解決話題問題(雜錦)

☆可兒☆

近來~~ 見到有會員都問 [ 如何進行話題既問題 ]
有見及此... 找回一些帖子來整理 及 進行新標題
希望幫到大家~!!

I.  現成的解決[聰明靈活的執生]
    ( by MANDY ) + ( by 紫靈姬 )

II. 由根本做起   
    ( by ☆可兒☆ )

III 談話技巧 ( BY kuen22382 )


IV 由心理開始  ( by ~傳說中的傻仔︻ )



I.現成的解決[聰明靈活的執生]

   搵話題既方法有以下幾點:

1.問佢最近生活情況...因為佢講緊時你又可以加插下自己的生活情況去同佢對照下..或講下意見咁..
  所以就算每日問一次都可以傾到幾廿分鐘.

2.搵佢的興趣同佢傾..因為係佢興趣..所以佢會特別傾得落力同專心..而且會對你印象更深刻(如果你唔知佢興趣時.你又可以問下佢當係話題)

3.如果讀緊書又可以問下功課上的問題(當然可能某些人會唔多鐘意人地問佢功課上問題,所以就要睇返佢既性格方面)

4.得明果陣可以讚下佢既優點同講下笑話咁HEA時間(你做呢樣野分分鐘令佢覺得你幾好,有意外收獲)

5.留意最近有咩電影,娛樂野,電視劇等等,令到你同佢可以大大增加交流溝通既機會,好有效的.

最主要係為其實好多野都要睇情況而定..唔可以照辦轉換...你試多些就會有經驗嫁啦..

記得係要去做去試..咁先係成功既一大步!!

我祝福祝樓主你盡快掌握技巧,成功等緊你的,加油!!   ( by MANDY )




千祈唔好認為自己本身就係咁就理所當然
一定要改變自己呢個個性

其實兩個人溝通都係不外乎日常生活中所發生既事
又或者你鐘意聽咩類型歌 rap r&b 舒情歌 英文 日文 國語 粵語
如果你都鐘意睇戲
可以去睇喜戲,愛情或者恐怖片 睇完講返劇情好笑位驚嚇位感動位
再講下曾經睇過類似呢類型既戲 問下佢有咩好介紹呀
偶像劇女仔都會鐘意 不妨可以試下 問下佢
而家仲有facebook game 你都可以同你女朋友一齊玩下
你真係鐘意對方你就會願意去嘗試了 加油!                ( by 紫靈姬 )



II. 由根本做起   
   

其實一段感情 帶有平淡感 某程度上之正常的


我說的 只是 "某程度"!!  


因為 一般人的生活 都是 平淡   日出而作 日落而息 枯燥乏味..
所以 亦令有很人 將 所謂 精彩 "誤"化入為 愛情當中 或是 放縱當中...

試想一想...
你本身的生活 是 枯燥的
大家都是一樣的枯燥..
話題 自然也會枯燥...

為什麼 有些人 會 喜歡 當 義工 呢~~
其實也是除了想幫忙..消閒..
在枯燥的日子中 也會增添非枯燥的 "內容"!

為什麼 人要找 嗜好呢???
除了 消閒....也是 因為 要找"內容"!!

為什麼 有些人 喜歡 睇書呢? (各類的書籍都會嘗試去看)
因為除左想吸收各種知識..消閒...
一樣 也是 找"內容"


^^ 好了... 你可有奇怪為什麼 我只是 強調 "內容"!

其實 我想說的 不是 談話內容....

而是 你人生的內容!!!!

一個人的 人生內容多  自然 談話內容也多 也較多元化.. 不會來來去去都是那一套!!


但....
你可能覺得 我說了 好像沒有說的一樣..^^" 其實我說的是鐵一般的事實!


不過... 上述的...是能幫你 廣結人緣.. 而非真正充份 應付伴侶間的 那一種..



我看見的.. 觀察得來的..

一對 有共同嗜好/興趣..的 情侶
這種現象 比一般情侶 是出現的 少很多~

所以.. 你可嘗試  帶你的伴侶 去認識你的樂趣/嗜好
或是 參與 他/她 的  樂趣/嗜好
從而增加 親密感/  話題  / "內容"


如果  你跟他/她  本就是沒有嗜好或其他樂趣  
當前急務的.....就是要去找!!
或 尋找新樂趣  共同參與 ! 在生活上加添 新火花!
從何而找... 上述的上半部已說了!!
^^" 要是這樣說了   你也提不起"找"的動力
那麼 你要好好的去克服 你的"惰性"           ( by ☆可兒☆ )



III  談話技巧   ( by kuen22382 )

內容:  請前往 #5



IV  由心理開始

^_^ 因 傻仔會員 的 溝通篇 多以由心理著手  所以 分類成 心理篇

另外 因  結合而成一篇帖 篇幅太長  導致不能顯示~!!

故此 奉上  傻仔會員的 溝通篇  連結一條..  大家可以click進看看~

http://www.2000fun.com/bbs/viewthread.php?tid=3895257&highlight

[ 本帖最後由 ☆可兒☆ 於 10-6-24 06:03 PM 編輯 ]

~傳說中的傻仔︻

想不到之前既POST都比可兒姐搵番出黎@.@

不過而家既年青人成日都為左話題而感到煩惱  都希望佢地真係可以睇哂上面既建議

年青人呀!!!  真係有用架- -  唔好以為拍拖追女仔無技巧...真係有技巧架...

☆可兒☆

^_^     近來上返來  都好少見到你出帖~

〝Ｋ．Ｃ◎可樂

其實我覺得將心比心就會有好多野可以講...我同我之前果個一日傾24個鐘都唔夠..但係再之前果個因為一齊做野一齊住(差冇幾佢一星期有6日都係我到)真係冇咩野好講但係又唔會唔自在~講野有技巧同埋真係要留意身邊既人同事~

☆可兒☆

( BY kuen22382 )

對住個女仔成日dead air，又諗唔到話題，點算呀？

作為過來人
我都知冇話題都其實幾煩
尤其係有d女仔對住fd就多多野講
對住你就靜晒



於是你就諗：
死喇，佢會唔會覺得我好悶呢
佢會唔會唔想同我講野呢
佢會唔會咩咩咩呢
越諗呢d，就越緊張，於是就越諗唔到話題



dead air...

直至感覺好似過左兩個鐘之後
突然電話響
原來係佢個fd打俾佢
於是佢又變返多多野講
你就繼續坐o係度諗緊你自己係咪真係咁悶



信我啦
呢d經驗好多人都試過



其實冇野講，最直接解決辦法就係問問題
多d問問題，等女仔自由發揮
只要你揀o岩話題，d女仔就會講到停唔到口
同時你亦可以順便認識個女仔多d
咁當然你梗係想問，咁問咩問題好呀？

答案係：你自己留意下一班女仔圍埋會講d乜
例如廿幾歲 OL可能會講下買衫，講下電視劇，講下邊度d野好食咁

咁你就可以從呢d落手


買衫：你可以問下佢地覺得男人著咩衫最型最好睇


電視：我個人就唔睇電視，所以都係講電影多。電影最簡單，你就算冇睇過，

上去yahoo電影睇下影評，你已經可以話「聽人講o個齣乜乜乜好似幾好睇wor。」

當然打開話題o個句都係：「喂近排有咩戲好睇呀？」

如果佢有野講，就keep住問，到佢冇野講你先用你o既預設對白。


食野：問佢「如果要你揀全香港最最最好食o既三樣野會係乜？」

又或者就咁問下你要約阿媽慶祝母親節但係唔知食乜好，又得。

最後一招：
當你對住女仔諗唔到話題
你咪直接同佢講
呀我發覺你地女仔圍埋硬係咁多野講
其實你地有咩話題可以傾極都傾唔完呢？

當然開左話題都仲未得
你唔會想佢答你兩句之後
dead air 又再出現
所以你要知道點樣延續一段對話



延續對話o既重點，在於聆聽
每問一個問題，就聽真對方答d乜，然後追問
例如你問開佢鍾意食乜
你咪可以問埋邊度有得食呀、貴唔貴呀、點解咁鍾意呀、

佢係咪成日食呀之類之類，然後可能後加d你自己o既意見



當然有時緊張得滯一片空白
連追問都唔識追問，咁點算？



等我教你一招終極絕招
呢招唔使用腦，任何情況都用得，仲要o係同一個女仔身上出好多次都得，
絕對係名乎其實咁終極



呢招就係：重覆

無論佢答乜野，你只需要重覆佢最尾幾個字，就變成下一條問題。



舉個例：
你問佢：喂近排有咩戲好睇呀？
佢：唔...天煞撞正怪怪獸啦
你：天煞撞正怪怪獸？
佢：係呀，o個齣卡通呢，有陳慧琳配音ga
你：陳慧琳？
佢：係呀佢配得好搞笑，齣戲勁多爛gag位
你：爛gag位？


咁當然，連續出兩三次已經好終極
唔該你o係佢三個答案之內搵d野講下

如果唔係你就變左機械人


例如佢話陳慧琳
你可以話「陳慧琳都識配音ga咩」，

或者「陳慧琳係咪話生仔？」（跟住轉過去結婚生仔話題）之類


今期主題係：點先可以大膽d？

唔知點解大家好似識大家咁
每次有人問一條問題，就會有多十個人一齊問
今次最多人問o既問題係：
成日對住d靚女都餚晒底
唔好話去識佢啦，連望佢都唔敢
咁點算？

對於呢個咁多人都有o既問題
其實有幾個簡單方法去應付

一. 視線練習

你要練習同女仔保持互望，一路唔移開視線
正常怕醜o既男仔一定係唔敢一路望住女仔唔放
你要練到即使對方望住你，你都要望住佢唔放，直至佢移開視線先

呢個練習周圍都練得，等緊車又得，食緊野又得
如果練成，咁你起碼掌握到面對面溝女一個重點：眼神接觸

二. 靚女都係女仔一個

除左練習，你亦都需要開始改變心態
主要就係，唔好當靚女有咩特別
要知道佢就算靚，其實都只係一個女仔
佢對住你其實都好緊張，佢都想個個都鍾意自己，
佢都好需要你認同

[ 本帖最後由 ☆可兒☆ 於 10-6-24 06:04 PM 編輯 ]

loveyoujj520

回下當支持

☆可兒☆

原帖由 loveyoujj520 於 10-6-24 18:32 發表
回下當支持

THX >3<"

支持呢個POST  =  支持各位大大~

我都係統一佢地既文章  為一大標題而已~!!

你好-6呀!

正呀,,學左唔少野