((轉貼)) (一個女子被彊屍靈體入身真實個案)真人真事

commander2620

(一個女子被彊屍靈體入身真實個案)真人真事  超長篇

本人追左成個星期此貼 當事人 每日出一兩篇  終於 完結  不過入面既事幾引人入胯
大家有時間不妨看看

這個真實個案好多人都未聽過,可況親眼現場目擊驅除彊屍靈魂….過程.
在這本人希望可以與各有緣人,分享現實世界有各式各樣眾生靈體真實存在,同時希望可以分享本人有關日常撞鬼及驅鬼一般解答事宜問題.
真實個案開始,由本人幾年前因自己犯下惡業,偶然相遇一位師傅救助,否則今日我唔可能在此與大家結緣.因此希望張本人與靈體親身經歷給各位分享,而當中一個真實個案是一個女孩被彊屍靈體入身,個案由兩年前所發生,當時我跟師傅在荃灣中心附近一個商內購物,不經意地碰見一位女士,女士姓陳是師傅認識的,他們在閒談之間,師傅發現該名女士頭上印堂發黑,問她最近是否應該睡眠不好,她回覆師傅係無錯,成晚都唔眼光光等天光,日間就好想睡覺,精神又唔夠,唔知得算好.師傅叫她個幾日有時間到師傅既地方查下.過咗三日後,陳小姐下午二時許,她帶同另一名女士到師傅地方,位於香港北角區某處大廈內,當她們二人腳踏足屋內期間,天花吊燈突然即時閃咗一吓,當時我心想,今次來到訪既客人,身上靈體一定好兇猛,但我唔會驚慌,因為我見過師傅捉鬼無數,入得師傅門戶,唔係話呢走呢話走就走.
當時師傅正在為另一名女士驅鬼,未有時間理會她們,因此暫時叫她們兩個先坐一會等等.待師傅處理該名女士撞鬼既事先,而該名女士仍然坐係地上,等待師傅查問,不久該名女士突然變成另一個人講話,表情及聲音都完全唔屬於她本人,好像有另一個人借用她身體講嘢,以我既過往經驗所得,呢D就係鬼上身既情況,好多時候被鬼上身既人,在捉鬼過程中,佢地有部份人士會聽到鬼係道同師傅對話,而身體就不能自如控制,因為身體都被有關靈體控制住.有D人士在捉完鬼過程完成清醒之後,之前所發生過既事做嘜都唔知,但他們大部份人士會知道身體是不能控制
我哋再講番師傅捉鬼經過先 , 師傅繼續查問該名女士(當時她已經被鬼借用身體使用) . 當時個女人雙眼係閉目既 , 但聽到師傅問咗佢嘢之後 , 她身體就左右兩邊擺動 , 好似坐搖搖板一樣情況 , 面上表情明顯出現抽搐 , 而雙眼皮亦開始出現跳動 , 上述情況出現咗一段時間之後就平靜下來 . 師傅再問她 , 妳係唔係有什麼冤情呀 , 講比我知啦 , 而該名女人就心呼吸一口氣 , 就係呢個時間 , 她雙眼突然間睜開 , 仍望注師傅又一段時間 . 然後她就四周圍望師傅既地方 , 當時師傅唔會覺得驚奇 , 因為師傅既地方唔係一般鬼神可以隨意來到 . 師傅再問果隻鬼 , 你都已經借用咗女人個身現咗形啦 , 你道行都好高唔簡單 , 可以睜開眼睛望注我 , 點解你仲唔講嘢呀 , ……….待續
師傅同隻鬼講 , 我望見你係 [女] 鬼  , 點解要上人身 , 隻鬼被師傅發現咗係 [女] 鬼之後 , 隻鬼又望注師傅她終於開聲講話 . 隻女鬼開始詳述上咗過女人身既經過 , 隻 [女] 鬼講 ; 本身呢個女人去奧門地方玩既時候上佢身 , 女鬼話呢個女人好蠢  , 去 [金沙賭場] 賭錢 , 又唔夠膽買大D又學人玩 , 去下注賭大細既時候只買一百元 , 真係無鬼用 , 想幫佢赢錢都費事 , 在場既我聽到都笑出嚟 , 真好挍笑  . 隻女鬼表示自己最中意打馬吊  , 所以成日都要個女人去打馬吊 , 上佢身都係為咗想玩吓 , 並無任何惡意傷害她 . 師傅話 ; 你係鬼佢係人你唔可以上人身 , 你會影響個肉身 , 個女人身體會越嚟越弱 , 女鬼表示知道 , 唔係要害佢 , 上人身只係想玩 , 師傅再問隻女鬼 , 咁而家你玩夠未呀 , 女鬼表示已經玩夠 , 又表示個女人唔好玩既 , 願意離開個女人身可以走 , 師傅話你可唔可以自己走 , 女鬼表示唔可以 , 需要師傅幫助送走佢哋……..   ?        待續
女子被彊屍靈體入身 . 繼續...2
師傅都知道唔止得妳一隻鬼  , 有其他鬼都跟咗嚟 , 全部妳認識既 , 係唔係 , 女鬼回答係 , 總數有六隻鬼 , 因為他們知道有機會走去(投胎) , 所以一齊跟咗嚟 . 師傅又問 ; 點解妳哋成班變咗鬼 , 妳哋生前有無害過其他人 , 妳哋生前是否被人所害 , 女鬼回答 , 我哋在生時無害過人 , 我哋成班生前係 [奧門] 原居民 , 一直在奧門工作 , 我哋成班係戲棚做大戲既 . 師傅又問 , 我睇妳哋既道行 , 妳哋成班死去應該起碼超過五百年以上 , 女鬼答係 . 師傅問 ; 咁點解妳成班會死 , 因為當時有一班大地主想要我哋戲棚塊地 , 我哋唔應承個班地主老既要求 , 佢哋就在一個晚上 , 突然故意放火燒毀成個戲棚 , 當晚我哋成班就係咁 , 個個活生生被班地主老燒死咗  , 我哋成班好淒涼  , 咁多年來又唔知點去投胎 , 想投胎都唔係話咁易 , 原來做鬼好慘既  , 千奇唔好做鬼呀 , 好多地方唔可以話去就去 , 四周圍都有鬼 , 會被其他鬼欺負 , 其實同在人間生活一樣好人會被人欺凌  , 又怕見到地主公公 , 又有牛頭馬面四周圍捉鬼  , 要周圍避開佢哋 , 所以走入人身 , 其實做鬼都唔容易 , 所以你哋要好好做人 . 當時在場既我 , 聽完隻女鬼講述被人所害既情況 , 同時做鬼既淒慘既情形 , 我雙眼都忍不住流出眼淚……  , 如果唔係隻女鬼自己所講既經歷 , 我真係唔相信呢個世界會有咁既事發生 , 人生無常 , 變幻莫測 , 當時我心想真係要好好珍惜做人 ………  待續 (2)
女子被彊屍靈體入身 . 繼續...3
隨後該隻女鬼向師傅要求比杯水佢哋飲 , 因為隻女鬼話佢六隻鬼是被火燒死  , 好耐都無飲過水 , 所以好口渴 , 於是師傅叫我去廚房取杯水比佢哋飲 , 之後隻女鬼拿起杯水向周邊位置敬禮 , 敬完禮之後再多謝師傅後就飲咗杯水 , 隻女鬼向師傅表示 , 佢哋多謝師傅比杯水佢哋飲 , 佢哋六個覺得好舒服  , 因為真係太耐無飲過水 .
隻女鬼問師傅仲有無嘢問佢哋 , 師傅念咗一陣 , 就問隻女鬼 , [奧門] 地方係唔係有好多鬼存在 , 隻女鬼表示 , 你哋一到 [奧門] 碼頭 , 已經有很多佢哋D兄弟姐妹既 [鬼] 等緊你哋嚟上身  , 尤其是好多鬼都係賭場等緊搵人上身 , 特別是有一個賭場外面係金色 , 入面都係好金既 , 我哋即時回答 , 是不是 [金x賭場]  , 隻女鬼回答係 , 所以隻鬼叫我哋無特別事 , 就唔好去 [奧門] 既鬼地方 . 師傅再問隻女鬼 , 妳見唔見倒果邊有兩個女仔坐係椅等候 , 隻鬼表示看見 , 師傅問隻鬼 ; 呢兩個女隻有無鬼係身上 , 隻女鬼表示有 , 並用手指注其中一個女仔 ……..   待續 (3)

女子被彊屍靈體入身 . 繼續...4
師傅再問 , 另一個女仔身上有無鬼 , 女鬼表示無 . 師傅同我哋在場人士講 , 鬼係乜都睇倒乜都知 , 你哋諗緊乜嘢都一樣知道 , 靈界會睇倒你身上有無鬼存在 , 所以有句說話 ; 係鬼都知 , 就係咁解 . 師傅再問隻女鬼點解妳哋唔去搵果班人報仇 , 女鬼表示 ; 害佢哋果班人 , 有D已經投咗胎 , 有D無辦法搵 ,師傅對佢哋班鬼講 , 事實已經係事實 , 妳哋係鬼  , 時間都過咗咁耐 , 無辦法去調查  , 千萬唔好存有怨氣呀  , 女鬼表示知道 . 師傅再問隻女鬼仲有無任何要求 , 隻女鬼同佢哋D朋友鬼表示 , 無任何要求 , 但好多謝師傅可以送佢哋去輪迴投胎  , 並多次多謝師傅 , 師傅話如果無要求我就送妳哋上路 , 師傅叫隻女鬼閉上雙眼要送妳哋走啦 , 女鬼即時閉上眼睛  , 師傅就用法器送走咗這班可憐既鬼 . 然後再拿起 [轆柚葉] 拍醒個女人 , 叫她可以睜開眼  , 女人睜開眼就望注師傅 , 師傅問她妳知道發生乜嘢事啦 , 女人表示知道 , 師傅話現在已經無事 , 個班鬼全部走咗 , 剛才個班鬼借用妳把口講嘢 , 妳知唔知道 , 女人表示知道 , 她亦嘗試過唔被佢哋講嘢  , 不過控制唔倒 , 師傅話當然啦 , 班鬼借用妳成個肉身使用  , 妳點可能唔被佢哋呢 , 個女人話唔怪得成日走去打馬吊啦 , 我都唔係中意打馬吊既人 , 重要打到通宵達旦 , 真係比隻鬼玩死  , 隨後個女人與師傅傾談咗一陣之後 , 就離開了  ……..待續 (4)

開始入主題 ; 彊屍靈體入身
女子被彊屍靈體入身 . 繼續...5
承接上個真實故事延續 , (女子被彊屍靈體入身個案) , 個女人走咗之後 , 師傅叫另一名女子坐係地上 , 面對師傅傾談 , 當時師傅坐係椅上 , 呢位女子就係之前比隻女鬼發現身上有鬼果位小姐 , 師傅問她 , 妳知唔知妳身上有隻鬼 , 當時該位小姐好驚慌 , 面色都變咗   , 唔知點算好 , 心想自己又無造傷天害理既事  , 點會身上有隻鬼  , 當時她都唔知發生乜嘢事 , 唔相信係事實 , 今日我只係陪朋友上來見識吓  , 反而話我個身有隻鬼  , 真搞笑  . 師傅問她最近睡覺好唔好 , 她回答一般啦 , 好多時成日發夢 , 有時會驚醒 , 最近曾經試過有兩三次在三更半夜睡覺中 , 轉身期間望見床頭櫃側邊 , 出現有一個白色既好以個人頭形狀既嘢  , 應該係個人頭 , 有時都好清晰 . 師傅問她 , 妳見到個頭妳唔驚駭既咩 , 她表示都驚驚哋啦  , 師傅又問她日間做什麼工作 , 師傅話她個前額印堂有一度黑氣  , 唔簡單  , 師傅了解完她個人資料後 , 叫她閉上眼睛 , 如果聽到任何聲音都唔好開眼  , 等師傅睇吓隻鬼係乜嘢來歷先  , ………
待續 (5)

commander2620

女子被彊屍靈體入身 . 繼續...6
等咗一段時間 , 個女仔身體開始有小小搖晃既動作出現 , 師傅開始發現她身上有隻嘢 , 師傅話 : 睇落去應該唔係鬼既嘢  , 個女仔坐係地吓一直不停搖晃  , 無瞪開眼睛  , 師傅再問另一個坐係椅上佢既朋友 , 陳小姐 , 知唔知呢個女仔屋企人做嘜嘢工作 , 陳小姐話個女仔佢亞爸做 [殯儀五鑿] 工作  , 師傅再問陳小姐 , 你又知唔知呢個女仔亞爸上一代又做嘜嘢工作 , 陳小姐話 , 曾經聽呢個女仔講過 , 佢亞父爸上一代又係做 [殯儀五鑿] 工作 , 連續幾代都一樣係做 [殯儀五鑿] 工作  . 之後師傅閉目思維咗一段時間 , 開眼之後再問仍然閉目坐係地上果位女仔 , 妳可唔可以借個女仔肉身講嘢  , 她聽到師傅問佢D嘢 , 個女仔面上突然間有D好等別既表情反應  , 由佢既表情顯示話比我哋在場各人士知 , 已經有靈體上咗佢身  , 見到佢個頭一格格咁左右兩邊慢慢移動 , 果種動作人類係唔會做既  , 佢個頭既移動好以四周圍睇緊嘢  , 但她雙眼一直都無瞪開過  , 當她四周圍睇完之後 , 個頭返回原先位置面向前對注師傅 , 當時她心呼吸咗一吓 , 但我直覺話我知她的表現是怨氣  , 跟主個頭就慢慢向下垂 , 無反應又無嘜表情仍然坐係地上  ………待續 (6)
女子被彊屍靈體入身 . 繼續...8
師傅對個女仔講 , 妳上咗佢身係想報仇 , 係唔係 , 她點頭表示係  , 所以妳等呢個女仔睡覺既時候現形比佢睇 , 係想嚇死呢個女仔  , 她又點頭係 , 連續幾次係妳現白色既頭形狀 , 她又點頭係 , 師傅再問 : 你係彊屍唔係鬼  , 她又點頭係 , 師傅話 ; 一個人死咗能夠變咗隻彊屍係唔簡單  , 彊屍靈走入人身唔容易 , 好難得會見倒 , 師傅再問隻彊屍 , 妳死咗禁耐 , 應該超過幾百年 , 點解妳唔講嘢  , 師傅而家比妳講 , 妳可以借肉身把口講啦 , 隻彊屍聽到師傅對她講可以借肉講話既時候 , 彊屍面上表情流露出好開心既樣子  , 但當隻彊屍抬頭想開聲講話既時候 , 又講唔出聲 , 她嘗試多次都開唔倒口講嘢 , 表情非常之失望  , 好唔開心 , 垂頭喪氣  , 她用手指注自己喉嚨多次 , 當時我哋在場都唔知點解  , 因為師傅已經用法力幫隻彊屍開咗把口 , 應該可以隨時講嘢 , 我哋各人和師傅眼望望都有D唔明白  , 呢種情況十分小見 . 有一個可能性 , 如果佢係隻鬼靈既話 , 可能隻鬼唔夠力量 , 就會出現講唔倒嘢 , 但佢係幾百年彊屍無嘜理由  ,
除非隻彊屍比人封閉咗把口  , 所以講唔倒嘢  .
於是師傅暫時唔理隻彊屍 , 轉移問佢個位朋友陳小姐 , 師傅問 ; 陳小姐妳現在知道妳朋友比隻彊屍靈上咗身啦 , 她表示知道  , 最近妳哋兩人去過邊道地方玩, , 有無外出去旅遊之類 , 她表示無 , 佢話兩個星期前 , 我只係同呢個女仔去過離島 [貝奧] 既地方行吓 , 但隻彊屍聽到陳小姐講去 [貝奧] 兩個字既時候 , 就……… 待續 (8)
女子被彊屍靈體入身 . 繼續...9
上回講到隻彊屍聽倒 [貝奧] 兩個字發生嘜嘢事  ? 請各位留意現在開始入戲玉  , 好緊湊呀  …好緊湊呀.…… .
當時隻彊屍聽到 [貝奧] 兩個字嘅時候 , 面上表情非常之緊張又激動 , 猛力點頭  , 她又隨即抬起頭來舉起雙手伸直向前叉伸縮 , 她完完全全表演出一隻百分百既彊屍形狀 , 而從隻彊屍嘅表情和動作話比我哋知 , 開始知道隻彊屍走入呢個女仔嘅事件有關  , 師傅見隻彊屍禁激動  , 再問陳小姐 , 點解妳哋去 [貝奧] 玩  , 她表示 , 呢個女仔父母屋企人住係 [貝奧] , 果日番去屋企附近四周圍行吓 , 隻彊屍又點頭 , 隨即隻彊屍又不停舉起雙手伸直向前叉伸縮 , 來回無數多次同樣嘅動作 , 師傅呢次完全無理會隻彊屍嘅動作  , 師傅對隻彊屍講表示知道 , 因為隻彊屍唔可以講話 , 所以用手勢表達佢既感受出來  , 就係呢個時間 , 師傅又閉上雙眼一段時間 . 師傅醒後定眼神望注隻彊屍又一段時間 , 但師傅佢嘅表情好以發現咗一D嘢  , 跟主對隻彊屍講 , 我已經知道點解妳會入咗呢個女仔身  ?
以下是師傅對隻彊屍所發問嘅既問題 ? 呢個女仔上幾代嘅袓先 , 都係負責做 [死人五鑿] 工作 , 妳同樣係上幾代嘅人 , 彊屍點頭 , 因為當時妳不幸去世  , 妳屋企人又認識呢個女仔嘅袓先 , 所以妳家人委託佢哋幫妳辦身後事 , 彊屍點頭  , 妳屋企人叫佢哋幫妳搵塊地土葬 , 彊屍又點頭 , 但可惜呢家人無良心厄咗妳屋企人話 , 搵倒一塊好地葬妳 , 點知呢一塊係養屍地  , 即係話條屍體埋葬係呢塊地永遠唔會化:046:  , 當師傅講完上述情況 , 隻彊屍即時又激動起來:046: :046:  , 又隨即舉起雙手伸直向前叉伸縮多次 , 不過呢次仲特別 , 隻彊屍把口雖然唔可以發出聲音講嘢 , 她把口卻可以不停開合  , 但最特別之處 , 把口在開合過程中 , 竟然會發出清脆不停格格聲  , 動作仲好快 , 而口內傳出嘅聲音 , 應該係開合個口嘅牙咬兩邊聲所發出  , 當時我心想 , 邊有可能個口開合會引至牙咬兩邊發出聲音 , 手同個口嘅動作仲要好快 , 不止我一人覺得奇怪  , 連師傅都話 , 隻彊屍點樣可以令個口開合 , 引至牙咬兩邊發出格格聲音 , 師傅隨即叫我嘗試吓模仿隻彊屍 , 開合個口會唔會令牙咬兩邊發出清脆嘅格格聲音  , 記主係牙咬兩邊發聲  , 唔係喉嚨發聲 , 我即時多次嘗試 , 原來人類係唔可能做得到  . 跟主我又問師傅 , 點解世上會有養屍地  , 師傅話 ; 以前D人比較喜歡土葬  , 唔興火葬 , 好多時都會比人厄錢 , 大多數人都中意風水地 , 所以有好多人就四周圍厄人 , 而養屍地嘅原因就係   ………待續 (9)
女子被彊屍靈體入身 . 繼續...10
上回師傅講到點解會有養屍地 , 師傅話養屍地其實系個塊地唔見有陽光 , 又無陽光照射到  , 長期有水份及經常潮濕  , 所以引至條死屍放係塊地唔化嘅原因  , 行內人叫呢D做養屍地咁解 , 而家就系塊地另到佢變咗隻彊屍 , 其實呢隻彊屍系好可憐  , 原本可以做鬼都有機會投胎 , 但如果系疆屍就麻煩  , 因為彊屍唔可以去地府報到 , 地府唔收呢D嘢嘅  , 彊屍無靈魂存在 , 佢哋只系一堆嘢 , 咁你話如果係一堆嘢點去投胎呢  . 隻彊屍聽到師傅講完之後 , 立即猛力點頭  , 跟住又舉起雙手伸直向前叉伸縮多次 , 同時又張開把口發出格格聲  , 其實隻彊屍嘅動作表達意思 , 係話比你哋知佢嘅不滿  , 跟住師傅對隻彊屍講 , 師傅知道晒一切 , 師傅話 : 就係因為呢家人嘅袓先害妳 , 所以妳就搵佢後人報仇  ,
隻彊屍點頭示意係 , 師傅話 : 點解你唔去搵害你果個人報仇呢 , 隻彊屍又張開把口發出格格聲  , 跟住師傅話 : 係唔係害你果個人已經投咗胎 , 所以無辦法搵佢報仇 , 隻彊屍即時點頭示意  , 師傅話 : 妳係 [貝奧] 等呢家人嘅後人回來報仇 , 隻彊屍點頭示意  , 妳匿藏係 [貝奧] 其中一個山頭等呢家嘅後人回來 , 隻彊屍又點頭示意 , 終於係前兩個星期比妳見到呢個女仔 , 妳就上咗個女仔身想報仇害番呢家人  , 隻彊屍又點頭示意 . 師傅對隻彊屍講 , 害妳果個都已經投咗胎 , 妳無需要害呢個女仔 , 其實唔關呢個女仔事 , 係上幾代嘅事 , 妳放個呢個肉身 , 好唔好呀 . 隻彊屍聽完師傅講呢一番話之後 , 非常之激動  , 面上表情亦顯示無可能放過呢個女仔  , 跟住又舉起雙手伸直向前叉伸縮多次 , 同時又張開把口發出格格聲  , 師傅跟住又講 , 妳害死呢個女仔都無用 , 冤有頭債有主 , 何必要取人命  , 如果呢個女仔比妳害死咗 , 第日佢又要去害番妳 , 始終無了期 , 冤冤相報何時了  , 隻彊屍聽到師傅一番說話之後 , 表情好無奈  , 又無之前禁激動  , 心情平靜咗好多  , 好以睇開咗 , 佢知道有D嘢係唔可以改變 . 當時我心想 , 其實呢隻彊屍真係好慘  , 好慘:043:  , 等咗幾百年 , 以為終於等到害佢嘅仇人後代報仇 , 點知現在所有嘢都改變咗 , 要搵嘅人全部都走咗  , 自己又唔可以去投胎 , 真係做鬼都唔得 , 入咗人身又唔可以走番出黎  , 又無得反轉頭 . 而家師傅重話要隻彊屍放棄報仇咁大件事 , 隻彊屍如何決擇  , 佢係呢個現實世界可以點做  ? ………
如果係你的話 , 你又何去何從 , 其實彊屍事件呢個問題  , 正好反應我哋呢個現實世界 , 每個人為咗自己嘅目的不擇手段 , 去滿足一時快樂  , 不理其他人嘅感受  , 用盡千方百計去害人 , 須知呢個世界有一樣嘢係走唔出 , 就係 [因果]  . 有D人以為做咗壞事無人知  , 你可以厄倒自己同你身邊嘅人 , 其實你太天真  , 逃得一時逃唔倒一世或幾世  , 但你逃不過 [因果] 報應 ,  就算今世唔報係你身上 , 都會報係你嘅子女 , 所以做人做事要問良心  , 如果你有留意的話 , 上述我所講 , 其實呢個現實世界裡面 , 有好多類似彊屍故事嘅情節 ………待續 (10)未完家 , 就快到尾聲…..
女子被彊屍靈體入身 . 繼續...11
隻彊屍沉思咗一段時間候  , 師傅對隻彊屍講 , 妳想清楚未呀  , 或者錦啦 , 師傅幫吓妳好唔好 , 隻彊屍又諗咗一陣 , 又無嘜任何動作表示平靜咗  . 於是師傅又問坐係椅上的陳小姐 , 呢隻彊屍嘅肉身 , 即係個女仔 , 妳哋有無去搵過D芧山師傅捉隻彊屍 , 陳小姐話 : 當呢個女仔同佢講 , 話夜晚睡覺期間見倒個白色頭  , 個女仔話好驚  , 有無辦法搵人睇吓佢係唔係撞鬼  , 於是我聯絡咗一個我認識嘅朋友 , 個朋友學六X之類嘅嘢 , 同有線電視個果法X師傅係同出一派  , 話可以捉鬼  , 於是就帶咗呢個女仔上去比果個師傅睇 , 當時個師傅話佢係撞鬼  , 燒一道符咒開水比個女仔飲  , 個師傅話飲咗D符水 , 隻鬼就收咗 , 會無事嘅  .
師傅聽完陳小姐所講  , 呢個女仔曾經去過個果D所為師傅地方捉鬼 , 師傅話梗係出事啦  , 根本呢個女仔個身果隻唔係鬼  , 果位師傅根本無本事睇倒  , 彊屍唔係師傅都有辦法處理 , 大多數都以為係鬼上身黎做  , 就當鬼黎捉梗係唔得啦 , 師傅對陳小姐講 , 妳自己睇吓 , 邊有捉到隻鬼 , 成隻彊屍現咗形坐係地上  , 妳話點捉走隻鬼  , 又係厄人 . 當時隻彊屍聽到師傅講 , 即刻點頭表示係  . 師傅話 : 而家我知道點解隻彊屍講唔倒說話 , 因為比道符塞住個喉嚨  , 所以隻彊屍無辦法講嘢  , 隻彊屍又點頭 , 跟住又用手指住自己個喉嚨 , 同時又張開把口發出格格聲  , 師傅對隻彊屍講 , 我已經全部嘅事都知道晒店  , 跟住師傅叫我遞盒紙巾過黎 , 師傅就拿起D紙巾 , 親自放係隻彊屍把口外出  , 叫隻彊屍嘗試吐出塞住喉嚨嘅物件 , 經師傅親自多次幫隻彊屍候 , 隻彊屍嘅表情顯示 , 非常之開心  , 從她嘅表情話比我哋知 , 隻彊屍從口裡多次吐出有關物件之後 , 感覺她喉嚨非常之舒暢  .
師傅眼見隻彊屍表情好開心  , 他對隻彊屍講 , 不如師傅幫妳走啦  , 離開個女仔身 , 放個佢 , 唔好再搵呢個女仔報仇 , 好唔好 , 隻彊屍又沉思咗一段時間 :009: , 隻彊屍醒後  , 抬起頭望注師傅點頭 , 表示願意放個呢個女仔 , 唔報仇  , 師傅話 : 咁樣我幫妳走啦 , 唔好有怨氣  , 唔好有怨恨心  , 呢件事已經過咗好耐 , 害妳嘅人會受報應 , 妳走咗之後 , 去做乜嘢都好啦 , 妳明唔明白 , 隻彊屍點頭表示明白知道  , 於是師傅閉上雙眼沉思咗一段時間 :009: …….. 待續 (11)

commander2620

當師傅再開番雙眼  , 同隻彊屍講 , 我帶妳走好唔好 , 隻彊屍再一次點頭示意  , 隨後師傅起身到櫃台拿起三支大香 , 準備插入香爐嘅時候 , 隻彊屍突然周身打發冷 , 表情非常之驚慌  , 師傅話 : 唔需要驚慌 , 唔係要捉妳走 , 只係請虛空嘅師傅帶妳走者  , 跟住坐番係椅上 , 就係呢個時候 , 我哋發現隻彊屍有一個好奇怪嘅表情  , 就係她面向個三支大香 , 用鼻不停抽索D香  , 但我嘅感覺隻彊屍好以係道食梗D香嘅動作 , 唔係索香咁簡單 , 當時師傅都話係 , 因為隻彊屍好耐都無嘢食過  , 師傅跟住又問隻彊屍 , 要唔要燒番D金銀之類嘅嘢比妳帶走 , 隻彊屍猛力點頭話要  . 於是師傅叫我們準備D金銀衣紙及溪錢衣服之類 , 化比隻彊屍帶上路 , 但隻彊屍聽完師傅講話化嘢比佢 , 佢嘅表情又好唔開心又無奈  , 師傅問佢乜嘢事 , 佢又講唔倒嘢 , 起初我哋以為隻彊屍唔中意化呢D嘢比佢 . 突然隻彊屍又舉起雙手伸直向前叉伸縮多次 , 同時又張開把口發出格格聲  , 呢次真係比隻彊屍笑死我哋  , 心想我哋都唔知過程之中做錯乜嘢事 , 化嘢比佢 , 佢又唔係唔中意 , 真頭痕  , 唔知點樣可以令到隻彊屍開心番  , 師傅再問 , 妳驚我哋化嘢比妳收唔倒 , 隻彊屍又無反應  , 跟往師傅再問 , 當中化嘢比妳D物品 , 其中有部份妳收唔到嘅 , 呢次隻彊屍有反應  , 佢即時點頭 , 跟住我哋一齊話原來如此 , 真後比佢玩死  , 不過無辦法啦 , 鬼叫隻彊屍講唔倒說話咩 , 師傅為有對隻彊屍講 , 不如我每一樣問妳收唔收到啦 , 隻彊屍點頭示意:084:  . 師傅開始問 : 金銀可以收嗎 ? 她點頭示意 , 衣服可以嗎 ? 她又點頭 , 大光寶可以嗎 ? 她又再點頭  , 溪錢呢 ? 她隨即拎頭表示不要 , 師傅再問多一次 , 溪錢妳唔收 ? 隻彊屍又張開把口發出格格聲:084:  , 表示不要  , 師傅又問銀紙要唔要呀 , 佢又再次拎頭 , 表示不要   . 跟住師傅又思維咗一會  , 溪錢用黎開路 , 銀紙根本D鬼唔會用 , 係用唔倒 , 只係D人做生意話D鬼及袓仙會用 , 其實佢哋係收唔倒嘅   , 師傅問隻彊屍 , 有無講錯 , 她隨即拎頭 , 表示師傅無講錯  , 跟住師傅叫我哋抽起溪錢及銀紙 , 燒多D金銀比佢上路 , 隻彊屍立即點頭表示多謝 , 面上表情又開心番晒 :072: , 正當我們化寶期間 , 師傅叫隻彊屍收嘢啦 , 隻彊屍點頭示意知道  , 隨後我們化完寶之後 , 師傅再問隻彊屍收唔收到D嘢 , 隻彊屍點頭示意收到  , 師傅同隻彊屍講 , 收咗嘢要上路 , 師傅開始送妳走  , 但妳要帶走呢個女仔身上D唔好嘢 , 知唔知呀 , 隻彊屍又點頭示意 , 等咗一段時間 , 師傅開始閉上眼睛  , 隨即雙手結起一個法印 , 過咗又一段時間 , 師傅瞪開雙眼  , 手拿起 [ 轆柚葉 ] 拍醒個女仔 , 個女仔終於可以開番雙眼望注師傅  , 師傅對她講 , 無事啦 , 妳身上隻彊屍已經走咗 , 師傅再問個女仔 , 妳知唔知發生乜嘢事 , 個女仔話知道  , 但自己控制唔倒自己  , 自己知道比仔彊屍控制住  , 她嘗試多次想開眼  , 但唔成功 , 師傅話 : 梗係啦 , 佢唔可以開眼望住我 , 所以要合埋眼先至得 , 否則佢個原神會消失 . 師傅話 : 妳而家知道隻嘢點解要害妳 , 因為妳袓仙做得唔好呀 , 做人要小心  , 千其唔好害人 , 會有報應  , 佢哋會追好多世報仇  , 師傅話 : 由驅走隻彊屍至現在 , 大約用咗五個鐘頭  , 個女仔表示真係好耐 , 腳仔都痛埋  , 個女仔亦多次多次多謝師傅幫忙  , 隨後個女仔和陳小姐離去了 .
師傅再同我哋講 , 彊屍好難走 , 要消滅佢都唔容易 , 唔係每一樣嘢都要捉  , 要了解佢哋點解做鬼  , 四處搵人報仇 , 當中一定有原因 , 我哋要了解眾生苦難  , 唔係乜都話會要消滅 , 如果要消滅靈界眾生  , 等同個D人殺人有乜分別 , 做惡業要受報應  , 佢哋都有生存空間  , 只不過係唔識搵人去救佢哋 , 就算幾困難都有辦法處理 . 在坐有緣人要有緣先至有機會睇倒 , 我哋幫靈界眾生 , 係要比你哋知道點樣去了解 [ 世間 ]   , 了解 [ 因果 ]   , 要懺悔過往所造嘅諸惡業 :019:  .
師傅話 : 救得幾多得幾多啦   , 有緣就救   , 無緣就走  .     (完結) .
  
各位大德 , 如果對上述有任何疑問   , 多謝你哋提出寶貴意見 , 我會和各位師兄師姐盡量解答有關問題  . 或者當你睇完上述事件之後 , 感到個頭或身體出現異常反應   , 盡量向我們提出 , 如果無的話 , 你可以暫時放心  .
多謝各位支持    !

龍葵

終於睇晒幾精彩 請問你地幫人驅鬼洗唔洗收錢?

懶惰寶貝

雖然好長 但都係睇晒

chiuwa00

好睇ar...介紹個師傅黎識下

mrfouryip

好好睇呀!!

deep_blue

'彊屍靈體'? 彊屍有靈魂架咩?

520131４

多謝分享

蝦餃x.x

幾正d故事 @@

a113652a

咁個世界一早冇晒人

櫻豪

講得好精彩，，，，，幾驚下。。。。。。。。。。。。。多謝樓主分享

moonmama

好精彩呀~ 雖然唔知真or 假...
但 ((((((係要比你哋知道點樣去了解 [ 世間 ]   , 了解 [ 因果 ]   , 要懺悔過往所造嘅諸惡業)))))

呢句好有意思~
希望你呢個故事既師傅真係一位慈悲為懷, 救眾生既好師傅~
唔係睇電視果d道人迷信既神棍~