感情一日比一日淡...

LoSeRbyy

長左d...比小小心機睇x)

我同我現任女朋友拍左2個月..
剛剛開始既時候好開心..好幸福
每日都有傾電話..sms..
大家既性格..習慣..對事既睇法都好似
所以我地未嗌過交..
佢對我好體貼..唔大頭蝦..對我既事好上心.
加上佢本身唔係好令..普通樣..唔會花心
做老婆既話可以話係冇得頂
無論係樣貌..身材..性格..
都係我一直以來要求既...

但係有一個問題....
佢從來唔會打比我..搵我出街..
就好似最近咁..我因為訓得唔夠..個人呆呆地咁
完全唔想講野..佢問我一句"做咩事咁靜?"
我答:"有d攰,...唔想講野姐"
跟住打後個2日都冇搵過我

我從來冇要求過佢d咩..
就算係一個sms..都夠喇..
我覺得呢個係我地溝通既問題
講..同佢講過..但係都係冇改到..
我明知佢係咁..唔緊要..
我去主動搵佢..打比佢..去街..
但係我知自己唔係呢種人..
每日就好似迫自己去搵佢..
我同自己講.."你係男人黎..做下主動有咩所謂..你明知佢係咁.而你又真係中意.辛苦小小姐.."
但係耐左..真係好辛苦..
我拍拖係想開心..係想發自內心咁搵佢..
宜家就好似變左例行公事咁..
我係要女朋友...唔係老婆...
想同佢一齊既時候..係甜..
但係我就好似嘗到一碟冇落調咪料既餸咁..

我同佢一班..日日都見住..
如果分手...第日見到會好尷尬..
佢份人唔會同ex男友再有任何接觸..
宜家唔係中唔中意既問題...
係同佢一齊已經悶喇...
佢可能當左我係未來老公..因為佢真係好中意我..
但係我只係想要女朋友.我只係18歲.我仲有好多青春..
唔通我仲要投放感情係一段違背自己意願..充滿強迫性..而且苦悶既戀愛?

[ 本帖最後由 LoSeRbyy 於 10-2-1 02:44 AM 編輯 ]

紫靈姬

兩個人係埋一齊真係要互相遷就 遇到問題就要將問題講出黎解決左佢
雖說講得容易做比較困難 但你真係有心繼續一齊落去 就一定要解決件事
先至唔會令到自己有心結 佢又唔太知道你想感想
我認為你需要同你女朋友商量下呢個問題
女仔唔煩確實係件好事 但相對黎講唔搵你感覺好似淡左咁
不過你地係同班  經常見面其實電話再傾都會無咩話題好傾
不妨同佢講我知道你好鐘意我 我好想你會多啲打比我 我想更了解你 開心與唔開心我都好想知道
但有陣時我亦都好重視你既想法 好想知道你想去邊度玩

笑5冷冷冷

同班係埋一齊其實好大壓力
每日傾電話,成日都出街
其實你地係缺少左情趣
如果開唔到口同佢講
可以試下用信黎表達

蝶戀花乂

18歲
距離結婚既日子不遠了
(unless 你選擇晚婚)

LoSeRbyy

原帖由 蝶戀花乂 於 10-1-30 08:08 PM 發表
18歲
距離結婚既日子不遠了
(unless 你選擇晚婚)

我係選擇唔結婚...

LoSeRbyy

原帖由 紫靈姬 於 10-1-30 12:47 PM 發表
兩個人係埋一齊真係要互相遷就 遇到問題就要將問題講出黎解決左佢
雖說講得容易做比較困難 但你真係有心繼續一齊落去 就一定要解決件事
先至唔會令到自己有心結 佢又唔太知道你想感想
我認為你需要同你女朋友商量 ...

我有同佢講過我想點,,佢冇乜點變..
佢既生活方式一直都係咁..好難改變到..

屋屋烏

我每次傾完電話都會話 得閒打比我
跟住佢就話
你打比我唔得架咩...
但最後有時都會主動打比我既

你只係唔想做主動果個姐...
你同佢講有時主動少少得唔得
如果唔得
你咪做主動果個囉

koy65

聽你咁講..你係玩玩下果隻囉...

人地咁中意你...當晒你係老公,唔好咩?

LoSeRbyy

原帖由 koy65 於 10-1-31 12:11 AM 發表
聽你咁講..你係玩玩下果隻囉...

人地咁中意你...當晒你係老公,唔好咩?

已經唔係感情既問題..係冇拍拖應該有既感覺...

乂星辰乂

點解樓主你既情況同我咁似既
我又係覺得感情一日比一日淡...
岩岩開始都幾sweet
我同你一樣又係唔會好主動 又係收到一個sms,電話就足夠
出唔出街都冇所謂...
但就近呢排
感覺大家感情淡左好多.
說話都唔多幾句
就算係都係聽佢講打機d野...
都唔知佢仲係唔係鐘意我..
可能我地溝通之間出現左問題

[ 本帖最後由 乂星辰乂 於 10-1-31 08:44 AM 編輯 ]

陳手跛

原帖由 LoSeRbyy 於 10-1-31 02:04 AM 發表


已經唔係感情既問題..係冇拍拖應該有既感覺...

我睇完之後 我都唔知你up緊乜 好多自相矛盾既地方

又話同佢一齊好開心 又己經悶 即係點?
即係呢好多野兩睇 你想人搵你 人地都會想你搵佢
你講到咁 其實你自己係咪鐘意佢 唔鐘意人就唔好拖住人 浪費人地青春
女人最寶貴既就係時間 女人既黃金期係18-28
仲想同人一齊開心既 就唔好去做同埋諗會磨蝕雙方既感情事
包容下對方 不如你諗清楚淡既地方係邊到 我地係到講咩都冇用 最重要係你自己點幫自己

華千代

唔會再同ex接觸既係好既

有可能結婚佢都大大減低背你偷食既選擇

都唔排除有其他人

唔結婚又有得做愛又唔駛負責任

點解要結我覺得好多人都係咁諗

結左婚就成世係都玩完唔同女人先結啦

再唔係結左婚偷下食囉

人人都係咁..呢d就係人性

紫靈姬

原帖由 紫靈姬 於 10-1-30 12:47 發表
兩個人係埋一齊真係要互相遷就 遇到問題就要將問題講出黎解決左佢
雖說講得容易做比較困難 但你真係有心繼續一齊落去 就一定要解決件事
先至唔會令到自己有心結 佢又唔太知道你想感想
我認為你需要同你女朋友商量 ...

當然你18歲未諗到結婚呢個問題係正常
現時好多男仔都25歲以上先結婚或者30歲
結婚你慢慢諗都未遲啦
感情呢樣野真係需要雙方維持無可能單方面
如果你真係認為佢無可能溝通完都唔識改
咁你開始話佢鐘意你 我真係會覺得有點矛盾了
真係鐘意你的話 你講完佢會盡量去改 正如所說兩個人一齊理應互相遷就

乂小勝乂

原帖由 華千代 於 10-1-31 11:49 AM 發表
唔會再同ex接觸既係好既

有可能結婚佢都大大減低背你偷食既選擇

都唔排除有其他人

唔結婚又有得做愛又唔駛負責任

點解要結我覺得好多人都係咁諗

結左婚就成世係都玩完唔同女人先結啦

再唔係結左婚 ...

咩叫人人係咁？只可以話至少你係咁姐。結左婚或未結婚，對另一半專一既人大有人在，你未見過啊？咁你身邊果d所謂朋友都係同你一擔擔，物以類聚嘛。

回樓主：拍拖就應基於結婚為前提的（或者你未有打算，但至少要抱住呢種心態）。你拍拖為乜？為解悶？為人有我有？如上面所講的，為性？拍拖就係要考慮對方是否可以同自己過日子既人，如果你覺得佢唔係你要搵既人，何

必拖拖拉拉，何必玩人？蕭灑d啦。

[ 本帖最後由 乂小勝乂 於 10-1-31 02:08 PM 編輯 ]

matthew124

f.2我都對左個我好中意佢又唔中意我既人(好憎我個種)成年
f.3佢又冇lala話同我做fd
呢d野唔洗怕,可能對佢係有d hurt
但係你對佢唔係真,遲d先話佢知就仲hurt

☆可兒☆

=oo=   樓主    你有冇諗過 你宜家甘樣 係唔適合拍拖  會 累人累己呢

睇你既言詞

佢點做 都好    做左  跟住你都會有另外一d野去唔滿意or唔滿足!!

天生 怕悶既你    一d多花腎既女仔會適合你多d

不過呢d女仔 你亦都駕馭唔起!!

你能駕馭到既  你又唔輕易滿足!!

算吧~~~  等你定性了 才去拍拖 談婚論嫁 吧!!

或者  請 滿足於現狀   因為佢始終都是一個好女孩呢!!

[ 本帖最後由 ☆可兒☆ 於 10-2-1 12:00 AM 編輯 ]

tangkongken

樓主
不如我幫你講心底話
你條友 係要既係激情 就唔係愛情
你答 係定唔係

柑桔人

我同我男朋友同係咁~
我地拍左半年有多...
佢返工既,但我就努存搵緊!
所以以前佢日日都有SMS比我~
但宜家就冇,連一個電話都冇...
我都好唔開心...但琴日我發現係我諗多左~
因為佢都仲係好鍾意我既~
只係我自己諗多左,同懷疑佢!
比唔夠信心佢,所以先會咁...
今日開始我會加倍相信佢...更加愛佢的~
------------------------------------------------------------------
所以你都要加油呀!
佢都可能只係一時有D咩問題諗唔通又唔想你擔心姐~
你要相信佢...唔好懷疑佢了~

LoSeRbyy

聽到咁多唔同既意見..
話得我好岩...我要求既野太矛盾..
不過我都要多謝咁多位幫過我..罵過我既人..

經過今晚...
我終於知道我同佢真係分唔開...
真正愛一個人..就算有咩事都可以傾得掂..
一直以黎係我誤解左拍拖既意義
唔係大家既錯...只係大家都唔肯開口..
我同佢都應成大家會改..有咩講出黎商量...
我覺得經過今次..感情比以為更加穩固
感覺出番黎...

真係好多謝你地=)

intermethk

好彩 你回左 唔係插到你飛起