20世紀少年 - 看後感

MR.逸星

本身自己最愛既漫畫之一電影化緊係要去睇啦,等左好耐了

5分滿分,我會比4分

其實講真人物真係扮得好似,做到果種神秘感

朋友係邊個..最後當然冇講,唔係點做第2同3集呢

去到最後戲院入面d人係咁估邊個,有小小嘈

不過真係幾緊張,自己睇過漫畫都好緊張

衰就衰在知道哂邊個係朋友,搞到神秘感冇咁強烈


好 :

人物好似,唔會唔明

反而我覺得睇漫畫果陣有小小亂,電影係冇咁詳細

不過呢簡單得黎大家明白到個故事講咩

部戲其實又噹機死左開始就緊張

直到朋友出現,d觀眾係度係咁估

音響好正..rock music,最後以為會唱健次之歌...點知冇唱,真係彈左幾下

隻野真係好好聽

最後係雲路係入面幾靚女...依個不得不提 !!!


壞 :

唔夠詳細...不過依樣可以自己睇番漫畫

最後大爆炸真係有小小作大左...冇可能爆到原子彈咁勁

最後1個不足之處....依樣野真係睇黎搞到我要忍下2集

事關下集主角會轉做珈南...最後部戲完果20秒到出左佢

佢個樣真係唔多得...






最後 !!!!!!!


以下係戲透...想知朋友係邊個,下集講咩,可以按crtl + a ( 不過最好唔好睇啦,知道哂就唔好睇 )



[反白]



下集又珈南做主角,健次如無意外應該第2集尾of第3集中先出現番

朋友會係第2集死亡,應該第2集尾會出現第2代朋友

真正既戰鬥先開始....

第1代朋友係...服部
第2代朋友係...勝間田



[/反白]

[ 本帖最後由 MR.逸星 於 2008-9-25 10:43 PM 編輯 ]

bookforest

唔該晒，就係最後呢度諗極都諗唔明。我知有2個面具人，但可能勝間田一直都冇出個樣，所以我get唔到原來另一個面具人就係佢，另外我都知有個面具人俾健次屈左佢偷襟章，但就係一路都唔知究竟佢係邊個....而家終於明白。thx

[ 本帖最後由 bookforest 於 2008-10-6 09:22 AM 編輯 ]

w1212

有冇人可以放佢地個樣同個名上黎..
睇完都唔清楚佢地叫咩名 同咩樣 ~"~ ...
只係記得健次

鬱鬱不得志

原帖由 bookforest 於 2008-10-5 06:22 PM 發表
其實我睇完漫畫都唔知原來勝間田就係2代朋友，請問有冇邊度實在D既證據話佢係？我都想搞清楚D

定清唔係比人誤會死左個個 被人誤會為死左個個係勝間田 話係實驗室做做下實驗死左 同定清一樣係陰影人
只係勝間田因為太陰影沒人知被誤會死左(沒一個人識勝間田 定清都仲話有服部個班同埋定清戴住面具係為左吸引人注意 所以大家都知定清存在 但就係唔知真樣)
但佢曾經係實驗室事件出現返話識唔到朋友(只係大話 真話係佢係呢間學校都係一個朋友都沒)
(勝間田帶著面具 所以服部以為佢係定清 定清比勝間田仲多朋友 勝間田係一個朋友都沒 因此定清走後一直假冒佢同服部佢地做朋友 當然服部佢地最後都知 勝間田扮定清)

再講勝間田同服部 山根 係FD底黎(實驗室事件後) 只不過係服部山根佢地可能唔知佢係勝間田 同埋服部之後搵勝間田冒佢 就應該估到勝間田係服部佢地面前係有除過面具 可能之後服部就利用佢呢一點搵佢做替身 而定清係反而唔識勝間田個個黎 仲有漫畫最後已經講左勝間田因為健次而比人誤會因此勝間田係以復仇者既心態 去成為朋友 朋友2代最後係天台死個陣 健次都差不多確定佢係勝間田(應該知自己衰咩令到勝間田報復) 而勝間田係整左容 所以出黎個樣係服部

而且真正既面具人 係定清同勝間田(小學時期) 佢兩個都係面具男(但係想撩健次玩個個係定清而  後期勝間田因為健次偷完野走左去 而咁岩佢行過比人誤會捉左
比人以為係偷地球防衛軍章既小偷 當時仍然係冒充緊定清 其實定清走左之後 勝間田一直就以面具人身份 扮係佢 所以大家都以為定清仲係度
最後比人揭開面具先發現勝間田係未死 定清真係走左)
而定清搬屋轉校走人之後就一直都沒返過黎(最後健次同細個既定清講ＢＹＥＢＹＥ真係好感動 完左定清既心願 同健次成為朋友)

轉自鬱鬱不得志 即係小弟

[ 本帖最後由 鬱鬱不得志 於 2008-10-6 08:24 PM 編輯 ]

蕉仔＃

原帖由 bookforest 於 2008-10-5 06:22 PM 發表
其實我睇完漫畫都唔知原來勝間田就係2代朋友，請問有冇邊度實在D既證據話佢係？我都想搞清楚D

其實二代朋友名一 d 都唔重要 ...
佢由細到大都好似冇人知佢既存在咁 ...
因為健次講既大話 , 令佢人生變成咁 ...
所以佢成日叫健次做大魔頭 ...

smokingkiss

聽你咁講好似好好睇咁

bookforest

其實我睇完漫畫都唔知原來勝間田就係2代朋友，請問有冇邊度實在D既證據話佢係？我都想搞清楚D

lampui

第2同3集幾時上?.?第一集真係正

onqq007007

原帖由 samuel1009 於 2008-9-28 08:49 PM 發表
我反而覺得麻麻...
本身漫畫要交代既野同埋情感太多...
礙於電影既關係..佢唔可以帶出太多野..
所以情節飛得太快同每一段情節交代既野唔多
對於未睇過漫畫既人未必可以掌握到..

同埋最緊張既31日果到拍得麻麻 ...

argee !!漫畫套野太長啦，基本上一章做3個鐘都唔夠..何況做2個半鐘
而且我比較想monster做電影多d
無咁科幼，比較易拍
而且佢拍既歐洲景，會好靚

蕉仔＃

原帖由 MR.逸星 於 2008-10-3 08:00 PM 發表

殺佢果度好型...

個教主表情動作交足貨 ~

MR.逸星

原帖由 ngai 於 2008-10-2 02:45 AM 發表

個教主死人樣係漫畫已經好難頂
電影見到佢第一時間想爆笑= =kaka

殺佢果度好型...

ngai

原帖由 蕉仔＃ 於 2008-9-28 05:02 PM 發表

個個教主好笑掛 ...
我都笑左

個教主死人樣係漫畫已經好難頂
電影見到佢第一時間想爆笑= =kaka

samuel1009

我反而覺得麻麻...
本身漫畫要交代既野同埋情感太多...
礙於電影既關係..佢唔可以帶出太多野..
所以情節飛得太快同每一段情節交代既野唔多
對於未睇過漫畫既人未必可以掌握到..

同埋最緊張既31日果到拍得麻麻...
改左d情節之餘同埋天台果度推2推就趺左落街...
去得太快...個緊張唔夠

依套漫畫太長...可能唔係咁適合拍做戲...
漫畫好睇好多同有張力得多...
你睇漫畫望住朋友個面具...你會覺得好詭異同有d恐怖..
睇戲冇咩依種感覺...
所以對依套野都有小小失望

大刀奇俠

第2集trailer:http://jp.youtube.com/watch?v=U1Icmsu7CK0

蕉仔＃

原帖由 MR.逸星 於 2008-9-28 01:16 AM 發表

係電影到佢進行絕交果1幕好正

我唔明d人笑咩野...

個個教主好笑掛 ...
我都笑左

MR.逸星

原帖由 鬱鬱不得志 於 2008-9-28 01:02 AM 發表

YES 佢下集會同埋個漫畫家行水道走佬 佢係血腥除夕夜到比朋友捉走

係電影到佢進行絕交果1幕好正

我唔明d人笑咩野...

鬱鬱不得志

原帖由 無心之失[豪] 於 2008-9-27 02:35 PM 發表


orz..電影好似叫福部= =...
我想問隻監獄船入面果個癲佬,,係未健次個fd?.?..好似叫落仔?

YES 佢下集會同埋個漫畫家行水道走佬 佢係血腥除夕夜到比朋友捉走

『炎之舞』

我睇到差d訓左
我睇鬼片都差
可能呢類型片吾岩我
朋友夠境係邊個

MR.逸星

原帖由 鬱鬱不得志 於 2008-9-27 02:00 PM 發表

漫畫我睇完好耐 我知漫畫係有朋友2代 我話既係電影可能沒朋友2代 因為要講朋友2代 要好多時間
下集係講朋友世界 朋友一代死 要經過好多時間下

ps:既然你都知知道朋友係邊個會搞到沒晒神秘感就唔應該爆出黎吧 以 ...

定力考驗

無心之失[豪]

原帖由 鬱鬱不得志 於 2008-9-27 02:05 PM 發表

唉 我都話樓主會搞到周圍都係 你帶起個頭我就跟隨吧  反正我係睇漫畫知返黎 沒所謂 服部姐係血腥除夕夜 攪住面具男墜樓個條友
佢係朋友一號 其實有人影健次一派個度小左個人 應該會發覺 影相個個係服部 張D相比左 ...

orz..電影好似叫福部= =...
我想問隻監獄船入面果個癲佬,,係未健次個fd?.?..好似叫落仔?