[活動] 最後的線索 - CKW 殺手手寫備忘錄

CKWKiller

基本上，我都只教好 basic 的東西，志在參予

Round 1 購買武器心得


誠意推介武器：MP5 (KM)

基本上可以以「平靚正」形容這把槍，除了夠準、郁得快、換彈快之外，最重要夠平！
買呢支又易中又平既槍黎儲錢升攻、HP 最適合不過！最重要係遠近皆宜。
如果一開波無咩錢，又或者無 Gash 買重機，都建議用呢把。（步槍不建議使用）

攻擊技巧：點射，如果 d 屍離你好近，就連射。

屈機之作：HK23／MG3

爛橙專為屍 mode 及異形特製之重機，兩把夠哂威力。
續航力基本上係咁多把槍入邊最屈機既一把，加上佢夠準。
不過 Round 1 只建議 HK23，因為 MG3 準成度欠佳，有可能因為哂錢買彈而令儲錢效率減慢。

攻擊技巧：基本上 Round 1 無技巧可言，記住比屍圍的時候集中射一邊開路；唔好以為把野萬能，有時要用手彈開路！


Round 1 作戰目的


Round 1 作戰之目的，其實亦只在於升攻同 HP，所以打的時候我認為無需過急，而令到某 d 人升唔到 Max，導致 Round 2 玩到…
所以 Round 1 志在殺得愈多屍愈好，最好所有人升哂先好過第二關。
當然，我視 Round 1 為「不死關」，因為本人認為沒有藉口可以死…
記住以下我講既野：

1) 血少於 50、60，如金錢多於 $3000，請到購買區按 B , S 升血 Level，順免升 Lv。
2) 任何時候，記住買 o4 自衛，因為一有屍圍死你時，o4 是救你一命的皇牌！
3) 唔建議一開頭升血 Lv，因為只要識玩少少就應該唔會比屍咁易打到自己，所以應該升攻先！
4) 團隊精神好重要，因為 Round 2 你就體驗到團體的重要，所以千祈唔好因為想快 d 升爆，而囉住個重機塞住前邊班友狂射！
5) 破關無需過急，見人地被困請放 o4 救人，唔好見死不救，一來可以救人、二來可以幫自己升錢！
6) 小心留意 d 屍彈出黎既位置，例如更衣室個度…

基本上就有咁多，建議大家到最尾個度可以做站長，比 d 未升 max 既人升到 max 先入 round 2！
有助勝利！


Round 2 購買武器心得


誠意推介快鍵：F1（MP5 套裝）

基本上入到場已經無時間比你考慮買咩槍！唯一個人認為，F1 快鍵是最好用！
點解呢？F1 套裝包 MP5 一支（full set）、手槍滿彈、手彈、防彈衣…
MP5 夠好用啦，手槍基本上可以忽視、手彈係當比屍塞你時救命用，而防彈衣就係令你唔好扣太多血（雖然 d 異形真係…）
另外就係當異形震走你個武器、或者 o4 用左，都可以直禁買野嘛！

Q：咁咪好哂錢？
A：你到時起碼有成 $32000 ... 殺一隻屍有 300、500、1000… F1 都係 3XXX…我諗用唔哂你掛…
Q：咁幾時用？
A：扔左 o4，一禁 F1 就即刻買左；隻異形震走你支主武，即買 KO！廢時哂時間汁…


屈機之作：HK23／MG3 （請開始前自製快鍵）

手槍基本上可以無視，因為從一開波，你就只需用主武同 o4…
所以無需哂錢買手槍…（紅金都係咁話）
重機係殺異形之好物！請記住！一定要成日射住隻異形！
否則你真係囉住支重機托而唔係用…
一有屍記住轉 o4 開路，照舊個句，唔好以為有支重機就巧威威。



Round 2 戰略


呢場可以講係無可能好似「東方不敗」咁不敗！另外就係請將自己當為「李嘉誠」，唔駛為自己 d 錢感到肉赤！
因為你閒閒地都可以賺錢、閒閒地都會扣血！

1) 唔好特登打屍，除非佢地走埋黎圍你！

- 呢場既焦點係異形，請務求速戰速決而唔係 hea 住打屍
- 除非 D 屍打你，否則你打異形時都會打到屍，然後殺死 d 屍

2) 請記得好似機械人咁定期扔炸 :)

- 有時屍太多時候，扔 O4 一來可以傷異形、二來可以殺咁 d 屍
- 一有屍 SM 你，向自己扔炸，咁就可以走佬
- 對友被圍，唔識自救，你幫下佢，人地開心你更開心 :D

3) 唔好以為好似「波係圓既」就咁天真！

- 地下其實就好似平時係旺角行街咁，勁多地雷！達叔之陷阱足以令你比人秒殺！
- 不過又唔駛咁擔心，其實你主要留意住異形，得閒睇下地下就得…
- 當真係中左既話，無計架啦，出動扔炸之力量吧！

4) 「我們先定戰略吧，你只扔炸、我就只用重機攻擊異形…」最愚蠢之做法

- 到真係打入邊，我相信無人會跟足黎做
- 其實 10 個人一齊打異形、互相合作，得閒你救下我、我救下你仲有效率
- 10 個人扔炸定 3 個人扔炸有效？10 個人射異形定 3 個人射異形扣血更快？



以上是本人之經驗及教學，沒有實質之進攻方法，只有該注意的事項。
鍾意就睇、注意，唔鍾意請當呢篇為潮文  

[ 本帖最後由 CKWKiller 於 10-2-1 10:15 PM 編輯 ]