轉職任小流程

shawn810

見好多人都問.....


下水道係 風港入面. 地圖左上一條斜路下面

轉職任小流程

入下水道前記得帶面具
一入到就勁沖啦.. 沖到最右樓梯上去

上到去行左少少有度紅門, 入去打狼boss
企係最左等下佢, 單挑應該冇難度 (招同白黑狼一樣)

打完出門口 , 向左行, 跳2次到就到第2度門 , 打女鯊魚
都係去左邊少少等下佢.. 佢唔過黎就行去引誘下佢去番左邊打
女鯊得4招   > 流星雨 , 斬人 , 射子彈,加血,,睇定黎好易打

打完出門再上, 右行 玩陣孖寶兄弟 就打肥仔boss
肥仔boss 近職打會幾辛苦下, 因為港版改左毒擊扣好多
都係例牌企最左打. 小心d毒就ok..(見佢差唔多出招 後後, 唔好貪刀)

打完出門 右行 再上..
上左去行左少少見到牆度有樓梯, 爬條最長直上就得(國服好難跳,,,,依家真幸福)
上左去左少少有度門,, 唔好入..冇野打的

再左dd 到盡頭.. 頭頂有舊野..跳上去~
上左去唔好傻下傻下 向左沖.. 沖跳去右邊打第4隻boss

第4隻冇得點拉打.. 邊打boss邊清怪啦..(ps 呢隻boss 係孔卡咁打)

打完出門直沖最左落去,去下一個zone


到左最後一層啦~~
小心d laser . 過左3~4支laser就有度門, 入去打狒狒啦

都係行過去 hi下佢. 之後就拉到最左打啦.. (港ser改到d 小怪會追人..清一次就唔洗煩)
狒狒都叫最好打,.,.上下拉少少位咁打好快完...

打完齊5key~~出番去~行到最右打博士!

睇完動畫. 企定定最左等下佢埋黎,

博士有3招(?唔太記得)  
1. 大跳 (好大力 , 中左會封 沖前or 跳)
2. 火拳打地(第2大力 , 都會封 沖 or 跳
3. 放火回力球 (同孔/桑卡 飛斧一樣, 大力版)

小心d拉位打啦...成10m血...-  . -大家未轉職既就組隊打啦..
唔係真係打一次要個幾鐘....

殺左之後抽野同交任轉職啦~ ^^

[ 本帖最後由 shawn810 於 2009-5-14 07:56 AM 編輯 ]

ericlok

幫我轉職呀記住/.\

ilpung

估唔到咁都撞到fe人

yucchi1314

吾該哂樓主^^