[重要] 關於ROLL裝的禮儀

小小赤

先說了，這是在有類似這種ROLL裝系統的線上遊戲中通行全世界的「基本禮貌」
跟可不可以隨時轉職沒有關係~ 因為別的遊戲一樣可以
跟以後有沒有用沒有關係，因為設計上其實 已經照顧了 可能以後有用的人。
說白了，這是WOW中不成文的規定，是為了讓大家能公平地分享副本中的成果，而定下的。
這些規則是「世界通行」的，但願不會只有香港人打機特別冇品吧。

1. Roll 裝時，根據你自己的職業，只能「需求」與自己職業相乎的裝備。
※ 解釋：這是讓職業相乎的人，能有優先權獲得有需要的裝備。

2. 當你現時的使用職業不乎合 (例 - 你用補師，但出的是坦裝時)；或該物品屬性與你的職業性質不乎時 (例 - 出把法師杖，但+精+治療量，沒有智慧屬性的，也視為補裝)，假如你仍希望獲得這件物品，請選「禮讓」。
※ 解釋：這是為了讓「因為可以隨時轉職」而「有可能日後會有需要」這件裝備的人，在有優先權拿到這件裝備的人放棄優先權的情況下，可以有機會獲得這件裝備而設的。

3. 假如出了乎合你的職業的裝備，但你已經擁有更好的同部位裝備，也就是對你來說這件裝完全沒有用時，請選擇「放棄」。
※ 解釋：同部位的裝，我相信沒有人可以裝兩件 (不計戒指和戰利品啦… 而且這類東西有很多都是「唯一」的，即只能同時裝備一件。)，那麼，有必要為了賣給 NPC 的幾百銀，而去貪一件自己沒有用的裝嗎？請留給可能還有需要的其他人吧。

只要能照著這3點來進行，其實就可以讓整個遊戲的氣氛變好，雖然是不一樣的遊戲，但這些規則是包括歐美和台灣在內，全世界都認同了的「網路禮儀」，難道只有香港人做不到嗎？

希望有更多人支持，讓遊戲氣氛更公平。




最後小小埋怨…
補師…請集中精神補血吧…
求求你們了，你不打怪沒有人會怪你～
打副本時，不補血就別來當補哦！

[ 本帖最後由 小小赤 於 11-1-13 10:27 AM 編輯 ]

影乂花

組隊總就是有這一種麻煩

最好就是出自己朋友的團...或者直接單練還比較快一點吧

condomZz

對於固定單一職業遊戲,我非常認同呢個方法

但係打副本,除左坦,好多時"被迫"轉做遠攻or奶媽
絕非平時玩開既主職,未封頂前,打怪解任時間一定遠遠多過打副本
為左就副本職,要主職冇裝備打怪升級?

隻GAME升級算快,橙裝都係過眼雲煙,抽到都好快要換啦
抽唔到怪自己運氣差,洗唔洗好似有個POST抽唔到上來放狗屁
咁又係咩"禮貌"?上來曬人又要扮正義

當大家封頂,多打副本,正常都會有班朋友打慣左
有默契,自然分裝唔會係太大問題

要玩到咁小心眼,下下根根計較,你不如單刷啦,一定冇人搶到你

小小赤

原帖由 condomZz 於 11-1-13 11:14 AM 發表
對於固定單一職業遊戲,我非常認同呢個方法

但係打副本,除左坦,好多時"被迫"轉做遠攻or奶媽
絕非平時玩開既主職,未封頂前,打怪解任時間一定遠遠多過打副本
為左就副本職,要主職冇裝備打怪升級?

隻GAME升級算快 ...

已經強調唔係單唔單一職業問題，WOW一樣有覆合職業，可以用晒坦補DD裝，但唔會有人咩裝都ROLL
「除左坦,好多時"被迫"轉做遠攻or奶媽」
我想講，到底係邊個迫你? 你可以選擇唔跟果團打副本，等到有團比你出你主職先打吧?
過眼雲煙係冇錯，只係講緊人品問題而已，而家呢種搶裝玩法，冇話唔得，不過係出面大GAME玩家眼中，呢班人係冇品，冇層次既人

SO? 唔通同人地講，YES, WE COME FORM HK, WE ARE SHIT?

BTW, 你講果個POST，入面討論緊件+物防既戰利品，我估你唔會平時SOLO解任著住全身防裝掛?
就算比你玩坦，解任你都會拎返件雙手武換返D+攻裝吧…
你個講法根本就唔成立…我可以理解到你既意思係「為左我自己解任方便，所以可以不計較禮貌」

[ 本帖最後由 小小赤 於 11-1-13 12:20 PM 編輯 ]

柑仔

有得放棄架咩=0=?我只係見到需求同禮讓既

x3x;

原帖由 小小赤 於 11-1-13 10:25 AM 發表
最後小小埋怨…
補師…請集中精神補血吧…
求求你們了，你不打怪沒有人會怪你～
打副本時，不補血就別來當補哦！

絕對同意

小灰。』

原帖由 柑仔 於 11-1-13 12:12 PM 發表
有得放棄架咩=0=?我只係見到需求同禮讓既

有得放棄.
你禁右上角既"x" 就可以了

condomZz

樓主用下你個腦先講啦,"到底係邊個迫你? 你可以選擇唔跟果團打副本，等到有團比你出你主職先打吧?"
咁你都講得出,係人都知打副本最多人組係担同奶媽,你又幾何見唔夠打手?
你不如叫近戰打手唔洗打副本啦?個個不停叫頻組担同奶媽啦?隻GAME自由轉職有咩用?

你要強詞奪理,我一樣可以話,咁到底係邊個迫你or規定,你打副本要同人組?
你自己單刷咪冇人同你搶裝?你咁唔滿意,夠冇人迫你玩啦

如果你開打冇講明,人地真係有用,又唔係用bug,大家"公平競爭",咁都有錯?
你不如去GM到投訴,叫佢改左佢

"你可以選擇唔跟果團打副本，等到有團比你出你主職先打"
^^^^^^^^^^^^^^^^^^^^^^^^^^^^^^

你呢一段文字,証明你要人地就你,又一個自私,扮正義代表

[ 本帖最後由 condomZz 於 11-1-13 01:57 PM 編輯 ]

小小赤

原帖由 condomZz 於 11-1-13 01:23 PM 發表
樓主用下你個腦先講啦,"到底係邊個迫你? 你可以選擇唔跟果團打副本，等到有團比你出你主職先打吧?"
咁你都講得出,係人都知打副本最多人組係担同奶媽,你又幾何見唔夠打手?
你不如叫近戰打手唔洗打副本啦?個個 ...

3人副本，要1坦1補1輸出
5人副本，要1坦2補2輸出

…嗯? 係人都知坦補最多人組? 點解我唔知既?
我只知道坦補比較小人練…

然後，請容我針對你對我既誤解，一點點為您個豬腦再解釋一次吧。

樓主用下你個腦先講啦,"到底係邊個迫你? 你可以選擇唔跟果團打副本，等到有團比你出你主職先打吧?"
咁你都講得出,係人都知打副本最多人組係担同奶媽,你又幾何見唔夠打手?
※ 3人副本，要1坦1補1輸出；5人副本，要1坦2補2輸出，我見唔到你所講既坦補最多人組情況出現。
你不如叫近戰打手唔洗打副本啦?個個不停叫頻組担同奶媽啦?隻GAME自由轉職有咩用?
※ 誠如你之前所言，打手一樣可以跟熟人團同公會團，咁你就大可以無視人類文化，裝照搶；腦照殘。
另外照你上面所講，守小小禮貌原來會影響到你玩GAME既自由度，進而導致你誤解成自由轉職系統會因為大家變得有禮有紀律而失去意義…
咁一隻人人都亂搶裝就得既GAME，請問禮讓同放棄ROLL裝既選項又有咩用呢？係唔係可以直接取消ROLL裝制度？

你要強詞奪理,我一樣可以話,咁到底係邊個迫你or規定,你打副本要同人組?
※ 我印象中我主文入面，全部都係提出緊一個建議，呼籲大家借鏡一D外國成名大GAME入面既守則進行自我約束，改善遊戲氣氛等等… 從來冇強制要求過任人去做任何野，而且句句依理而寫，自知為弱勢弱詞，又何強詞奪理之有？
而副本點解要同人組，係因為任務寫明果D叫「隊伍任務」，而且建議組隊完成…
你自己單刷咪冇人同你搶裝?
※ 抱歉，我辨不到，能力不足，所以只能組隊。

如果你開打冇講明,人地真係有用,又唔係用bug,大家"公平競爭",咁都有錯?
※ 請問，你係唔係已經為我假設左，我開怪唔會講明，事後又會追究了？此外，我對你心目中的"公平競爭"定義抱有懷疑。
你不如去GM到投訴,叫佢改左佢
※ 冇必要，應該改變既係好似你呢D玩家的遊戲態度，而唔係隻GAME。

"你可以選擇唔跟果團打副本，等到有團比你出你主職先打"
^^^^^^^^^^^^^^^^^^^^^^^^^^^^^^

你呢一段文字,証明你要人地就你,又一個自私,扮正義代表
呢個係一個建議，建議內容係，如果你認為你被迫用非正職職業打副本，以此為理由你必需ROLL並非你使用中的職業裝備，你可能可以選擇唔跟野外團，或等到有意見立場同你一樣既人一齊玩。
※ 到底呢個建議要點樣証明我「要人就我，又一個自私，扮正義代表」呢？詳細希望…

到此為止，不會再為呢個帖上任何評擊作回應，但我相信公道自在人心。

[ 本帖最後由 小小赤 於 11-1-13 02:14 PM 編輯 ]

狂之雪

樓主kai kai地我地同你35 識7要講禮貌搶裝咪搶裝唔岩照搶洗理9 7你地通街人都係咁

狂之雪

你話分裝要禮儀請你搵fd團咪係到發神經講廢話

yinwayne

呢個唔係禮儀，只係啲玩家自己創出嚟嘅不成文規定。
事實上呢個GAME個骰裝系統就係有分打就有分骰，
設定上無話限制只能骰對應職業嘅裝。
其實只要開打前大家講明，自然少好多紛爭。

[ 本帖最後由 yinwayne 於 11-1-13 03:34 PM 編輯 ]

condomZz

原帖由 小小赤 於 11-1-13 02:05 PM 發表


3人副本，要1坦1補1輸出
5人副本，要1坦2補2輸出

…嗯? 係人都知坦補最多人組? 點解我唔知既?
我只知道坦補比較小人練…

然後，請容我針對你對我既誤解，一點點為您個豬腦再解釋一次吧。

樓主用下你個 ...

係人都知坦補最多人組? 點解我唔知既?
我只知道坦補比較小人練…
^^^^^^^^^^^^^^^^^^^^^^
你唔好成日坐住個腦講野啦, BYOB pls (Bring Your Own Brain)

你知唔知供求既關係?少人練,供應少,自然需求大
現時開放12個職(先唔計算有幾多人練到)
2個担,7個打手,3個補師,你話邊種多人?你話邊種少人?
老師教左你數手指未?多過10知唔知點數?

你要扮正義,先講出幾隻"一角色多職業遊戲"既例子先啦
我又講多個例子,好幾次3人副本,我打小怪轉做遠攻
打王,個担唔夠頂,我轉做奶媽幫補
請問有冇"國際慣例"講明我要抽打手裝?還是補師裝?

我冇話接受唔到野團,"物競天擇,適者生存"
有轉職,轉成副本團需要既職業,更易搵團

如果人地抽到橙裝,我只會恭喜佢
唔會好似D小家種咁,下下要人解釋,下下問長問短
唔通下下問人,你立場係咪同我一樣呀?
你都唔會次次問隊友,你係咪低能架?

你要咁計較,自己又唔開心,對方又唔開心
隻GAME會更和諧?

咁我都比番個建議你,隻GAME唔適合你
你玩番D傳統既GAME,大家都會開心D

[ 本帖最後由 condomZz 於 11-1-13 04:23 PM 編輯 ]

小泳泳

樓主你講既野有岩有唔岩,有時真係會被迫做坦補輸出不斷轉如果下下甘禮讓甘平時無副本打點算?你甘樣出post有一點自私喎
如果需要裝就應該入副前講清楚,你唔講清楚人地點解要禮讓俾你呢?

waynelcww

原帖由 狂之雪 於 11-1-13 02:34 PM 發表
樓主kai kai地我地同你35 識7要講禮貌搶裝咪搶裝唔岩照搶洗理9 7你地通街人都係咁

所以話港ser人打機都可以逐漸同強國理字當頭既心態畫上等號

﹡香草粒:)

個個回覆水蛇春咁長= ="

waynelcww

原帖由 condomZz 於 11-1-13 03:43 PM 發表


係人都知坦補最多人組? 點解我唔知既?
我只知道坦補比較小人練…
^^^^^^^^^^^^^^^^^^^^^^
你唔好成日坐住個腦講野啦, BYOB pls (Bring Your Own Brain)

你知唔知供求既關係?少人練,供應少,自然需求大
現時 ...

兄台你既供求關係我就睇黎要苦讀埋碩士先會明白
不過你講既職業數量問題  我諗稍有不妥
因為暫時10個手字頭係數得哂 根本未會見到其他高等職既出現

另外樓主話"無人逼你轉職"呢d我都不表認同
之但係 有冇國際慣例呢點 樓主都寫得好清楚
的確係無 但亦的而且確 全世界每一隻online game都有不明文既規定
特別世界風行既world of warcraft (wow) 你亂需亂roll係會比人唱通街
不過另一隻game亦唔能夠一概而論

所以樓主係要解釋下點解要有以上既禮儀

不過我覺得各位咁快將人標籤做正義之士
只係為左方便攻擊吧
佢講出黎 佢有受益?自私係邊
改善既會係文化同風氣 有利既係大家
你只係為左否定佢而一概將自私、正義 既形容詞放落佢到未免過份主觀甚至偏激

如果你係坦
而做坦為數的確比較少 拎到對做坦有用既裝備 亦理應相對地較多
當大家本住主職去打副本
打完出黎難得件戰利品係對坦有用
但5個成員就一齊需求 咁請問個坦副本刷裝既意思何在
你知道供求關係 概率都略知一二吧
本來出稀寶都唔係易
而家仲要4個人一齊同你roll再爭
機會率微乎其微
一個打手特別裝件加防既戰利品係身
真係得一物無所用 浪費全部人刷副本既時間

反之 你讓比佢
佢開心時以後再搵你打
加左高防補師亦唔咁辛苦倉卒補血 可以吸多幾隻怪等打手放AoE技一次過打 加快效率
甚至滅團可能性都減低

神樣秋之詩

成日野團都會有人乜裝都搶ga la~~sosad





乜又係狂之雪你呀 你又有玩咩

小洋少

係港服同人講禮儀.......我未見過(是有禮儀的嗎??)

況且這遊戲沒有合不合用的道理 換個職業就已經是另一回事
ps. 小弟是只會roll戰利品的人

fai63011281

講咁多有咩用丫~~跟街團遇左同人搶野嫁啦~唔想搶咪朋友團囉~