我應該為讀書而活?

軒轅大帝

我應該為讀書而活?我人生應該係點?
今年22歲...重係一個讀緊HD既學生...
臨近final exam 壓力隨之而來
慢慢又係度諗返以前...
小學成績不錯....上到中學, 中2留級,中5重讀
中7 3c1d 英文唔合格
諗住買個後路...讀HD 同時考返ue
諗住比2條路自己可以升返degree
但係自己唔係咩勤力既人
要讀好英文已經難 讀緊既HD係商科
自己係文科 對於完全冇認識既科目
要讀好就更難....ue考完 覺得成績唔會好
睇返HD 雖然比左心機 但成績始終below average....
2邊都唔掂.....覺得degree越黎越遠自己

開始係度諗....我既人生淨係得讀書 讀完書就搵錢?
問左身邊好多人...女朋友,好友,同學
大部份都直接了當答我 你應該讀埋個HD
有cert好過冇...搵工都易d

我覺得真係好辛苦啦....
原來到頭來 我都冇諗過自己係為乜而讀書
讀書絕對唔係我興趣
讀書唔一定可以幫到我搵工
但冇目標咁去讀 盲目咁去讀真係令我感到十分大壓力

[ 本帖最後由 軒轅大帝 於 2009-5-3 12:56 AM 編輯 ]

27537703

合法成年了...大個仔了
你既人生應該由你自已去主宰
暫時應該放低「盲目讀書」4隻字
放長雙眼睇下讀完HD既日子如何
你存有呢個諗法..反而增加你既負擔/壓力

朋友..過左呢關,前面有仲好多好多關卡的
有張「通行證」(文憑),總好過冇的
努力吧

惡仔

唉,我今年都係自修生,上年又係肥英文
同英文好似有仇咁....入唔到腦
比心機啦

灰色天空

應該既
點會唔應該?

軒轅大帝

原帖由 惡仔 於 2009-5-3 08:05 PM 發表
唉,我今年都係自修生,上年又係肥英文
同英文好似有仇咁....入唔到腦
比心機啦

唔...大家一齊比心機

軒轅大帝

原帖由 27537703 於 2009-5-3 07:55 PM 發表
合法成年了...大個仔了
你既人生應該由你自已去主宰
暫時應該放低「盲目讀書」4隻字
放長雙眼睇下讀完HD既日子如何
你存有呢個諗法..反而增加你既負擔/壓力

朋友..過左呢關,前面有仲好多好多關卡的
有張「通 ...

我都明白有張通行證係好d
但係自己依家真係盲目讀書
讀自己冇興趣既野真係好辛苦

27537703

如果你真係冇興趣,就放棄吧
勉強永遠係冇幸福
反正你仲年輕
而且年輕係你既賣點之一,好好磨練下自已
放棄之前..要計劃下之後應該點樣行

肥影

唔讀書既話出路就小左好多嫁啦-,-旦係唔=冇前途既

軒轅大帝

原帖由 27537703 於 2009-5-3 10:16 PM 發表
如果你真係冇興趣,就放棄吧
勉強永遠係冇幸福
反正你仲年輕
而且年輕係你既賣點之一,好好磨練下自已
放棄之前..要計劃下之後應該點樣行

今日同屋企人傾
我知佢地其實唔想我放棄
但佢地比我決定繼唔繼續讀落去

蠍子獸→吼←

你暫時未諗到以後點樣行既....
未讀住先囉...
拎個文憑
學多樣野...點都好D既

月光兔子

其實我自己都有d迷惘...
repeat左兩年(f.5一年,f.7一年)
終於"有幸"升到degree
當初排jupas choice時我堅持要自己有興趣的科先放落去
但到依家差唔多完yr1
我知自己好hea好懶冇盡力
明明原本應該係對呢科有興趣架
但係到左真係讀既時候發現現實冇理想咁美好
對住一大堆readings,theory
真係好似有d無能為力咁
自問未盡力,但每當想努力既時候
都會自自然然求其搵野搞去hea去逃避

其實我自己都知道有degree讀已經係好幸運
但總係提唔起精神,的唔起心肝去認真讀
好多時都會比唔同既藉口自己

所以...係度真係奉勸大家一句
揀科真係要小心研究清楚,唔係遲d既話真係會好吃力

一起加油吧,迷惘的人

p.s.一陣晏晝仲有exam,我居然仲係度上forum...真係omg!!!
p.s.2樓主,現實、理智一點吧,呢個階段總要經過既,可能你今年ue pass上到degree呢,希望在明天,不要放棄!

○兔兔

有考慮不考UE而去考IELTS那些嘛?

很多人不愛讀書, 但更多人知道那些沙紙文憑的重要性。

您有3C1D, 英文合格不愁沒學位,
倒不如孤注一擲唸好它吧, 您這種成績很多人都唸不來呢。

頭釘仔

你中二留班嗎?我也經歷過
但那時我自暴自棄..你是嗎?
我留班對自己信心大趺..
因為身邊同學很多也升上!!
你能夠趺到..起身..升上中7..
令我明白我當天後悔..
我留班後一心完成中五..
因為我覺得我不是讀書才料..
你的結局令我反省和學習..多謝你

×`喊包

讀書唔一定可以幫到你搵工,但係吾讀一定幫吾到你"好"搵工,
不過都有例外,你其他方面有專長咪得,如果你有目標就為目標而努力;)
你依家辛苦好過將來要你老婆同仔女一齊挨,
講真-,-我得把口,我自己成日識得講吾識做,
我自問自己係一個好懶既人,不過對寵物同畫畫都有d興趣,
所以我都係一個失敗既人-_-我都覺得讀書好煩好辛苦

阿霖

讀完HD都唔錯啦
好多都係中5就出尼做野
人生唔係得讀書一條路
比你讀到博士,你都係要出尼做野
讀得多書只係令你之後既路好走一D
最緊要盡力就得

wingkin42

讀書只係一個階段 唔係一個終點嚕
我放底書包咁多年
下個學年我要去讀夜校
係辛苦既 但唔努力過 又點會有回報 又點會達成自己目標呢
再者又有幾多個讀書番工係興趣呢?
又係因為為左搵食 為左錢

wong107

到了20歲就是為了衰弱而活,所以在之前要好好努力

月光兔子

原帖由 ○兔兔 於 2009-5-5 08:38 AM 發表
有考慮不考UE而去考IELTS那些嘛?

很多人不愛讀書, 但更多人知道那些沙紙文憑的重要性。

您有3C1D, 英文合格不愁沒學位,
倒不如孤注一擲唸好它吧, 您這種成績很多人都唸不來呢。

係bor
好提意!
ielts可以無限次考,而且比較practical d
但係就唔係間間會承認嚕...

chickenbread

樓主咁俾心機去讀書, 但發現自己成績平平
有冇諗過, 其實呢科呢個學系, 係咪真係適合你?
我相信每個人都有自己既專長
當年我中學會考都係得9分, 冇一科有C
但而家都可以讀上大學
只係因為我找到自己既興趣,讀自己既專長既科

我唔知道樓主係唔係因為覺得讀商科易搵工而讀
香港人成日有個錯覺讀BUSINESS一定易搵工
但讀書, 並唔單只係為將來舖路, 亦係幫自己搵人生目標

如果單單只係為成績, 為一張CERT 而去讀, 咁樣只係浪費

Em.

我覺得讀書只係人生既一步份,
分數唔=一切,
讀書唔叻,讀唔到書唔一定搵唔到"好"工,
但肯定的是,讀書可以令自己既路比較好行同埋易d搵到好工
因為個社會係咁,我地改變唔到,只可以接受,
我未做野唔知,不過我識好多唔想讀書既,話讀書好辛苦既人,
佢地去左做野之後個個都係讀書好過做野,
樓主,唔好比太大壓力自己啦,盡左力就得咖啦,最起碼第時自己唔會後悔。