突然不再掛念香港了

chickenbread

過多幾日, 星期6我就上機番香港
本來呢日, 我期待左好耐, 我等左9個幾月
我一直在期待番香港後做既每一件事
但呢幾日執屋, 我突然間又唔想走了
在美國生活呢10個月, 唔算多采多姿, 但比在香港生活充實
在美國10個月所學到既野, 比在香港5年所學到既野多
係香港, 我有屋企人幫我攪掂所有野, 在美國, 我獨立了
我本來冇打算會將來留在美國番工
但愈讀得耐, 就愈覺得呢邊既生活開心過香港
香港既朋友來來去去都只係港九新界
但美國我識到既朋友由亞洲去到歐洲再去非洲, 係佢地身上我學識好多野

2個幾月後就會番去美國繼續讀書
今日我問自己, 點解寧願番去一個你已經對左10幾年既地方, 都唔去一個未接觸過既地方?
本來我D親戚鼓勵我趁後生, 去多D唔同既地方, 見識多D
但我果一刻都係堅持番香港
其實我都唔知為咩
為見屋企, 為見男友, 為同朋友出街
我而家覺得呢D只係小事...

我有唔少朋友去左外國讀書後, 都唔再番香港
今日既我, 終於感受到了


最後想講一句
如果有日你有機會出國讀書/番工, 請去吧
因為你一定會有意想不到既收鑊

[ 本帖最後由 chickenbread 於 2009-5-20 12:30 PM 編輯 ]

♂邪留丸╳~王子

如果有機會,我都想出外闖一闖,
可惜暫時仲時仲未有 T_T
ps.樓主男朋友又會咁放心俾一個女仔去外國讀書既 @@"

oOkwanOo

如果有錢去讀書 , 我都會去

MoMung

每人也有自已生活方色，如果美國真的很好，
那就留下，但請不要忘記家人還在香港。

hk1234567

現在的我覺得那裡都差不多

將之若

留意吓....美國每年係hk所收ge（免費貧窮而非一般留學生）
所收ge...反而並唔係讀死書高分的一羣,,,因為高分ge佢地本土大把,,,
佢地反而接納一d有創意,,,有靈巧頭腦的一羣,,,
能夠不斷注入新元素題才,,,創意、發明...
由此可見....佢地非常注重人材...創意無限
那怕是非我族類,,,,唔同色種...

美國....的確是一個大溶盧的地方...
能夠讓你天馬行空去發揮無窮無盡的創意...發明空間
着重有才華...而創意不斷ge意見...
那怕是不同意見....都會包容...接納
每個人都能夠有機會發揮所長,,,

由保存有歷史價值文物到藝術舊有的健築物...
由此可見....他們著重賺錢之餘亦重視心靈...靈性發展...
只有沒有太重的金錢銅臭...才可拋開包服去發展藝術創意才華的點子....

而佢地經濟發展並不局限於只是金融,,地產,,,而是百花齊放式...
同hk唔同...
係hk....基本上不懂炒賣金融,,地產...
基本上好難掘到第一桶金..
只能安安份份打份工.....假如沒有經濟衰退的話...
否則...就好似現今狀怳甘....失業率不斷上升...

而係亜洲方面...現今只有韓國的發明產品如電腦科技能夠衝出市場
環觀其他一帶....電腦科技落後於市場...只能跟著走而並不能提供發明元素...

樓主...你好幸運...
祝你去到美國能夠發揮一展所長...生活愉快

[ 本帖最後由 將之若 於 2009-5-22 04:05 AM 編輯 ]

~亞鄒~

如果有機會我都想背著大背囊自己一個環遊世界,走天涯的那種,

因為自己很想試試看,很想去更多沒有去過的地方,

一去可能係五年,可能係十年,可能你覺得我呢個想法好傻,

但我相信一定可以大開眼戒!,一定比什麼都有意義!!!


不過..環遊世界,最要具備的三項要素就是:
           [金錢]  ,  [時間]  ,  [勇氣]
     [年輕時你擁有時間,勇氣卻沒有足夠的金錢,
     [然後當你的事業開始有成,有足夠的金錢和勇氣,卻忙得沒時間,
     [可是當你退休時你擁有足夠的時間和金錢,但年青時的勇氣和魄力早就給歲月磨光了。

[ 本帖最後由 ~亞鄒~ 於 2009-6-20 04:00 AM 編輯 ]

○兔兔

原帖由 chickenbread 於 2009-5-20 12:29 發表
過多幾日, 星期6我就上機番香港
本來呢日, 我期待左好耐, 我等左9個幾月
我一直在期待番香港後做既每一件事
但呢幾日執屋, 我突然間又唔想走了
在美國生活呢10個月, 唔算多采多姿, 但比在香港生活充實
在美國10 ...

我都是在美國唸書的, 但我挺愛回香港的感覺,
或許我認為家庭最重要吧, 回來最主要除了陪家人外, 還有陪伴更長一輩的親人,
將來不知再過多少年, 可能連陪伴這些老人家的機會都不再會擁有。

有時我會想清自己的路, 我唸的在美國不會太吃香, 但回港就會比人更具競爭力,
這是我事前先想好的, 所以沒有樓主所說的不會回美國的決定和想法。

在外唸書, 的確要自力更生, 自己負擔自己應盡的責任和義務, 不讓遠方的親人為自己而擔心。

在學期時努力唸書, 回來後參加一些小課程, 空餘時又與朋友聚聚。
這暫時是我在香港的生活:)

不過樓主比我忙呢, 在聊版看到您的男友發帖說您回來了, 很幸福:)

xxyanlixx

小弟的情況與樓主一樣,
於香港土生土長,
兩年前過了美國留學,
但每四個月都會回港渡假.
這就是我與樓主不同之處.
對我來說,
香港是個走在世界前端的"國家",
在港生長了18年令我結識了一班知心好友,
我們一起到過的地方都有感情.
相對地美國給我的感覺是較落後和不方便,
出入要駕車,
天氣寒冷(我住中部),
又不像香港多采多姿的節目都在旁.
最重要的是我自少便說廣東話,
始終在香港被香港人圍繞住較有親切感,
自從去完美國後我就更珍惜香港,
更覺得我們生於一個"福島".

iamtaitai

我今個月都要去USA度讀書....我唔捨得HK D家人同朋友...
但係睇到你地講.....去到會唔會真係對香港淡左...
我今年生日就15碎.....我總怕好多野都未能適應....
例如:英文...識朋友等問題...
你地當初剛剛去到時有咩適應上的問題?

困在回憶裏的人

我而家係US生活左2年，今日仲要HIGH SCHOOL畢業。

雖然係呢度生活真係令你學到好多野，但我最掛著的仍然都係香港

香港的人，香港的事，每日同朋友努力讀書的日子。一切切都係咁難以忘懷。

仲有係US呢度真係好悶-__- 日日都只係自己一個讀書，想同人出街吹水都無=(

係HK大班FD 可以同佢地四圍行，好過US好多=.=

直江山城守兼續

或許可能因為樓主只去了美國一年
日子久了 , 可能會多想想香港

當然 , 人各有見
對不同地方的感覺
主要取決於當事人在不同地方的經歷

Pakho

的確.  美國生活比香港生活充實得多
香港人生活急速.
美國人生活自由.  不用急速生活.
遊閒地過.  也是很多人的夢想生活.
想一下. 香港人欣賞國外的遊閒生活. 文化等.
但. 國外人也欣賞香港人的急速生活. 文化等.
說不定. 你回香港後. 有另一種不同感覺.
香港必定會有你所掛念的事.
也說不定那時你會再開一貼.  
標題是. 突然不再掛念美國了.

雲中劍

First of all, congratulation on your independent believes and thoughts.

It is indeed a fantastic thing to find the place where you feel you belongs to and where you are willing to conduct your career.  It is sometimes tough to stand by your decisions regardless of the challenges encountered, therefore I am impressed by your courage!      

All the best

○兔兔

原帖由 iamtaitai 於 2009-6-6 18:19 發表
我今個月都要去USA度讀書....我唔捨得HK D家人同朋友...
但係睇到你地講.....去到會唔會真係對香港淡左...
我今年生日就15碎.....我總怕好多野都未能適應....
例如:英文...識朋友等問題...
你地當初剛剛去到時有 ...

不要怕, 去唸書只是人生數載,
但您得到比別人多的機會, 和不是人人都擁有的經驗:)