[活動]武士被動技的小小心得(第一次發文..)

ericcho123

武士係哩隻GAME既坦職,所以大家最好都係唔好對武士做打手抱有太大期望啦...
當然哩個世界有錢就無敵,你衝個+12紫武出黎我都吹你唔脹...
不過正常玩家相比要下,人地降蠱,陰陽殺怪速度差唔多係武士三倍...

好啦,入正題
做一個坦,緊係拎住個盾周街走架啦...
然後你就會見到哩隻GAME有個格檔出現,再睇下隻姿勢:
「哇,加咁多格檔,咁我再衝高小小格檔未無敵??」
絕對係錯既,小弟衝到六百幾格檔,同未衝過之前相比
格檔機率係極度相近既,所以最好唔係對格檔咁大期望啦.....

咁坦應該學咩技呢??
哩隻GAME係唔使驚OT既,只要招技中到係一定唔會OT既,因為招招技附加仇恨都極高..
留心小小會見到我講「只要中到」
哩句話係好有意思架,因為哩隻GAME既坦唔學加命中技係唔過一百命中架..
之後你去打27副都可能已經覺得成日坦唔中隻怪,所以小弟認為做坦要加下命中
至於加幾多就見仁見智啦,因為小弟二百幾命中都係間唔中打唔中怪的

重點黎啦,哩隻GAME有樣野係好得意既
就係唔學被動技下,坦同打手血量係極度相近的
如果唔拎盾,拎雙劍/巨劍,防都會同打手相近
所以哩隻GAME,血同防係必須必須衝的
而小弟認為衝血係比衝防重要好多,因為防可以靠衝裝,仲可以靠元靈招技同姿勢
但係血呢??得被動技同神通(根骨)可以衝
而且40LV副困難,最少加完BUFF都要有7千血先打得
但係你唔衝血既話,加完BUFF都係得5千幾
所以血一定要衝得好高好高

[ 本帖最後由 ericcho123 於 11-5-19 05:13 PM 編輯 ]