一套動畫,千種感受....

困在回憶裏的人

一套動畫,千種感受....


大家唔好嫌我誇大個topic ,因為我心入面實在有太多野想抒發出嚟啦

所以希望有人會行入嚟,回下我同我分享下....

相信大家可能已經忘左一套叫Chobits 嘅動畫掛?(大陸譯佢做人形電腦天使心)

Chobits嘅背景係講身為一個大學重考生嘅主角去東京生活,預備重考。其時,大都市內大部份人都已經擁有「人形電腦」作工具。

人形電腦主要都係協助人處理日常生活嘅事情．例如:煮飯,標示方向,上網,通電話等。而主角就係係呢種同電腦不可分割的時代下

同動畫女主角:人形電腦小唧 相遇。最後，男主角同女主角排除萬難,拼棄過去同觀念的束縛,終於發展戀情,最後好幸福咁生活係一齊。


呢一套動畫,除左D女角好萌加畫工一流之外,佢當中嘅情節同某Ｄ角色的對話真係會令人細心反省同回味。


              隨著故事發展，男主角逐漸明白佢對小唧的愛同關懷。佢亦都見到好多真正人類同人型電腦發展出過分親密的關係，最後悲劇收

場嘅例子（例如男主角補習老師嘅老公過分沉迷同人型電腦溝通，最後個補習老師跟人走左佬。另外係人形電腦小唧嘅雇主曾經同人型電

腦發展出一段情，之後佢個人型電腦壞左先重新醒悟）。


                係呢度我諗返起一個好貼切同現實嘅問題：就係而家我地個社會，究竟係過分沉迷科技抑或係人類面對面溝通嘅能力已經下降左

好多，只係著重利用科技交友？仲有一個反思就係究竟我地而家對「朋友」呢兩個字嘅標準究竟係點？我地而家追求嘅係網路上隨要随

有，可以毫不費力，毫不用誠諾去付出嘅「友情，關懷」；抑或一個對你非常好，直腸直肚指出你錯處的真實難求老友呢？

               
               係動畫中，男主角雇主的女兒曾經說過一句話，係我腦海入面徘徊不去－－－的確，人形電腦真是很優秀，他們可以滿足你任何

需求，只會按照你的意願去做。他們，有些時候.....真的很優秀的呀....究竟我地而家係要求一個可以利用又可以助你一臀之力嘅朋友，定

係只可以同你談心嘅朋友呢？


                    另一點就係：「喜歡一個人難道真係可以乜都唔理？！」　故事中柚姬對國分寺（男主角朋友）的愛同關懷，新保（男主角鄰

居加好友）對清水多香子（有夫之婦嘅補習老師）嘅愛，都提醒左男主角：愛是無罪！　為愛人拋棄世俗拘束，做想去做嘅事先係正確的！

                  
                    係呢一方面而言，「愛是無罪！」係正確嘅！　但有一點要提醒大家，動畫女主角小唧點解會發展出愛，係因為之前佢嘅創造

者已經將一部分基本有關「喜歡，愛」同「令人型電腦得到幸福」嘅數據輸入左佢個記憶體度，剩低嘅係女主角幾時利用學習機能學習到

足夠關於愛的知識。　加埋，女主角係要搵到一個真真正正只愛佢一個嘅人先可以啟動個程式，令人型電腦都可以嘗到幸福嘅滋味。所

以，我對於「小唧對男主角嘅愛」係唔太同意同支持。我認為一切愛都應該由一而終都係自發嘅，唔係由一開始用數據造成，所以，「由

機械程式發展出嚟嘅愛」....我真係不敢太同意同支持。


                   另外有一點值得細想嘅係，愛一個人愛到大家／自己痛苦都要繼續愛下去，值唔值得同有无必要呢？　我未拍過拖，對呢Ｄ野

我真係唔知，但睇到小唧嗁家姐（另一個獨特嘅人形電腦）愛上左自己創造者，但就要壓抑自己情感，最後令到自己系統崩潰嘅時候，我

諗：係咪一定要咁樣苦戀呢？何不努力地忍住劇痛，將愛放下，令自己同所愛嘅人都好過Ｄ呢？

                    
                  一套動畫，關於人形電腦同人之間互動嘅故事，真係令我諗左好多野，令我想到情感嘅奇妙。希望大家睇完呢篇觀後感，會走

去睇下Chobits，細心思考當中哲理啦=]!

[ 本帖最後由 困在回憶裏的人 於 2009-3-12 03:05 PM 編輯 ]

空靈仔

人形電腦天使心  這個好耐知前睇過
因為我對愛情既理解唔多 可能因為未愛過一個人
所以未能理解當中哲理
唔知你有無睇過beck E套動畫
e套我睇完 令我抓到我既目標
故事係講一個中學生搵到自己既才能
向目標前進既一個故事
有時間 樓主dl來睇下

http://www8.2000fun.com/bbs/view ... &extra=page%3D1