- 閱讀權限
- 40
- 最後登錄
- 11-10-13
- 精華
- 0
- UID
- 241256
- 帖子
- 904
- 積分
- 1170
- 註冊時間
- 04-8-8
- 在線時間
- 162 小時
- UID
- 241256
- 帖子
- 904
- 積分
- 1170
- Good
- 29
- 註冊時間
- 04-8-8
- 在線時間
- 162 小時
|
恭賀GAMECYBER首屆「夢之領域」研討會完滿結束﹗以下為研討會時序記錄
(寫錯左既情況,請各位留名指出,我會進行修正)
2:00 陽光網絡開啟四行台椅啟動「夢之領域」程式於桌面等待玩家到場,
GAMECYBER的人員坐在第二行用膳,向他們詢問時,他們表示你們可以
等等,因為負責的同事行開左,玩家可以隨意坐下,打開遊戲自娛,非常
自由。
2:17 GAMECYBER有4位或以上同事(全部便服,好難介定他們是職員還是玩
家) 宣佈︰「各位玩家可以來這裡簽名,確認到場,並且可以拿取一張意
見紙回去填寫一條問題,我們會在這些便條紙上抽籤選出問題向韓國開發
商作出題問,另外還有一張貼紙及5張陽光網絡的1小時免費上網贈卷及
1張抽OB虛寶的抽獎卷給各位玩家。」
2:19 各到場玩家排隊搵返自己個名,然後佢加 「剔」及派發5張陽光網絡1小
時贈卷、1張抽獎卷、1張貼紙、1張問題紙。各玩家拿取後,回自己坐位
打機。
2:31 GAMECYBER繼續向玩家表示︰「每人每張問卷只可以填一個問題,沒有
筆既人士可向我們借筆填寫,唔好忘記係抽獎卷上填返自己的E-MAIL、帳
號資料,然後最後交返比我地,先有機會抽到OB虛寶。都係新手會用既物
品,唔好錯過。」
各玩家有些收到筆後開始填寫,有些玩家則和朋友談論「只限問一個問題,
仲要係佢地抽喎,敢寫黎有咩用?」而有些玩家則繼續打開「夢領」黎玩。
2:40 有玩家開始向GAMECYBER職員詢問「幾時開始研討會架?個開發人員去
左邊?」而其他有部份玩家開始於GAME入面聚集在路爾斯城影合照及等
待開發人員進場。
GAMECYBER沒有正式向全部人公佈,只對某幾個上前詢問的玩家作出
如下回覆「依家等緊個程式開發人員,他現時未到場」
在這期間,有些玩家離坐自行傾談,有些玩家又和GAMECYBER人員傾
計,有些玩家如我等,坐在吧台上打開夢領邊遊戲邊等待。
3:00 又有玩家問GAMECYBER繼續問「究竟幾時個程式人員會幾時會到?已經
開始左成個鐘,唔係叫我地黎打機丫嘛?」GAMECYBER人員仍然是沒有
向全部玩家公佈,只對詢問玩家回應「等多15~20分鐘就會到。」
此時有些玩家已對GAMECYBER的安排有所異議,私底下傾談的內容大
部份是對他們沒有妥善安排研討會程序及延遲開會又沒人出來交代清楚等
問題議論紛紛。
3:17 韓國開發人員到場,GAMECYBER拉出四張椅出來給他們坐,並向所有玩
家宣佈開始研討會,所有玩家只可在外圍以U型排列或企或站或留於吧台
上聽他們演講
演溝內容沒有詳細記錄,由於本人是坐在第三行的吧台邊聽他們講邊和夢
領的朋友談天報告程況,所以沒有做筆錄,大致發生的情序如下︰
1 歡迎開發人員到臨
2 感謝各玩家到場
3 然後各位玩家鼓掌。
4 韓國程式開發人員男A發表韓語演講,大約2分鐘,(唔識韓文,翻譯唔到)
5 GAMECYBER職員解說,內容都係感謝各方之類。
6 韓國程式開發人員女B發表韓語演講,幾句。
7 GAMECYBER職員解說
8 GAMECYER職員宣佈進入回答問題環節
9 GAMECYER職員拎出問題開始自問自答環節。
今日第一個問題係cd技能時間,佢既答覆係"因為韓國然究過多數玩家只會用死一兩
個技能,其他技能就少用左。佢地希望玩家係cd其中一個技時…你想連落去就要去按
其他技!讓角色能夠全部技都會用,可以組合更多玩法出來!" (terukit提供)
10 GAMECYER職員自問自答完第一題後。
WIN神有即時大聲問︰「想請問一下原廠開發團隊到底清不清楚神領原有特色是甚麼?
如果清楚,為什麼要將其完全改變,令其與現時市面遊戲同化? 在市面上所有同類型遊戲都
只有大概4~6個月的壽命, 你們認為有甚麼方法可以保證新版的神之領域的系統能與現代
網遊競爭? (WN神補充資料)
然後個mc GAMECYER職員連翻譯都無問就直接話:
「現在這個環節不設即埸提問」
就跳過問題 (WN神補充資料)
然後冰龍就問可唔可以同開發人員直接用英文對話gc員工表示開發人員不懂英文
由於冰龍本身是程式設計,認為開發遊戲不懂英文是荒謬的因為直接以簡單英語徇問開發人員
can you speak english? (WN神補充資料)
HK2靈云 說:
開發程式員唔識講英文..
而開發人員似乎真係唔太明
輕輕搖頭
11 肥佬(WIN神)︰「而我一直逗留到第4條問題之後
因為冰龍話走
我話俾左份問卷結果開發商d人先
之後就拎左中/英2個版本俾佢地
但係英文版本有問題
於是有一位紫衫gc員工拎左一隻usb手指俾我
用黎過d 問卷資料俾佢
我同事亦將一早預備既資料及問題copy俾佢地
然後就同果位員工傾果十條問題係咩
之後就係你地聽到既問佢拎員工no~email~電話之類~ (WN神補充資料)
12 肥佬(WIN神)及某幾個站於演講台前方的玩家即時向他們表示,「這些問題
比你們選擇過發問,完全無意義,點解唔比我地即場發問呢?」
13 然後,肥佬(WIN神)被GAMECYER人員邀請到牆壁邊,有關GAMECYBER
人員對WIN神表示,可以幫他記錄10條問題,然後回去慢慢研究及回答,
他們二個單獨傾談,沒有看見什麼不快場面。
14 GAMECYER職員拎出其中一條問題是有玩家問「可唔可以把畫面做成
16:9」,回答係「可以返去研究」
幻法=咸濕=青兒︰「有人聽到問題係「可唔可以把畫面做成16:9」時大聲問道「條咁低能既問題邊個問架!係咪你,係咪你?」再同GC人員講「我地無人問D咁低能既問題」其實個條咁低能問題係我問既! (幻法=咸濕=青兒補充資料)
15 GAMECYER職員拎出其中一條問題是有玩家問「唔可以售賣混水?」
GAMECYBER講完之後即時問返在場玩家「咩叫混水?」
16 WIN神︰同埋佢問「咩係混水」既時候 係響問答大會之前佢響度揀緊d問題然後問旁邊一名玩家~「咩係混水」 (WN神補充資料)
17 GAMECYER職員拎出其中一條問題是有玩家問「點解會有CD時間?可唔
可以取消?」
GAMECYBER職員回答「係因為要配合返新系統,而且現時玩家的血量會
加五倍,相對到藥水有CD,可以減少玩家過份爆水做成浪費,相信對遊戲
無影響。」
18 有某些玩家私底下傾談關於對GAMECYBER的不滿,並相約即場停止打開
夢領遊戲,轉而打開「信長」遊戲玩耍。
19 GAMECYER職員拎出其中一條問題是有玩家問「點解技能會有CD時間」
GAMECYBER職員回答「係因為現時增加了很多新的既技能,係舊版從未
出現過,為左配合這些技能,所以某些技能要設定長一點的CD時間,而以
前舊版亦都有技能內置了CD時間,只係無顯示出黎?」
20 有接近5成玩家開始關閉夢領遊戲,並表示這個研討會再開下去沒有作用,
並相約詢問「不如一齊走,返去打機好過。」
21 GAMECYER職員見各人關閉遊戲想走,即時說︰「各位手上仍有抽獎卷,
如果想抽獎的人,請等到最後時把抽獎卷交給我們,介時抽中的虛寶都係
岩大家新手使用的裝備。對大家都會有些幫助。」
22 AMECYER職員拎出其中一條問題是有玩家問「點解日版及韓版都沒有
技能樹」
GAMECYER職員回答「這是最新系統,日韓尚未推出」
有玩家即場追問「敢點解佢地可以唔用,而卻要我們香港人先做白老鼠?」
GAMECYER職員回應「我們現時只提供抽籤問題的解答,係唔可以追問
既?」
有某些玩家即時在原地表示「又唔比我地發問,每人只可填一條問題黎抽
籤,抽問題又只由你地來抽,追問又會唔得,敢樣開呢個會黎做咩?」
(注︰以上問答程況發生時,WIN神仍然和哪位邀請他的GAMECYBER職員站在牆邊討論那10條要反映的問題,沒有參與。)
23 有接近7成玩家已經離坐,並關閉電腦各自各交談。
24 GAMECYER職員繼續講左一個問題同自答,我無留意佢講乜啦﹗
25 GAMECYER職員在圍繞韓國研發人員的情況下,離開演講台,走入陽光
網絡後房,舉行記者咨詢。
4:30 GAMECYER職員、記者和韓國研發人員在房內舉行記者採訪
4:31 GAMECYER職員向各玩家表示要收集抽獎卷及派發「榮譽證書」
4:45 WIN神及大約2~3個玩家站於房門外向GAMECYER男職員查詢可否直
接和韓國人員於採訪後交談幾句。GAMECYER男職員表示未知是否夠時
間。
WIN神開始問,可否取得韓國開發人員的聯絡e-mail
GAMECYER男職員表示「韓國官網上有寫」
4:53 GAMECYER女職員忽然走過來說明白我們對新版同舊版的不同有不習慣
的情況,並邀請WIN神及其他玩家走進另外一間尾房討論,以便她可以
收集大家意見向公司反映。於是WIN神開始招呼其他玩家進入尾房。
4:54 陽光網絡肥既男職員,無著制服,忽然從服務台(距離尾房有大約20~30
米之遙,亦相信他無法以此距離領聽到GAMECYER女職員同WIN神傾
談的內容),其人大聲呼喝︰「邊個比你地入呢間房?邊個?」
GAMECYER男職員2回答︰「我比既﹗」
陽光網絡肥既男職員無制服︰「你比架嘛﹗你認頭就得啦﹗」
GAMECYER女職員向在場玩家表示︰「我地只能借用10分鐘,10分
鐘傾完好出返黎啦﹗麻煩你地快手少少,我收集完D問題先反映比公司
聽。」所有玩家表示同意,迅速進入。
4:56 GAMECYER女職員及2個男職員在場,和WIN神討論
WIN神問GAMECYER女職員︰「你地開呢個會黎做乜野?又唔比人問
野,你地究竟知唔知我地敢多舊玩家既訴求係D咩野?你地話你地有收
到幾千張意見書,你地發現D乜野?知唔知我地既訴求係D乜野?」
GAMECYER男職員啞口無言
GAMECYER女職員表示︰「我地明白你地既不滿係因為版本問題。」
5:02 有4個警察衝入由GAMECYER男女職員安排給我們作討論的房間。並
且唔准所有人離開。全部房內玩家此時才明白,他們要我們進房內10
分鐘,其實就係比時間D警察,等警察上黎唔比我地離開間房
5:05 警察叫 GAMECYER男女職員先離開,到外面,而且唔準所有在房內的
玩家離開。但所有玩家都很錯愕,完全不明白何解會報警,並且叫警察
到來。
5:15 警察向在房內玩家表示,他們前來是因為有人向他們報警如下︰「有人
阻礙他們離開」(但當警察到場時,其實所有GAMECYER的活動,包括
進了尾房在給記者採訪的韓國開發人員訪問仍然是未完結,他們亦未開
始離開。)
5:20 警察表示此研討會是GAMECYER開的,他們有權提早終止。
各玩家表示,正確結束時間係6:00PM,而且直到現時也沒有收到他們明
確表示已經終止了有關研討會。
玩家表示他們只是和平到地GAMECYER職員傾談,亦沒有強迫他們傾
談,傾談中沒有不禮貌,更沒有發過粗言,而且完全是他們邀請我們進
入這間尾房2室傾談反映事宜,完全不明白有什麼原因會導致他們報警。
警察表會去了解一下。
5:21 韓國開發人員及記者離開了尾房,步向電梯。
5:22 有一個警察了解完回來表示︰「GAMECYER的職員說有關活動仍未完
結,各玩家仍然可以在此逗留,直到活動終結。」
警察表示︰「希望可以盡快解決問題,比大家出返去玩。」
5:25 WIN神及留於房內的玩家繼續向警察查詢,何解報警,誰人報警。但警
察表示「由於是執法期間,我們是不會透露。」
5:31 警察向房內玩家表示,調查結束,亦不發現有不法行為,或有任何人士
有不良行為。所以可讓各玩家繼續去玩或選擇離開。
各玩家表示搞到敢樣,係唔會再玩。
5:45 各人坐電梯或行樓梯離去。
[ 本帖最後由 三藏 於 11-4-18 02:00 AM 編輯 ] |
-
總評分:
威望 + 15
Good + 18
查看全部評分
|