[討論]大家真係覺得外掛唔好？

旺師傅

純粹個人意見，沒有他意。只討論，勿插。
我以前都有玩RO，點解覺得佢好玩呢?
係因為除左q版，佢升級好快。
係呢度節省好多時間去升級，升級過程好悶，大家話係唔係?
點解升級咁快，就係因為外掛，我就係唔明點解外掛唔好，我夜晚就升級，
到左下午玩就入去傾下計，同人組隊打下王，攻下城，呢d時間全靠外掛幫你節省返黎，
如果冇外掛幫你升級，會唔會玩得咁開心。
我唔係係度話用外掛好，只係覺得佢係一個輔助，
就好似你做人咁，你唔係自己可以完成哂所有野，
點都要有d野黎幫下你，外掛就係咁既作用，
只要唔好破壞到人地就得。
大家又試諗下，一隻online game點先可以生存落去，
有新玩家加入，有老手持續玩，咁先可以生存，
玩一隻game入去只係為左升級，玩黎有咩意思，不如羅去讀書仲好，係咪先。
RO1係一隻幾成功既online game，
佢知道龜島有好多外掛，點解佢又唔一次去捉哂呢?
就係佢都知道有外掛係一定既事，至於可以維持到遊戲平衡就無問題。
如果佢一次捉哂，咁實一定冇人會再玩。
即使我地點抗拒，外掛點都出現，現實係咁殘酷，我地只可以接受。
所以我覺得一隻online game 有一定既外掛係正常，
唔好咁猖狂就得，如果唔係呢gmae又好快冇得做，
而家差唔多隻隻gmae 都終身免費，差唔多冇一隻真係好玩，
ro2 出左之後，會唔會好似ro 1 咁我唔知，但係我都希望佢能夠做到ro1咁理想。

真係只討論！

[ 本帖最後由 旺師傅 於 2008-4-17 01:13 PM 編輯 ]

傻仔§ＭｉｎＧ

我同意樓主講法0.0

jacky007

我一路睇...我見好多人話外掛唔好...
個人認為...外掛係唔同既game係有唔同既影響...
就以RO1為例真係全世界都用緊外掛...樓主話去龜島...冇錯...你人手去龜島係冇可能升級...
但係ro有外掛...點解仲咁多人玩??大家知唔知...
我諗話"極"討厭外掛既人係未玩過ro1...即使ro1有外掛...一樣好玩...因為有打王..有會戰..有pvp場..等等..仲有好多好玩既野
而現時有多隻online game...真係冇咩外掛...但係真係極其無聊...只有不停升lv升lv再升lv...
其實我最想講既野就係...一隻game睇佢好唔好..根本唔係睇個公司有冇捉外掛...而係隻GAME夠唔夠多元素...吸引到玩家..
再舉一個例:瑪奇
瑪奇佢都有外掛...但係外掛的確冇乜用...但係都係好玩...因為佢夠多元素..即使有外掛...仍然留得住玩家既心
有d game 有外掛就係非常差...因為成隻game都只係玩升lv...你用埋外掛升...咁就不如唔好玩..
但係有d game有外掛一樣好玩...因為佢有元素更勝其他game

小馬介

吾系個個都可以夜晚掛住部機~

shaw

呢個版都歷時機乎一年啦..
沒甚麼好駡戰  外掛與不外掛, 其實都不是甚麼對與錯的關係..

RO1 的 耐玩性與成功, 會否是因為有外掛的存在, 不得而知,
但無可否認, 當時還是小時的我（今年三十有一了）, 真的極享往當時在中央南門時,
輕輕鬆鬆的跟朋友聊天的那種感覺，無聊時又可放怪玩玩, 箇中真的認識了一班朋友, 至今也有出來傾計, 我亦親眼見證了一對在RO 紅花會時見識的男女, 今年結婚了..己是4年的事, 感覺良多..
也許, 我的前任女友又是在game 中有時間閒聊時認識(需然只是跟她一起三年)

其實，我不持相方對立面, 外掛有好也有不好的地方, 好的就是不用一上線就是去打怪升級，用了時間跟朋友溝通, 但又可以相約朋友到死城玩, 升lvl,
不好的, 就是失去公平..(但其實那時香港ser ISO 己是9成人用外掛了，不用的被人覺得是笨)

Qoo記

原帖由 bubucarnoddy 於 2009-7-1 04:05 AM 發表
個on狗版主開個主題話唔係引起罵戰!
佢把明就係搞事啦!要外掛不如你去私服啦!
升得快又有你想要既野!正一on狗狗

板主不=樓主噢

bubucarnoddy

個on狗版主開個主題話唔係引起罵戰!
佢把明就係搞事啦!要外掛不如你去私服啦!
升得快又有你想要既野!正一on狗狗

[ 本帖最後由 bubucarnoddy 於 2009-7-1 04:10 AM 編輯 ]

Qoo記

你對外掛既態度
我覺得係你點對隻game

你想佢長生不死?
好多人同你一齊玩?
lee兩個正係我既願望

但係上巴哈排行榜一睇
符合我兩位條件的game
又有幾多隻冇外掛...
我明白到外掛的確帶來好多問題
但0外掛既game真係能生存?

冇我既希望既人可以無視
我親身見到不俗的例子係希望
得閒都要提下希望
haha
太喜歡了

由以前既收費轉為免費
最重要既係佢既外掛係收費
咁就小左好多 [多掛]了

有fd在玩
買幣當然有
有陣掛住有陣手升
不知為何 大家都樂透了
佢地有買裝
當然lee筆錢轉為買點又如何
(實有人用錢用但唔想上網買裝)
產生對該game既正面影響
代理收多d錢又可能做好d

可惜ynk都是劣...



外話:
希望大家能在說話時諗住想心就好了
反外掛者有d人係唔想人地高lv/多錢
支持者既又可能係想瞬間追到d練功魔人既lv
此二都是虛榮心
玩game要有良心
掛機都是...

插人的
睇完我篇文都希望討論下

[ 本帖最後由 Qoo記 於 2009-6-29 02:41 AM 編輯 ]

牙仔=)

奇實手動有手動好..外掛有外掛好...
不過外掛會對手動既玩家吾公平..
因為之前同我細佬2個齊齊JOB50先轉2轉...
點知成日撞到班死外掛...
打晒D怪..跟本升吾到....
去邊到升,,刀有外掛,,,搶晒D怪..
所以醉後刀冇玩隻祭師..
玩獵人..嘿...人掛我掛!!!

星雨晴

depent you..if you are busy..it is good for you

零聲

你有冇諗過人地都唔想日日開住部腦用外掛

大家用大家就好似以本(時間)傷人咁

︴紫﹏藍〞

樓主原來鍾意用外掛...
不過我極唔同意用外掛,咁樣個個一用外掛就可以狂升Lv,
咁你係代理商會唔會比咁做?
一來賺唔到錢,二來影響晒隻game既公平性,
咁想吹水就用msn或者就咁吹
我唔明吹水關外掛咩事,升高d級吹既水會勁@@?

fightoffreedom

[fly]升lv唔係為左勁,,   咁係為咩?[/fly]
唔通你好享受只係狂咁制打怪升lv既時間?
可能你會話同人組隊一道傾計一道升lv同埋清怪好好玩好enjoy
但係你升勁左之後pvp同埋攻城仲好玩啦
同埋你清怪清得多都悶啦

我就覺得  你想玩既時候未手升lor
唔想玩未外掛lor
最緊要自己好玩
外掛就算搶怪咁又點,,你理得人冇怪打姐,又唔係自己冇怪打
雖然係好自私  但係....
打機都係想自己開心姐
唔通你打機係想令到人地開心?
人地冇怪打  玩得唔開心  都唔關你事

§徹§

對於懶人黎講咪好囉
但係我想講既係...
有d外掛只係幫手行下..唔使你下下都要按咁麻煩...個d我覺得都ok
但係如果連升lv都幫埋你...=,=你玩d隻game有咩意思???
為左比人睇到你個外掛搞到你好高lv好好揪嗎???
咁樣.... 一d都無樂趣
可能個個打機既觀點唔同..咁樣我無野講

不敵@﹏@

樓主作文-.-?
我都係一個熱愛外掛既玩家黎
跟本果d人唔會明白玩外掛係有另一種樂趣
首先講句  樓主跟本冇話過自己用外掛岩  只係話用外掛唔係唔好  同我意見一樣..
成日話成功感  
你用手升有成功感  
咁點解我地用外掛升冇成功感
用過外掛既都應該知
set一個外掛唔難
set好一個外掛好難
當你set到一個好外掛
一晚升勁多lv
e d唔係成功感咩

~十翼~

老實講, 我寧願官方整個自動練功既功能
不過要收錢 (不論遊戲錢定真錢)
咁樣某程度上可以解決某d人唔夠時間玩既問題, e.g.我

你唔想手動升lv咪俾錢囉
你想同fd打王咪off左個function囉
你嫌貴又唔想自己升lv? 咁你玩咩rpg? 番去玩你的flash小遊戲~

＊康~

雲起有隻game,叫做水滸歷險
佢出左個英雄系統
你掛係度,隻英雄會自動打怪,幫你升lv
初頭個個都話好正
唔洗自己升lv咁辛苦
但係後來d人玩到悶曬
唔洗一個星期就升到好高lv
到到都係d人掛機
有咩咁好玩
如果升lv係好悶既
玩online game做咩
呢種online game係玩打怪升lv架啦
用外掛不如玩pc game啦
橫掂都自閉架啦
玩完pc game咪on msn吹水羅
同用外掛一樣
仲唔洗阻住人添

(個人意見:smilie_:): )