本人第一次養8哥=.=好多問題~幫下手plx!

bennypk123

我隻8哥係收留人地既~人地唔養我就接手~個個人都養左佢4年~佢黎左我屋企都就3個月~不果第2個月開始佢就不停"r"自己個頭~咬自己隻腳同埋用舌頭不停"未"自己隻腳~咁我第1~2個月都係拎佢落狗鏤比人沖涼家~1個月2次~滴分拉都有用埋~每月一次~沖完涼佢都係照咁不停r自己個身同個頭!搞到傷哂!佢每次去完廁所我都有用滴露+水幫佢清潔~但都唔明點解佢不停係咁r....見到佢傷哂好心痛Q.Q請幫一幫手~同埋有時都有帶佢落街玩家,1星期大約2~3次到,但係屋企佢唔知點解無啦啦會不停吠又走黎走去,係屋企都有人陪佢玩~但早上同下午就無,因為我屋企人個個番工,要放工先陪到佢玩,佢係唔係出唔夠街就會咁?

KL`﹏‧

你打得好亂!!好難睇,我兩個問題,,如果有,可以再講~

"R" 頭 有時可以係換毛 你可以試試幫佢梳下! 咬腳有可能係壞習慣!  

但兩樣都有,,,我覺得似係疥癬,佢有無"R"身?,我唔係vet 而又睇唔到實況...所以只係估!!
不過疥癬唔係大病,好多狗狗都試過,,,,你可以暫時放心,,,,,你可以買一d 殺疥癬蟲藥水開稀洗身,,,但可能要係獸醫診所到買!
仲有,食物敏感都好大機會,,雞可以話係最多狗敏感的,,食完都會周身"R" !

因為以上兩個情況都會維持好耐,,,,疥癬唔醫,一日都會痕; 食左d敏感野(如對雞敏感又食含雞成份o既糧,又無轉過)  一直都會痕!

另外,你話1個月沖2次涼....多左d,,沖得多都會身痕!! 總括尼講,,,"R" 頭 咬腳 有幾個原因:疥癬,食物敏感,沖涼次數太多,換毛,壞習慣等等

[ 本帖最後由 KL`﹏‧ 於 10-5-22 06:26 PM 編輯 ]

ho_waiao

你係咪傻架
滴露幫佢清潔?
寵物係唔用得滴露架,你想整死佢?
用普通人用既沖涼/洗頭液已經係唔得,更何況係藥性咁強既滴露?
佢唔R先奇喇

KL`﹏‧

原帖由 ho_waiao 於 10-5-22 08:56 PM 發表
你係咪傻架
滴露幫佢清潔?
寵物係唔用得滴露架,你想整死佢?
用普通人用既沖涼/洗頭液已經係唔得,更何況係藥性咁強既滴露?
佢唔R先奇喇

我聽d狗友講,,用滴露開稀同佢地抹身幾好,,,,但我就唔敢,一尼唔知會唔會刺激佢地皮膚,二尼唔知佢地受唔受到d味..

〝Ka穎‥。

用滴露你既份量會唔會太多??
有可能佢會敏感,屋企地下拖地既清潔劑都可能關事~

如果係疥癬,你會見到佢身D毛會一圈圈禁甩毛,
如果係因為R痕R到D手腳無哂毛,有機會係敏感