15lv想打國戰?請睇水工水銀心得=)

OTL≡極速爬走☆

前言
大家好啦...我係紫國一個頗新ge新手這樣...
呢兩日咁岩叫到個fd玩  見佢升到15lv~就教下佢國戰升lv...到目前為止同佢解釋左咩叫水工
見2kf好似少dd人講水工水銀~(得1篇咁大把~可能我眼殘啦XD)同埋紫國礦區情況比較...那個o_o"咁就順手打埋呢篇野出黎比大家做個參考先算啦
以下係我爬兩個壇ge文同埋國戰14升到21 ge少少心得...請多多關照~(我承認我偷雞早左去打國戰XD...)

一個難聽ge名－水工
首先要同大家分享一件事~就係開始同個fd講果陣呢  我話過多1 2日入訓練場教下佢做水工
跟住佢回左我一句"水工個名好cheap/.\"(直copXD)
哈哈~係真ge~水工呢個名可能感覺上真係唔夠前線人員咁威  但係佢係戰場上面係非常之重要ge

．水工之重要性
要明白到水工係戰場上ge重要性, 首先要對國戰有番咁上下認識  不過因為已經有post介紹過下啦~所以就直接轉貼算喇:
[轉貼] [攻略] [基本解說]戰爭流程－by  rexysyung
[轉貼] [攻略] 每個人都應該知道的戰場參數（——據點及建築的相關數據）－by rexysyung
[轉]召喚獸相關數據－by 三二一路由器
呢兩個post約略講左下國戰會發生d咩事a_a"
另外呢篇由kasin097大post ge[轉貼] 擴塔的重要性 30分鐘 主城受到990萬的傷害都好值得一睇~
幾篇文都有提到擴塔 召喚呢兩樣野~睇完之後我都相信大家會知道佢地係戰場上面好重要ge必做之事
不過呢~要擴建  要召喚  就要有水晶  亦代表到左我地一班水工水銀出場ge時候喇~

．水工大約要幾多個?
係某個台灣遊戲論壇有個post叫做【心得】後勤 - 新手等級定位&礦工篇 (為免招惹宣傳論壇之嫌唔貼link~)呢度3樓果位講呢  一場國戰入面大約有5個水工係最理想ge
當然啦  呢個真係視乎一場場國戰而定
不過當你見到有8個以上呢   你見自己稍微高lv少少麻煩請上前線/出騎/擴建等等等等= =...
另外呢~係維持正常礦工數ge情況下呢  請麻煩唔好係主水死左之後就走出去同人打|||orz
我係紫國成日見一種情況...主水死水之前可能有成5 6 7個水工係度坐緊  但係死水去到副礦就得番我或者有時加多1 2個|||orz咁岩得咁穚就有人黎收水出騎出死靈x_x...
又黎當然~唔係叫你成場都一定要做哂水工...但係有時人手真係好缺= ="

．水工職責 技巧
叫得做水工   當然係坐水~
不過    記得記得記得!!!!血唔滿唔準坐水丫!!!!!!大把卡數你還丫XDDDD血唔滿一定要食藥食到滿先準坐低!!!!!!亦都係因為咁  水工都請帶備足夠藥水上陣=)
坐水法為係水晶附近按c坐下...XD
有水晶喇~跟住要做d咩呢   當然就係比d要擴建  出召喚獸ge人啦~
交易請對準目標然後按z...揀交易XD...
我個人習慣係多人要水就5個開始比人~少人要水就8個

另一種要提ge人物就係水銀喇~因為...轉自【心得】後勤 - 新手等級定位&礦工篇XD...坐水形式可以拎到ge水晶上限對照人物lv如下:
　等級01~10級　→　10顆水晶
　等級11~20級　→　11~20顆水晶（顆數同等級）
　等級21~35級　→　20顆水晶
　等級36~40級　→　21~25顆水晶
而人物持有水晶上限為50~水銀就如其名－水晶銀行    要黎儲起d水喇
當你見到有水銀收水ge時候請你根據情況易水比佢...
如果見水銀收水4x/50 ge話呢~請幫手裝滿XD...

當水銀水滿  又未有人要水晶~又有其他礦工坐緊水~除左出騎之外~可以自薦做副銀~簡單黎講就係第2個水銀...
見到人做副銀唔好同佢搶a_a"  請記得以下出水流程
水工=>(副銀)=>水銀=>擴塔/召喚人仕
換句話講...副銀出左黎之後  請大家用力裝滿埋副銀佢  而如果水銀出左水比人呢  裝滿水銀呢個工作請留比副銀...唔好爭住要易要水果個/水銀~
以上呢個流程有個例外...國戰岩岩開始果陣我會習慣直接比水有需要ge人...我會優先比擴塔~跟住到出騎ge

．亂礦應對
所謂亂礦就係敵方派人黎(或者自己走黎XD)攻擊水工水銀~咁樣可以有效降低被亂礦一方採集水晶效率
根據冇血唔準坐水ge原則~咁樣可以有效減低水工出水效率
通常黎亂礦ge都係遊/騎~
因為遊識隱形啦...然後拎mouse掃中佢又會出瞄準個框框啦A_A...所以請水工坐係度得閒冇野做4圍掃下~掃到有隱形人請話比其他水工水銀聽~
千祈千祈千祈~帶水帶水帶水~XD

比人打右邊面你會點做?FEZ ge世界請你怒slap對面ge兩塊面...
比人亂礦  係有還擊餘力下請驅逐亂礦者~或者最好就地正法
最好唔好出d令人仆低ge技啦...咁樣會幫人爭取到d時間架喇~俗語有話百佳令人日日稱心...
亦都唔好追太遠...如果唔係 咁天真咁傻ge你就中計喇x_x"

化學元素－水銀[Hg]  仲有佢個好朋友－副銀[vice-Ag]
好   我認我爛左XD....
嘛   上面都提過下   水銀副銀都係用黎儲水  知佢有咩用就唔重覆喇...(光速逃)

．現身時機
試過有次岩岩入戰場果陣見過d咁ge野...
A:收水出騎0/40
B:收水擴建13/15
C:收水擴建7/50
D:水銀<pos>收水出水1x/50 請講用途數量
類似啦...當然有d細節上唔同  水晶數量等等...
重點係~一開始大家都係度收緊水ge時候...點解要整個人出黎呢?
水銀主要作用就係儲水...而家水都唔夠用其實要個水銀反而仲慢左麻煩左-__-...不如做水工幫手坐下水~(當然我承認水銀ge指揮都好有作用XD...)
所以呢~個人習慣係國戰開始左冇耐之後  開始只係見到00星星1 2個人得閒收下水果陣又冇水銀呢  就係企出黎做水銀喇...
而副銀就係見到水銀水滿又有水工坐緊水果陣呢...就企出黎啦

．水銀副銀職責 技巧
嘛~上面都講過下   水銀主要作用就係要黎儲水
另外亦都係某程度上管理礦區秩序同埋分配水晶比更有需要ge人~

首先請一定要設置一個水銀用巨集先~
設置巨集請按Y...
分享一下自己個巨集...都係抄番黎XD
F1:/a <pos>敵軍擾礦!請注意或支援
F2:/a <pos>礦乾涸, 請支援開挖其他礦!
F3:/a 沒血請勿坐水
F4:/a 水銀<pos>出水收水<cry>/50, 請報用途數量
F5:/a 副銀<pos>收水<cry>/50
跟住係要熟習交易...建議一開始做水工易熟人先~

出水~請好好考慮要比邊個人先...
騎士都冇出幾個...礦建又未搞好...
同時有人要出死靈(假設奇怪地死門起好|||orz)  出騎  擴建
我就一定唔會比死靈果個先架喇= ="個人黎講會揀左擴建先這樣~

夠熟個地圖ge話呢~請係主水死水果陣話比礦工聽佢地應該去邊個水礦...呢樣野目前為止我自己都唔係好熟-.-"
最好用一用"/markcrystal"呢個功能~佢可以令你個名左面有舊水晶~用黎標明你係水銀  再打多次就係取消呢個mark(不過唔太重要...同埋有被濫用到= =")

係台版呢~"聽講"水銀係礦區係最大ge~但係港版...好少會有人聽話x_x...雖然我都唔係做過好多次XD
做水銀副銀ge時候  一方面你都要掃下有冇遊黎亂礦啦  另一方面都請注意住我軍情況
如果有人冇血坐水...請叫佢起身
如果出死靈QML巨人又冇騎士...請依情況叫水工/自己出騎...(<=冇口話人XD...純理論)
如果好近ge附近有人偷塔...可以考慮叫埋水工一齊去驅逐~同埋請人支援(始終唔係戰鬥部隊)
最後啦...如果你係水銀副銀   水滿左  有其他副銀收緊水   礦又離城堡遠ge話...可以運d水番去~請注意安全...


補充區
多謝淡彩ｘ無華大大提出以下一點~

原帖由 淡彩ｘ無華 於 2009-5-15 11:10 PM 發表
仲有0.0 做水工要估計要收水果個有幾多水..
  好似見到得1丁友坐水...您行到坐低之後佢話收水擴4/15
    您就要到您5水果時易佢..因為您採5水 佢都採多左5水..
咁易果時等一等 等到您有第6粒果時按確定  
    佢有9水 您俾緊5佢 但係交易緊果時採多左粒 就岩岩好15水擴得

心得部分到此為止=)
嘛...講真我都係好新ge新手...玩得幾日~以上尤其係水銀部份都係爬文所得未實踐過
少少個人分享...再諗到有野加~睇到d咩好野就再加落黎啦~
再黎呢個...係前言話過係2kf睇到果個post...
國家坐水隊 分享水工/水銀心得 歡迎意見－by  Klwin
另外有請專業水工水銀賜教  分享心得&意見@@...
就這樣~

by dicksonhei (紫國冰火魔-BOT  21lv中)

[ 本帖最後由 OTL≡極速爬走☆ 於 2009-5-15 11:15 PM 編輯 ]

t0mnny17

謝大大, o弟得出好比心機,不個有好多gag
eg 俗語有話百佳令人日日稱心...

淡彩ｘ無華

仲有0.0 做水工要估計要收水果個有幾多水..
  好似見到得1丁友坐水...您行到坐低之後佢話收水擴4/15
    您就要到您5水果時易佢..因為您採5水 佢都採多左5水..
咁易果時等一等 等到您有第6粒果時按確定  
    佢有9水 您俾緊5佢 但係交易緊果時採多左粒 就岩岩好15水擴得

OTL≡極速爬走☆

tommy:
多謝多謝XD...嘛  睇咁大篇文我自己都覺攰~所以特登加多左d爛到冇得再爛ge gag幫大家醒下神

淡彩ｘ無華:
多謝提出~己加入