(心得)淺談淺井長政 - 魔獸《信長之野望》

2000FUN論壇 › 綜合論壇 › Warcraft III › 魔獸《信長之野望》 › (心得)淺談淺井長政

查看: 6579\|回覆: 62	go (心得)淺談淺井長政 [複製鏈接]

安云

三星高級會員

Rank: 3 Rank: 3 Rank: 3

UID: 697514
帖子: 54
積分: 401
Good: 0
註冊時間: 06-7-19
在線時間: 41 小時

1^#

發表於 07-1-30 03:09 PM |只看該作者 |正序瀏覽 |打印

小弟玩信長都1年有多喇~累積左唔少心得~今日同大家分享下:D
起始裝備: 底褲+電捲+2件智慧披風(叫隻馬買)+2塊豬肉
盡量唔好浪費身上每個空格~買D墊檔物好過直儲神裝

而且2件智慧披風可以增加140既法力上限兼少許回魔速度~個人認為會比出門就咁買褲+魔力鋼好
技能 W:一刀牙 E:一刀瞬 R: 活心．魂(被動) T:一刀空牙
點法: 12121412233433555.......
因為玩秒人型~所以唔升第三招住....
開始撐線攻略: 買好野後以最快速度出去撐線
小弟比較鍾意行上路~因為下路通常係本多等既麻煩之流

第一波小兵攻略: 夠快既話行到上路會見到2邊小兵岩岩開打~咁你就唔好打被圍緊果隻小兵~打另一隻滿血既按ALT睇血量~當見到被圍同你打緊既兵仔既血量低過350果陣就用電捲食左佢地
之後要食埋其他小兵就要睇你撿尾刀得唔得囉~~~
小技巧: 其實淺井普攻都幾高~要用普攻黎撿尾刀都幾易
方法: 先按住ALT~然後在小兵群附近晃黎晃去~當小兵既血量見紅而且淨返1格仔果陣
      就行埋去打佢一下~咁就40蚊落袋喇:D
初期: 靠以上方法賺錢~而技能都盡量用黎食小兵~等你肥多少少再殺人都未遲:)2
      等到第一波犒賞~買一塊回魔鋼~之後5LV到再補多塊回魔鋼~咁樣你既回魔速度就非常快喇
      如果你食兵夠多既話~可以買埋閃戒~有人會話閃戒冇用~但小弟覺得非常好用'抵用

相比起魔力鋼~800蚊加200魔兼且有瞬移功能~對於血薄既淺井走佬或者追殺都非常好用

備註:如果同你同路既人係阿松~前田呢D可以秒人既人物~咁就換做1回魔鋼+抗魔/清酒，
唔係你會成日死~不過就要小心運用有限既魔力喇
當有齊以上既裝~應該都6V喇~可以大開殺戒喇:)2
殺人方法: 回好魔~計好敵人血量(血低過1300即可秒殺)~走入樹林位
接法1:WTE+電捲    接法2:TE+電捲+W    接法3:WE+電捲+T
解說: 接法1係接得最快既連技~適合用黎殺冇抗魔既英雄
   接法2適合殺帶左抗魔~而血量又低過1050既英雄(因為W呢件既延遲時間太長~可能你接到E果陣人地就食左魔免~所以W留係最後出)
   接法3最不建議~不過新手駁技慢/唔識計血量就可以用呢個方法
有人話有魔免好難殺~其實駁技夠快既話~係可以係佢食唔切魔免既情況下秒佢架

就用上面既接法2做例子…….先T~當按下T果瞬間再立即按E~因為時間差既關係~當T掃到敵人既時候~你係同時間閃埋過去~而又係按E閃過去果瞬間~迅速將左手移去數字鍵按下電捲快捷鍵~咁呢3招就幾乎係同一時間打係敵人身上~雖然你用左2-3秒去駁技~但係敵人角度黎講~就好似用左1.x秒~人類既反應基本上係黎唔切反應按魔免

7-14LV: 呢個階段可以話係淺井既黃金時期~如果呢段時間唔係咁殺人~你後期將會打得非常辛苦
呢個時期既裝應該有:閃鞋  回魔鋼回魔鋼(或者魔免/清酒)  落石  巨龍  毒弓(或者雪走/吹箭)
合成次序: 回魔鋼/魔水保留~1件智披換落石~將閃戒合成閃鞋~另1件智披換再生鋼~等出巨龍~最後電捲換毒弓備註(除非殺得多人多兵~否則毒弓通常未出到~可以考慮出住吹箭墊一墊先~又話者買雪走都唔錯)
呢段時期應該經常CP~令到敵人覺得你神出鬼沒~因為出左落石既關係~用落石+電捲殺CP或者清兵都之快
然後留意3路既英雄邊個易殺~就立即仆過去拎300喇~~~
接技方法: 落石~T~E~巨龍~電捲~唔死再W  550+1200+500+525+350+450=3575*0.7=約2500(用緊心算唔識計小數位= =”)
以上係講緊未出毒弓既例子~出埋既話可以秒HP 2800既英雄~而平時冇大技都可以秒到1800血都既英雄
備註:因為落石會有1秒到既技能延遲~所以一定要用左落石先~按左落石後立即按T~咁敵人就會同時間中左呢2招~然後照之前既方法將d技駁哂佢~
如果敵人好早已經好團結走埋一齊~咁駁技果陣就要更加小心lo~~係駁到E既時候立即按埋魔水既快捷鍵~唔係俾人秒果個會係你-.-
後期:呢個時候淺井既影響力已經比之前少好多~因為d英雄閒閒地都3000血~法師都應該有2千幾~同埋係後期所有人都行埋一齊~如果對面有本多、德川~咁你預左殺完人都要俾人殺返都得喇
出裝:神甲  鬼徹  鬼丸國鋼/震地斧  巨龍/風殤  毒弓/菊一  平蜘蛛
要出得哂呢d裝都好難下- -
個人比較推薦出裝次序係平蜘蛛>鬼撤>菊一(可以唔買繼續用毒弓~睇情況啦)>神甲>鬼丸/震地斧>風殤
配裝為震地斧~風殤~毒弓~鬼撤既接法:T~E~震~風殤~毒弓~鬼撤~W
900+500+450+400*3+560+800=4017*0.7=約2800
配裝為震地斧~風殤~鬼丸國鋼~鬼撤既接法:鬼丸~風殤~T~E~震~W~鬼撤
400+400*5+900+500+450+450+800=5100*0.7=3570(主要靠風殤殺敵~不過接法難度高好多~因為要識計暈既秒數~先唔會浪費風殤而敵人又開唔到魔免~而且當風殤係CD中既話就非常無力)

出哂技都秒唔到既話~就要靠隊友嚕;)
呼~打左咁耐~要講既野都差唔多喇~
總括黎講~淺井係個易學難精既人物~新手靠大絕執雞一場殺10個8個唔係問題~但要成為淺井高手駁技一定要快~同埋要留意出擊既時間~呢D就要自己慢慢體會喇~而我既配裝都只係建議~唔一定要跟死~祝你早日最適合自己既玩法

PS 唔知有冇機會加精呢~小弟花左好多心血打架:)2

以上皆為本人原創

已有 1 人評分	威望	收起理由
k仔再來	+ 30	支持原創

總評分: 威望 + 30 查看全部評分

關閉 安全驗證

(心得)淺談淺井長政 [複製鏈接]

瀏覽過的版塊

關閉安全驗證