你地覺得我應該點呀?

hkcsf051

唔知有冇人好似我咁樣有依d感受
我上年同我拍左2年半既女友分開左
其實都唔知係因為d咩原因2分開
我整係知道依一段關係我係有開心同唔開心
但係呢我到依家都仲未放得低佢
雖然分開左之後我有嘗試去接受第段新既關係
但係兩次我都好短就分開左
因為我知道係我人生依廿年間,好可能我最愛既就係佢
因為我即使同第2個一齊,去做咩都好喇,我都總會諗番起以前同佢
真係誇張到我連上床都會諗起佢
其實我真係好愛佢,但係個陣可能成日玩玩下,又唔識哄佢
成日就激到佢死死下,,真係好鬼衰
死喇其實我依家同佢都係朋友,,
你地覺得我應唔應該再追番佢?
雖然我知道佢由分手到依家一路都冇再拍過拖,,
但係我怕,佢唔會再相信我
我好想比佢知道我係依一年間,我真係變左,我成長左
覺得我應該點好呀?
去馬定唔去,,比d意見我呀咁多位ching

mandm

我覺得都係順其自然 你努力讀書 做野 或進修 唔洗你比佢睇嫁 傻仔 時間係最好的良藥 增值下自己 你自然會比人覺得你大個仔嫁啦

︴．﹏．權少

想追番就去馬=]]]話唔定人地唔拍拖就係等緊你呢

luikwanchak

我覺得分過一次手  就算再一齊返  再信返你
雖然表面可能會冇野  但係個心or潛意識上
都會有自我保護  因為散過一次  又或者
有條刺吉住  係一個心結  又係因為散過
所以結論係  你想完全100%冇野
係冇可能既事  因為點都會有d心結唔會解得開
所以奉勸各位有分手念頭既人
真係要三思先好講出口  分左手就後悔都冇用
到時大家都唔會再咁信大家  
之間既信任永遠都唔會回復返以前咁多

hccauchihk2004

慢慢試下..
佢有心你咪去
無既好易睇得出..加油啦
希望你地都幸福

hkcsf051

好多謝你地既意見!
我決定去馬,因為我驚後梅

andylau1108

比我就一定唔會去馬 , 親身經驗 , 每當一次分手 , 都會係返一齊 , 但係唔會好耐又分手 , 試下其他女仔啦^^可能有新既火花呢!!

☆傑少☆

我個人唔相信分開左之後可以無事咁係番埋一齊..
條剌吉住就係吉住..
除非係d小小白痴誤會..
係番埋一齊之後可以無事...
如果唔係我覺得你追番佢只會浪費左2個人既時間~

[ 本帖最後由 ☆傑少☆ 於 2009-5-5 07:11 PM 編輯 ]

abq12345

分過一次手..就好難再有返第一次既感覺..

小娃;)

的確同樓上講既一樣..
即使一齊番..感覺都吾同左

但系;  可以一齊番既機會..系一半一半.;
睇你雙方..肯吾肯..比自己條路..由佢陪你行,;'
兒戲都兒戲左2年..`
我同你情況一樣,;
分左手有數十次...最後我同佢都1齊番,; ( 雖然..中間都夾雜左同幾條仔一齊-_-)
但因為真系好愛對方..可能...有人會覺得...
其實系我地2方都吾甘心姐..不過
我反而覺得..我同佢1齊番...重恩愛過以前..
太熟悉喇...已經當左佢系親人..
佢以前對我做過好多衰野..我一次一次原諒佢
因為..我既世界吾想無左佢..
就算再比佢呃..都無所謂..我已經負出一切;
有佢系我身邊..我既日子會快樂一點..這才是我最想要
我吾能夠逆心而行..我無諗過放低佢..
成日比人話我蠢...我都系繼續..

經過甘多個..先發現..始終唯一既系佢..;

可能有人覺得我幼稚._.;  
不過依家好就繼續好xD'

你問下你女朋友點喇-33-'

個人意見分享,;

一Y一

如果你仲中意佢...就應該去馬...時間唔等人的!!