- 閱讀權限
- 20
- 最後登錄
- 13-10-2
- 精華
- 0
- UID
- 468399
- 帖子
- 75
- 積分
- 197
- 註冊時間
- 05-8-2
- 在線時間
- 14 小時
- UID
- 468399
- 帖子
- 75
- 積分
- 197
- Good
- 1
- 註冊時間
- 05-8-2
- 在線時間
- 14 小時
|
起2007年既12月21日係我人生中最開心既一日!點解?
以下就係我同我老婆他goo goo豬既開始!
起12月21前半年前左右,我起某個論壇到,我老婆果時因為起我一個關於紋身既post到
佢有野問我所以就留左個email俾我,但係因為我寫完個post果一排我唔得閒,都有成十幾日
冇上網,所以我唔知佢留左email俾我話想同我做fd同埋有野想問我,果時我回左佢email,但係
果時我見佢好多時都唔上去果個論壇到,果時我諗....可能真係耐得製先覆佢...佢都唔記得要
問我咩啦!所以我都只係send左幾個email俾佢,問佢有咩事問我,但係好耐佢都唔覆,直到果件
事隔左都有4個幾月呀!佢突然pm我留左個電話俾我,但係佢pm個標題到咩都冇打落去,果時
我諗係唔係有d無聊人放人地個電話呢?因為果個Uxx論壇都幾多依d人,但係我諗左一陣見到
佢個名,因為我本身都係一個玩音樂既人,記性亦都不錯,諗返起好似曾經起一d post上我同佢
好似都有傾過下計,諗左一陣會唔會係果個女仔話問我關於紋身既野果個呢?
於是我果晚(即係收到電話果一晚)我打左電話俾佢,起初佢都唔記得佢有野問過我,跟住我張
果時我打個post既內容,同埋佢回覆我個post既內容再講一次俾佢聽,佢就有印象呀!
就咁大家就正式交換左電話同埋做埋fd添....第1晚同佢一傾就傾到天光...果時我望個鐘.......
不經不覺都已經6點幾呀!我第二日都仲要返工而且我工作都亦需要揸車,果時傾到某d話題..
傾到佢有小小想喊....之後仲唔出聲添....我不停咁喂....喂咁....但係佢都唔出聲...之後我以為佢
嬲左我...我心諗!死啦唔通我講錯野and講左d唔應該講既野激嬲左人?攪到佢連聲都唔出?
跟住我就爭取時間瞓教呀!因為第二日十點鐘我要返工,我起返工搭車途中send左個sms俾佢
佢好快就打返電話俾我,原來佢話佢眼瞓得制....傾到瞓著左自己都唔知...果時我個心先好過d
起碼唔會因為係我既問題呀!之後果一日我做緊野時我好想搵佢同佢傾計...果日朝早我成朝都
同佢send sms.....我個心成日都唔知點解會諗住佢.....我同自己講叫自己唔好亂諗呀!我地識左
唔係好耐呀!大家都只係普通朋友呀....但係有d野呃唔到自己既係我同佢真係好好傾..大家好
似有傾唔完既話題咁!到左下午左右......我突然send左個sms俾佢話我鐘意左佢!對佢有好感...
當時既佢都好突然..可能佢以為我同佢講笑啦...因為都只係識左1日咁快就鐘意左佢?佢都唔係
好信咁!於是佢起sms問我點解既?幾時開始對佢有好感架?依d問題!我話我擒晚同妳傾電話傾到天光後既事,我今日自己都問左自己好多次,依種感覺係唔係真既,我係一個玩音樂既人我相信感
覺,如果我鐘意既野我一定會爭取..即使個結果係點都好我都會去試..起碼即使唔得都好,自己都叫努力左呀!佢亦都承認對我有好感,但係佢同我一樣起感情路上都試過俾人呃過..俾人傷害過.....佢同我講佢都好想接受我..但係太快呀!佢話可能你出嚟見左我之後你就唔再鐘意我呢?我就話妳都係一個玩藝術既人.因為佢都有讀過關於藝術類既課程,佢同我一樣都係講感覺,佢話點解唔等大家識耐d,了解多d先開始呢?佢話佢唔想又一次受到傷害呀!我就同佢講要了解一個人唔係話你去同佢做左幾耐fd又或者你用左幾多時間去認識依個人就代表妳睇到既野一定係真架!有d情侶起佢地開始前夠做左好耐朋友先開始啦!但係結果又點呢?到頭耐一樣又係因大家好多野唔了解又或者係大家原來有好多野都未睇得清楚,到大家睇到時就覺得好難接受就咁就完左呀!就算係夫妻都會離婚啦?之後我地起電話到相愛左幾日佢終於起12月21日接受左我呀!果日我地出嚟見面而且見埋我亞媽添....起出嚟之前大家都會驚同埋冇信心,佢驚見到佢時我會後悔,因為果時大家雖然未見面,但係大家起電話到果一種感覺真係好好,好開心...真係想永遠都咁開心....佢同我講佢話如果到見面果一日我唔拖佢隻手咁就代表左我唔想同佢開始...如果係咁既大家之前既野就代冇發生過....如果我出到嚟仍然對佢種係有feel既咁我地就正式開始...結果都好順利咁開始到依家都7個幾月,大家都覺得依7個幾月好開心,當中都梗係有嘈交又或者試過遇到d唔開心既事啦!但係最後我地都可以坐底去傾返大家既問題!日子雖然唔係話好耐,但係我地都經歷左好多野lu.....但係問心講自己都拍過咁多次拖真係最開心同埋最令到自己感動既都係依一次...佢對我真係好好..佢永遠都只係諗我既感受多過佢自己既.....我叫馬騮..所以依家佢身邊既野全部都係同馬騮或者係蕉有關既.......老婆仔我希望我地唔只依7個月....而係70個700個70000個7000000000000000個咁多個月........ |
-
總評分:
威望 + 30
Good + 1
查看全部評分
|
發表於 08-7-26 10:07 PM
發表於 08-12-10 10:53 AM
