強力刀遊單挑心得

Draconid

先講配點
要齊殘技加少少弓技
01/02/09 注：兒家可以滿血殘死人的刀遊高手越來越少啦，唉

同人打一定要隱身，見光的刀遊威脅係低好多的，小心水同腳步聲，睇出比人發現左又未開始打你，大跳可能幫到你

第一下當然係腕部破壞，呢個代表你的對手冇反抗能力

第二下，係足部破壞，足部破壞其實比腕部破壞重要，有足部破壞先有可能打死對手，
失敗左可以補多下，追落點係你唯一機會，一兩下內補唔到請走佬，
如果佢追，足部破壞，再走佬，因為16秒的腕部破壞應該差唔多完
足部破壞同腕部破壞可以交換次序，但風險高，
特別是盾戰有暈，刀遊有腕部破壞，弓遊有貫骨，同法有冰c
頭兩個最gag，好多時會一齊冇手，or 你暈左，望住個冇手的盾戰走佬
01/02/09 注：新的打法多數係足破先，除非係盾戰

第三下，力量破壞，對魔法師的話，代表佢從此冇哂反抗能力，你唔係比佢詠唱到下嘛
佢唔係法都好，佢腕部破壞完左都唔會有pw，遊or戰都會比你玩死

第四下，毒蛇撕咬，400 攻 dot(damage over time)，攻擊力來源，佢跳就最好，佢就來落地果時用，一定中

第五下，普攻1-3下，點解唔係防禦破壞，因為你會有可能唔夠pw做下一個動作，特別之前果幾下唔係一次過落
但係你高手的話，可以防禦破壞左先普攻，盾戰會好甘，因為除左減120防，佢加40防果招加強保護都會冇左
唔少情況d人嚇一嚇，到你普攻先識走，到呢度，佢好難唔死
注意，好多人會跳，你會打飛佢，最好貼實d，唔係下一下好難中

第六下，足部破壞，之前果下得10秒，要補多下，但係唔一定補到的，補唔到就有另一個做法

補到足部破壞的情況:
第七下，第二下腕部破壞，有足部破壞你都唔中你就要練多d啦，記得唔好心急，慢慢來
第八下，毒蛇撕咬
第九下，普攻到佢死

補唔到足部破壞的情況:
第七下，第二下腕部破壞，點解唔係補足部破壞？因為你會唔夠pw，而且佢開始有pw
呢下都有成功唔成功的

第二下腕部破壞成功:
對方一定走佬，我地做咩？轉弓，射佢，佢應該唔多過250 血，最多5下空襲，佢就死得
唔走？比野足部破壞佢，睇佢點死

第二下腕部破壞唔成功:
如果佢走，走得夠遠(你安全)，可以試轉弓空襲
如果佢唔上唔落，唔好轉弓，死硬，自己諗方法同佢上腕部破壞or用毒蛇撕咬突擊，由於你見左光又控唔住，請隨時走佬
呢個係最差的情況，好易死，因為你會唔夠pw，而且佢開始有pw

如果，中途有其他人來，上左毒蛇撕咬，就好走，刀遊好難一打二
寫呢篇，係因為有人寫佢用戰士最唔驚刀遊，我就寫返呢樣係睇邊個先手，比刀遊出到第一下，咩職都好煩，當然，我都有講，見光的刀遊係冇威脅的

要多謝果個不知名的大陸玩家，我係學左佢，試過，先寫到，有好多係一樣，我只係加多左心得
佢的原文
http://www.2000fun.com/bbs/viewt ... &extra=page%3D1

紫國 主刀雙修遊 暗星之祭

[ 本帖最後由 Draconid 於 2009-2-1 02:44 AM 編輯 ]

gooddestiny

我覺得個名改錯了,應該係(刀遊單挑敵人心得)

刀遊單挑已經好勁,仲心得= =
用足+腕 如果無人幫,都死得架la
重擊只係打無血d人

LI小姐;]

-_- 我試過係小小時間入面由滿血變到死

雷克斯

其實重擊
只係新手用既必殺技 汁雞必用招(個人覺得)
講真 刀游..正係用重擊 真係好難上到榜
都好難爆到8千攻擊力(本人係刀游,唔知我廢定點)
因為mp 既限制
而且 有時個隱身比人打到無左..又要回mp引
我覺得老手刀游應該玩破武破足中毒破防
我e+ 唔玩隱殺
玩le d反而仲好!

~benjamin~

我懲戒同殘廢流都會玩, 單身就懲多人就殘

拿佛珠彈耶穌

我同樓上掉轉...
多人混戰時我會用懲(個人感覺  敵人少一個就係少一個)
追擊 or 被追就殘...ps:被追時要殘人要睇敵方人數...有時一堆餓狗衝埋黎只會用毒霧
我而家如果做傷害足45分鐘都有17xxx-25xxx

拿佛珠彈耶穌

原帖由 雷克斯 於 2008-7-25 11:25 AM 發表
其實重擊
只係新手用既必殺技 汁雞必用招(個人覺得)
講真 刀游..正係用重擊 真係好難上到榜
都好難爆到8千攻擊力(本人係刀游,唔知我廢定點)
因為mp 既限制
而且 有時個隱身比人打到無左..又要回mp引
我覺得老手 ...

唔一定老手就要玩殘廢流既  唔好人地講兩句話用懲戒係廢x  唔識用殘廢技又係廢x  就覺得懲戒冇用
玩殘廢技真係要好睇時機  識閃既人唔會比你o係一群敵人之中用殘廢技殺死
用懲戒殺死對方少血  可以令到敵兵少一個人放技  從而可能殺多兩至三個就壓得住  好過次次比佢回防食藥補血   
有時候最佳逃走路線未必係向後  你原本行緊既方向係左手邊  突然跳右  對方未面黎得切反應既
碎碎唸
李連杰:兵不厭詐 這是戰爭
紫國國王(忘了名字...):小刀的使用最重要是看時機

Ｆox

講得唔錯!
不過其實基本上第一下就肯定係破手嫁喇,唔破手你分分鐘比人打飛/sm而死
封腳就必定擺係第二!然後就毒蛇,基本上如果佢行返返去搵人幫拖,起碼都仲有招毒慢慢扣佢血
我其實一開始就係玩刀遊
起初..淨係識用懲戒汁雞(典型新手)
而家就發覺,我一直遺忘既毒蛇c咬..係多麼的神聖-口-"
有時比人追擊既時候....冇路可逃,,點算呢!
呢個時候我會睇情況而定...如果情況許可..我會破佢地武...如果唔得既就放毒...
死得有返小小價值...
而家其實每場都會過萬傷害...現時最高1.6萬傷...
我可能都係廢果堆黎-_-"...不過我冇毒霧系列既技...果陣貪玩升左箭雨-.-"
如果唔係去亂水既話...傷害絕對可以破2萬...
最後講句,玩刀遊既朋友,唔好成日掛住汁雞...刀遊其實用黎幫隊友係好好用....
我最鐘意叫埋d刀遊fd...隱身去擴建/爆塔...有人黎就sm佢地@v@"
唔好太注重擊倒數...冇用的-.-"你比我揀...我寧願去做水工...