(國服)高出力紅迷設計圖任務詳細攻略
我唔講專家 同 皇牌任務, 因為求其搵間有少少質素既都可以過.
我會講大師級任務既過法.
1.機體要求
本人建議3炮Z, 強2攻(可以強3既就強3喇). 1 bs希古(房主)(因為可以強化4次, 強4攻喇)
先解釋點解要炮z, 而唔要阿普2(饅頭). 好多人都以為阿普2開技能1, 就有無限2武, 所以打怪會好好打.
其實係錯既.本人開始都係咁諗, 但係要開技能1, 就要先扣血至20%以下, 所以開始果時要比怪打,
國服所叫既放血. 如果3個阿普2都係咁放血, 會晒好多時間, 同埋一個放血放得唔好, 就下場再黎喇.
所以阿普2我唔推薦.
至於炮z, 本身能力一般.不過睇下佢既技能1,2,就知炮z 先係任務機.技能1,填裝上升,
子彈回復速度加快. 技能2, 攻擊力上升. 係5分鐘內, 要殺45隻力黑紅, 60隻蟹, 子彈同殺敵速度好重要.
首先炮z唔洗放血, 一開始就可以打怪, MS子彈用晒, 就變MA, 子彈等於無限,加上強2,3攻,
技能2攻擊力上升, 再加上bs希古既突擊指揮(加攻擊力), 攻擊力足以破壞一切.
2. 裝備
全體隊友要裝上新人類醒覺(技能卡), 裝上獨眼巨人炸彈
新人類醒覺, 有雷達 同 推進上升效果. 獨眼巨人炸彈, 炸死敵人
3.位置
可以睇下面既指示圖.
今次主要係守護3號塔.
先說2號炮z, 一開始,要先跳上塔頂,主要任務係打3號塔後面既怪, 因為後面既怪只會係3:35, 3:00,
2:30, 2:10 同0:30出現, 而數量唔多, 所以2號炮z 要盡力保護, 同埋打4號炮z既肓眼位(4號炮z既3點
鐘方向), 清完後面, 當然要幫1,3,4號機清怪, 但係主要係打後面既怪.
4號炮z, 主要清2號塔衝過黎既怪, 因為數量都唔少, 唔好姑寒喇, 用炸彈喇.
先打金恩, 力克紅, 再打蟹魔, 最後渣古. 渣古難打, 炸佢喇.
3號炮z, 最重要既角色, 清1號塔同2號塔既怪. 因為果度既怪最多, 都係放晒你d炸彈喇.
建議可以行上少少, 同bs希古and 4號炮z成3角形,方便放炸彈炸怪
1號bs希古, 清1號塔附近黎既怪, 怪唔多, 可以幫3號清怪.
4.卡場
如果守得好, 就唔洗卡場. 萬一3號塔就快冇血. bs希古就要做野喇, 卡場...世界就和平喇...
卡場方法, 到時先講喇.
卡場後, 其餘3炮z, 先清晒3號塔附近既怪.
3號炮z, 要飛去1號塔打卡場既怪. 4號炮z, 要飛去2號塔清附近既怪.
而2號炮z就要來回2號同3號塔清怪.
成功與否, 就要睇大家既造化喇.如果可以守到2:30先卡場, 成功就係眼前.
5.卡場後怪出現地點
卡場後, 怪只會係3個地點出現,睇下面既圖
塔1,2
塔3
ps1. bs希古卡場之前, 要比怪扣血到50%以下, 先可以有突擊指揮, 不過唔洗刻意比怪打,
d 金恩同力克紅都會射下你, 如果強左4攻, 佢地射你2-3下就有.
ps2. 各隊友要盡量保持隊形, 堅守自己岡位, 炸彈應放得放, 必殺應出得出,盡量唔好比怪打死,令到有10秒既真空時間.
ps3. 攻略係長左d, 不過希望對大家有幫助, 有其他意見可以提出, 一齊研究.
最後希望大家玩得開心, 成功取得設計圖.
本人資料: 國服太陽之都公會黑色三連星副會長, kataho |
發表於 09-5-29 12:06 PM
發表於 09-5-29 11:59 PM