其實我究竟點做好?

ｂｂ虫＊

本人19歲,鐘意左一個女仔7年到

由中二開始到依家出黎做緊野,
中三果時試個同佢一段曖昧既關係,但到最後雙方都無作出另一步...
中三果時細過,唔識點表達自己既感受,所以白白錯過左,
諗番轉頭,其實個女仔已經做到幾明顯,送生日禮物,叫我送佢番屋企,
有一段時間,唔知點解會想避開佢,
佢icq(果時係用icq)都有問過我,點解要避開佢,見到面都唔say hi,

到中四,已經有好多男仔追佢,我本身無咩自信,怕襯不起個女仔
而且咁多男仔追佢,我都唔知點做,
所以直到中五,大家都係好朋友咁,

到離開左中學(離開都已經接近三年)
佢繼續讀書(課程之類,到依家都係讀緊)
我就開始番工(本身家庭環境不太好,要幫下屋企,出黎做野搵錢)

所以就咁樣,係背後鐘意佢到依家,依家周不時我們群內有朋友生日
都會一大班出黎見下面,大約,1-2個月一次咁,所以只有咁樣可以見到佢

大概都知佢近況係點,所以都幾留意個女仔(當然向朋友收風喇)

但個女仔直到依家都係無拍過拖,個女仔係好乖果d女仔黎
個女仔乖到第一個男朋友就想係結婚對象(佢自己同我講)

但我又未試過拍拖,真係唔知點做好...其實到底放棄還是去爭取好?

[ 本帖最後由 ｂｂ虫＊ 於 10-1-4 02:52 AM 編輯 ]

intermethk

其實我諗佢都係等你開口 先一直沒拍拖

講真 都七年 唔差左呢步 起碼都沒白費 呢七年

怕襯唔起 不過俾個臭皮囊影響左姐

講到底 咪又眼耳口鼻 不過係完美少少姐

七年 如果都覺得 仲係怕襯唔起既 即係你沒進步過

我指衣著 心態 仲停留係中二階段

人地做到咁明 真係 實食咁上下 但試無妨囉

ｂｂ虫＊

嗯,試下無妨,個屈結屈左係個心好耐

但應該要點做,
而且心儀既女仔都係得佢一個,所以.....我未約過女仔出街

之前佢前一排生日果陣有叫過我請佢食飯,
但msn講下講下就無左影!

但第一次約佢就表白會唔會太快咁?....

☆可兒☆

=.=

請問...樓主 你有朋友嗎????

請問  樓主 你會有跟朋友交往嗎??


看了此文.... 有一種無奈感......


太多人 都會 把某些事人 某些人 放大 了  ( 我也會 )

甚至 將自己 某種特點 放大了...

如: 在街上跌倒了  很多人都會覺得自己出了很大的洋相..
     ( 原來 街上匆匆趕路的人們 跟本沒閒看你一眼 )

     


人越大  朋友越少

人越大 就更難去認識"朋友"


很多事 很多人  因我們一念之差 而錯過了

這種"錯過"   不是說 一定會有好結果

而是 一種過程....

理得 是得 是失............................


有花堪折直需折  莫待無花空折枝

即使對方 只是一個過路人......


7年了  不是短日子....

你跟她的日子 會再有幾多個7年...????

錯過了   一天也不會再有....( 那管只是朋友身份)


你連公平的朋友待遇 都沒有給她....  唉~~~~~~~~~


有花堪折直需折  莫待無花空折枝

一杯當歌 人生幾何....

你會心息 你會無憾嗎?????



ps.

曾經.............

有一男生 跟我說過..

『 我對你很好  沒有不好呢....』

你知我如何作答嗎????

『 對我好不好 , 不應由你去說!!!! 正如一雙鞋 是否一對好鞋  不應由鞋去說 應是由腳去定!!』

正如 你的問題

襯與不襯  不是你去決定   而是那個女接受與否!!

別把自己的六隻腳指 看作是怪物..

或許 在她眼中 根本不是一件什麼事!!

[ 本帖最後由 ☆可兒☆ 於 10-1-5 02:58 AM 編輯 ]

sunnydoll

如果佢知道你係咁留意佢著緊佢
相信佢會俾樓主你感動到
有時好多野唔係黎得快就好
反而好似樓主咁
用左咁多時間去證實過
或者將來先會比所以好曖昧既愛情 黎得實際
你話放棄???
梗係唔好啦..全力去爭取吧

大野代代

什麼叫msn講下講下就無左影

其實是你不夠主動.,,,,為什麼你可以讓一個女仔做主動
你是還想她跟你表白吧?!

如果我只係聽你依個經歷.,,,我敢肯定個女仔對我係有感覺
直接拿起電話約她出來吧.,,,,食個飯走走,,,,約一兩次你就會知道怎樣走下去

ｂｂ虫＊

我身邊的一班朋友都唔知我鐘意佢,
依班已經係我最老死既朋友,因為班老死入面都有人曾經鐘意過佢
班老死有問過我有冇鐘意佢,我答：無...咁

其實我都真係唔係好甘心
但有時又會諗,一個咁好,咁乖,咁純既女仔,(佢係幾靚女)
係唔係應該搵個一個更好既男仔(姐係有學歷,有錢既男仔,佢絕對可以搵過更好)將來佢過既日子會否更好?(我周不時都會咁樣諗)

因為就係細個讀唔成書,屋企環境唔好,先咁耐都唔表白住
出街拍拖點都要洗錢無理由要女仔比吧?
現在有穩定既收入當然可以應付到
而且我諗到好長遠,怕將來,佢同左我一齊既時候,要佢受苦,我唔想咁..
我都想比到將來比佢

唉....其實近排同佢傾番多msn,我打番一小段內容
個女仔＝女
女：哈哈，新一年有無新計劃呀？
　　我話暫時番工搵多d錢先
女：哈哈，咁姐係咩？個計劃要錢先做到？
　　我話去我自己喜愛既足球球隊既主球場咁(對球隊係外國既)因為本人好鐘意足球
女：哈哈，哩d野緊係等第時同女朋友做喇,唔係有意思d咩?
      我話都可以,但想自己一個去一次先咁
女：哈哈，自己？姐係同朋友都唔會？
　　我話，因為有一班球迷會組一團去咁，唔係次次咁撞岩時間，儲定錢，差唔多，
女：真係好小見你咁鐘意一樣野!!放哩d時間去識下女仔好過喇,哈哈
      我話，男仔係咁架喇，大把男仔都係咁，識新女仔，無諗呀，依家香港女仔要求咁高，有自知知明既我XD
女：哈哈，你咁諗既話咪姐係唔會追女仔！
　　我話：都有咁諗過，怕襯唔起人，都係諗唔好追女仔好過喇

佢就答番：點得架？邊有話襯唔襯得起，自己對人好咪得囉，
唔係個個女仔都好似你想像咁高要求架，
女仔都希望個男仔對自己好姐

我其實都唔係好明..姐係點

[ 本帖最後由 ｂｂ虫＊ 於 10-1-5 06:17 PM 編輯 ]

☆可兒☆

^^ 再問你一個問題

請三思才作答.....



你 認為  你的另一半 要有什麼條件...

或是 要給你什麼....

才會讓你感到幸福???


別說其他人    只說你自己!!! ( 請勿自欺欺人   老實作答 )



你說了   我才告訴你  我在什麼葫蘆賣什麼藥!!

[ 本帖最後由 ☆可兒☆ 於 10-1-5 06:17 PM 編輯 ]

ｂｂ虫＊

原帖由 ☆可兒☆ 於 10-1-5 18:15 發表
^^ 再問你一個問題

請三思才作答.....



你 認為  你的另一半 要有什麼條件...

或是 要給你什麼....

才會讓你感到幸福???


別說其他人    只說你自己!!! ( 請勿自欺欺人   老實作答 )



你說 ...

我無咩條件,只要真心鐘意對方就可以,最緊要係份感覺

你真係鐘意一個人,佢點樣你都會接受...

☆可兒☆

原帖由 ｂｂ虫＊ 於 10-1-5 16:54 發表
佢就答番：點得架？邊有話襯唔襯得起，自己對人好咪得囉，
唔係個個女仔都好似你想像咁高要求架，
女仔都希望個男仔對自己好姐

原帖由 ｂｂ虫＊ 於 10-1-5 18:26 發表


我無咩條件,只要真心鐘意對方就可以,最緊要係份感覺

你真係鐘意一個人,佢點樣你都會接受...

看見嗎?????

( 同色的  都是 意思相近 )



人的基本需要  主要需要  就是如此.........


幸福 跟 安全感 是 掛勾的 !!!!!!


男的 女的  都是主要需要內在的多  為首要的



我們常在 他人口中    聽得太多  眼見得多  物慾掛帥的男男女女

只是 因為   物慾掛帥 的人  不是愛本人 而是愛 物慾!!

更是因為 他們 未遇上死敵 (真正愛的人)

遇上了  他們也會願意把掛在身上的帥 除下....



令人幸福的  擁有安全感的

只有人的內在 才能給予!!! (這是不分男女的... 因為大家都是人類 同樣有一顆心)


你認為  你能給她     你於樓上所說的嗎????






PS. 物質 只是 附帶條件   非 主要條件!!!

當然 有   會 更好~!!


但欠缺 主要條件     空有 附帶條件  也是 徒然  且也更易產生悲劇!!!!



你只需 正正常常  踏踏實實 的  努力生存  努力生活

其他不需要想太多的



^.^ 希望能為你解開心結吧~!!!

[ 本帖最後由 ☆可兒☆ 於 10-1-5 08:50 PM 編輯 ]

ｂｂ虫＊

唔該晒你先呀
我想,應該知點樣做,

你認為  你能給她     你於樓上所說的嗎????
我一定可以...

不要想太多吧,我明白的
唔該晒真係..

紫靈姬

個女仔過去做好多野都明顯地提示對你有意思
你就錯過左好多次既機會 還想選擇去逃避
你會比女仔既感覺 你發現佢鐘意你 你既回應係討厭
換返轉個角度 當你好鐘意一個人 你所做既都明示哂 佢都係唔知
咁呢種人真係唔珍惜眼前人 到失去就唔好怨天尤人了
既然而家都仲有機會 點解唔嘗試真係親口表白 你對佢既心意呢
你唔踏出第一步 無人可以幫到你的 你只係害怕失敗姐
但當你肯去面對呢個問題 解決左成唔成功 你個心都起碼會舒服好多
msn失左蹤-__-咁你都認識左佢咁多年 msn失蹤 你可以打比佢 或者sms
好簡單姐 機會錯過左就無 好好把握眼前人啦

大野代代

你咪懶型望咩未來,無幸福,可以搵到更好

你地依d年輕人,,,,,拍幾年拖就換嫁啦
你唔係咁天真以為真係白頭到老啊?!

常山趙子龍

原帖由 intermethk 於 10-1-3 05:17 PM 發表
其實我諗佢都係等你開口 先一直沒拍拖

講真 都七年 唔差左呢步 起碼都沒白費 呢七年

怕襯唔起 不過俾個臭皮囊影響左姐

講到底 咪又眼耳口鼻 不過係完美少少姐

七年 如果都覺得 仲係怕襯唔起既 即係你沒 ...

衣著停留係中二唔係問題
問題係個女仔係唔係鐘意佢姐
如果係鐘意佢,都唔會點介意衣著先
衣著問題,可以後期慢慢汁
佢得左先再黎汁都唔遲

intermethk

原帖由 常山趙子龍 於 10-1-6 03:09 AM 發表


衣著停留係中二唔係問題
問題係個女仔係唔係鐘意佢姐
如果係鐘意佢,都唔會點介意衣著先
衣著問題,可以後期慢慢汁
佢得左先再黎汁都唔遲

50/100 only

紫靈姬

原帖由 大野代代 於 10-1-6 02:47 發表
你咪懶型望咩未來,無幸福,可以搵到更好

你地依d年輕人,,,,,拍幾年拖就換嫁啦
你唔係咁天真以為真係白頭到老啊?!

每個人觀點與角度不同
唔可以一竿打沉成條船
每個人都有佢地既故事
以而家黎講 可以拍到幾年都已經好叻了
可惜拍幾年唔結婚 當然會面臨分手
只係如果幾星期 幾個月換畫一次
咁呢啲真係年輕人了

on9hei2008

咁就應該去馬啦

wongtinhong

唔好甘快表白了，
大家多D瞭解先，
慢慢黎，
之後再睇定機會表白！

小寶`

支持你=V+ 出力表白..!!吾試過點知吾得
吾好成日以為自己吾襯吾襯
系中意既人面前 只有敢/吾敢 絕對無襯吾襯.v."

淚天

你咁都唔講 橫電 你加下返工 咪試下拍拖 可能你同左佢一齊你更加有動力搵多d錢