白一護?<>牛角一護?

TOMSHINTOU

大家仲記吾記得記得白色一護所講既野:

(若要控制我的力量,在我下次出來之前,就千萬別死掉!)
可以咁樣理解---->你若在我出來之前死掉,就不能控制我的力量
佢咁講,佢意思係佢將會係一個指定時間再出黎.
姑且唔洗理佢出黎係為左將一護踩碎,定係比力量一護.
而兩者都係唔可以比肉體死.
諗下:一護打白哉果次,白一護出黎係點樣講?
---->若果你死了,我這邊也很麻煩<----
冇問題既話又點會臨時救一護?
半黑半白.
呢個係完全虛化既樣貌,咁點解仲有一半白色?
好多人都話面具既黑色係代表虛既力量.白色係死神力量.
但睇返之前假面軍團,除左日世里之外,其他幾乎全部都係全白色面具.
咁黑色又點會係虛既力量?
再諗深一層...........死神既力量又點會表現係個虛面具上面呢?
要講既話,白色更加似係代表虛既力量.
如果白色先係既話,咁黑色係乜?呢個係未知數.....
或許係地獄既力量.漫畫初期有提及過.
當然包括我在內,講到(地獄)就覺得有d天方夜譚.........
就算唔知黑色面紋代表乜野,但似乎唔係虛力量.
但又諗下,牛角一護,同白一護有樣野係唔同,佢係由死後先出現既產物.
如果白一護係牛角一護,既然可以死左出黎,咁當初點解要接住白哉把刀?
又話死左會好麻煩?又叫一護唔好死?
唔知有冇人會誤解一樣野---->虛不等於死亡後既產物.虛係未死......
如果唔係當日果隻虛會被帶入地獄?
再講,虛係靈魂既墮落,但可用斬魄刀淨化,而生前有太多作孽既虛
就被送往地獄.
咁虛又點會係地獄既野呢?
結論：
無論,白一護浸食一護又好~一護控制白一護又好
身為(王)既一方,唔可以比肉體死亡.
白一護係虛.但唔可以死.亦未試過係死後出現.
而虛又不等於地獄.
而牛角又係由死後先出現.
(死神),(虛),都只係魂魄既轉化,變換.
而地獄先係魂魄既死亡.
點睇都似乎,白一護非牛角一護.

個人意見 不喜勿x