雖然小弟唔係好高lv,
對術士既見解未必一定很深入獨到,
希望可以以小弟既小小心得教一下初接觸術士既新手們
===首先講一下術士呢個職業===
術士係天書入面其實姐係法師,
但係奇怪地同其他game既法師唔同,
佢係無範圍技,極其量有一招可以打十字
===配點===
其實配點有好多配法,
有d人會配 2智1敏 , 我亦見過有人配 2敏1智,
咁樣配係可以比怪快出招,但係唔太建議,原因好快就知
我建議就係2智1信 咁配,
好多人會好奇怪點解要+信仰?
術士本身好低防,裝備+得唔多,
所以要+信仰,
又有人會問點解唔+敏??
基本上,2智1信咁配既話,跟lv去打怪,係唔會慢過d怪(當然副本例外)
亦有人會問,點解唔+耐既??
+耐只會令自己兩頭唔到岸,
血唔夠俠客多,但係法攻/防會好低,晒氣
===技能,心法===
建議主力升<熱誠>呢個心法,
主力升<四相決>呢招
---點解唔升打十字果招既???---
十字果招<慟地神咒>要等一個回合先出到,傷害又唔高,所以就唔升
<四相決> 呢招係術士技能入面最高攻既一招
<迷惑>心法都唔錯,後期暗影魔咒好強,
但係就放棄左個人攻擊能力,唔建議升
===裝備===
裝備選用 布袍 為主
換句話說,裝備需求xx智力 果d就岩喇~
呢d裝+屬性會佩向智力同信仰,很適合術士
至於材料方面,小弟之前都好擔心,
但係到後期,好多人型怪都會跌超多布料,
唔洗驚無料合裝.
武器方面,盡可能合光芒的(品質最好)
因為武器品質影響法攻,而且影響很大~
===寵物===
唔洗多講,好多人都想要既水爆寵唯首選,
不過寵物對術士最重要既,就係用黎補血,
天書呢隻game,寵物可以用道具幫主人回血,
十分方便,
小弟就用一隻高敏既水爆蟹黎升,
可以係俾怪打之前回到血
敏寵係一個唔錯既選擇,
如果法攻唔夠高既,亦可以用攻擊寵(偏向強壯的寵)
到到高lv既後期,
打副本既時候,難免會有王既出現,
呢個時候我建議升多隻青牛(小光明湖45lv+)
血厚高防,打王可以幫手補下血
===術士既作用===
術士唔似俠客有得暈人,
亦唔可以打幾隻,
但係術士作用都好大,
術士既<四相決>係可以隨機附帶虛弱效果,
如 燒傷, 凍傷, 減速 同 虛弱,
此外,若遇到 防禦既 王或者怪,
術士就大派用場,
防禦對法術效果起唔到好多作用,
所以 當隻王 果個回合防禦既話,
術士仍然可以打出正常傷害(當然幾十傷害無可避免會少左)
========
大致上係咁,
術士真係幾好玩,傷害亦唔差
希望這post能解答大部份初接觸術士既你既疑問~~~
有野可以係度留言,
亦可以係game入面密我~~慕容幽,常駐<血戰一線>
====ps: 教埋大家點樣密人=====
有時大家想密人,但係密語對象無得打名,但係又搵唔到果個人,
咁可以點呢?
可以係對話視窗果度,禁人地個名~
之後禁私聊,就可以喇~~
但如果果個人無講野,搵唔到個名呢??
大家只要禁F,禁<查詢>
再打你想搵既人既名,
就可以搵到佢架喇~+好友,私聊一樣無問題~~~~
[ 本帖最後由 慕容幽 於 2009-7-25 02:13 PM 編輯 ] |
發表於 09-7-25 02:04 PM
謝主龍恩
