://hk.apple.nextmedia.com/realtime/sports/20170521/56721526