大家覺得應該出返收費版ONLINE

lstterry

其實我好早都講過收費同商城的好壞
收費仲有一個非常好的好處,就係互動
令到大家識到多d朋友,因為分身少左
應該唔會有20.30開去掛技
咁樣幣商成本重左,自然少左

另外,收費的話,代理責任重左
佢會想辦法維持隻game平衡同可玩性
留住d玩家同盡辦法令隻game長命d

最緊要係會少左好多小白
另外有d人話要俾錢,唔岩玩仲晒錢
咁我大聲講一句,冇玩過收費game就唔該唔好發表意見
收費game係有封測同公測先正式收費
就算過左公測,新ac去玩,通常會有一段時間係免費俾你試玩
再俾你決定玩唔玩落去

所以我絕對贊成收月費
因為咁樣好game可以長命d
d廢game就會自然收皮

lstterry

月費vs商城
大家比較下呢2種模式的好壞
以下係我個人見解,歡迎大家討論,不喜勿插

商城制:比較岩d銀彈戰士,代理可以快速吸金,遊戲內容及可玩性要求不而太高
責任較少(幾乎冇需負責),遊戲嚴重失衡(我指大部分,并不是全部)
遊戲壽命短,分身多,唯一優點係可用金錢快速打造理想人物

月費制:代理吸金較慢,不過可以長遠及穩定收入
責任大,而且遊戲內容及可玩性要求高,遊戲平衡度較高(唔係完全平
不過係你付出同收穫比例合理),遊戲壽命長,分身少

例子:
1.大定可以比較一下月費制同商城制的合約內容
例如回溯咁計,月費制係一定要補償,而商城制係可以唔理(不過代理為左留住玩家,
大部分都會補賞)不過而家係講緊責任問題,唔係補唔補賞問題
2.你辛苦升左1個月,升左個人出來,人地15日就升到
你50lv同一個同職同加點40lv銀彈戰士pk,唔夠打
3.商城制可以不斷開分身,而月費制都可以,不過開多一個就多一個月費

所以我個人比較喜歡月費制(小白都小d)
因為我寧願每月俾錢同大家享有同等代遇

同埋我嚴重反對內掛呢樣野,以前d代理要封外掛
而家終於俾佢地封到,就係自己做埋佢
等同我唔會俾你殺死我,最好方法就係我自殺,咁你一定殺我唔到(哈哈)
完全係自打咀巴的行為,有人會話封外掛係維持平衡,人人有得用就平衡啦
我只可以講,你岩,不過我想打機,唔係睇住部機

以上係我個人見解同發瀆,歡迎討論,不要罵戰,不喜勿看
所謂魚翅粉絲各有所好