雖然我黎左呢個版唔係好耐,但係我而家對呢個版係極度失望,
係完全因為人的問題,因為太多人無左應有的理智同忘記左網上世界並不是獨立於現實世界的,而且濫用群眾力量,將一d原本只係好小的問題變到好大,
而且德哥都講過之前一連串關於公主的post俾人投訴,再加埋我的經歷,所以我先會唗成個多小時打呢篇野
就而我為例子,原本都相安無事,
但係我自己一話打左電話去控煙辦投訴某機舖有人吸煙,就俾一大群人圍攻,我就係呢度覺得最無奈,
既然己經有法可依,點解仲要知法犯法呢? 你地係唔係要咁下賤,真的"不見棺材不流眼淚"呢?
我都承認自己係同你地爭辯的過程中,本人的用字同態度係有d過火同傲慢,但係我好希望你地明白,
我咁"興"的理由係你地有時係無左基本判斷是非的能力都無,同埋你地有時真係太直率,完全冇俾人有改過或進步的機會
所以我先會在你地的眼中越黎越自我中心,甚至就黎變到好似公主個類人咁膠
再者我搞個個MX-5車種交流咁,今日決定取消的原因係我冇小心去check自己係0個個星期有野要做,
咁我去做正經野而唔打機係原本係十分正常,
但係當我話取消的時候,有人又用之前我在他的壞印象講野,
我想講的是你地有陣時的留言已經唔係普通的恥笑,有時已經係人身攻擊或係誹謗,
如果你地繼續這樣而得罪其他人的,我真的不排除他/她會執正黎做,
到時你地的真實身份一定會好容易俾人公開,我相信你地好多都仲係讀緊書,到時你地點算?
而呢件事亦都係我緊決離開2kf的原因
最後,講番公主個幾個post,雖然當初有時還會同各位插下公主個類人,
但係當德哥叫大家收手時我已經停止,但係我在今日仲見到有人讚該樓主"有態","做得好"等等助紂為虐的行為,
所以我真係好想問你地各位,你地仲係唔係一個有基本品德的人?
所以我真係希望大家能夠反思下,呢個壇的灣岸版仲係唔係應該繼續學某大型論壇的一個版咁,時刻都係充滿著怨氣,同埋低俗的風氣呢?
我十分希望你地係將來再遇到公主等"迷失方向"的人個陣,最少讓我見到你地係有出力去幫佢地,等佢地唔好繼續膠落去
因為我好希望香港灣岸界係將來係由一班有高尚情操的人組成,而唔係由一班品行差劣,俾唔打機的大多數認為係爛仔的人組成
同埋我希望德哥版主的一句話,係自律,唔該你地真係領略下,因為我深信如果各位仲係無事變小,小事變大的話,
到某個時間一定會引起社會的注意,到時我唔擔保你地的言論會俾人公開,
咁當有認到你的username的朋友,家人等等見到你地係網上講呢d野個陣,你地在他們心中的形象會變成點?
講左咁多,你地可以唔認同我或當我係度9up,但係我好希望你地係就算要鬧我,用粗口問候我全家的,都只好在心內鬧,唔好係度留post鬧我,
因為呢個壇,我深信各位仲係用現在ge態度繼續留言,好快就會出現在某d雜誌的封面
而標題一定係關於網上欺凌,言語暴力個類,咁到時大家係真實世界的形象一定受損,咁值得嗎?
而我同各位的緣亦到此作結,你地以後唔會再見到我係度留任何一字...
但係正所謂結緣不結怨,今日有緣與各位在此相遇可能係過去的果,但係我好希望今日種下的因唔會變為明日的惡果,
所以各位日後係灣岸機上見到我,如果想夾死我的我唔會還手,
但係我非常到時大家能尊重自己,唔好一見到我就問候我全家
P.S. Eric同Ivan: 約左你地兩個個場我唔會放你地飛機,你地記得黎就得啦
同埋本來呢場係私人恩怨來的,所以我唔希望你地係我走左後將時間地點唱通街,因為我唔想有太多無關痛癢的人係度食花生等睇戲 |