4年....太突然...

暗邪絕雲

由我追你個一個月
你一直仲鐘意ex
一齊左一個禮拜
同我講分手，同我講話忘記唔到
我好努力，一直追你，半年後
2005年1月1號，我地終於一齊

你當初新人入黎公司，第一眼望你
已經覺得你好靚，已經對你有好感
未同你一齊之前，我都只係追過一個女仔
其餘都係佢地想同我一齊
未同你一齊之前，每段感情我都冇認真過
冇諗過將來
由我膽粗粗咁去問你個fd 拎電話
send sms 比你 原來你比個假電話我
至可以同你講電話
同你一齊去打兵兵波
第1次去食上海麵
第1次睇戲係nana
我就諗可以同你一生一世

呢4年黎
我地嗌交唔多過5次
睇戲過百套
去食好多好好味既野食
我每日都同自己講 我好愛你 我唔可以好似以前咁 咁唔珍惜身邊既人
我5年前應承你戒煙
仲有4個月  我一定戒到比你睇
4年黎，我以為你都係一直咁愛我
我真係以為你會同我一生一世  共患難
無論我點樣，你都會咁鐘意我

你係一個好好好女友
你唔貪慕虛榮
你好細心
你對我好好
你好有愛心 好照顧你家裡面個5隻狗仔
你唔會發我脾氣  唔會鬧我
我同屋企人嘈個陣  你會一直支持我
對我黎講，你係夢寐以求既對象
所以一直以黎 我都好好咁珍惜你
珍惜我地一齊既時間

好多時我都覺得
就算冇左屋企人，有你已經好足夠
呢4年  我對你既愛  完全冇減少過
因為你實在太好

估唔到....今日竟然同我講
感覺唔同左....想分開
我真係完全冇諗過你會離開我....一d都冇諗過

依家我既心情..我唔知點形容
未試過....好似好冷靜..又好似好傻
喊著咁打呢篇野
4年...我地當初講過 一齊要坦白
但點解你諗左咁耐先同我講
我真係唔想分手
我就你咁多次
可唔可以就我一次....唔好分手...

影之狂龍

我覺得少嘈交唔代表好..
嘈交令大家理解大家多一點
接受大家多一點缺點

感覺係一樣好抽像既野..

大家一齊左太耐..
可能對大家都厭左..

等佢一排 冷靜左..
小別勝新婚=]

唔洗怕 真誠所至 金石為開
就算佢真係唔再同你一齊..
留比你既回憶 一定有好多開心既..
冇咩野可以永恆..
但係回憶可以跟你一世

一個開心既回憶 已經係上天留比你既禮物

●瑤瑤●

樓主...唔好太傷心....
有時一個人變起上黎就係唔係你可以估到...
初初一齊既時候可能好多野都會因為你地熱戀緊而包容到大家...
但係時間一耐左...好多問題都會出黎...
而家問題好明顯唔o係你度...
大家冷靜下..當俾d時間大家諗清楚...
太過平淡既愛情係唔會經得起考驗...唔會刻骨銘心..
俾你地平平淡淡咁過多幾年e個問題可能始終都會出現...
平常心...有緣既你地始終會係一對...

暗邪絕雲

原帖由 ●瑤瑤● 於 2009-6-16 03:44 AM 發表
樓主...唔好太傷心....
有時一個人變起上黎就係唔係你可以估到...
初初一齊既時候可能好多野都會因為你地熱戀緊而包容到大家...
但係時間一耐左...好多問題都會出黎...
而家問題好明顯唔o係你度...
大家冷靜下. ...

呢2個禮拜 本黎我都一直諗要點樣追返佢
但尋日比我知道
佢同返4年前 個男仔一齊返
你講得好岩
時間耐左  好多問題都會出黎
出左黎 當你以為唔係問題既問題
其實對方可能係好有問題 而冇講比你聽
日積月累.....就會爆發
但唔緊要由分手個日開始
我就已經決定左  我要轉變
至少可以對自己好d

爭霸者

咁搞野既-,-~~~~~~~~

小熊~wing

感覺唔同左....想分開

真係好討厭呢句分手原因...
一齊幾年..就因為咁既原因而分開......有冇諗過另一方既感覺呢~真係好痛苦....

４年呢個關口..我都過唔到.......係岩岩發生既事
好巧合...分手原因同你一樣~

暗邪絕雲

原帖由 小熊~wing 於 2009-6-18 01:47 PM 發表
感覺唔同左....想分開

真係好討厭呢句分手原因...
一齊幾年..就因為咁既原因而分開......有冇諗過另一方既感覺呢~真係好痛苦....

４年呢個關口..我都過唔到.......係岩岩發生既事
好巧合...分手原因 ...

最難受既係....佢對你既感覺慢慢變淡
但你毫不知情地繼續愛他
從而分手時，他就變了另一個人....
4年的感情...只是一句冇feel....就將2個人變成陌生人
很現實....很殘酷

小熊~wing

原帖由 暗邪絕雲 於 2009-6-19 11:07 AM 發表


最難受既係....佢對你既感覺慢慢變淡
但你毫不知情地繼續愛他
從而分手時，他就變了另一個人....
4年的感情...只是一句冇feel....就將2個人變成陌生人
很現實....很殘酷

係...真係好難受~
原來佢既感覺已經變淡左...但係佢冇諗過其實另一方既感覺從來冇變過~
４年唔係一個短時間...早２個月都仲好地地～突然間佢話感覺唔同左...只能做好朋友......真係好難接受～

情人節時仲好開心..送左隻介子俾我....果日仲同我媽咪一齊食飯～
２個月前有少少問題出現左..過左一個禮拜就問做返朋友好唔好.......
約佢出黎傾..佢話係佢呀爸反對...仲成日o係屋企嘈......佢話唔會有下次～不過由於工作量多左..佢呀爸又反對...可能冇得成日見...
就算成２個月冇得見...每日只係得一個幾分鐘既電話.....我都冇發過脾氣..一路同自己講唔可以放棄~
點知尋日佢又話..感覺唔同左了...只能做朋友........

點解...點解要呃多我一次.....點解要同我講唔會有下次..........
其實我根本唔係人地眼中睇落咁堅強...只係唔鍾意係人地面前表現出痛苦而已.....
或者一路都只係自己一相情願...以為自己願意等...終有一日等到佢有時間見面......
發現原來已經連等既資格都失去了............

小熊~wing

我可以做既...都已經做哂~
挽救過...亦都主動過.....
我想維繫,想挽留返段感情...主動提出過放工去佢附近同佢食餐飯.....
但係佢話呢排好忙..有機會先......睇黎佢其實一早已經唔想維繫了吧..........

如果我再一次去挽留...可能我會得到更多既謊言......
而且再唔會有任何地位...好似再一次強迫佢去接受我咁.....
黎睇今次...我唔應該再挽留了吧.....身邊既朋友都希望我可能放低佢.......
對於感情上...我既想法往往同做法唔一致....因為想法好成熟...但係永遠做唔到.......

暗邪絕雲

原帖由 小熊~wing 於 2009-6-20 09:25 AM 發表
我可以做既...都已經做哂~
挽救過...亦都主動過.....
我想維繫,想挽留返段感情...主動提出過放工去佢附近同佢食餐飯.....
但係佢話呢排好忙..有機會先......睇黎佢其實一早已經唔想維繫了吧..........

如果我再 ...

分手後既說話……不能盡信^^
她跟4年前的ex 也說過同一番話
"我不會再愛你，以後不會找你"
她也跟我說"已經對他沒了那種感覺"

但當我知道 上星期 他們2個分手 的4年後再次一起
我問她"為什麼?"
他只答了一句 " 人會變 "

能怎樣^^?  

不能再要求她去愛你
只能做好自己，令她之後能回首
小熊你決定放棄也是好……始終這段時間的確是最痛最痛最痛的...........

但我會選擇堅持^^   到永遠....甚至他老了....結婚了...我也不會放棄

小熊~wing

說得輕鬆...說得輕易.......人會變~
不過也不能怪她...人總會有自私的一面~

我...很想能放棄...也許只能說是"放手"........
我想很難讓自己放棄這４年的感情...但我能做的...就是放手讓他走...不再打擾他.......
獨自一人的時候...會想也許他有苦衷...也許睡醒他會告訴我他不想分開......
但其實自己很清楚已經不可能的了............

早兩天看了你這篇文章之後...我也告訴自己......
往後要對自己好一點...至少多點顧及自己的感受~
所以星期六下午請媽媽吃了一餐不錯的下午茶...只是還未能對媽媽說出口........

現在還在想..應不應該打去問最後一次我想問的東西......
就是怕自己不能冷靜地談一下...實在太眼淺.......說到尾...其實知道自己心裡還是想挽回的.........真糟糕~

暗邪絕雲

原帖由 小熊~wing 於 2009-6-21 11:43 PM 發表
說得輕鬆...說得輕易.......人會變~
不過也不能怪她...人總會有自私的一面~

我...很想能放棄...也許只能說是"放手"........
我想很難讓自己放棄這４年的感情...但我能做的...就是放手讓他走...不再打擾他...... ...

的確要對自己好一點
唯一不會離棄你的 就是家人

愛情的偉大....不是放手讓他走
他變心  就不會覺得你偉大
沒人會了解你的偉大
真的愛他....就是一直保護他....不離不棄   這就是偉大

S★CAT

咁得意牙!!!!!!!

gloria-tsoi

感情有熱戀期 , 也有平淡期
由最初的愛情變為感情
能一齊渡過的才是最終能過患難的伴侶
感情 , 一旦一方己經變質 , 不想再去維繫 , 強求也冇用
都係果句 , 對自己好d

98686534

我跟你好相似,我係2005年1月24日開始到現在拍拖4年零4個月分手
同病相憐吧
我認識她的時候是中四那年
那時我經而追過她,但追不到
中四後過了6年時間我們在街上見返面我再追她追了一個月便一起了
在一起的4年零4個月裡我們一起有開心有唔開心
也試過分身數次,但次次我都能哄回她
但今次在沒有任何事發生的情況下
她提出了分手,
今次是真的結束了這一段情
我不知我還能做什麼
我現在只可以在這裡大說大哭一場
但又怎樣,我真的接受不了
我快也支撐不了
心在想,現在誰能教我一下我能怎樣
她的家人,朋友叫我不要太著意
但可以嗎,我絕對做不到
我愛她,我真的好好好愛她
接著我也不知道我能做什麼
我不能告訴家人知,只有自己一人在撐
天丫,你還在看什麼,為何你還不伸出你的手
我在等
等什麼,連我自己也不太知道.......................心中尚有千言萬語,就讓它留在心底裡

流川楓～

我今日都同你們一樣了...

前幾天因為小小問題嘈交了
但都因為這樣她不再跟我和好,,,
我問佢點解? 佢話可能係淡左可能唔係,,
我話淡左就可以就咁放棄長久既愛?
佢話 時間會沖淡一切,,人係會變  一齊總會有離別既時候..
叫我好好照顧自己.. 要諗都諗回憶..我是她的最愛  一生都會記住我..
但我都係唔捨得佢..太突言了...我完全沒有準備..
我挽留了很耐,,佢叫我俾d時間大家..
一路傾大家一路喊..
但最後又叫我唔好 迫佢做到咁絕
,,,我果時e經冇言了
我知道這段感情 沒有了,,她不再是我的

她給我明白了 真正咁去愛1個人..又給我明白失去至愛的感覺,,真的好難受

暗邪絕雲

原來好多兄弟都係咁
被一句 "no feeling , change "
傷害緊


各位加油^^
雖然佢同我講話短期內都唔會見我
佢唔想大家都難受
患得患失既感覺，只會痛苦

佢唔理你又辛苦，佢理你又好似有機會復合咁

但我已經選擇了
我選擇我會繼續愛她
如果只因為這點痛苦
就選擇放低
那就不要說以後能跟他一生一世了

愛情總會經歷小風波
經不起考驗的愛情
不會值得你去回味

小熊~wing

好似突然多左好多人因為呢個原因而失戀
唔知提出既係男仔多..定係女仔多呢...........

唔知係咪仲未接受到..所以呢幾日都仲係避緊.....
每日同屋企人睇完電視就即刻沖涼訓教.....
比以前早訓..但係反而仲唔夠訓過以前

暫時都仲未同屋企人講..只係得2,3個朋友知....
所以正如98686534咁...對住屋企人就自己一個撐緊~

又係一個自己一廂情願既諗法啦..
驚講左之後有機會一齊返..到時屋企人對佢就有個唔好既印象.....
所以都係等過多排先講吧..起碼等自己心情可以平伏...能夠冷靜咁講得出先吧........
自己太眼淺...一陣講到喊哂口既話屋企人一定以後都唔鍾意佢....
唯有繼續撐住先....

我都希望可以一直繼續自己既堅持...因為我都深信你最後果句~
愛情總會經歷小風波
經不起考驗的愛情
不會值得你去回味

暗邪絕雲

原帖由 小熊~wing 於 2009-6-24 11:50 AM 發表
好似突然多左好多人因為呢個原因而失戀
唔知提出既係男仔多..定係女仔多呢...........

唔知係咪仲未接受到..所以呢幾日都仲係避緊.....
每日同屋企人睇完電視就即刻沖涼訓教.....
比以前早訓..但係反 ...

我屋企人都未知...
最近佢日日同我傾計
不過好似朋友咁囉...
但唔緊要  好過佢避我
我依家唯一可以做既係
努力工作...改變自己
以前既野唔諗嚕...要比佢重新認識一個 改變左既"我"
到個陣先再追返佢

小熊~wing

原帖由 暗邪絕雲 於 2009-6-24 11:17 PM 發表


我屋企人都未知...
最近佢日日同我傾計
不過好似朋友咁囉...
但唔緊要  好過佢避我
我依家唯一可以做既係
努力工作...改變自己
以前既野唔諗嚕...要比佢重新認識一個 改變左既"我"
到個陣先再追返佢

有時真係唔知點同屋企人開口好...唯有等件事淡ｄ先~

有得傾下計, 至少俾你知道下佢既近況都好既.....
由朋友關係開始再重新認識下佢..重新了解下佢....岩時機既時候再次出手

話咁快就一個禮拜嚕....我都唔知佢有冇避緊我...
因為上星期四佢開口果日..我就再冇打過俾佢.....見佢Msn冇On過~
佢身體一向唔多好..月頭先胃炎入左急症....唔知佢係避緊我,太忙,定係病左.......
其實好想知...但係打去都唔知講咩好嚕......
之前間唔中都會寫封信俾佢..不過佢唔會回信的...可能男仔唔似女仔咁麻煩啦...日日傾電話都仲要寫信~
今次寫左一封好多頁紙既信...搵個星期六放工的起心肝入去放落佢信箱吧~