暗瘡 / 暗瘡印專區(請勿另開暗瘡問題post)

小sion子

專為討論暗瘡/暗瘡印問題和分享去暗瘡/去印心得而設
歡迎大家熱烈討論

為使討論更集中,
請大家唔好再開暗瘡/暗瘡印相關post, 改為在此發表
版主會定期入來解答
如於其他地方發表相關討論或問題, 發帖會被鎖、回覆會被刪, 敬請留意

暫時置頂兩星期

小sion子

請左假一段時間無上黎, 發現山埃-_-"""
逐個reply~

原帖由 赤零 於 2006-11-6 02:06 AM 發表
原帖由 小sion子 於 2006-11-5 07:16 PM 發表


下~~我就係咁~返黎香港放假就清d黑頭~~~
不過點樣course法?之後d黑頭係冇左d~

不過返到新加坡讀書又出番哂黎
我想知o既野就係個course 係點嫁?
美容院都 ...

set course = 買套餐
其實即係指一次過買十次(好多都會有五次or二十次)既facial而已~
通常美容院會針對返你皮膚既情況黎介紹d course俾你~
新加坡有無美容院?.? 貴唔貴? 如果唔係可以返新加坡做facial呢~
同埋新加坡一年四季都熱, 油脂分泌會旺盛d, 所以選擇護膚品方面亦有所不同的呢~

原帖由 火狼cool 於 2006-11-6 06:36 PM 發表


黑頭有暗瘖既造唔好支－．－’’

我之前試過．．．唔小心係暗瘖位到支ｄ黑頭＝．＝

暗瘖冇爆到．．但係就紅左好多．．仲粒左．．

凹左會唔會就係凹凸洞......?

原帖由 衰鬼大帝 於 2006-11-6 07:07 PM 發表
暗瘖係紅左...有冇藥膏介紹??

姐暇膏有冇副作用

簡單黎講遮瑕膏係化妝品, 需要卸妝
要說副作用的話, 卸妝卸得唔乾淨才會阻塞毛孔, 爆其他暗瘡

原帖由 火狼cool 於 2006-11-7 04:21 PM 發表


5百幾$真係搵鬼買-.-'''

有幾大支..-口-?不過5百幾$我就一定唔會買lo-.-'''

其實我會傾向覺得錢既問題一定細過效果既問題
買skincare大家都係想個效果好姐.......
俾你試十支五十蚊但唔work既野咪一樣係五百蚊.......

原帖由 k99904 於 2006-11-7 06:28 PM 發表
我想問好唔好日日都用砂糖洗面

可唔可以講個正確步驟俾我知

砂糖係去印, 我個人認為應該係應用磨砂既原理
畢竟都係用d粒子去磨擦自己塊面, 日日用怕會令皮膚越磨越薄

原帖由 暴走小雞雞 於 2006-11-8 09:30 PM 發表
我想問下有暗倉得唔得fu面膜嫁?
得既有邊d牌子係work ? 最好去到d暗倉印同黑頭

thx大家幫幫手

有暗瘡其實比較唔適宜敷刺激性比較高既面膜~
補濕或者紓緩/消炎mask就比較無所謂, 其他都怕會刺激到暗瘡~最好等暗瘡全部康復晒先敷~

原帖由 火狼cool 於 2006-11-8 10:43 PM 發表


做mask會唔會去到黑頭呢???=.=

通常去黑頭e去既都係磨砂

不過有暗瘖絕對唔可以用-.-''''

印都係保安全唔好用依隻-口-''

黑頭有幾多-.-'''??生係邊-口-'''

印既話o''slee 支去印精華真係 ...

深層清潔mask的功效不就是清除黑頭粉刺嗎.....?
怎麼質疑mask去唔去到黑頭~oo~?

不過呢個都唔係問題, 要糾正既係磨砂係去唔到黑頭架
(久違了的大紅字)
好耐之前都有人有呢個誤解, 你去返呢個post睇↓↓
http://www1.2000fun.com/bbs/viewthread.php?tid=1458004&page=1#pid28404502

原帖由 keikei123 於 2006-11-9 01:25 PM 發表


500蚊當然唔係買一枝la~!
買左幾枝野..一個人可以用3個月~仲有30日唔滿意退貸服務~

幾支野先$500咁咪好抵?.? (如果係貨size既話)
(其實可唔可以講下包括d咩, 幾多ml?

原帖由 keikei123 於 2006-11-9 01:27 PM 發表


po咩上來? product的照片?
or我fd改善左的紅卜卜面?

我估wai係想你post product既照片~
不過如果你問准左你個fd, 我都有d興趣睇下改善成點^^"""

原帖由 火狼cool 於 2006-11-11 10:30 AM 發表
今日唔知做咩..用支洗面野

起完泡...之後係面到打幾個圈..d泡冇晒'

好似比我塊面吸晒甘 =_=

因為加得太多水, 或者係唧得太少洗面泡沫, 起泡已經唔夠細密, 再遇上面部皮膚本身潑濕左既水份就開始溶化@_@~

小sion子

原帖由 keikei123 於 2006-11-16 12:18 AM 發表
咩小s子??唔明呀~?

小s子係佢懶到連我個名都唔打晒既簡稱......
(火狼, 按多三個掣好難為你=_=?)

原帖由 火狼cool 於 2006-11-14 10:16 PM 發表
磨砂最好唔好日日磨-口-''
磨得多係咪好e生暗瘖係咪小s子?= =

唔係-.-"

原帖由 雲亮 於 2006-11-16 07:54 PM 發表
磨得多d皮會粗   最好1~2星期1次

都唔係-.-"

原帖由 火狼cool 於 2006-11-17 12:09 AM 發表
好似會溥d,,,0口0!!!

你終於記得了-_-"
磨砂容易刺激暗瘡, 而且磨得太頻密會令皮膚越來越薄, 變得越來越敏感~所以一星期一至兩次便好~
更好的替代方法係一星期用一至兩次peeling, peeling會比磨砂來得溫和呢~

小sion子

原帖由 火狼cool 於 2006-11-19 10:46 AM 發表



小s子可愛丫

磨砂容易刺激暗瘡..同容易生d ...有分別家@_@?

容易生d = 容易形成暗瘡(由無變有)
容易刺激暗瘡 = 容易使暗瘡惡化(由輕微變嚴重, 或由小變大, 或由康復中變回發炎狀態)
怎麼會沒分別呢~

小sion子

原帖由 雲亮 於 2006-11-21 06:28 PM 發表



唔怕有疤= =?
不過我生完之後d毛孔大左好多= =
同埋我飲左好多水都有好多面油=___= help \=0=/

身體飲水都唔代表會有效帶到皮膚的嘛~
(唔飲就直情帶唔到, 但飲好多都唔代表帶到好多~)
所以飲水係重要, 但其實除左餵身體飲水之外, 餵皮膚飲水(補濕產品)亦都重要的呢~

暗瘡最討厭既地方(在我看來)唔係樣衰......係佢會拖垮暗瘡周圍既皮膚
你所講既毛孔粗大係其中一個~我自己更討厭既係皮膚會暗啞左好多........

原帖由 alex_kitkit 於 2006-11-21 10:44 PM 發表
其實最重要係清潔甘係唔係最好?暗倉會自然好呢?

的確清潔係最重要既~但唔係"淨係清潔"就對皮膚好~
打個唔好既譬喻, 食完飯抹嘴(清潔嘴唇)對唇部皮膚好重要, 但個問題係皮膚會乾, 會爆拆, 除左清潔之外, 清潔過後給予適當的滋潤, 例如說洗面後的toner和lotion步驟, 對皮膚也十分重要

小sion子

原帖由 火狼cool 於 2006-11-24 12:45 AM 發表


有咩可以滋潤？？＝　＝

同埋滋潤既野．．係咪有Ｄ唔岩有暗瘖既人用？？＝　＝

對於油性皮膚黎講, 唔需要額外用護膚品去補充皮膚既油份, 但仍然需要補充皮膚既水份
之所以一直猛話滋潤滋潤滋潤滋潤, 就係因為大部份(尤其呢度)既人都覺得自己係油性皮膚, 要諗就諗點控油, 咁多油唔方唔滋潤自己塊面啦
但其實皮膚真正需要既係水份, 油份係從屬既 - 因為油份可以包住水份, 防止皮膚水份散失
所以"有暗瘡/油性皮膚唔需要潤膚"呢個觀念係錯既
只不過大家選擇潤膚產品既時候可以揀d質地容易吸收既, 不含油份既, 主打補充皮膚水份, 就可以令皮膚狀態變得穩定

補水既另一個正面作用係可以間接減少油脂分泌
尤其最近天氣咁乾燥, 皮膚如果覺得自己乾就會係咁分泌額外油脂, 所以如果能夠補充足夠水份, 就唔會係咁分泌油脂, 間接就減少左油脂分泌了~

原帖由 雲亮 於 2006-11-25 12:57 PM 發表
小第都係好小經驗:(
不過我用個地美白多數都有油
塊麵會生豆豆嫁
我估應該18以上用會安全d
你都係問小s子;)la= =

美白產品含唔含油我倒又唔太清楚.......
不過美白產品會刺激現有暗瘡, 而唔係引發暗瘡 (否則豈不是無人敢用美白產品=_=?)
所以說要先令自己塊面無晒暗瘡, 先會有比較多辦法處理暗瘡印問題
皆因磨砂同美白mask都對淡印有幫助(亦對去暗啞、去黃有幫助), 但會刺激到暗瘡~

原帖由 alex_kitkit 於 2006-11-25 07:20 PM 發表
當然唔係18歲之後先安全d啦,我今年21都好多豆豆呀~

一般來說係"過左青春期"暗瘡會逐漸減少, 因為油脂分泌會無咁旺盛~
但大家也需要知道, 青春期幾時過是因人而異的呢.....

原帖由 火狼cool 於 2006-11-25 07:47 PM 發表


驚刺激到暗瘖..令佢惡化掛-.-

觀念正確^^

原帖由 alex_kitkit 於 2006-11-26 02:12 AM 發表
油性皮膚好就好在冇甘易有黑眼圈

黑眼圈其實與皮膚色素及血液循環有關, 而與油脂分泌無關
所以唔會話油性皮膚就無咁容易有黑眼圈既~

原帖由 火狼cool 於 2006-11-26 05:07 PM 發表
慘就慘在多暗瘖-.-'''
乾性皮膚有咩好同唔好-.-??

乾性皮膚油脂分泌不足, 遇上而家咁既天氣(或者再凍既時候)皮膚感覺會好繃緊, 甚至會甩皮
同埋乾性皮膚比較脆弱, 容易敏感發紅
長遠來說, 乾性皮膚比較容易有皺紋乾紋一類
唯一所謂既好處就應該係因為油脂分泌無咁旺盛而無咁多暗瘡既煩惱(但絕對唔係完全無~_~)

原帖由 keikei123 於 2006-11-27 09:51 PM 發表
...你搵到你就買la...其實我搵過....搵唔到.....
..你喜歡,,,,可以慢慢搵.:)2 呵呵

好串>x<~~~

原帖由 火狼cool 於 2006-11-27 06:48 PM 發表
屈人寺..萬寧搵下吧-.-'''

其實講過好多次, 屈臣氏同萬寧只買到好少數既護膚品, 要買護膚品正常都唔應該諗起佢地
更正常既諗法會係諗起sasa, 卓悅一類有唔同種類貨品賣既地方, 或者各個品牌既專門店
打個譬喻, 你要買波衫, 都唔會諗起女人街, 而係諗起專門賣唔同種類波衫既店舖, 或者諗起nike/adidas一類專門店吧....?

原帖由 小BaLL 於 2006-11-27 10:53 PM 發表
最近塊臉生左好多豆豆,但我每天早晚都用洗臉乳(FANCL)洗臉,夜晚大約都係1-2點訓,多數都唔出街係屋企打機,唔知係唔係生活有D唔正常,所以出多左暗瘡呢?><   有咩方法係唔洗點用錢都可以令塊臉無出咁多豆豆? ...

其實以最近既天氣來說, 洗面之後應該為皮膚提供滋潤, 皮膚狀態先會比較穩定~
尤其你已經唔出街, 理論上沾到街上灰塵既機會已經少左, 但因為皮膚本身會分泌油脂(如果皮膚缺水, 油脂分泌就更嚴重)
便宜既補濕方法可以係日日敷礦泉水面膜~
去卓悅或者sasa買壓縮面膜紙, 多數係圓形扁身既, 一包十幾廿粒, 大概$20左右
然後買飲得個d礦泉水(唔好買蒸餾水, 會有反效果), 倒落一粒面膜粒度, 粒壓縮面膜就會發脹變成一張paper mask~敷10min左右就ok~(唔駛過水~)
算係一個平得黎可以為皮膚補充水份既方法~
當然, 如果係補水之餘搽返d鎖水既護膚品就更好啦~

原帖由 keikei123 於 2006-11-29 11:25 PM 發表
只要個人喜歡..什麼時候用都可以~:P
可是~9~10點係皮膚更新~所以 e 個時候用sin係最佳~
最好就俾查完就訓~俾d皮膚休息下:)
我唔係專修的~只係有興趣~報左d couse 讀~遲d會有証書~
到時可 ...

正確來說是十一點至一點, 是身體荷爾蒙分泌最旺盛的時段~
所以人應該在這個時候睡覺對身體最好~(不過我相信對好多呢度既人黎講, 都無咩可能呢個時間訓~oo~)

原帖由 火狼cool 於 2006-11-30 12:22 AM 發表
o..-.-'''
用砂糖加水洗面．．去印既效果唔錯ＷＯ＠＿＠’’
日日用其實好唔好呢？

其實本身提倡砂糖洗面既人係話一日用三次既....
但多半睇到既人都會抨擊咁樣太刺激皮膚了, 尤其糖粒其實都唔算幼細, 容易磨損皮膚呢~

小sion子

原帖由 火狼cool 於 2006-11-30 07:19 PM 發表
甘樣..依家用多d補濕就ok係咪??=.=

如果我晚上用完去印精華之後大約等幾耐之後再用sleeping mask?= =

應該係話而家需要用多d補濕~
至於補濕後解唔解決到問題就視乎你皮膚狀況@_@~(咁有d人本身就唔止缺水呢個問題架啦嘛~)

其實唔需要等, 或者應該話, 你搽完精華吸收左(感覺上似乾左)之後就可以搽lotion, 然後最後搽sleeping mask
次序大致係: 洗面→化妝水→精華→lotion→sleeping mask
sleeping mask多數都係最後一步的~

原帖由 mj_yin 於 2006-11-30 07:29 PM 發表
之前聽位會員講話fu一d 有紅酒成份既mask可以去黃+暗啞...

會唔會影響暗蒼??

同埋有邊隻好介紹??

因為都比較少見.. . .

香港比較少見~台灣就盛行好多~
香港來說應該係得sasa或者citysuper個類地方會有, 專櫃品牌來說.........
暫時只記起skinfood有紅酒wash off mask, $135/100ml (因為我手邊有skinfood既catalogue~cc)

而介紹黎講我自己就淨係用過台灣品牌"我的美麗日記"既紅酒mask, 係一款相當平而且好用既mask~
如果有朋友去台灣不妨搭單買返黎~220台幣(約55港幣)一盒十片~
如果係香港網拍就比較貴, 多數大概七蚊一塊~

原帖由 keikei123 於 2006-11-30 08:51 PM 發表
我唔覺得我串wo...佢有佢自由~佢喜歡點做我阻止唔到~我都回左佢..
果d地方冇...
多謝你更正我的錯誤~有咩錯誤要多多包涵
我只係黎分享我用過的心得同我親眼見的事實
所以我冇講咩牌子~我站在用家的立場係覺 ...

其實我想話講牌子唔緊要.......
大家有權推介自己覺得好用既產品, 推介得越詳盡越好添~
因為推介夠仔細夠詳盡, 大家先會有足夠既資訊去判斷適唔適合自己、應唔應該買
禁宣傳只限於禁止留下私人聯絡方法~只係防止seller在這兒sell貨而已~
推介和分享者是無辜的~點可以因為阻止seller而嚇到其他人唔夠膽分享呢?
(附加一說, 如果你這個品牌係從朋友手上直銷返黎的話, 那就比較難在這兒分享購買途徑, 但除此之外, 其他所有資訊, 包括品牌名稱、來源地、售價、容量、好用之處等等是十分歡迎大家分享的~)

小sion子

原帖由 火狼cool 於 2006-12-1 07:53 PM 發表


lotion我用我家姐個支

效果唔大..而且好似用完爆瘖甘-.-'''

lotion有好多種好似?=.=

咁可能係因為你家姐既皮膚性質同你唔同, 支lotion唔適合你~
lotion都可以話分好多種既~有美白/抗皺/緊緻等等好多種唔同附加效果既lotion/cream
但大前提都係 為皮膚補濕、提高皮膚鎖水能力
簡單黎講, 用完化妝水為皮膚補濕之後, lotion就好似一層布咁蓋係表面, 鎖住皮膚既水份, 等佢無咁容易流失~
尤其秋冬天氣, lotion呢個步驟就顯得更加重要~
如果係lotion之後再加一個鎖水step就更完美了~

小sion子

原帖由 [一太極魂一] 於 2006-12-1 11:43 PM 發表
有冇人可以答我?
我想買d保濕/鎖水既產品係岩我既油性皮膚用,
同埋買d產品係對暗瘡消炎效果好

唔好意思遲左答你@@""
補濕產品我答天空霸主個post既時候介紹左d, 你可以睇睇^^↓↓
http://www1.2000fun.com/bbs/viewthread.php?tid=2248710
但你同佢都無提及budget呢~

另外對暗瘡效果好來說, 這兒很多人都推薦o'slee既消暗瘡去印精華~
另外以我記憶所及, body shop茶樹棒都有人讚既~

小sion子

原帖由 雲亮 於 2006-12-5 11:08 PM 發表
咁其實運動對暗瘡好唔好嫁
做得多又會有汗/油
唔做生陳代謝又慢:(
咁應該點好=0=

適當既運動對皮膚同對身體都好~
汗同油方面, 只要在做完運動之後沖涼洗面不就好了^^?
如果情況唔允許你清潔, 咁先用紙巾印乾d汗, 再用面油紙印走面上多餘既油脂, 最後用補濕噴霧噴一噴, 都可以作為一個簡單既清潔呢~

小sion子

原帖由 mj_yin 於 2006-12-6 05:52 PM 發表



咁板主姐姐你有冇用過d 紅酒mask??

有效嗎??可以解決暗啞嗎???

我自己幾鍾意用我的美麗日記既~一來平(因為我係自己去台灣既時候買返黎既^^)~二來佢好夠精華液~可以敷20-30min都唔乾~
敷完個感覺亦好好~^^我自己最明顯就覺得佢夠補濕, 同埋bright左~
不過最近少敷paper mask, 投向tube mask既懷抱~ccc

小sion子

原帖由 花形 於 2006-12-8 09:04 PM 發表
各位好呀!!!
我想問用檸檬係唔係可以去暗瘡印架=..=?

檸檬係有美白效果既, 所以應該有去印既功效~
但用純檸檬汁的話酸性太高, 會刺激皮膚呢~

原帖由 Raul818 於 2006-12-8 10:41 PM 發表
個nose 有d黑印唔知咩黎點搞

係唔係之前生過暗瘡遺留落黎既暗瘡印~?

小sion子

原帖由 筋肉 於 2006-12-16 04:08 PM 發表
我係一個男仔　　而家禁ｄ天氣　洗唔洗保下濕啊　如果要又點保濕呢　ｄ美容師話我塊面好干　　（可能天氣啦）　但我係油性皮膚同ｄ毛孔幾大　　　　　　仲有我ｄ 暗瘡成日生完又生　　　所以都生得幾勁下　　　 ...

如果係美容院話你好乾, 咁可能要慎重考慮全條line都轉用補濕產品, 比較建議↓↓
唔乾既洗面→(第一個星期日日敷, 第二個星期起隔日敷補濕mask)→重補濕toner→補濕精華→重水份lotion→鎖水cream→鎖水final step
係咪美容院話你油性皮膚?.?定係你見自己多油所以覺得自己係油性?
因為極端缺水既皮膚都會失控咁分泌油脂, 尤其係冬天更加容易有水油失衡既情況

會唔會考慮問下美容院有咩skincare推介俾你用?

小sion子

原帖由 hyq89 於 2006-12-19 09:03 PM 發表
我想問下點樣可以去黑皮？仲有我個樣睇起黎好殘，皮膚又好老啊，今年先18歲啊，男仔，係混合型既皮膚，無知點算好？:( 行出街冇嗮自信....
有邊位高人教下我拉!! 可以推薦下護膚産品，有冇e ...

什麼是黑皮?.? 是指曬黑的皮膚還是暗瘡印?.?

小sion子

原帖由 笨蛋仔 於 2006-12-23 10:17 AM 發表

姐係如果係印你咪靠害

原帖由 火狼cool 於 2006-12-23 05:14 PM 發表


錯- -

係如果係暗瘖你就死~_~

100%冇暗瘖先好用^^!!

咁又無死/靠害咁嚴重既......不過係可能有冒險成份姐~
~_~""其實我覺得呢d指控既語氣幾重.......
我沒有惡意的, 只是.....唔......因為大家既皮膚情況無可能一樣, 尤其大家都可能會對唔同既成份敏感, 聽人推介之後用左敏感, 又唔可以怪晒人既.....
畢竟人地用唔敏感, 無可能知道推介會害左你; 又或者有時, 人地用左覺得work, 點知用在自己身上又唔係咁有效......
所以大家留意其他人既推介既時候, 都要自己考慮下適唔適合呢^^~

小sion子

原帖由 hyq89 於 2006-12-26 09:10 PM 發表
上次因爲打錯字，所以冇得到幫手，say sorry!:(
我想問下點樣可以去黑印？（就係生完暗瘖有時有d黑印係到...）仲有我個樣睇起黎好殘，皮膚又好老啊，今年先18歲啊，男仔，係混合型既皮膚，無知點算好？ ...

唔.....其實想問下你目前有用開邊d護膚品? 同埋預幾多錢放落塊面度?.?

就咁籠統地俾意見的話, 應該係在去角質同美白方面下功夫; 如果面上仲有暗瘡的話, 就應該以調整皮膚狀態(直至無咩暗瘡)首要目的

小sion子

原帖由 ~翔空+ 於 2007-1-2 09:36 PM 發表
點解d  salesman話o'slee隻精華 冇用ga= 介紹左我其他野....

邊d sales? 照佢態度應該係其他人而唔係萬寧姐姐
萬寧除左佢本身既職員之外, 因為好多時都會有內嵌專櫃而會有專櫃品牌既姐姐, 專櫃姐姐會偏私自己品牌既產品也很正常......(正確黎講, 缺德既專櫃姐姐就會踩其他品牌既產品而介紹自己品牌.......)
你係唔係呢種情況我就唔知道了

小sion子

原帖由 ~翔空+ 於 2007-1-3 07:01 PM 發表
萬寧姐姐叫我唔好用:(   介紹左我買其他野,用左2百蚊

原帖由 ~翔空+ 於 2007-1-3 07:32 PM 發表
係間萬0到比埋錢.應該冇假呱..佢仲比左張卡片我tim o.o"話有咩唔識請教佢

已經非常肯定個個唔係萬寧姐姐~oo~"
因為萬寧姐姐唔會有卡片可以派
請大家認定 深藍背心, 橙色間恤衫既先係萬寧職員(如果我無記錯套制服的話)

所有萬寧既產品都係去萬寧櫃台俾錢既, 之後先同返專櫃品牌拆帳
你可以說說買了什麼牌子的產品嗎^^? 有用嗎?

原帖由 ．銘 於 2007-1-4 11:32 PM 發表
去萬寧問,佢話無o'slee既

where有得買呀?

應該萬寧全線有售的, 佢話無o'slee......極有可能因為問既唔係萬寧姐姐

原帖由 火狼cool 於 2007-1-4 11:44 PM 發表
我個邊兩間都有- -'''

天使睇下有冇...

我想問邊隻深層mask又平又好用--

天使唔會有, 雅施先有o'slee代理
雅施分店地址↓↓
http://www.aster.hk/sub/others/location.php

小sion子

原帖由 你睇o下上面啦 於 2007-1-3 06:00 PM 發表
1_暗蒼痕和暗蒼印有沒有分別???
2_面上因之前長過暗蒼後, 留下來的凹陷位置有沒有治療方法??
3_凹陷位置是暗蒼痕還是暗蒼印呢??

其實我無聽過有人講"暗瘡痕", 所以我會判斷暗瘡痕有兩個意思, 一個就係暗瘡印(即色素積聚), 另一個係暗瘡康復期間處理得唔好而遺留既疤痕(即凹凸洞)

凹凸洞來說, 可以話係等運到, 睇下皮膚會唔會自己生返埋
不然處理方法就多數係彩光、激光、冷光或飛梭
詳情請見以下既post↓↓
http://www1.2000fun.com/bbs/viewthread.php?tid=2291480

小sion子

原帖由 marlet 於 2007-1-6 12:16 AM 發表
我想問下呢

如果粒瘡生完之後..我冇點理佢啦

隔左好耐,佢變左一團黑色腫起左...入面好似積左好多血咁

但又"支"極都唔穿....

暗瘡膏又冇幫助...

我應該點做?同埋點樣避免??

唔該晒大家!!

唔肯定會唔會係因為處理得唔好, 感染左而惡化呢@_@"""
如果你能把相(不用全面拍, 可以的話用微距功能拍下粒瘡便好~) post出來會比較容易判斷
不想公開的話也可以pm給我

一般能在暗瘡中擠出來的白色固體或液體都是油脂
有時暗瘡要唧出一層油脂、一層血和再一層油脂以後才會退, 不過用那麼粗暴的方法對待皮膚的話一定會留下大大的印

原帖由 冷愁 於 2007-1-9 01:11 PM 發表
我暗瘡冇乜,不過咀唇上下就有好多紅印'''
其實我唔知係咪暗瘡印....之前我個做過美容既親戚又話係剃鬚刨整損
但係又似係印wo,我之前咀唇下面支左d瘡可能支得唔好依家有好紅既"啦"!點算呀!
同埋我同 ...

你會唔會長期剃鬚都用同一副刀片?
剃鬚刀片唔乾淨的話容易使皮膚感染/敏感變紅~所以盡可能保持刀片清潔, 可以的話勤換刀片
另外用剃鬚膏可以減低刀片和皮膚的磨擦, 也可以減少不適
鬚後水則可以在剃鬚後紓緩皮膚~