2000FUN論壇

標題: 明知他做錯.... [打印本頁]

作者: 小亦~ 時間: 09-5-22 01:17 PM 標題: 明知他做錯....

08年7月係我生日月....係我正日生日既時候...同一班朋友一齊慶祝...親眼的睇住佢食煙...我知道大家都會覺得係一件好小好小既事...但對我而言...係重大非常...之後既事...都唔洗講啦...後來佢3番4次比我親眼睇到佢食..哈...好笑囉...口講話戒...因為都食左3個月...我信可以得...但到最後,直到今日...(其實佢呃左我咁多次..佢再話冇呢..我都唔信嫁啦)都知佢一路有食...好矛盾...佢又唔算呃我(因為我知佢有食),只不過冇係我面前食姐...今日我sms問佢...如果我有一日同佢分手(係我初戀一齊左7年)...會點...都知會即刻打泥...問我發生咩事...咁我咪同佢講我個心點囉...冇事嫁...討論jama...講完數咪當冇事發生過咁傾其他野囉..咁多年感情...However,I STILL LOVE HIM

你地比下意見啦...唔該

作者: ~Ayaya~ 時間: 09-5-22 02:24 PM

你既然都說了還喜歡了 , 那這個就是重點了吧 !!
別的事情沒須要想太多拉
雖然他答應你戒煙最後沒戒到 , 好像是騙了你一樣
但他抽煙 , 可是沒在你面前抽 , 其實不多不少都給了你面子
都有重視過你感受 , 這樣想會不會好一點呢?
如果他沒有別的嚴重過失 , 就試著接受看看吧

不過言行之間 ..... 感覺你對這一個人有點心淡了 , 又很矛盾
可能還有別的原因 , 抽煙也許只是你有分手念頭的導火線

作者: 小亦~ 時間: 09-5-22 04:22 PM

原帖由 ~Ayaya~ 於 2009-5-22 02:24 PM 發表
你既然都說了還喜歡了 , 那這個就是重點了吧 !!
別的事情沒須要想太多拉
雖然他答應你戒煙最後沒戒到 , 好像是騙了你一樣
但他抽煙 , 可是沒在你面前抽 , 其實不多不少都給了你面子
都有重視過你感受 , 這樣想會 ...

唔....我係已經對佢完全失去哂信心...
E+跟本就係睇佢既做化...
佢話少食左...少食少食,都少食左1年=,=...
戒既時間就會長左...我一定迫佢....呢個人唔迫唔得....就咁由得佢既話...時間越長就越難戒

因為我太愛佢...我真係接受唔到佢食煙...真係唔得,我試過啦...落樓下..佢係我隔離食...個心梗係好唔舒服,加上我唔中2聞到煙味...好臭~

我理得其他人食唔食呀,就係佢唔食得....我識左佢7年啦...佢從不煙酒....E+2樣都有...飲酒我都算啦...仲要食煙??唔得囉...

作者: 明◇〞 時間: 09-5-22 05:20 PM

我之前條女都有食煙
我本身冇食+極討厭煙味
有次佢俾我知道左佢仲有食煙,我冇理佢成個星期,根住佢就冇再食
佢鐘意你佢就會為你改,只係睇你夠唔夠狠心姐

作者: 小亦~ 時間: 09-5-22 05:45 PM

原帖由 明◇〞 於 2009-5-22 05:20 PM 發表
我之前條女都有食煙
我本身冇食+極討厭煙味
有次佢俾我知道左佢仲有食煙,我冇理佢成個星期,根住佢就冇再食
佢鐘意你佢就會為你改,只係睇你夠唔夠狠心姐

你點睇得出佢有冇食...
呃緊你都唔知啦...(不過煙隱唔大就一定可以唔食囉...忍到既話)
我就係因為咁就拖左成年...
因為佢有跡可尋既...佢手上面跟本就有煙味...佢死口唔認JAMA...個死佬...佢個死野仲有好多疑點嫁....比我捉哂出呢啦.....成日比我暗串=U+....我知佢有食....佢真係死口都唔認JAMA....佢都知我知嫁....但係咁樣又何苦呢....唉~

作者: ~Ayaya~ 時間: 09-5-22 06:03 PM

原帖由 小亦~ 於 2009-5-22 05:45 PM 發表

你點睇得出佢有冇食...
呃緊你都唔知啦...(不過煙隱唔大就一定可以唔食囉...忍到既話)
我就係因為咁就拖左成年...
因為佢有跡可尋既...佢手上面跟本就有煙味...佢死口唔認JAMA...個死佬...佢個死野仲有好多疑點 ...

男人是要面子的 , 戒煙 , 不是一朝一夕的事 , 尤其有煙癮的
他不敢在你面前承認他有抽煙 , 其實也是一種在意你的表現
因為知道你會生氣 , 所以就死也不敢承認
也許你覺得他說謊很討厭 , 可是每一件事情都有多面的
看你自己怎樣去看而已

他如果真的想為你而戒 , 你很有誠意的跟他說他一定會懂的
但是他如果不想戒或沒決心戒 , 你拿著槍在他後面他也戒不掉
反而還會讓他怕你 , 覺得你煩 , 這樣又何必呢
這些東西說過了幾次 , 他不肯就算了阿 , 順其自然 !!

作者: 中山 時間: 09-5-22 06:33 PM

我係你條仔..我就一早同妳分手拉...食煙都要管...

佢騙妳都係重好鐘意妳.....

作者: 旋律影子【健】 時間: 09-5-22 08:21 PM

慢慢勸佢戒
一日比一日食小ｄ
同佢講
你都係緊張佢　為佢身體好

唔岩傾到岩吧
唔好咁輕易分開
好好珍惜咁多年感情
咩問題都解決到

作者: 小羽毛 時間: 09-5-22 08:50 PM

雖然妳既出發點係為佢好
但而家係談戀愛唔係管仔
就算係仔妳都未必管得佢掂
佢知道食煙會影響到其他人健康
戒到當然最好
但至少佢唔應該o係妳面前食
呢個已經算係最大既讓步
如果妳係勸人唔好打機都還好
戒煙麻煩少少
妳要明確比佢知道妳唔鍾意佢食煙
尤其o係妳面前 (甚至同妳見面前幾個鐘)
但唔好試圖改變任何人
諗下妳有咩值得人地改變黎就妳
如果有
唔洗妳講佢都會咁做
相反妳點講都無用
既然妳改變唔到人地
不如改變自己
談戀愛其實好簡單
一係接受
一係分手
再唔係就忍受
但我唔建議人地咁做

[ 本帖最後由小羽毛於 2009-5-23 08:05 AM 編輯 ]

作者: 小亦~ 時間: 09-5-23 12:17 AM

好多謝咁多位既意見

....
我E+咩都唔會做...講又講哂,做既都做哂
係睇下佢既決心點囉唯有...

[ 本帖最後由小亦~ 於 2009-5-23 01:38 AM 編輯 ]

作者: 雲吞餃 時間: 09-5-23 03:25 AM

原帖由 小亦~ 於 2009-5-23 12:17 AM 發表
好多謝咁多位既意見 ....
我E+咩都唔會做...講又講哂,做既都做哂
係睇下佢既決心點囉唯有...

我都係岩岩加入左煙民既行列....
食左個零月.....
不過我食煙並唔係因為好奇或者裝帥...
而係因為出左來做野...打工....身邊都有唔少同事食煙...
十個都係7-8個係食煙.....我食煙只係為左同人拗下交際手腕...
我簡簡單單舉個例....以啤哂妹同拳手呢兩個行業為例...
佢地可能本身都唔係鐘意飲酒或飲開...可能你會話....車....係佢地工作需要姐....
但係...好人好仔...唔係生活逼人,為左幾個錢既話....我諗佢地都唔想飲到煙燻爛醉咁樣...

出左來做野....體會左好多人情世故....個個人做任何野都係為左自己....只要係有利自己既野...要佢同上司,老細打你小報告呢d得閒事...
相信一定做得出....
同埋加上社交圈子問題.....食煙既一堆...唔食煙既一堆.....情況如左右分叉路....比上不足...對下有餘..
視乎你個人意向....當然我係選擇左前者...

響我第一日食煙....我已經同左我屋企人同我女友商量.....我屋企人比較開通...呢關易過....
最大難題都係我女友呢關....當然...我浪費左咁多口水同紙張(承諾信......Orz)都係值得既....
我女友大致上接受我會食煙既習慣...注意...係接受左個事實....即係仲未落實比我食煙...(定五十五十呢=3=??)

當然.....我所講既都係我食煙既理由......可以話係借口掛

....
不過講真...同同事放break個時吹下煙仔....又真係多左話題講....至少起碼唔係停留響公事上既話題啦..多左日常生活話題講...

作者: 祥仔。藍天 時間: 09-5-23 01:01 PM

戒煙唔易嫁= =..你太睇少戒煙

作者: 明◇〞 時間: 09-5-23 01:18 PM

原帖由 小亦~ 於 2009-5-22 05:45 PM 發表

你點睇得出佢有冇食...
呃緊你都唔知啦...(不過煙隱唔大就一定可以唔食囉...忍到既話)
我就係因為咁就拖左成年...
因為佢有跡可尋既...佢手上面跟本就有煙味...佢死口唔認JAMA...個死佬...佢個死野仲有好多疑點 ...

只要你狠心d,我相信佢會肯戒
不如你打俾佢同佢講,話:不如你真係戒左煙先搵返我啦,beybey"
之後成個星期都唔理佢,佢打黎你都唔好聽,維持一星期,我相信佢會知驚嫁啦
睇你條仔都係受硬唔受軟個D人黎

作者: 小亦~ 時間: 09-5-23 03:06 PM

原帖由 明◇〞 於 2009-5-23 01:18 PM 發表

只要你狠心d,我相信佢會肯戒
不如你打俾佢同佢講,話:不如你真係戒左煙先搵返我啦,beybey"
之後成個星期都唔理佢,佢打黎你都唔好聽,維持一星期,我相信佢會知驚嫁啦
睇你條仔都係受硬唔受軟個D人黎

我平時一個禮拜可能會去佢度訓4-7日....
e+唔會...等佢off先過去...有時佢出去玩....我都唔會過去....平時都過係佢家等佢返泥....

唉...等佢前排仲話,我要做到既野,一定做到喎....我咪姪佢囉...咁姐係你冇諗過要做啦,咁咪做唔到囉...我一同佢講呢d野炸...佢跟本就冇野好講啦...

作者: 明◇〞 時間: 09-5-23 06:16 PM

原帖由 小亦~ 於 2009-5-23 03:06 PM 發表

我平時一個禮拜可能會去佢度訓4-7日....
e+唔會...等佢off先過去...有時佢出去玩....我都唔會過去....平時都過係佢家等佢返泥....

唉...等佢前排仲話,我要做到既野,一定做到喎....我咪姪佢囉...咁姐係你冇諗過 ...

我既意思係你要消失1星期喎-.-

作者: kagaink 時間: 09-5-24 09:15 AM

其實我自己都食左7年煙,而+都叫小食左,
我本身有拍拖,但女既就唔介意我食煙.....
要講既係你雙方容忍度有幾高......
正如樓上雲吞兄所講係一個社會,始終食煙都係一種個人交際手法
出到黎做野,難免煙酒不佔......

再加上其實我成家人食,朋友個個又係食.....

介煙!?!?!?!?
我都講左5年=v=""""
不過都係因為身邊呢一個先叫少食.....
就算佢知道你食,
我唯一可以做既,咪唔係佢面前食ja~

作者: 小亦~ 時間: 09-5-24 04:43 PM

唔通唔食煙就同人地傾唔到計咩
唔食煙就冇話題...
咩藉口泥...
仲細...人食我食...
冇控制能力咩=.=
飲酒都話要應酬呀...食煙都可以當應酬既咩下

(唔好意思....可能激左D)

作者: kagaink 時間: 09-5-24 11:54 PM

或者我所講既可能只係我個人意見,
但好多事,有苦自己知.....
只可以講,唔同既人,就用唔同既手法.....
人情世故,
事實係如果話食煙係真係錯的話......
千千萬萬個原因都可以係到開一個post去討論.....

小朋友我唔知,
但今時今日好多煙民,唔會因為要型,為好奇心而食.....
能不能體諒....只是你對你男友容忍量有幾高.....

作者: mandm 時間: 09-5-25 10:50 PM

一個男人呢　你叫佢唔好食煙呢　係得　不過你如果強制要佢戒　佢就會諗到好多方法出黎逃過你嫁魔掌　我都食左３年　話戒就戒咩　男人係受軟唔受硬嫁　不如試下唔好禁惡同佢講呀不如你溫柔ｄ　做下小鳥　佢會聽得更入耳嫁　試下呀

作者: 雲吞餃 時間: 09-5-25 11:37 PM

原帖由 小亦~ 於 2009-5-24 04:43 PM 發表
唔通唔食煙就同人地傾唔到計咩
唔食煙就冇話題...
咩藉口泥...
仲細...人食我食...
冇控制能力咩=.=
飲酒都話要應酬呀...食煙都可以當應酬既咩下

(唔好意思....可能激左D)

我女朋友咪同你一樣反應囉=]
不過我點同我女友針針就唔方便呢到打出來啦
仲有....我已經強調左我唔係人食我就食....
本身我都好反對人食煙...
但係我出左來做野日子耐左...
睇野見識多左.....
思想空間已經唔係局限響返學個時期.,...
做人..做事...都識得轉彎....識得交際....
如果唔懂得去做.....只係做到自己死下死下...
社交圈子狹窄....

我對你印象就係...咩都向反面個邊想....食煙有幾唔好有幾差...
成身煙味臭到死...你男朋友係以一個咩心態去食煙我唔想知...並唔想理....

我只係知並唔係個個人都為食煙而食煙....
我冇後悔我開始食煙.....雖然呢幾日做gym又真係少氣左=.=

我又打個比喻....

試諗下....你同你d朋友出街...
你朋友著到成身LV..姑zi...
而你只係普普通通既牌子....
比你有咩感覺...?

唔好話我知係名牌既關係...我想講既就係感覺....
咩感覺..?
就係另類既感覺..
當你/對方....覺得對方/你另類既時候....
試問一下雙方既關係可以發展到去邊..?

又一例....你想巴結老細...或者係某人...
人地好like 打Goft....或其他活動
但係你又唔識打...你會選擇唔打...定係學識呢類活動....
同佢一齊交流...之後從交流中令雙方關係更close..?

我講呢個例都係想講出另種呢種感覺....
因為出到黎做野.....另類只會令你人際關係以至事業停滯不前

[ 本帖最後由雲吞餃於 2009-5-25 11:56 PM 編輯 ]

作者: 神一樂心 時間: 09-6-1 05:27 AM

原帖由 小亦~ 於 2009-5-24 04:43 PM 發表
唔通唔食煙就同人地傾唔到計咩
唔食煙就冇話題...
咩藉口泥...
仲細...人食我食...
冇控制能力咩=.=
飲酒都話要應酬呀...食煙都可以當應酬既咩下

(唔好意思....可能激左D)

你女仔圈子可能好小遇到  但男仔無論咩階層都有呢D野發生

有時一班同事做野做到睏話去後樓梯食煙抖下你唔去人地可能話你離群你去到唔死真係去咬手指嘛

就似樓上仁兄講既另類會心好自然會生左一度牆對方都會一樣即係話我地唔係同類就好難深交

交際應酬絕對唔係剩係講飲酒  好多人都講成日交際應酬又"煙"又"酒"

朋友應酬可能真係飲下酒猜下枚  有時飲返幾杯講野真係會放D 同埋深入D

而公司見客傾大生意勒遇到個豪邁D既客叫你飲酒你就話小酒見你整返支小食小食咁樣唔一定會傾唔成但你印象分一定會減

最小人地覺得你唔投契讚下你都難

男人世界應酬唔好話唔食煙冇可能傾到計  個客鍾意落CLUB攬住女人同你傾  為生活你都要去最多買左街鐘出街叫人地收工返屋企訓覺

所以只可以講靠個人自制適可而止

酒- 唔好飲到爛醉如泥       煙- 唔好煙不離手

我自問見既人唔小  社交手腕強既人都係  以上既野樣樣皆精既人  酒量好唔好話食煙雪茄牌子邊到做既好都識落CLUB邊組邊個正都要略知一,二

除非你有專長係能人所不能冇左你唔得如果唔係每個成功既人都一定有以上交際應酬同埋都係油腔滑調既人

但真係接受唔到既就幫佢慢慢減輕或者如你所說佢係你面前唔食既你就直頭搬去佢到住一個月日日係佢面前

開工時間通常食唔到你就陪佢早餐食晏接放工返屋企咁樣應該好快戒得甩-_-佢或你接受到的話

七年真係好長既時間唔好為小小野放棄我咁大個仔拍拖最長都係4年而已珍惜眼前人呀

作者: tkgroe01 時間: 09-6-1 03:43 PM

食煙呢d唔忍得嫁,我好憎人地食煙,何況食煙跟本毒害緊身邊既人
因為煙頭有濾咀,2手煙勁過1手煙3倍嫁,仲要影響心肺,腦果d
現實食煙既人斬人又唔夠人追,比人斬又唔夠人走,
空氣稀薄少少就係死先個d
你最好決絕d,唔係就難聽d你死先過佢

作者: 小亦~ 時間: 09-6-3 05:59 PM

TO 神一 :

我明嫁啦!!!!!
你既提議都幾好=V+

我都冇迫佢..係間唔中姪下佢.....係佢咳果陣就話....唔好食咁多啦..咁
希望輕輕鬆鬆就可以令佢成功戒煙啦~

TO TKGROE01 :

你講既都岩...佢食左之後...身體都差左....
我既決心一定有...睇下既決心佢大唔大既姐!!!
THX U >3< !!!

作者: 神一樂心 時間: 09-6-6 05:40 AM

原帖由 小亦~ 於 2009-6-3 05:59 PM 發表
TO 神一 :

我明嫁啦!!!!!
你既提議都幾好=V+
我都冇迫佢..係間唔中姪下佢.....係佢咳果陣就話....唔好食咁多啦..咁
希望輕輕鬆鬆就可以令佢成功戒煙啦~

...

希望幫到你地維繫到呢段7年既感情

歡迎光臨 2000FUN論壇 (https://www.2000fun.com/)