2000FUN論壇

標題: 評香港遊戲代理商（注意：這篇文章可能會影響２ｋｆ既廣告收入）(反駁完成) [打印本頁]

作者: kts20041075 時間: 09-5-2 02:58 PM 標題: 評香港遊戲代理商（注意：這篇文章可能會影響２ｋｆ既廣告收入）(反駁完成)

其實我覺得香港既遊戲市場係可以十分之大，台灣人口有２千３百萬，而香港人口則７百萬，如果代理商懂得宣傳
，代理商既收入可以他付出的代理費不成正比的，現今，我覺得香港人的線上遊戲比較偏向休閒種類，其實有好多
例子都可以證明到其實一般既打怪，已經滿足唔到我地呢班麻煩既香港人，其實你只要細心留意下ｄ代理商，其實
想知道一個代理商將來既動向係其實總對唔難^^，特別香港代理既特色，特別偏向集中同某種台灣代理商或者大
陸既原廠成為合作既伙伴，要預計佢地將來代理既目標動向其實不難，等我賊解一個個代理商的真面目啦
（注意：這篇文章可能會影響２ｋｆ既廣告收入）！

（排名不分先後）
戲谷
戲谷，無錯！係一個遊戲界既老字號，相信玩過線上遊戲既人，唔會未聽過戲谷這個代理商，要講到戲谷就要講番
戲谷既歷史，其實戲谷係有新舊，在戲谷歷史發展中應該要數到宏基戲谷，佢所代理既的遊戲都係唔簡單，當中有
不少為人熟識既遊戲，龍族同寵物王都曾經係佢地既代表既作品，當然呢ｄ都成為了線上遊戲既歷史，以我對宏基
戲谷最後的認識，就要數到幸福online，當初戲谷代理幸福，可以說是混亂黎形容，起傾代理初期戲谷董事長大力
反對，但高層主管群認為遊戲的賣相好，之後班高層主管話唔代理就不排除集體出走另組公司來代理（管理層混亂）
，之後過唔到一年就汁左，自此發出聲明此後便不代理任何MMO類型的網絡遊戲，當然呢番說話係（宏基戲谷）講
既，之後戲谷就比和信超媒體收購，成為左（和信戲谷）當然，聲明就自從消失得無影無蹤，自從有和信呢個水龍頭
之後，代理費用已經不是問題，他將來所遊戲的代理費可以用億元（台幣）計算，不過我反而對他們的遊戲擔心，首
先要講下光明戰紀先，由於種種原因，泡菜風味濃厚，外掛同埋其他問題，已經令到台灣既光戰走下波，而香港的光
戰也是在未知之數的階段！加上戰鎚未能攻破ｗｏｗ的城門，而暗黑之門：倫敦就因為原廠太過自大，曾經在０７
年６月包下６０本雜誌封面的他們，最終落下破產收場，但是這遊戲的前途如何，無人知道！雖然最後暗黑之門：倫
敦已經由Flagship交左比HanbitSoft，但也阻止不到北美和日版劃下休止符！加上NBA同FIFA2 online又前途未明
戲谷可能已成為遊戲界不幸的名字！！

新幹線
其實我一直諗緊加唔加埋香港呢隻字落新幹線前面，因為戲谷果到似乎已經有少少離題，但我覺得始終佢地都係同台灣分唔開，所以都係
決定唔加上香港兩字，自從由《十二之天》貳開始就已經睇到新幹線已經香港著重香港市場，我曾經去過仙劍試玩會，其實佢地香港區經
理都係台灣人，睇得出佢地又想起香港市場分番一杯，智冠其實係有好多分公司，其中有新幹線（代理），網龍（自製），智凡迪（魔獸）
，當然有左智冠呢個水龍頭，代理遊戲費用就同戲谷差不多，最近魔物獵人Online，三國志Online，同夢幻龍族就係好好既例子，(知情
人士漏露夢龍代理費用高達200萬美元)，佢地偏重代理韓國遊戲，雖然公司之前既聲譽不是太好，仲被人稱為新斷線，（斷線，外掛，騙
錢包，詳情收看偽基百科），但近年已改善左好多，新幹線的確係一間在香港遊戲市場十分有潛力既公司，大家可以期待一下
佢地起香港將來既發展！！

匯創紀
呢間係一間我唔係好清楚既公司，瘋狂賽車同夢幻國度都係起大陸代理既遊戲，而機甲鬥神伝係佢地自製既遊戲，最近同網禪合作經銷佢地
既遊戲，至於佢地將來係點，我就不能斷定，但係佢地係香港遊戲市場不可多得既一份子！根據(無罪的狂熱)所講算是一個比較新的香港遊
戲公司，不過都已有數年歷史，曾同台灣富樂迪交換遊戲代理，低調但有實力！

Alta
一間我不清楚的公司，表面睇來黎同傳奇同雷爵有合作關係，但內裡比我一種神秘覺得，佢地官網係全英文的，睇起黎似係一間外國公司，
呢間代理商，你會覺得佢成日出現，但係內裡感覺令人神秘，總言知就係神秘，如果有知情的人士，可以講比我聽，我再作修改！

雲起
一間不得了的地頭蟲，在香港的等級只係低過橘子少少，係香港代理一個成功既例子，在台灣同馬來西亞也有分公司，也有自製遊戲，
也是一間多才多勢既公司，好似仲有間漫畫店，我成日唔知用咩詞語黎形容雲起，不過清楚的是，每一間公司一定有佢既好壞，雲起其實
係一間唔錯既公司，但係ｄ人成日認為佢係貪錢，同新幹線一樣，有人會列他們到遊戲黑名單，但係講真，我地點解會列佢地做遊戲黑名單
，都係因為我地玩過佢地ｄ遊戲，相信每間公司都會佢地一套銷售策略，而令我印象深刻既，就係雲起代理既天外online，而天外係令雲起
成功的其中一個重要因素，其實我地唔可以斷定代理商好與壞，有時ｄ野唔可以由代理商作出決定，而雲起的確帶比香港唔少遊戲，依家無
人敢話雲起在香港唔成功，但係我覺得佢地應該可以再做得更多野，近年雲起多數代理韓國遊戲，少數既台灣遊戲，在台灣分公司曾代理盛
極一時既聖光online，但因為亂改經驗值和掉寶率，所以被台灣人稱做雲乞，但係經驗值同掉寶率係原廠改定係代理商改，我就唔知道，不
過肯定的就係雲起在香港的貢獻，睇番佢既官網，佢２０１０年應該會代理隻日本遊戲，大家不仿睇下以後雲起將來既做法！

GameCyber
相信無人唔知佢地既夢系列，就算未玩過都一定會聽過，呢間公司既定位都唔需要我多講，多數是代理可愛類遊戲為主，公司成立初期既定位未
必係可愛類，但相信佢會繼續代理可愛類遊戲，GC公司定位，就係可愛，還有可愛類遊戲名字都有個夢字，要數代表性作品就必定係夢之歷險
和伊希歐之夢Online，這兩個遊戲也令夢系列地位得以肯定，最近既安魂戰曲同81keys也睇得出GC開始著重和台灣代理商既關係，而最令我
留意的一件事就係啟程Online，在北京颶風閃達網路科技宣佈買斷啟程Online（前星願online)的一刻，可以在數日之間宣佈代理啟程Online
，這是令我覺得最神秘既地方，仲有GC手中既皇牌夢之路娜，究竟幾時推出呢？當初既ｑ計劃又去左邊呢？看來到這層面，我們是不需要知道
的！相信他們會一直可愛到底，不能看少的可愛大勢力！

OMG
一間剛剛來香港報到的公司，在台灣是以無外掛號稱，聲譽極佳，但最近被人話只識代理小遊戲，無大志，不過OMG依然有佢一定既魅力，
仲想得當年起台灣既OMG熱潮，起15秒之內，已經將數千個封測帳號搶空，還有人售賣封測帳號，可說是一時佳話，但黎到香港的OMG，又會唔
會水土不服呢，咁就要等待時間既考驗，希望OMG能夠改變一下香港既遊戲市場！

待續．．．．．．．．．．

原來想拎去G幣投犒區，點先又關左＞.＜

前文章：評線上遊戲界！（免費遊戲市場）http://www.2000fun.com/bbs/viewt ... =page%3D1&frombbs=1

[ 本帖最後由 kts20041075 於 2009-6-26 11:06 AM 編輯 ]

作者: kts20041075 時間: 09-5-2 02:58 PM

匯思
一個為人熟識的名字，佢旗下的遊戲大多數來自大宇同宇峻奧汀（宇峻奧汀係大宇分公司），當然仲有少部份非大宇出品的台灣遊戲，同Iplayer應該都算有少少合作既關係，
相信也沒人會唔識魔力寶貝，最近既天使之戀２同魔力寶貝２也為成中熱話，相信匯思繼續伙拍大宇，必定會再創一番佳創，在香港市場，他算屬於中規中矩，但最近的魔
力寶貝２令匯思成為無人不識的代理商，有時候，大家都會見過天使之戀２同魔力寶貝２既車身廣告，匯思鍾情於在巴士車身落廣告，但今次居然肯在電視落廣告，證明佢
想番身既決心有多大，不過好戲還再後頭，一直有和大宇有合作關係的匯思，好可能會代理宇峻奧汀的自製遊戲三國群英傳2 Online，如果成功代理到的話，市場格局勢必轉
變，到時大家準備看見香港市場暴風雨的前夕！

遊戲橘子
相信玩過線上遊戲既人無可能未聽過這個名字（如果未聽過，請離開這一版），我從少就接觸遊戲橘子，第一次相信係起單機遊戲（便利商店），遊戲橘子一開頭唔係代理線上遊戲，
直至天堂令橘子帶來龐大收益之後，就開始轉攻線上遊戲市場，依家仲成為無人不知既龍頭大佬，天堂起台灣既最全盛時期，可以高達同時在線２０萬人，我記得我曾經睇過一篇文章，
遊戲橘子也曾經擔心過天堂幣對換台幣創下歷史新高（因為搵唔番篇新聞，詳細價錢唔清楚），但就足以證明，天堂係對橘子十分重要，自從有錢之後，橘子就起香港大展拳腳，遊戲
橘子也算是免費遊戲既先河，巨商也令到香港其他代理商也開始對免費遊戲另眼相看，而香港比較多人鍾意玩既遊戲有Heat Project，巨商，百變Online，Fantasy Earth ZERO ，
CS Online ，Grand Chase，天堂，尋仙，楓之谷而佢地既目標顧客同U1差不多，偏向較低年齡人士，不喜歡只為升級而打怪的人士，定位策略屬於比較上休閒的類別，同台灣市場
定位策略也不同，自從數碼戲碼倒閉之後，NEXON大多數既線上遊戲都交左比遊戲橘子負責，所以遊戲橘子現時所代理既遊戲都有質素保證，但可惜樹大招風，每個代理商一定會有佢
既好壞，被稱為黑橘的遊戲橘子，經常比人話處理外掛不善，成人出埋ｄ騙錢技倆騙取玩家點數，在我搵關於遊戲橘子的相關資料時，發現維基也糟人惡搞一番，可顯得部份玩家多麼
憎恨遊戲橘子呢！作為香港遊戲業我龍頭大佬遊戲橘子也算是咁多間當中伺服器最穩定的，但不表示我也喜歡橘子，事實上我也有不滿的地方，記得當初，在宣佈代理CS online既時候
，話CS同Heat Project是不同種類的槍擊遊戲，兩款遊戲都擁有唔同特色，不會有競爭,但係自從CS出左之後，只大力宣傳CS，而令到Heat Project被人遺忘，最終落下結業收場，
所以說，大公司不一定會比細公司好的，有時候，細公司既服務態度會比大公司好！

中華網龍
一間以自製遊戲而出名既代理商，近年積極主攻開發遊戲同web game，智冠其中一間分公司，之前還有負責代理非自製遊戲（卡巴拉島，路尼亞戰紀），但近年代理外來遊戲工作
已經交由新幹線負責，最出名既遊戲有吞食天地，黃易群俠傳，飄流幻境，網龍對開發古裝遊戲可說是情有獨鍾，大部份自製遊戲都用古代作為背景，隨著香港新幹線慢慢掘起，中華
網龍在香港地位開始減弱，自製遊戲始終同外國遊戲有段距離，所以地位開始被動搖，就算網龍有新遊戲，秦皇天下Online坐陣，也不能減低地位下降的速度，因為網龍所代理既遊戲不
適合香港人口味，或許吞食天地２，女神同武林群俠傳曾經創造佳績，但這股熱潮好快就被冷卻，所以我對網龍前景抱有不樂觀的態度！！

UR GAME
我曾經玩過佢地兩隻遊戲，一隻係石器外傳，一隻就係翼，從表面看起，石器似是一隻未完全成形既遊戲，當初我也抱有十分之高既希望，可惜原廠進度太慢，最終還是不了了之，
而在翼當中，我又體驗到代理商既無奈，其實出事的是遊戲本質，而將一個收費遊戲變做免費遊戲往往都會改變到遊戲本質，翼就係其中一個，我會定期去翼版睇一睇，大家會見到
代理商推出好多活動留住玩家，但係以經濟學黎睇，只改變可變生產因素，而固定生產因素不變，最於邊際產量會下降，同一道理，原廠一日唔改變番個遊戲，人氣流失是必然的，
所以係死症，好難救到，所以有時遊戲往往不能由代理商作出決定，而代理商只是負責該地區的營運工作，所以說，遊戲品質下降也不能全怪代理商，或者如果UR能代理一隻能代
表自己既作品，可能會有一番大作為！

U1越一
曾經令萬千小朋友瘋狂起上來，一張閃卡能夠炒到數百數千蚊，一個模型能夠炒上萬元以上，LFO就是U1的獨特既經營之道，LFO既目標顧客是小學生，當然也有中學生啦，佢地係比較上係
一群沒有花錢觀念的人，就因為咁，U1能夠開啟左自己既成功之路，天下間，沒有不賺錢的商人，U1是我其中一間令我佩服既代理商，正正就係佢既經營之道，所以令他能夠立足於香港
市場，之後仲同台灣代理商松崗開展合作關係，還請現時紅爆既GEM做快車手代言人，令到中學生也開始加入U1這個大家庭，所以話時勢做英雄，U1就係當中既英雄，能夠打開中小學生既龐
大市場，還同松崗既合作關係更進一步，相信將來松崗自製遊戲SK online也非U1莫屬！

gameone

一間有錢有眼光既公司，感覺上有少少類似雲起，佢所選擇代理的遊戲眼光也不錯，勁舞團，天龍八部，SD高達Online，彩虹島，石器時代2，光線飛車，都係佢地主打力作，但我對呢間公司既
好感只係一般般，記得佢公佈代理ｓｄ高達果陣係２００８年新年左右，到依家先至展開第一次封測，而且部份封測帳號係需要點數購買，要人花錢也真無所不用其技，至於勁舞團同天龍八部呢兩
隻主力遊戲，以令賺取不少金錢，雖然選擇遊戲既眼光係掂，但經營策略唔係個個受得到，對於我一個很少買點數既，gameone遊戲係唔多適合我，gameone大部份係韓國遊戲，小部份係中國
大陸遊戲，近期主攻自製遊戲，包括將知名漫畫改編既線上遊戲火鳳燎原online，仲有馬榮成風雲web版網頁遊戲，但係佢手頭上仲有隻同SD高達同期既夢幻古龍，令到好似放左起gameone既
遊戲都要無了期延長！

由於一日寫起曬，所以內容未必太好，特別係橘子果段，如果有意見，請多多指教！！

[ 本帖最後由 kts20041075 於 2009-5-3 06:16 PM 編輯 ]

作者: ngai 時間: 09-5-2 03:09 PM

難得的文章,大家也可能借此討論一下香港的遊戲業界

但頭2個公司寫得比較詳細,但後面的有點弱掉了

希望之後會再更新

暫時先加30G幣,日後更新後可再通知我,我會現情況再加強G幣

作者: 無罪的狂熱 時間: 09-5-2 03:37 PM

匯創紀
算是一個比較新的香港遊戲公司,在香港遊戲業界算是比較低調
在之前與台灣遊戲富樂迪互相合作,匯創紀代理富樂迪的天尊,富樂迪代理匯創紀的機甲鬥神
而最近更代理台灣網禪進行經銷合作,看來他們公司現在是想走經銷路線呢

Alta
這個我不客氣了,是本人認為香港最不行的公司,我想是他們不太重視網路遊戲吧
我玩過他們的遊戲,對香港玩家很不公平,忽略玩家的感受,還處於數年前的營運方式,不進取,無爆點,好遊戲都被做爛掉了
別的公司爛的原因是做得不好,ALTA爛的原因是什麼也沒做,只會出產品包,之前玩過征途,遊戲內的活動他們不就是跟台灣的活動,但活動在舉行前1,2天才有宣傳(公佈)...會令我嘔血的公司

作者: kts20041075 時間: 09-5-2 05:19 PM

回覆lamyufai

根據資料所得Alta沒有參與任何遊戲製作既公序，所以他們只是負責代理，不過都係果句，太神秘啦

作者: handyli 時間: 09-5-2 08:35 PM

仲有gameone 匯思越一 urgame 都可以評下^^

作者: kts20041075 時間: 09-5-3 12:03 AM

原帖由 handyli 於 2009-5-2 08:35 PM 發表
仲有gameone 匯思越一 urgame 都可以評下^^

當然呢ｄ緊係唔少得，仲研究緊出唔出台灣篇好

作者: 銓=] 時間: 09-5-3 08:31 AM

最近某代理商的言行舉止實在令人驚訝

令到好多玩家對網上遊戲都失哂信心

依家好多代理商既說法就係"講一套做一套"

衷心希望代理商素質可以再提升番

作者: sunnyho12 時間: 09-5-3 09:43 AM

咁橘子呢????

作者: kinkinpoon 時間: 09-5-3 10:26 AM

香港的代理已被小朋友踩到一文不值
沒錢的小朋友會話代理昆水
神經質的小朋友會用粗口,狂開POST爆
等等...
但我覺得香港的代理已經做得好好
希望佢地會再代理多點遊戲
同希望更多新代理進入香港市場

作者: 黯然掌 時間: 09-5-3 03:19 PM

代理始終係代理
只需要著重佢既服務質素,同處理事情既應急能力就好
以香港業界黎講
只能代理不能創作
因為無人有信心投資落去
樓上都有好多唔同觀點
不過係唔係小朋友無$就話人昆水呢件事我唔認同-.-"
事實上我唔好免費制..玩開都係月費制game
可惜宜家買少見少
不理消費量既情況下
好幾間香港公司既服務態度同質素又真係幾差勁..
長年累月既事實係唔係一路都係比人亂吹出黎?
大家應該心照...

作者: kts20041075 時間: 09-5-3 05:20 PM

已更新

作者: 白色幽默 時間: 09-5-3 10:54 PM

-.-....我覺得.. 尼篇野好重要

作者: kts20041075 時間: 09-5-4 01:07 PM

原帖由 白色幽默 於 2009-5-3 10:54 PM 發表
-.-....我覺得.. 尼篇野好重要

多謝支持，但總覺得睇既人數唔多

作者: WasaOok 時間: 09-5-4 04:50 PM

其實網龍d遊戲唔錯,但遊戲本身就將一d設定設到好差,例如:exp較到好高..等等
網龍d更新係商城係比遊戲內容快好多
網龍d回合際game,睇線上人數好似好多,但係一個人可能開好多個人仔

作者: lamyufai 時間: 09-5-4 06:34 PM

原帖由 kts20041075 於 2009-5-2 05:19 PM 發表
回覆lamyufai

根據資料所得Alta沒有參與任何遊戲製作既公序，所以他們只是負責代理，不過都係果句，太神秘啦

= = 台灣係原開發商..叫雷爵..而係香港..唔係叫雷爵..改左好聽D個名..叫ALTA..
只係台灣&香港稱呼的分別..公司也是一樣..
再比張圖係睇..(轉自ALTA官方討論區)

作者: 無罪的狂熱 時間: 09-5-4 06:48 PM

原帖由 lamyufai 於 2009-5-4 06:34 PM 發表
= = 台灣係原開發商..叫雷爵..而係香港..唔係叫雷爵..改左好聽D個名..叫ALTA..
只係台灣&香港稱呼的分別..公司也是一樣..
再比張圖係睇..(轉自ALTA官方討論區)
http://www.agames.com.hk/images/forums/gid1. ...

我唔係太清楚 ALTA論壇將個名咁寫既原因係咩

不過LAGER 並唔係ALTA,2間係唔同既公司

LAGER係一間台灣好出名自家研發遊戲既公司,代表作係萬王之王,天外,童話...
ALTA重頭到尾都係一間代理公司

作者: kts20041075 時間: 09-5-4 08:28 PM

原帖由 lamyufai 於 2009-5-4 06:34 PM 發表

= = 台灣係原開發商..叫雷爵..而係香港..唔係叫雷爵..改左好聽D個名..叫ALTA..
只係台灣&香港稱呼的分別..公司也是一樣..
再比張圖係睇..(轉自ALTA官方討論區)
http://www.agames.com.hk/images/forums/gid1. ...

雷爵網絡科技為國內唯一擁有完整線上遊戲開發技術的公司，也是國內第一家經營線上遊戲的公司；所開發的線上遊戲童話及天外，
廣受台、港、中、泰、韓遊戲迷所喜愛。雷爵網絡科技本著提供優質的線上遊戲給大中華的玩家，積極深耕兩岸三地市場，目前在
台北及北京設立公司，歡迎對線上遊戲產業有興趣的朋友，加入我們的陣營。

好似唔多似

加上你比我地既討論區

佢只係將ALTA雷爵類既遊戲，同埋ALTA非雷爵類既遊戲分開

仲有果個論壇，應該唔係ALTA官方討論區，所以證實ALTA同雷爵只有合作關係

仲有如果ALTA官方人員睇到呢篇文章，請繼續努力用心經營，因為在你最喜愛的遊戲代理？一文的投票當中，貴公司是獲得最低票數既一位代理商，

所以有待加強貴公司的知名度！

[ 本帖最後由 kts20041075 於 2009-5-4 08:43 PM 編輯 ]

作者: kts20041075 時間: 09-5-6 05:46 PM

由第二頁推一推上第一頁先

作者: xonxon 時間: 09-5-6 06:49 PM

阿波波緊係要支持

講得唔錯呀

作者: candy9605 時間: 09-5-6 07:39 PM

哈哈..樓主用埋經濟學上既邊際報酬遞減定律wo

你一定係讀文啦...

作者: kts20041075 時間: 09-5-7 05:25 PM

原帖由 xonxon 於 2009-5-6 06:49 PM 發表
阿波波緊係要支持
講得唔錯呀

多謝藍波支持

最近雲起兩度被水魚，看來雲起最近都唔多掂

神界Online同幻月傳說都係水魚之作

[ 本帖最後由 kts20041075 於 2009-5-7 05:38 PM 編輯 ]

作者: Qoo記 時間: 09-5-8 10:55 AM

先支持一下

匯思想番身?
出晒廣告?
我第一次見為左平衡兩ser人流
而要其中一ser既人入點先開得
多d人入其中一個ser唔好?...
多d人p下k,又入下點@@

作者: kts20041075 時間: 09-5-8 12:57 PM

原帖由 Qoo記 於 2009-5-8 10:55 AM 發表
先支持一下

匯思想番身?
出晒廣告?
我第一次見為左平衡兩ser人流
而要其中一ser既人入點先開得
多d人入其中一個ser唔好?...
多d人p下k,又入下點@@

匯思的確係想番身，對於ｓｅｒ既問題，始終匯思對代理比較熱門同比較大型既遊戲無咩經驗，加上或者遊戲一早限制左上限人數，

如果超出某個上限人數，可能會對遊戲平衡造成影響，不過魔力２呢個熱潮，我諗無幾耐就會冷卻，遲早都會合ｓｅｒ

作者: thunder0810 時間: 09-5-10 05:09 PM

不過我覺得反而係香港玩家評價得過份姐,"有game既時候,又話e間代理唔好[仲要係間間都係咁講],咁到底要邊間代理先至合大家心意?定係自己做埋個代理?定係想直接連去原公司個到玩?"

香港人真痳煩=.=",我一直都係有game想玩,就會去玩,唔會點理係邊個代理,如果你想玩既game都比個個代理代理晒,咁點丫?
[^假設]

作者: 光明仔~sky 時間: 09-5-10 05:54 PM

講下d負面架啦, 正面冇乜好睇好似睇一個入門咁,
不過都欣賞樓主, 比較少人真係會有興趣睇晒成個香港遊戲市場會咁做的咪係個d遊戲公司既一ｔｅａｍ人囉,
不過佢地都不會發表出來啦只會用來做佢地既市場策略, 而且當然係只會強調佢地既game的好處
香港始終係冇一個online game玩家組織全面分析本地遊戲市場每隻game 呢個理想都好難實現.

香港d遊戲公司係鬥衰, 唔係鬥好, 揀就揀一間冇咁衰的算喇=_=

u1係時勢做狗雄, u1個段應該參考呢度再寫過

:
http://hk.myblog.yahoo.com/u1pku1pk
不過有一句你講得好岩: "佢地係比較上係一群沒有花錢觀念的人"
lfo走左唔只一半人, 依家餘下的比u1昆水昆到傻左佢地又有錢, 隻game依家得個炒字
得個炒字的game冇用 lfo依家炒到爛晒

[ 本帖最後由光明仔~sky 於 2009-5-10 06:38 PM 編輯 ]

作者: thunder0810 時間: 09-5-10 07:21 PM

原帖由 光明仔~sky 於 2009-5-10 05:54 PM 發表
講下d負面架啦, 正面冇乜好睇好似睇一個入門咁,
不過都欣賞樓主, 比較少人真係會有興趣睇晒成個香港遊戲市場會咁做的咪係個d遊戲公司既一ｔｅａｍ人囉,
不過佢地都不會發表出來啦只會用來做佢地既市場策略, 而 ...

我反而會留意佢所講既cartoon.....講左好x多年!

由佢出左無耐就一路有個按鈕係到!

不過這一隻game,,,,的確是發夢太大了!

x-men + harry potter 等等....英雄合一(如果佢當年出lf3 應該反應會比lfo長!之後先出lfo會好d!

作者: 卍天命卍 時間: 09-5-10 07:56 PM

Alta
個人認為...不是太好
就以征途為例 ...一隻在內地大有市場既game...
俾佢代理...次次出d新野黎搵錢...
d ser又lag到咩咁...
而且...最近出既game都唔係好有睇頭...

有緣再評

作者: wannn123 時間: 09-5-10 08:50 PM

講得太好啦十卜

作者: kts20041075 時間: 09-5-11 12:44 AM

你地提起U1我先諗起佢地申請帳號可以話係史上最易，由記得咁多間之中，佢地間野申請帳號係最快，最簡單，最無安全性，

相反OMG申請帳號係史上最難

作者: 光明仔~sky 時間: 09-5-12 04:23 AM

原帖由 thunder0810 於 2009-5-10 07:21 PM 發表

我反而會留意佢所講既cartoon.....講左好x多年!

由佢出左無耐就一路有個按鈕係到!

不過這一隻game,,,,的確是發夢太大了!

x-men + harry potter 等等....英雄合一(如果佢當年出lf3 應該反應會比lfo長!之 ...

有邊個唔吹大自己個價丫不過u1呢間垃圾就好過份,
cartoon 由佢出左無耐就一路有個按鈕係到!
US個按鈕咪一樣係度好耐而咩都冇.......台灣就有lfo us個邊都冇人show呢間廢賤公司!(不過個邊唔使幾耐又重複1次香港呢邊咁=_=)
cartoon 按鈕咪即係擺係度呃人囉, 賤u1如果真係會整cartoon 一早整左.........
死賤u1見呢個cartoon 按鈕呃到人仲唔放係度咩

這一隻game,,,,的確是發夢太大了! 垃圾越一,,,,,的確是發夢太大了!
太多人中晒lfo白粉但比呢隻game昆水太多最後都醒覺了, lfo走左好多人呀,
賤u1 d昆水手法痴線簡直唔係人, 呢間公司做野方式係short short地.
呢間垃圾除左昆錢叻冇樣掂, 渣住隻爛到飛起的lfo昆錢題材係爛仔打交當然好多人鍾意到上腦點知隻game屈機到飛起變升lvgame,
u1只係用升lv昆錢, 依家系統又爛到飛起 lfo等摺

u1係無恥之徒係本地遊戲界毒瘤, 完全拉低晒本地遊戲界的質素帶來昆錢風氣污染本地遊戲界風氣,

[ 本帖最後由光明仔~sky 於 2009-5-12 04:33 AM 編輯 ]

作者: kts20041075 時間: 09-5-12 11:14 PM

你未食過，又點知佢係白粉呢？同我所提到雲起既情況一樣，點解好多人覺得雲起差，因為佢ｄ遊戲多人玩？

我起朋友身上也約知LFO點呃錢，就係佢呃錢之道令我佩服，我朋友個細佬果ｄ朋友，買左佢好多卡，所以零用錢都投資

左起LFO身上，當然到依家佢醒覺到自己血本無歸，但係相對於大人黎講，小朋友錢真係易呃好多，我仲知有人靠LFO賺錢添，仲有每次咩咩遊戲展，

LFOｄ模型到受到大家著目，所以我對U1既評價都唔係太差，因為佢頭腦聰明

[ 本帖最後由 kts20041075 於 2009-5-12 11:16 PM 編輯 ]

作者: 光明仔~sky 時間: 09-5-14 03:29 AM

原帖由 kts20041075 於 2009-5-12 11:14 PM 發表
你未食過，又點知佢係白粉呢？同我所提到雲起既情況一樣，點解好多人覺得雲起差，因為佢ｄ遊戲多人玩？

我起朋友身上也約知LFO點呃錢，就係佢呃錢之道令我佩服，我朋友個細佬果ｄ朋友，買左佢好多卡，所以零用錢都 ...

我己經奶晒屎, 如果間間都採用u1既無良賤手法抽人水, 我諗全港玩家暴動, 而且呢間垃圾唔只昆水咁簡單=_="

作者: Jackice 時間: 09-5-15 07:32 PM

睇完...
我都唔係成日買點....
玩得開心升得慢有咩所謂...
就係D人不知足先亂洗錢姐...
我都試過啦...

作者: ♂≠小文◆〞 時間: 09-5-16 11:20 AM 標題: 回復 4# 無罪的狂熱的帖子

我支持你我玩蒸氣幻想頭三個月唔錯由第四個月開始一未唔更新又成日斷ser 死ser 冇公告有外掛唔理我send左幾十封e-mail 又唔理客服接線個d態度又差唔係隻game我會我都唔會支持到5月先唔玩
[哪怕沒好遊戲．只怕沒有好代理]

作者: Mosgra 時間: 09-5-16 01:33 PM

好文喎

對住雲起黑橙公司 2間有玩過
--------------------------------------------------------------
雲起特別喜歡代理一些武俠型的game 人物3d骨架味道重那類
有時佢代理的遊戲不是不好玩
是佢出d野太嚇人吧是把一些能維持該遊戲長久的物品拿去賣
是沒想後果那種嚴重影響遊戲平衡有錢稱霸那種

有一班看不過眼的都走左
但我又覺得雲起都是一間聰明的公司
識得代購產品同開書店減低風險
---------------------------------------------------------------
黑橙公司我對住佢4個月同佢說byebye
ser來說佢很穩定
處理外掛是放縱(外掛天堂) 機器人大戰
佢代理nexon原廠的遊戲很多都好玩的
可是它自大過頭以為用錢買回代理權就不用管理遊戲吧
放給佢腐敗

至於呢d公司係唔係吸金你唔買佢的點咪吸你唔到囉
代理商唔係賺錢怎叫代理收一隻game都要錢吧

好期待樓主開埋台灣篇就更好了

作者: Master_Joe 時間: 09-5-16 10:29 PM

橋子雖然俾人話屈錢..但係伺服器方面..他是最穩定的...這是不可否認的

作者: kts20041075 時間: 09-5-17 01:15 PM

原帖由 ♂≠小文◆〞 於 2009-5-16 11:20 AM 發表
我支持你我玩蒸氣幻想頭三個月唔錯由第四個月開始一未唔更新又成日斷ser 死ser 冇公告有外掛唔理我send左幾十封e-mail 又唔理客服接線個d態度又差唔係隻game我會我都唔會支持到5月先唔玩
[哪怕沒好遊戲．只 ...

話說蒸氣幻想早就應該要汁，大陸早就汁左，始終泡菜味太過濃，不適合大陸同港澳台玩家

雲起開埋漫畫店在經濟學上應該算係集團合併，我諗係

作者: 凍檸 時間: 09-6-18 11:13 AM

唔知仲有冇人記得
gameone曾經有隻千機變- -
外掛多到zx@#$!x

作者: kts20041075 時間: 09-6-18 02:04 PM

原帖由凍檸於 2009-6-18 11:13 AM 發表
唔知仲有冇人記得
gameone曾經有隻千機變- -
外掛多到zx@#$!x

聽過名，有少少印象，其實智傲係近年先開始出名！

作者: shion_rei 時間: 09-6-18 02:34 PM

雲起的話我只玩過天外
當時係係天外興盛時期
雲起我覺得做得唔錯

不過佢近期的代理OMG
感覺是千篇一律
很難會有想繼續玩落去的衝動

至於Gameone佢的代理我都有玩緊
佢所sale的路好大眾化
由細路到大人都有玩
明三就係好例子""

魔力2我都有玩
不過我就覺得代理比較差…

作者: Ｓuede 時間: 09-6-20 10:59 PM

爛橙真係爛橙外掛多到隻隻game都有係咁出點數野比人買但係又唔做野

果年玩hp sd曬信比gm 照埋相有外掛都唔做野

之後捉左3次外掛就冇捉過

做小小野比人睇左就算

一d責任感都冇

好多好game 比佢代表左都變差

作者: 熱血大刀 時間: 09-6-20 11:44 PM

原帖由 kts20041075 於 2009-5-2 02:58 PM 發表
U1越一
曾經令萬千小朋友瘋狂起上來，一張閃卡能夠炒到數百數千蚊，一個模型能夠炒上萬元以上，LFO就是U1的獨特既經營之道，LFO既目標顧客是小學生，當然也有中學生啦，佢地係比較上係一群沒有花錢觀念的人，就因為咁，U1能夠開啟左自己既成功之路，天下間，沒有不賺錢的商人，U1是我其中一間令我佩服既代理商，正正就係佢既經營之道，所以令他能夠立足於香港市場，之後仲同台灣代理商松崗開展合作關係，還請現時紅爆既GEM做快車手代言人，令到中學生也開始加入U1這個大家庭，所以話時勢做英雄，U1就係當中既英雄，能夠打開中小學生既龐大市場，還同松崗既合作關係更進一步，相信將來松崗自製遊戲SK online也非U1莫屬！3 k)

我覺得u1真係好鬼勁==
u1都曾經係我身上拎走左唔小錢--
佢用lfo打響左個頭炮,仲有用埋lf2熱潮
令到佢搵到個豬頭咁

作者: kts20041075 時間: 09-6-23 06:24 PM

原帖由 熱血大刀 於 2009-6-20 11:44 PM 發表

我覺得u1真係好鬼勁==
u1都曾經係我身上拎走左唔小錢--
佢用lfo打響左個頭炮,仲有用埋lf2熱潮
令到佢搵到個豬頭咁

品質～搵錢，兩難存

作者: 浩乂KiT 時間: 09-6-26 05:29 AM

天外........
我第一隻online game
想當年d 350點仲多過兩副老豆d卡片
雲起e+咁勁我都有份"投資"=.=
本來搞到墨香/墨湘好好地
e+就得返兩個ser
組合/強化機率係都要比原廠低
寵物升級率,,,人地80%我地改到60%
佢再唔跟返國際版墨香/韓墨既進度
我睇墨湘好快死....
至於隻橙就.....
冇咩野係永久...
係咁屈你買點...
gameone...........
最大馬力係天龍同勁舞....
天龍先恐怖....
石頭大就玩得死人,,,
唉.......香港代理...

作者: kts20041075 時間: 09-6-26 08:52 AM

原帖由 浩乂KiT 於 2009-6-26 05:29 AM 發表
天外........
我第一隻online game
想當年d 350點仲多過兩副老豆d卡片
雲起e+咁勁我都有份"投資"=.=
本來搞到墨香/墨湘好好地
e+就得返兩個ser
組合/強化機率係都要比原廠低
寵物升級率,,,人地80%我地改到60% ...

講真，我另一篇文到提到公平的重要，依家ｄ代理成日亂改經驗同掉寶，我都睇唔過眼，難道升等級一定要特別難先適合香港同台灣玩家嗎？？

賺錢都搵過第二ｄ賺啦，改經驗，掉寶，強化機率呢ｄ行為係得香港同台灣先有，

講真天外係我心目中佔既位置都好重，音樂，畫面同遊戲內容也是革新之作，可惜總覺得代理商麻麻，唔想指名，不過可以做得更好！

作者: leolai 時間: 09-6-26 10:36 AM

點解少左全世界最多人玩o既WOWo既代理<<智障迪>>~~

話說玩左咁耐台灣(或台港澳)server o既 online game..最反感o既代理就係雲起(墨香)~~詳細原因唔係好記得..
網蟲算係香港o既老字號~~總好耐之前o既金庸,三國演義,到吞食天地係香港都好heat..果陣好少免費game~~多數都係玩月卡~~網蟲果陣d game真係想搵個手打怪o既都難~~個個都開外掛係到當玩聊天室-.-..後來出黃易(我冇玩過) 令到大部分網蟲fans出走~~亦都係大部分人玩過o既第一隻 >>修理裝備要點數<< o既 game..

OMG遊戲管理者俾人o既感覺唔錯..真係冇外掛(有都超少少少)..缺點係商城o既野貴到飛起..omg其實係老公司..但係令佢咁出名o既終於都係幾年前o既飛飛online 因為當時可以"飛"o既game唔多~~所以好多人貪新鮮就走左去玩~~佢冇外掛o既名氣亦都係因為呢隻game heat起黎~~
ps. 飛飛紅左之後後來出o既好多game都開始有飛行系統

講起online game就不可不提號稱全世界最多人玩o既online game 魔獸世界(WOW) (話說WOW係香港好似唔係好heat..主要原因係佔太多時間~~) 由於遊戲公司o既壓力~~智冠特登開一間子公司智凡迪黎代理呢隻game~~WOW o既特點就係遊戲公司高度重視遊戲質素~呢樣野係好多韓國/香港/台灣game所做唔到o既~~

以上純屬個人主觀意見~歡迎反駁

作者: kts20041075 時間: 09-6-26 11:03 AM

我唔講智凡迪全因真係無野好講，佢只係代理左魔獸世界，無咩野好吹

不過有一點可以提下，就係我相信魔獸世界無出現外掛同管得嚴既原因，全因暴雪有智凡迪既一半股份

所以連智冠都唔於起亂黎到亂黎！

令人反感既代理也證明到個遊戲多人玩，如果無反感，證明果個遊戲無人氣

台灣好喜歡臨近封測，延遲或特登停機黎推高討論版既人氣，這個都是一種學問！

其實飛飛未比OMG代理之前已經好紅，因為利迪娜汁左先被人遺忘，

只不過當時無人代理，OMG仲吃正個運勢，開始佢個王國

我幾睇好佢個登入系統，不過申請帳號的確有ｄ難度，不過有難度先阻止到外掛

對飛飛見解詳情可參考我另一篇文章
http://www.2000fun.com/bbs/viewthread.php?tid=3411113

講真在香港，魔獸唔受落既原因，始終係香港人唔太喜歡打怪升等既遊戲，反而令跑ONLINE既休閒遊戲十分受歡迎

我幾時都講，想起香港成功，搵隻休閒遊戲黎代理囉

暴雪如果唔比壓力魔獸，一早就亂啦，大陸魔獸都成七國咁亂啦，不過最大原因都係賺錢

其實呢種方式唔錯，好過YNK，YNK又唔係台灣既地頭蟲，又黎台灣開公司，遊戲幾好都無用！

好似智冠特登開一間子公司智凡迪咁，你５０％，我５０％，又唔驚你亂黎，你又可以幫我宣傳

真係一舉兩得

注:YNK係韓國公司，台灣有分公司YNK Taiwan，主打作有：希望，洛汗，榮耀世紀

反駁完成，打字都打得好辛苦呀！

作者: 58468546 時間: 09-6-26 11:48 AM

有幾多代理仲識月費制...唔搞咁多野
唔好話小朋友踩連大人都踩

溫馨小提示:
新幹線&中華網龍係同一間總公司

作者: kts20041075 時間: 09-6-26 12:16 PM

原帖由 58468546 於 2009-6-26 11:48 AM 發表
有幾多代理仲識月費制...唔搞咁多野
唔好話小朋友踩連大人都踩

溫馨小提示:
新幹線&中華網龍係同一間總公司

新幹線＆中華網龍＆智凡迪係同一間總公司智冠

月費制同商城制都各有好處，但係有無其他制度會更完善呢？？

作者: 柏一希 時間: 09-6-29 03:09 PM

收月卡d game十居其九都好game
好似天堂同童話...
天堂就未玩過..但睇玩家既反應都系唔小野黎
童話我就親身經歷過..
我玩左佢六年
佢有四年到都收月卡
感覺上仲比依家多人d...
但一話免費...
好多人幾十開...
掛技搵錢..
童話開始走下坡....
所以我認為免費game都唔會太好...
我依家睇好AION..永恆紀元....
希望佢可以好似天堂咁啦

作者: kts20041075 時間: 09-6-30 07:47 PM

原帖由 柏一希 於 2009-6-29 03:09 PM 發表
收月卡d game十居其九都好game
好似天堂同童話...
天堂就未玩過..但睇玩家既反應都系唔小野黎
童話我就親身經歷過..
我玩左佢六年
佢有四年到都收月卡
感覺上仲比依家多人d...
但一話免費...
好多人幾十開.. ...

我都幾讚同你既意見，不過要記住大製作不等於個遊戲係好玩！無論佢吹到幾多錢製作，幾咁靚，但到最尾個遊戲都未必好玩！

作者: kts20041075 時間: 09-7-7 11:33 AM

推一推先

作者: 乂飛蓬乂 時間: 09-7-12 01:13 AM

如果除去呃錢成份
我覺得雲起係我心目中係香港最好既代理
我玩天外/墨香,唔敢講無外掛
但起碼我未見過有外掛生存到一個月以上
佢係呢方面處理得好好
所以我明知佢既game食水深,都堅持玩落去
其他game幾好玩都係假,入到去全部機械人
睇下最近既aion就知

作者: 乂飛蓬乂 時間: 09-7-12 01:15 AM

原帖由 kts20041075 於 2009-6-30 07:47 PM 發表

我都幾讚同你既意見，不過要記住大製作不等於個遊戲係好玩！無論佢吹到幾多錢製作，幾咁靚，但到最尾個遊戲都未必好玩！

+1
當年既洛汗,RF,黑色陰謀,
今時今日既戰鎚,Aion
比我既感覺都係雷聲大雨點小(說到底,很多都是因為外掛)

作者: R13564 時間: 09-7-12 06:42 PM

支持樓主

個人比較憎雲起同網龍-_-

作者: kornfans 時間: 09-7-12 08:39 PM

最撚憎雲起.. 垃圾代理

作者: kts20041075 時間: 09-7-13 02:09 PM

原帖由 kornfans 於 2009-7-12 08:39 PM 發表
最撚憎雲起.. 垃圾代理

看到你的簽名，我的一份矛盾感，像泉水般升起，心中有千絲萬縷的問號正在我心中打滾，也直進了我的腦袋！

作者: 風朋友 時間: 10-11-5 01:54 AM

玩過ynk 隻new希望你就會知道咩叫世紀爛代理

同一隻game 拎韓版更新黎開隻夢之希望

正版既呢? 瘋狂出什麼夾夾樂 ... 你諗得到都有得夾

即係半年前你洗8萬蚊半年後你再洗2萬蚊夾d野就正過你半年前 (可能半年都冇)

距出d呃錢既野速度我玩過咁多隻game 都未見過咁 n年唔更新回報任何bug 外掛客服清一色既回覆..幾年都係o個幾句= =

歡迎光臨 2000FUN論壇 (https://www.2000fun.com/)