給fez官方的建議 大家一齊發表意見

亞紀仁

如題
大家有咩對FEZ既意見 想官方新增d乜野之類等等 可以係呢個topic發表下
雖然會為我地而改就冇咩可能 (橘子只係代理 要改隻game要去到日本廠商果面..)
不過大家圍埋一齊up下都好  反正有排先公測

我先啦
首先我想改既係

1:
職業:

太小 得三種 就算細分為 雙手戰 盾戰 刀遊 弓遊 雷法 火法 冰法
充其量都只係七種 絕對唔夠應付大家既慾望
建議可以新增更多有特色既職業 例如專門負責後勤既擴工呀 建築師呀
技能可以考慮係一D增加挖水速度  減小水晶消耗速度之類既 再加返小小攻擊防身技能咁就成型了
建築師技能可以係同建築有關既野 例如建築時間減小 耗用水晶減小 甚至可以設定某D建築只有建築師先可以做既咁就更加有戰略性
召喚師都唔錯 技能上都係增強變身為召喚獸時既各項能力 又或者有召喚師專屬召喚技能

又或者可以再由本來以經有既三大職業再新增技能 令其更多變化
例如遊俠 可以再增加槍系技能 到時變相就多左一種新職業 槍遊
戰士 矛 雙劍 (係左手一把劍右手另一把劍 唔係雙手劍) 甚麼空手道家 (拳套)
法師可以新增黑魔法(攻擊) 白魔法(回復系) 甚至改變地型天氣既技能(有d道士既感覺)
至於法術效果我諗可以令其更加富有特色 一陣我再詳細講下


2:
地型 天氣  季節

大家都應該覺得地型太小變化 黎黎去去都係咁 冇新意
其實開發商只要花小小心思 就可以做出千變萬化既地型
類似 山崖 依家大家跳崖完全唔扣血 冇影響 最多係跳唔返上黎XD
其實可以設定為 有d位會扣血 有D甚至死亡 咁會增加更加多既戰略性同技術性
又或者 河流 海床 落到水會有養氣計 用晒就會開始扣血咁樣 沼澤 行過會中毒加行得好慢
又或者由攻擊效果著手 例如殘火 被火系術打過既地方會留低殘火 經過會灼傷
太坦大炮會射穿冰面令到果個範圍內既人即時跌落水 + 要過一段時間果條河先會結返冰
破壞建築物會有建築物既殘骸留係戰場一段時間成為障礙物 又或者設定為破壞建築物果一刻建築物倒塌既時候會傷害到比佢壓住既部隊
又可以新增吊橋 比人破壞後需要建築師起過一條 如果冇建築師咁呢場國戰直到結束先至會回復返

天氣方面 可以設定成同法師技能掛勾 例如晴天用火系技能有加成 雨天會雷系加成火系減半咁樣 (如果真係有槍遊可以設定成雨天火槍使用不能Orz)
咁會令到法師玩法更加千變萬化 甚麼晴天陰天雨天冰雹風災之類 再加埋沌師新增天侯控制既技能會令法師更加有變化
(不過呢方面要小心設定 因為場上有100個人 假設有20個係法師 你又天變佢又天變真係唔知變到幾時..)


3:
遊戲模式

依家國戰真係太單調 打打打 得個打字 攻方守方既分別極奇量只係防守可以拖時間結束當贏而攻方唔得
其實攻守方咪又係冇乜分別...
可以諗下國戰時增加任務 根據完成度來派發相應既獎勵 而如果能夠成功阻止敵方完成任務又可以有額外報酬
例如 佔領E3 30分鍾以上 全國死亡數200次以下 有呢D符加條件會令整個國戰生色不小
又或者可以增加 搶棋模式(好像wow的搶棋一樣) 保護要人模式(攻方負責殺掉目標守方負責保護)
其實只要花小小心思要諗更多模式出黎實在不難


4:
裝備

呢方面應該係官方最關心既一面
因為 整隻game出黎係為左錢 大家都知
冇理由要官方為我地整咁多野而不收分毫
例如我上文提及到既槍遊 槍可以用GASH點買 戰士 法師武器果D都係
又可以出D職業專用特殊裝備 例如礦工專用增加挖水速度既手套
建築師專用材料 要有呢D材料先起到特定既野等等
真係處處商機呀

雖然好似冇咩可能會改不過我都想大家發表下大家既意見

uhin

1就一早有,會增加三個職,但要平衡各個職業的所以到現在都未出,仲會強化現在的三個職
2就唔知,3同4遲d就會同1一同更新,其實你講既一半以上都係今年春天出,但由於廠商太拖
所以到而家都未出

[ 本帖最後由 uhin 於 2008-6-19 02:47 PM 編輯 ]

gn01271951A

應該改下d字體  痴埋一齊好難睇
睇得多隻眼都累 唔睇又唔得

俠4邪魂

你講既野應該全部做唔到

太陽~

有咁理想就好lu

btw 點解刀遊無得偽裝
有就正喇

亞紀仁

水門請問係咩職呢 好想知=v= 另外會點強化現在各職 會不會有槍遊

籃版飛彈

又岩喎!
偽裝呢個IDEA幾正!
不過9成個地圖會睇得出你係第個國/有其他破綻囉我覺得

大舊飯

第3點 好同意- -.............
家下d國戰真係得個打字..打嬴打輸最多都係多塊地同埋少塊地....
無d 獎勵

太陽~

原帖由 籃版飛彈 於 2008-6-19 02:53 PM 發表
又岩喎!
偽裝呢個IDEA幾正!
不過9成個地圖會睇得出你係第個國/有其他破綻囉我覺得

咁實會有d地方比你睇得出係第2個國家
如果唔係咪屈機

另外隻game 如果收月費,唔出商城就好喇

冰豬妹

應該要改 1:組隊 組左人 人第可以吸到經驗 下下自己打怪 人第又吸吾到 咁自己一個人無意思啦 悶到死

2:係根本 D裝 武器 都無攻 無防 真係好白痴 得個型字

4:強化 又吾可以強化同一樣野 咁整強化黎有鬼用阿

5:打怪果D野 根本都無值錢既野 咁到時變強左 吾玩 又點賣帳號同D野出去阿- -

渡邊君

講真只係打國戰又幾悶,不如整多d boss怪係大陸到,俾我地玩下
而且打死左d boss仲有機會(好少)

焰冰

我好鐘意樓主你講果d職
如果真係有就好喇
如果有得攻城咁就好喇
用d攻城器呀果d野
有咩爬城梯仲正
變到好似真係打仗咁
樓上講既boss都好正
如果打打下國戰
有boss彈出黎
變左兩個國家打隻boss
仲好玩呀-3-
我以上講既野純碎亂諗
睇下算~~睇完唔好鬧我

赤翼﹏告死天使

原帖由 渡邊君 於 2008-6-19 03:37 PM 發表
講真只係打國戰又幾悶,不如整多d boss怪係大陸到,俾我地玩下
而且打死左d boss仲有機會(好少)

感覺上...我想比3魔師圍...
都唔想食BOSS一下一口一"
無記錯...BOSS睇到忍身...e下先煩...

三職七玩法...算唔錯...
進階...都諗唔出一口一"
盾戰->巨盾? 雙手->巨劍?
弓遊->鎗遊?  刀遊->忍者?(最好...有遠技放)
法師->?
如果真係咁= =就無野講...

邪神洛基

其實fez職業定位清晰係佢既優點之一
況且你都無計到雙修
雙修可以彌補某種環境既劣勢

想問2#提到會增加三種職業係咩
我上wiki同埋17173都冇見到有咩職業增加既情報

日本wiki提到
いわゆるHealer（回復職）はいません。無限の回復術、味方への補助魔法もありません。
所以白魔法出現可能性幾乎等於0
況且出現補職有破壞平衡性既可能..




p.s 玩過fez我覺得某程度幾似.hack..

﹥ω﹤喵喵

我好鐘意樓主講第2個point牙:)
天氣地型果d
真係會好玩好多

渡邊君

再出職難保唔會破壞左遊戲既平衡其實,
而家都唔錯啦=0=
而且除左打國戰,冇記錯,有個島可以玩對戰,即係公會戰個類

petexexd

覺得首要係處理左高PNIG 導致錯位的問題
唔係越玩越心酸  可以話過左幾多ping一段時間or次數
系統就自動請佢離場  因為要靠玩家踢個效率真係好低...

alanalan92

你既提意係幾好..不過...
如你所講,加入咁多新既原素,會唔會令隻game對電腦既需加大呢?
令一眾廢機人士(如我..)不能亨受遊戲之樂呢?

完子筆

想出一d謀略(連鎖,離間果類)

最想有有大頭look出放最上講野(好似廣播)

籃版飛彈

唔知出個迷宮場有家會唔會覺得好玩D呢?
姐係場場個樣都唔同,地圖睇唔到的
要起方尖先睇到果隻
到可能隱身好爽[發夢中]