一D煩腦.....

SuperSSS

話說我小6果時英文好差 所以升中一果時 就入左班垃圾班..
果到有5班 有2班係精英班(B,C班)  每班40人 我果間係band1尾
我果班就係緊次於精英班..
如無意外 我一日一日咁玩 唔專心上堂.. 終於成績都係差左 原班照升 而我果班都有幾個飛左去精英班
到左e家我中2 唔知係咪我開始覺悟..開始專心上堂 我第1次測驗全級63名..
當然係有下過苦功先考到番黎 唔係撞彩
到左1月頭 第1次考試 又考左個68名番黎 到左e家第2次測驗都有個74名..
咁我就好開心 但e個時做我就諗起1d野 就係調班
一諗到 精英班有2班 B班係最好1班 C就第2..我就好驚調去C班....
因為f1果時去camp 我地班同C班發生一D爭執..我地兩班到e家都係好唔鋸對方
所以我好驚調左去C班..
唉 最衰學校你全年成績都係頭80名就一定逼你去精英班...我真係唔想調班
我下次考試仲好唔好溫書 考好d,睇運氣分配我入B班??定唔好努力 考差D 拉曬之前d名次唔洗調班...
我真係好驚入左C班比人孤立 冇曬心機上堂..
真係好煩 點做好??我覺得今年成績好左 係因為轉左D幾惡下既老師教我地 上堂先冇咁嘈 我又先考到d咁既成績
上年f1 我班完全嘈到搞到人都冇心機上堂..但我又想同ed人一班 話曬都2年..
但我又驚升上中3 換左d唔惡既miss 教我地 成績又會差左..對我呀媽唔住....
唉 我應該點做好??

殺神FEAR

心。

用心去玩，用心去讀。
價值由自己定義。

Fy。忘照

細心想想: 你既前途同你既同學, 邊樣比較重要?

同班同學只係你生命中既過客。
即使而家你地既感情再好,難保哪一天要各散東西....

難道, 你既對讀書既覺悟就連一個新環境都敵唔過?

風景不轉心境轉。  
你成日懷住一個入到去會俾人孤立既心態去面對, 心中當然不是味兒....

世上冇永遠既朋友同敵人,
放開自己對人既成見去相處,往往會發現自己既處境其實冇想像中差。

唔好做傻事, 特登為班同學整差自己既成績, 好多事過去左就返唔倒轉頭。
唔好俾機會自己後悔當日點解冇盡全力去考, 好多野可一, 不可再...

[ 本帖最後由 Fy。忘照 於 2009-4-20 01:04 AM 編輯 ]

○兔兔

您讀書的原因是甚麼?
您怕辜負家人期望, 就應做好本份。

甚麼爭執不爭執?

現實點來看, 現在的朋友將來也可能是社會上的敵人。
(我只是說可能, 當然可以不是)

校內考試, 公開考試, 每樣都是競爭,
您自己應該focus在那一點, 應該好好想清楚。

依我看, 將以往那小小不快長放在心上是否想法太狹窄?
到幾年後回想這件事, 根本是雞毛蒜皮的小事而已,
沒甚麼值得記著。

27537703

你既經歷咁似我既
記得中三升中四果個考試,我真係特登去考差
最終緊係入唔到精英班
當時既我就係唔想入精英班
俾人既感覺果班就係自大,認為自已讀得書就可以亂黎,目中無人
(當然我見慣至咁樣講)
我就非常唔鍾意,所以至去考差

中四五呢一年半,我嘗試到高中既開心
當你得到開心時,總會有樣野會失去
有得自然就有失,我好明白既
所以我既成績不斷下滑...至於最後如何,我就唔想再講了

我想你知道,揀咩路去行無所謂
最緊要自已唔好後悔
我好憎d人做錯事之後至係度呻苦
聽得太多呢d事..
實在唔想一個個人不斷又不斷呻

樓上有人講得好岩
同學只係人生既過路客,相處幾年間都唔好耐姐
而且你今日唔去面對呢d人
將來出黎工作係咪都想唔去面對先?
人生仲好長,難度你唔鍾意既人,你就可以不斷避開?
可以避開倒幾多個呢?