我家的肥波

keith000

版主我upload 咁多圖片上來打得咁詳細記得加多d 分,威栛版主大大  
依隻係我第2隻既兔仔來,第1隻我幾歲果時養既家兔來...不過養左好似唔知幾耐...就唔知去左邊.....
佢係一隻賓尼兔來,好細個6個月左右就將佢晻左做公公,好不人道 (p.s*但大家養兔仔前記得認真諗清楚,養兔仔比養狗仔更加麻煩更加多野要注意..狗會痛會成都有表情表達到出來,但兔仔佢天生怕事...有時個身污濁左...你同佢沖涼....用風筒吹佢都可能會嚇死佢架...........)開頭買番來佢成條毛蟲捲埋一舊野咁成個波咁所以開頭叫佢波仔.......但後來由於外型既關係....所以改左佢叫肥波.........點解叫肥波.........因為肥到咁唔叫肥波都唔知叫咩好....兔籠都因為佢既身型換左5至6個比佢,唔大既都唔買比佢
而家有4~5歲,我將佢由細細個開始既相,放上來比大家分享一下丫,
依個係岩岩買左返來仲好無知既樣來,估計都係出世1個月唔夠,當時拎佢返來又唔敢周圍行,不過唔怪佢因為佢拎番來時候仲係周身無咩力,不過真係好bb feel 好可愛,我同太太對佢不停咁24小時照顧佢




放佢入籠佢都好似驚我地走左去...

當佢有2個月左右大,佢開始對好多野都好鬼好奇,又係我最憎佢既地方之一 ...............佢專咬斷電話線x4 寬頻上網線x6  電話叉電線x4 風扇電線x1 (見到斷左都仲好d....寬頻線斷左唔知成日以為屋企電腦有問題....router問題...寬頻公司問題打去鬧左人地一餐......... 我同我太太鍚到佢死






至後4~5個月大..都係咁百厭~~



至後慘囉..依個肥仔...一路都好鐘意食...只要見到有有零食....兔糧ar...就發哂癲咁=.=" 真係無佢辦法......唔比佢食,佢都可以不停地24小時食草解悶......真係食窮我同我太太....
你睇下佢既身型.....





以下唔知係唔係佢.....知道自己大食係度自閉......有d情緒病.....無面見人...因為太肥喇.....



你睇下個籠都就來比佢逼爆喇......呵呵



之後我家都搬左屋,有多左既地方比佢周圍走來走去,攪到成日都唔知要邊度搵番佢...佢成日最鐘意跳上我家既窗台...梳化呀...唔高既地方佢唔跳,仲越跳越高






見佢個樣肥左咁耐,開始要同佢轉一轉番個髲型等佢個樣無咁肥...點知真係剪左毛之後真係瘦左好多...face_l_18: 而家我將佢一路既生活照放出來同大家分享下
不過剪毛工程太大...成屋都係毛....有時我都懶得同佢剪....拎出去比人剪...(不過唔係太多地方會幫人剪..就算有都要成$350蚊一次...所以都唔好話平ar...仲貴過出面有d既寵物店幫奇仔剪..以前我隻狗拎出去剪)



兔仔既睡午時間係同人相反的...佢地早上係訓箱...夜晚先係佢最活躍既時候來....大家要留意..不過一般人類都改變哂兔仔既生活方式.....








但只要佢同你相處耐左....佢對我地既防禦性就會低左,會成日係全屋既周圍地方搵到好既位就會周圍訓,不過賓尼兔就真係好鬼死百厭,成日好鐘意咬一包包果d 米ar...咬到成地都係....成日佢見到d咩都好好奇...一粒粒既野佢鐘意咬穿個袋佢,睇下入面果d係咩來佢先心息既..




update 住咁多先, 之後一路找番佢多d 既生活照上來比大家睇睇^^ 雖然我都唔係好資深既養兔仔專家,不過大家有問題既可以一齊交流一下

[ 本帖最後由 keith000 於 10-5-23 12:42 PM 編輯 ]

☆魔鬼皇☆

多謝你分享呀 40分唔算太多 但冇活動時已經係最高評分分數黎 好少俾到40咁多 而加good我更加少俾人

今次真係值得既 而且會設高亮令post更多人睇 見到整個成長經歷 真係養兔都唔係咁易

最後想講句............好肥呀.........

keith000

原帖由 ☆魔鬼皇☆ 於 10-5-23 03:04 PM 發表
多謝你分享呀 40分唔算太多 但冇活動時已經係最高評分分數黎 好少俾到40咁多 而加good我更加少俾人

今次真係值得既 而且會設高亮令post更多人睇 見到整個成長經歷 真係養兔都唔係咁易

最後 ...

好呀 40分都唔錯喇, 老實講我好少去寵物區的...我本身去開d iphone\ 電腦區多, 不過睇得多都悶嘛, 咁岩見咁多人post d 小動物相上來,所以有感已發 ^^

佢係好鬼死肥架, 而家都唔比咁多零食佢食...養到佢百年歸老..我應該都唔會再養番兔仔....因為要照顧佢比狗更加多....唔係一日困住佢又得...

keith000

加多幾張佢既近照~~

榮少～＊

肥波要換屋企啦啵 太細了...你個個籠係唔係m碼黎?好似好少咁 我見人地個d都幾大個

☆魔鬼皇☆

係呀.......太肥勒 係時候換屋勒 遲d入唔到門口點算

keith000

原帖由 榮少～＊ 於 10-5-23 07:05 PM 發表
肥波要換屋企啦啵 太細了...你個個籠係唔係m碼黎?好似好少咁 我見人地個d都幾大個

我果個算大籠來架喇....不過平時返屋企我都放佢周圍走的

☆魔鬼皇☆

原帖由 keith000 於 10-5-23 09:08 PM 發表



我果個算大籠來架喇....不過平時返屋企我都放佢周圍走的

睇怕你要學我 用狗籠先得勒 我係用狗籠養我既天竺鼠嫁

小嫻兒o

要幫佢做多d運動喇...肥肥肥呀

keith000

原帖由 小嫻兒o 於 10-5-23 10:19 PM 發表
要幫佢做多d運動喇...肥肥肥呀

佢食飽就唔願郁下,無辦法ar ^^
最慘夜晚放佢出來就係度折樓...咬米ar....跳上去d 櫃度..好多野你都估佢唔到 haha

☆魔鬼皇☆

原帖由 keith000 於 10-5-23 11:20 PM 發表



佢食飽就唔願郁下,無辦法ar ^^
最慘夜晚放佢出來就係度折樓...咬米ar....跳上去d 櫃度..好多野你都估佢唔到 haha

冇錯勒 要俾佢做d運動 如果唔係好易好似小嫻嬸嬸咁肥嫁勒

☆BB仔☆

超級肥波

好可愛

keith000

原帖由 ☆BB仔☆ 於 10-5-24 10:05 AM 發表
超級肥波

好可愛

兔仔好多都得意架...不過我覺得有少少長毛feel 先得意d 又少少似狗仔
太短毛好似老鼠咁 ~  不過就易打理好多, 長毛成日要幫佢修毛 ,唔係就成日成屋毛飛來飛去

心願與你

好可愛啊肥波~
搞到又想養返隻~但係屋企太細~養唔到

keith000

你養就領養一隻啦 :) 唔好買喇...養d 獅子兔丫...好多人都鐘意架