有冇人可以幫幫我 /_\ 我都唔知點做好...

朗朗老婆!!

我鍾意左個女仔
個女仔又鍾意我
但佢已經有男朋友
因為佢依加個男友對佢都幾衰下
eg 唔比佢出有異性既活動

所以我叫佢唔好要佢
同我一齊
但佢又唔捨得
我依加都唔知點好...
搵高手教教我..
唔該曬>"<

雲吞餃

點解要叫人分手?
寧教人打仔,莫教人分妻..
你未聽過麽?

[ 本帖最後由 雲吞餃 於 10-7-30 07:50 PM 編輯 ]

loveyoujj520

原帖由 雲吞餃 於 10-7-30 19:49 發表
點解要叫人分手?
寧教人打仔,莫教人分妻..
你未聽過麽?

好激動下wo你
樓主你呢d唔係愛~係自私既表現啦
你同個女仔偷情都好過叫佢分手啦
好地地叫人分手~呢種行為好唔要得
你同條女去偷食我都唔會怪你丫~  但你叫條女為左同你一齊就分手~
如果我識你  你既下場唔會好過

[ 本帖最後由 loveyoujj520 於 10-7-30 08:16 PM 編輯 ]

朗朗老婆!!

我知道糾人長腳係唔岩
但係我知佢男友對佢係幾差的
例,成日唔守信用
唔係陣係我話
係佢朋友個個都係咁講

個女既成日比個男整到喊
我唔想見到佢再係咁落去
咁既然我又鍾意佢,又唔想佢傷心
我覺得我同佢一齊會比到開心佢
我自問係個對愛情絕對專一既人黎
但冇拍過施...

benny

愛不一定擁有,同情不是借口
愛情令人麻木,屬於你情我願
你既角色唔係要佔有呢個女仔,而係應該去關心開解呢個女仔,你應該係係佢唔開心時候聽佢傾訴,幫助佢走出麻木既個一方面,而唔係叫人分手,你應該係令佢自行去判斷,究竟佢自己為咩唔肯離開個個男仔呢?要佢自己去諗同分析~仲有,好多人認為自己鐘意既人同自己拍拖係一定會開心,但係,又有無真真正正諗過拍拖後既問題呢?如:經濟負擔(行街睇戲各種費用),時間分配,雙手既性格等等,而且,愛一個人唔係在乎佢係唔係"屬於你"/"你擁有",而係細水長流無言付出不問收獲,咁做先叫真正愛一個人

ps:樓主既狀態只看到你係好希望得到愛情,因為未試過,但亦要幻想下分手後既痛苦,因為現今初戀真係無幾多個可以走到老(唔係花心問題,係各種外來因素既問題)

[ 本帖最後由 benny 於 10-7-30 10:22 PM 編輯 ]

朗朗老婆!!

我同佢講過
我唔係因為同情佢先鍾意佢
同埋我係愛佢
唔係鍾意既地步了

loveyoujj520

你唔好亂話係愛佢~

呢個世界上個個都話愛愛愛~有幾多個真係分得清咩係鐘意咩係愛

同埋你有冇諗過個女仔分左手同你係埋一齊佢會好痛苦架
分左手就同你係埋一齊~咁人地唔會話你~係話個女仔
個女仔受既苦比架下既仲多
有好多人都話愛你愛咩~但有幾多個真係做到丫
好多人只係當鐘意做愛~但愛唔係我地諗得咁簡單架

你架下只可以用朋友既身分同佢傾~如果你真係咁關心佢既~
點解唔搵佢男朋友傾下呢~可能你同佢男朋友講左 人地會改呢
你唔單至唔同人地男朋友講下~仲叫人分手 ~我唔覺得呢D係愛LO
係自私LO~你問心一句 你心入邊真係冇諗過同佢係埋一齊?冇諗過叫佢分手同你一齊

D人成日話愛~係床上邊咪愛LO~大多數人都係咁架啦
請分清楚咩係愛咩係鐘意~唔係你話係愛就係愛架

朗朗老婆!!

我又冇主動叫佢分手同我一齊
我都係諗住若果佢地真係分開左
之後我同佢都會係朋友 比個空間佢先
因為佢男友真係對佢好差
我唔忍心再比佢同個女行埋一齊
同埋我拍施唔係為左sex
我陣係想有個伴
開開心心咁
我為左佢可以改任何野

loveyoujj520

我想講唔比佢出有異性既活動
呢樣野有幾衰?假如你係個男仔
你都唔想你女朋友成日係第D男仔身邊啦
唔好咁早就話我會為佢改咩咩咩~到時做唔到只會變謊言

[ 本帖最後由 loveyoujj520 於 10-7-31 01:38 AM 編輯 ]

朗朗老婆!!

唔比佢出有異性既活動
已經將佢個社交活動減細好多
情侶更本唔應該咁樣
我未見過lo...
仲要係只係女仔先要守
男就唔洗

雲吞餃

原帖由 朗朗老婆!! 於 10-7-31 01:41 AM 發表
唔比佢出有異性既活動
已經將佢個社交活動減細好多
情侶更本唔應該咁樣
我未見過lo...
仲要係只係女仔先要守
男就唔洗

呢種情況見人見智...
更何況...佢地私人事...佢地自行處理...
試下將心比己.
你同你女友嘈緊架...冷戰期間...比你知道原來有另一個男仔"教唆"你女友
你會點

uncle_wai

-                        你未等下lor,考驗下你丫ma

朗朗老婆!!

其實佢地2個如果係真心一齊
女既點會鍾意其他男仔

糗豪

我諗樓主誤會左
好多女仔都有甘既心態..
個男仔對佢差但係佢仲唔肯同佢分手姐係佢仲係好愛佢
佢為個男仔喊姐係佢好在意男仔點對佢
總結,個女仔係真心愛個男仔,唔理佢對佢幾差都好
我諗你所講個女仔鐘意只係個女仔覺得你對佢好但係佢唔係真係愛你
衰D都要講佢只係當你係水泡
但係水泡唔一定唔成功
你默默係背後為佢做事關心佢我諗可能你會有機會

神手一個

點解你地個個都要話樓主自私 就算佢係自私 咁又點??????

任何人都有自私ge一面啦 咁自己自私d姐 有錯咩??????

如果係ge話 咁好多人都有錯啦
__________________________________
ps:以上只係個人ge小小意見 不喜勿插

a1213829

樓主 你要諗清楚d 因為就算你地真係愛大家 都唔一定長久 拍拖之後會有太多問題 你到個時只會覺得 分開可能係最好 當大家思想 經濟 方面都好既時候 我覺得先係拍拖既時間
P.s 可能我唔知點用文字黎講

朗朗老婆!!

你講得好岩
我依加只可以用朋友身份關心佢
盡量做到最好
但求一個機會
我知道佢地成日因小事就吵架

matthew124

冇錯,佢對你愛人好衰
但係你諗下
佢對佢咁衰,佢又話中意你
但係佢又冇同條仔分手
咁就証明你同佢一齊都冇得私有化佢LA
咁你都肯?

朗朗老婆!!

佢話唔捨得
拍左1年半到

matthew124

原帖由 朗朗老婆!! 於 10-8-1 11:45 AM 發表
佢話唔捨得
拍左1年半到

咁就代表佢個心根本未定
+上,佢有條仔都咁易中意第個(姐係你)
唔排除遲d佢同你一齊個陣,又會中意第個

岩岩睇左個post
女仔愛既時候會好感性
唔愛既時候就可以好狠
佢會唔捨得,其實都姐係代表佢仲中意條仔
(p.s 我建議你有定心理準備,即使佢同條仔分手,佢都未必會愛你一世)