新手.....養蝦......米奇...........

vanoralo

各位好,
養左九個月既一個30吋缸, 砂底, 濾桶, 暖管, 氣泵.....養左十條左右紅米奇, 有三十幾條紅米奇BB, 五條藍米奇, 有八條藍米奇BB, 一條金青台, 極火蝦, 櫻桃蝦, 藍蝦, 蘋果螺
養左咁左都相安無事, 之前每次有米奇BB出生我都會撈佢地出黎分開養, 但係養養下又死一條, 養養下又死一條, 後期我決定唔撈BB出黎, 由佢係缸內自生自滅, 好過比我養死, 之後啲BB就愉快幸福地成長喇, 依家既SIZE有魚街買嗰啲咁大條喇!!(四個月)
而蝦既數量亦不斷增長, 由初初既三隻極火蝦, 第一晚死左一隻, 到依家四五十隻, 仲成日抱卵添………..
小妹有啲問題想問:
1)最近發現砂底有好多芝麻咁大粒既黑色/啡色野跑黎跑去, 咩黎架??點清理??
2)自從係朋友個魚缸攞左啲慕絲返屋企, 仲加送左幾隻淺紅色扁扁螺旋既螺, 我已經成日捉走佢地, 但係捉極都仲有, 可以點解決??(我缸內仲有蘋果螺)

BOBBBY5555255

果隻係唔同種類既水蚤, 唔洗擔心~
我建議你整隻殺手螺落去, 將蘋果螺分開養

另外將濾材洗下佢, 換埋舊綿佢

你個缸聽落都好正, 真係想見識下添

vanoralo

多謝你....
即係我去魚街買一隻"殺手螺"就攪掂???即咪發現無哂就攞番佢出黎, 放番蘋果螺落去??
其實我啲濾材同埋海綿都係換左無耐咋!!

好....等我遲啲啲比張相你睇吓喇!!!不過唔準笑我喎!!!

BOBBBY5555255

原帖由 vanoralo 於 10-2-18 01:39 AM 發表
多謝你....
即係我去魚街買一隻"殺手螺"就攪掂???即咪發現無哂就攞番佢出黎, 放番蘋果螺落去??
其實我啲濾材同埋海綿都係換左無耐咋!!

好....等我遲啲啲比張相你睇吓喇!!!不過唔 ...

佢可以幫手殺, 唔洗野野自己黎
到時先拎埋d蘋果螺落去都未遲~

有招好快好絕, 就係落銅藥, 不過呢d對魚都唔好所以都唔建議

一個禮拜換次綿, 用魚缸水洗洗濾材, 防止有螺卵/螺~

你post吧無人敢笑既

cherie2626

~~~~~~~~~~~~~~~~~~~~~~~~~

fongwai543

殺手螺la勁快ko