第一次鬧交..?真的我錯?

虎痴恩

尋日約佢出去尖沙咀, 行行碼頭, 遊遊船河.
到差唔多時候就送佢番屋企,
將近到時, 我地習慣係佢屋企附近既球場坐下.
由於我尋日倦點, 冇咩點講野.
咪用手搭住佢膀頭, 睇下波囉...
點知幾個字佢就移開個身, 依著條柱, 自己托鰓..好似諗野咁..
我都察覺到佢有d唔開心, 問佢咩事, 問左兩,三次, 沒事,
好啦 我以為佢倦...
但佢冷淡既對待, 我不其然要縮隻手..
過多五分鐘, 佢就話走,
等都唔等我.
我追過去搭佢膀頭話送埋佢番屋企.
佢即刻推開我,好嬲咁話唔駛.
我真係呆左..
之後佢就急急腳番屋企.

佢真係傷左我..我之前未試過怪佢.
今次..我明明有問佢咩事, 關心佢.
但換黎就係冷淡既對待.
我就黎高考都抽時間陪佢..即使有少少野激親佢,有必要咁咩..?

今日, 佢就話我唔夠了解佢, 佢以為唔出聲,我就知咩事,識氹番佢.
但其實拍拖就係互相了解的過程, 我地拍拖個幾月,
我未好了解佢唔係好正常咩..?
了解同相處時間成正比...

到而家我都唔知做錯咩..

我太悶? 睇波唔理佢? 講錯說話?
只要佢坦白同我講, 問題得可以解決...點解要而家大家都傷心呢?
#4有真正原因...

[ 本帖最後由 虎痴恩 於 10-3-7 10:40 PM 編輯 ]

Shaorin

女仔同男仔一樣...
都係鐘意收收埋埋...
唔開心個樣係可以睇得出...
如果你問佢一次做咩唔開心就已經夠了..
佢話冇野可以係唔想比你知...
都可能佢想自己一個人靜下...
唔想煩到你...
戀愛就係咁...
總係好多問題出現...
最後唔鬧交點會增進更深的感情呢!?

kenny2003070

呢d野急吾黎
需要時間架!
你比d耐性喇..
如果你真系仲中意人的話!
如果就早d分手喇~

虎痴恩

原來佢話我唔應該而家就拜訪佢父母..因為佢父母會反對.
我問過幾次好唔好去探探佢地,
因為咁所以對佢構成左壓力..我竟然唔知道
佢對我發脾氣亦因為咁.
但我竟然怪佢對我冷淡.傻小子.~

點樣氹番佢..

Shaorin

原帖由 虎痴恩 於 10-3-7 10:38 PM 發表
原來佢話我唔應該而家就拜訪佢父母..因為佢父母會反對.
我問過幾次好唔好去探探佢地,
因為咁所以對佢構成左壓力..我竟然唔知道
佢對我發脾氣亦因為咁.
但我竟然怪佢對我冷淡.傻小子.~

點樣氹番佢..

問清楚咪好囉...
簡單直接的方法幫到你..
要靠自己既心思吧...

☆呀洛〞

本人覺得愛是要坦誠的;
有甚麼不對就好應該拿出來說清楚..
我覺得你問她應該拜託她的家人時要問:『我拜託你家"好不好"?』
要給她一個選擇..別亂跟她作決定=) 可能她還沒準備好吧
你有時候也應從對方的感想出發呢=]

hkhk333

此外 有時人只會看到自己好的一面
做了一些令對方不開心的事情
自己都不察覺!!!

虎痴恩

我有問過佢好唔好..
我有信心說服佢父母比佢女兒同我拍拖..
只係原來咁做即使成功, 都會惹來佢既難受.
因為咁樣佢會覺得自己對唔住佢父母.
可能有種格硬逼父母屈服既意思吧.?
我呢一刻先至真係明白佢想法..

我都同佢講..我地間要坦誠相對.
有咩唔開心就講出黎.
但佢就話咁樣唔夠了解佢..

其實應該係了解好深先會拍拖?
唔係有一定了解, 確定喜歡就可以正式拍拖咩?
拍拖唔係就係雙方再進一步了解大家既過程咩?

唉, 佢以為我好了解佢..令佢失望了.

月亮說

其實鬧交都係溝通既一種...只不過係態度同語氣唔好既溝通方式...
沒有人係完美既....相處要講體諒同包容.....

虎痴恩

其實對錯已經冇必要分..因為我喜歡佢,
佢對我錯, 我自然要氹番佢.
佢錯我對, 我亦會氹番佢.

兩個人一起就係咁啦..

月亮說

原帖由 虎痴恩 於 10-3-8 01:57 AM 發表
其實對錯已經冇必要分..因為我喜歡佢,
佢對我錯, 我自然要氹番佢.
佢錯我對, 我亦會氹番佢.

兩個人一起就係咁啦..

咁又唔係好似你講到咁委屈既.....如果好似你咁講....單方面忍讓....有一日會忍唔住吵獲金或始終都會分手....
包容和體諒係要相方的

[ 本帖最後由 月亮說 於 10-3-8 02:27 AM 編輯 ]

乂死神

氹女友應該系樓主你自己諗..
因為果條女系你GE-.-
我地可以點幫你氹?
我覺得包容系最重要...
佢吾想你見家長..
你就等下拉-___-""
甘早見家長冇咩用的...
學生哥 比心機讀書拉

☆可兒☆

其實 沒有完全"了解"的!!
人在臨死個刻  思想/心態都會有所變化的

人與人在不同的階段 會有不同需要的了解
或是可說的是  更深層的 了解

了解 是 與時並進的


至於你說的...
我很替你高興..
因為 你們 都在努力 嘗試理解 表達
愛恩斯坦 於他成功前
就是認真的付出了不少努力  與 嘗試
成功不是必然的  
但至少  你於你的努力當中  得著並不少的!!

[ 本帖最後由 ☆可兒☆ 於 10-3-8 08:20 AM 編輯 ]

hkhk333

好玄啊 可兒

虎痴恩

原帖由 ☆可兒☆ 於 10-3-8 08:14 AM 發表
其實 沒有完全"了解"的!!
人在臨死個刻  思想/心態都會有所變化的

人與人在不同的階段 會有不同需要的了解
或是可說的是  更深層的 了解

了解 是 與時並進的


至於你說的...
我很替你高興..
因為 你們 ...

但係我女朋友好似唔係咁諗呢..
佢好似認為我地應該已經好了解大家, 好多野唔需要再溝通..=.=
事實點會係咁呢..
點樣佢先明白..?

虎痴恩

原帖由 月亮說 於 10-3-8 02:26 AM 發表


咁又唔係好似你講到咁委屈既.....如果好似你咁講....單方面忍讓....有一日會忍唔住吵獲金或始終都會分手....
包容和體諒係要相方的

我都明白, 但總要有一個人肯讓一步, 事情先會得以解決吧?..

intermethk

原帖由 虎痴恩 於 10-3-7 10:38 PM 發表
原來佢話我唔應該而家就拜訪佢父母..因為佢父母會反對.
我問過幾次好唔好去探探佢地,
因為咁所以對佢構成左壓力..我竟然唔知道
佢對我發脾氣亦因為咁.
但我竟然怪佢對我冷淡.傻小子.~

點樣氹番佢..

哄番佢?

你:(笑)喂 仲嬲阿? 其實我咁急見妳屋企人 只係想希望佢地能夠接受我

當然 我好開心妳能夠唔介意我 仲同我一齊 我好享受每一次同妳出街既過程

妳知唔知阿 我真係好後悔 咁遲先識到妳 我就快高考阿 沒咁多時間陪到妳 但係

我會日日諗起妳 每次同妳出街既事 如果妳仲嬲 我就喊架啦 拿 妳睇下咩黎

睇下啦 好得意架

之後鍚佢塊面 咩氣都消哂啦 個多月 仲係熱戀期 沒野既 如果你話三個月打後既 我唔包

哄女人 好易架其實 問題係拋唔拋到 d 無謂 自尊姐 做個小丑哄自己女朋友 係一種樂事

等到分手 想做都做唔到 拋開自尊啦 要咁多好man咩

星月夜．冰姬

個人覺得
你地仲讀緊書
佢唔想你去拜訪佢父母都好正常
你唔可以只拍左個幾月拖就急急見人地父母
呢d事要佢主動問你
如果佢話 去我屋企嗎
即係表示 佢同意你去拜訪佢父母
你都唔好比壓力佢啦
比心機讀好d書仲好啦

虎痴恩

今日已經氹番佢啦.~多謝大家關心
你地都岩, 我想見佢父母其實諗住幫佢解決一件心事姐,
因為佢驚佢地反對. 我以為盡快講清講楚就可以幫到佢..
我唔了解佢喇..

算啦 而家都冇事 感謝大家~!

Shaorin

原帖由 虎痴恩 於 10-3-8 09:08 PM 發表
今日已經氹番佢啦.~多謝大家關心
你地都岩, 我想見佢父母其實諗住幫佢解決一件心事姐,
因為佢驚佢地反對. 我以為盡快講清講楚就可以幫到佢..
我唔了解佢喇..

算啦 而家都冇事 感謝大家~!

有問題的...
就不要收收埋埋...
大家都可以幫手解決的...