用3寬頻手指講長途電話俾人屈9000

helloniki

如題~~大家要小心...(直情5好用)

我朋友就出事la


本人早前看到 3 流動寬頻有以下推廣，覺得頗為吸引，便去登記，點知咁就出事！


QUOTE:
*須簽訂「EasyPlus數據月費計劃」之合約上台及預繳
^適用於任何固網寬頻客戶，有關客戶須於申請時出示3個月之固網寬頻賬單或銷售合約。
#由現在至二零零八年九月三十日，當客戶漫游到奧地利、澳洲（3-Telstra網路亦適用）、丹麥、愛爾蘭、意大利、澳門、瑞典及英國並連接3網絡使用數據服務均以身處香港時使用之收費計算。
註：所有優惠均附帶有關條款及細則，詳情請向3Shop店員查詢。



由於我女友早前要去澳洲，我就o係 08/07 (dd/mm)  出o左個流動寬頻俾佢帶去用，點知就係噩夢的開始：

我女友去到果度，話用唔到，我話登記時明明已經同豐澤個 sales 講明要拿去澳洲用，點會唔得？12/07去門市一問，發現根本未同我登記漫遊，果位男職員仲想耍我出尖沙咀果度登記...... 我大奇，門市 (服務中心)都冇得做？追問之下，果個職員先死死氣同我登記。

我再次同佢確認個優惠條款 (其實之前在豐澤登記時已經問過，當時個職員打過去 3 度同我確認，話在澳洲用 3o既台上網係唔使額外收錢，並提醒我要用手動設定去搵 3 個台，否則會被收錢)，3 門市個職員初時唔多肯定，在詢問另一位同事後，再確認3-Telstra o係果邊用係唔使額外收錢，並話我聽稍後漫遊就可以使用。我以為大功告成，打俾女友，話佢聽呢個消息，並再次叮囑佢唔好用 3以外o既台去上網，亦唔好借個寬頻俾人o地用，否則我會被額外收錢。女友係一個仔細的人，對錢銀亦很小心，於是我就好放心咁收線，之後佢上到網，如是者過了 2、3 日，大家相安無事。

之後麻煩就o黎，17/07 女友打長途電話來，話上唔到網，原因為收到一個email，話我o既漫遊用量過大，於是先停我個漫遊，以免因為俾人盜用而向我額外收費。我根據個 email上提供的電話打去查詢，接聽o既係一個女仔，佢話我有 $8xx o既漫遊收費要俾，我話無可能喎，我用o左咩你o地要收我 $8xx幾先？佢話張單o既詳情佢都唔太清楚，叫我打去客戶服務熱線，果度d 人可以同我check......

於是我又打去，聽我電話o既係一個男士，叫顏先生。無論我問乜，佢都話要 check，仲要一 check 6-7 分鐘......成個對話入面，佢整整 hold 我個電話 hold o左超過一小時。更離譜o既係佢居然同我講，話用 3-Telstra係要收取漫遊費用！我大感意外，亦唔想同佢講太多，只係叫佢自己上返佢公司個官方網頁看看，再回答我。佢當然又要 check好幾分鐘，返到來的結果，係佢唔知o係邊度可以搵到！我耐著性子教佢o係邊度搵，結果都係不等要領。我無計可施下，只有要求同佢上司傾。佢話佢當值上司已經收o左工，我話唔緊要，你上司佢貴姓？或者我留個電話，叫佢聽日打俾我...... 佢又話要我等等，又想 hold我條線幾分鐘！我話唔係呱，你自己上司係邊位都唔知，都要 check？！整整一個多小時，顏先生只係答到我兩樣o野：一，就係個台停o左，要 2-3日先開得返；二，張單方面，要 8-10 日先 check 到......

我當然唔滿意呢個答案，一番擾攘下，終於搵到佢o既一位當值上司出來，佢係一位姓陳的小姐。我向陳小姐反映，非常唔理解佢o地公司點解可以在冇查清楚自己有咩優惠提供時，就胡亂回應客人；亦唔理解點解連張單都未睇到，但又會睇到我用多o左 $8xx 要暫停我個服務。陳小姐向我道歉，並認同如使用3-Telstra 的服務，並不需要額外收費。我向陳小姐正式投訴，陳小姐承諾會在 1-2 天替我重新接駁漫遊服務，並在 48小時內，請他們客戶關係科的專人跟進我的投訴。我再次詢問陳小姐，是否會在 19/07 日晚上 11 時前收到她口中的「專人」回覆，她說是。

至 19/07 日晚上 11 時前止，本人並無收到任何「3 客戶關係科」的回覆，只係有位男士打過俾我，話佢已經同我睇緊張單。至 23/7下午五時許，才有一位客戶關係科的錢小姐來電，跟進我的個案。我向錢小姐表示，非常不滿其公司的客戶服務，並表示我女友確實冇用過任何 3以外的任個網絡上網。由於我的付款方法是以信用卡自動轉賑，我表示擔心事情未查明之後就會胡亂扣數，錢小姐和我商議後，同意先將我的自動轉賬終止，待賬單出來後，才再作調查、商議。

11/08 日下午，我收到一個 email，要我交 $94xx 的寬頻費用。我其後和錢小姐通電，她說會和我 double check張單，但建議我先上網睇o左張單先。我話冇問題，但我上網查單時，卻無法看到有關漫遊收費的詳細內容，只是看到在 14/07 日有 $92xx 和15/07 有 $0.15 charges。我致電錢小姐，向她提出以下疑點：

1. 我在使用其公司服務前後，多次向其公司職員查詢有關收費詳情，已清楚了解有關收費並已清楚告之女友，她亦有嚴格遵守，何以會出現如此巨額的收費？
2. 據 08/08 的賬單顯示，第一次在當地使用的時間是 12/07，最後一次是在 23/07，撇開 15/07 的 $0.15收費不論，其實我們前後只有 1 天有使用 3 以外的網絡。奇就奇在，前面唔錯，後面唔錯，反而中間先錯？仲要一錯就錯o左$92xx？你話我一初唔知規矩而錯，都還勉強講得通，但前面唔錯，中間先錯，仲要狂用，實在非常不合理。

錢小姐說賬單中會有有關賬項的詳細顯示，只是我找不到，著我再找找。15/08日，錢小姐來電，說她和當地網絡供應商對過數，話確係存在有關紀錄，即係我要俾錢。我再次強調，本人女友絕對沒有使用任個 3以外的網絡供應商，並提出未能提在有關的賬項之詳細顯示。錢小姐才說出她看到的版面和我看到的可能有所不同，並說會將詳細脹單寄到我家中，不另收費。

事後和女友談起，說除了那 14/07 的 $92xx 元不明來的的漫遊收費外，亦不明白何故會在 15/07 有一項 $0.15的「怪雞收費」，女友說出她曾經試過有一次手動搜查到 3-Telstra的網絡，按下連接之後，即時卻看到連接到的是另一網絡，嚇得她連忙中止連線。本人不排除，該 $0.15的「怪雞收費」便是因此而起。若是如此，$92xx的收費便有可能是因為這種「連線陷阱」產生出來，若是如此，本人覺得實在不應付上任何有關的漫遊費用！

[ 本帖最後由 helloniki 於 2008-8-17 11:11 AM 編輯 ]

秋本明

繼續嘈,佢上面重有更大既人,嘈到佢waive唒d費用,再唔係問佢咩部門,記得staff num去消費者委員會到告

oO小仙人Oo

擺明亂來啦

神風六合彩

３不嬲都個個屎人ｐｌａｎ都係昆人
人仔最好　起馬我唔會屈錢先　打熱線都唔使等

萬惡之首

咁你知唔知本地又有冇人比佢屈????  我因為用緊

thomasbad

係你女友問題，唔好識少少扮代表就屈人地話人地屈你錢。

電腦個弱智網絡search一同你連緊個服務器斷線，就會自
動搵個連線最快既服務器再連過，人地講到明唔好連其他服務器，
係你女友自己傻下傻下唔識block哂其他服務器淨比3-Telstra出入。

肯定係上上下網斷左線再自動連返係右下角細細粒佢自己又睇唔到

rain131471

十卜丫~~~~''''

yeungkong

擺明亂來啦

-牙謙-]

9千幾蚊; 去消費者委員會投訴搞大件事佢羅@@"

俠三仙劍

哇！！！好慘啊><"
九千幾蚊喎..........
俾人甘屈法
3好衰架，之前我有朋友俾呢間公司屈過，
話電話分鐘爆曬...要交幾百蚊...

-牙謙-]

原帖由 俠三仙劍 於 22-6-2009 01:48 AM 發表
哇！！！好慘啊>

幾百蚊事少=    = 而家9千幾蚊"

newaylwc

真係要小心

jasonmon

3都痴線ga