宜家d onlinegame真係唔似以前..愈出愈差

大口仔型仔板

我以前第一隻game龍族...真係勁好玩....無奈關服....之後玩RO(仙境傳說)一玩 玩左3年....真係勁好玩...之後神話...天堂2..RF......全部都係月卡制..當年一出個時.......當年d game有畫面...有遊戲性........宜家d game......九唔答八...一隻game......隻game好唔好都係玩商城.....【特別係GAMEONE d online game  每隻都呃錢呃到爆燈.......雖然好多game都呃.....但佢特別勁..........好似天龍咁.....你想勁...得....全身裝備36個洞.....商城一粒6級石 要用港幣1000蚊月卡...買一粒......全身齊哂要港幣3萬6千蚊.....未計你用商城水....其他雙經d野.....】宜家真係期待AION係月卡制.....唔好係商城.....已經好耐都未玩過一隻用心來做既game

[ 本帖最後由 大口仔型仔板 於 2009-4-3 10:44 AM 編輯 ]

883516

人地要搵$...無計啦= =

斷點

仲有有D依家出既GAME..無其他系統玩

TiN洛

等 戰鎚(台灣封測) aion(大陸封測) c9(韓國封測) 呢3個大作出啦  
我都等緊
原本見到  《王者世界》擊敗WOW成北美最熱門網遊 <<< 呢個標題
諗住試下王者世界,但見到回合制  即刻試都唔想試
有錯勿屌

[ 本帖最後由 TiN洛 於 2009-4-3 09:19 AM 編輯 ]

大口仔型仔板

原帖由 TiN洛 於 2009-4-3 09:16 AM 發表
等 戰鎚(台灣封測) aion(大陸封測) c9(韓國封測) 呢3個大作出啦  
我都等緊
原本見到  《王者世界》擊敗WOW成北美最熱門網遊  

原來我都諗住玩呢隻.....但都係因為回合制放棄

檸啡=]

有錢搵.. 唔通唔搵咩.. =[
的確, 行商城制, 比起行月費..
搵多好多錢.. 亦做少好多野..

的確, 天龍又真係食水幾深.. ~_~"
玩GAME玩到玩身家..=]
但係GAMEONE已經唔係最呃錢個間..
如果GAMEONE代理個D都叫呃錢..
睇下網龍個D 垃圾.. 垃圾都會呃到錢..
隻隻都差唔多..
之前又黃易.. 又六聖.. 又武林.. 隻隻D畫面差唔多一樣.. -__-"
一樣.. 隻隻都搵唔少..
細細個玩金庸已經覺得網龍點解咁無良..
寧願多外掛.. 多D人掛又多D人玩..
捉都唔肯捉.. 又傳聞網龍自己出埋外掛..
之後賣.. 賣到咁上下又一次過捉哂佢-_-
衰到佢而家都未肯執笠..

[ 本帖最後由 檸啡=] 於 2009-4-3 11:05 AM 編輯 ]

斷點

原帖由 TiN洛 於 2009-4-3 09:16 AM 發表
等 戰鎚(台灣封測) aion(大陸封測) c9(韓國封測) 呢3個大作出啦  
我都等緊
原本見到  《王者世界》擊敗WOW成北美最熱門網遊  

你講果3隻..我比較期待C9

黯然掌

大家,呃唔呃錢都係其次,你地去睇sd gundam既版唔該睇下前文後理發生咩事
比人局限住等開港版封殺海外ip
但係國服又唔做,唉
做消費者都要比人逼啦家陣
揀game都無得揀
forward出去比更多人知~.~

檸啡=]

原帖由 黯然掌 於 2009-4-3 05:37 PM 發表
大家,呃唔呃錢都係其次,你地去睇sd gundam既版唔該睇下前文後理發生咩事
比人局限住等開港版封殺海外ip
但係國服又唔做,唉
做消費者都要比人逼啦家陣
揀game都無得揀
forward出去比更多人知~.~

不才唔喜高達, 所以亦無玩過台版SD..
但岩岩聽你講一講.. 去左睇一睇..
幾有趣=]

我希望我冇理解錯..
GAMEONE有錯, 但錯就只係錯在佢出得太慢..
我明白香港玩家, 嬲係嬲自己用左錢係台版, 而家又冇得玩..

但又有冇諗過所有野都係雙向?
有冇企係GAMEONE立場諗諗.. ?
台版, 只俾台灣人玩, 又有什麼問題..?
GAMEONE出左幾多錢投個代理返黎..,
佢只係出得比較慢.. 或者台灣出得比較快.. 我唔清楚-0-"
香港人貪新鮮走哂去台版, 俾哂錢, 買哂點..
等都等唔到..
貪新鮮的話, 點解要用錢..
點解唔真真正正等香港出先買點..?
我明白GAMEONE可能會貴好多, 但點都好過而家, 買左點玩唔到..

明知香港GAMEONE會代理.. 2000FUN一早都已經出左版..
只係大家都等唔到, 就決定落根買點係台灣玩..?

我真係唔太明白.. 嘈什麼?..
一係就告GAMEONE.. , 如果真係有料的話..
我相信, 唔會點告得入..
最多都係賠返玩家們係台灣買過既點數..

又話冇選擇權..?
明唔明咩係選擇權..?
用家既選擇權, 係買或唔買, 玩或唔玩..
如果香港玩家可以"選擇"台灣版,
咁唔會再有必要區分"台灣版", "香港版",
更加唔洗再有代理權...
因為大家都係香港, 所以都要忍受GAMEONE.

明白香港人嬲咩..
有得玩係好, 而家冇得玩台版, 又告人又唔知點..
遊戲而已..

[ 本帖最後由 檸啡=] 於 2009-4-3 06:15 PM 編輯 ]

TiN洛

原帖由 斷點 於 2009-4-3 02:55 PM 發表

你講果3隻..我比較期待C9

我期待 aion多d

雅亞魔

係咁嫁啦...d game商淨係要錢

黯然掌

原帖由 檸啡=] 於 2009-4-3 06:08 PM 發表

不才唔喜高達, 所以亦無玩過台版SD..
但岩岩聽你講一講.. 去左睇一睇..
幾有趣=]

我希望我冇理解錯..
GAMEONE有錯, 但錯就只係錯在佢出得太慢..
我明白香港玩家, 嬲係嬲自己用左錢係台版, 而家又冇得玩. ...

最大錯唔係gameone呢XD
各版本條合約佢地搬出黎話各版本都應該封其他區既ip,
好,大家都無辦法唔接受啦
但係內地代理商到今日完結為止都未曾出過公告話封ip亦都無所行動?
咁合約中呢條條款又係唔係真係存在都成問題
唔係嬲用左$向台版,係台版既setting跟足原廠,向隻game要黎玩又用到錢既地方真係少到已經唔駛付出啦
最大問題係內地同港代理商行埋合作去做港版,主要係內地版連原廠一d應有既設定都唔開放,仲大改成好多地方要真錢
呢樣做唔到個樣又做唔到,其實gameone錯就錯在出得慢而已
最嬲係內地代理商隻手已經插曬埋黎港,台區
咁既手法企佢地個邊睇都覺得唔妥啦下話
錢又唔係話賺唔到,自己做setting既時候唔肯跟原廠
改到自己賺錢賺翻倍,有玩既玩家無選擇既情況只能揀佢黎玩
到台版跟原廠setting出之後d客大量流失就做呢d事=3=
點解唔係改變自己係改變人先
控制人比控制自己容易既我諗只能屬於野獸層面思想=3=
都係吹下水XD
反正有d咁既商家,娛樂都變成比人拎黎當娛樂
放棄左啦

小銓兄

始終都係月費制好

天龍王子

同我一樣...
龍族之後Ro...
哈哈~~
好想出番龍族....
月費制98一個月都比阿... 囧"

斷點

出番神之領域仲好

摩圖摩圖

一齊玩戰鎚啦, 萬切期待中

斷點

原帖由 摩圖摩圖 於 2009-4-7 08:33 AM 發表
一齊玩戰鎚啦, 萬切期待中

風格唔岩玩

↑囡囡↓

心有同感~
好似當年我玩古龍online~
個個都玩得好開心~
十分記得當年古龍online~
雖然各幫會pk戰得好勁~但都係好公平既決鬥~因為當時係無商城呢家野~
而古龍亦無外掛~個個都係人~唔係機械人~

唔似而家d game咁~個個一係有錢買商城既野而成為高手~一係就係掛多過打~

kayeung1019

以前少olg
所以覺得好玩，
而家一大堆...
感覺變晒