在監房的日子(2009年) - 寫我生活(網誌分享)

2000FUN論壇 › 綜合論壇 › 寫我生活(網誌分享) › 在監房的日子(2009年)

查看: 5240\|回覆: 28	go 在監房的日子(2009年) [複製鏈接]

lovetohiu

一星新手會員

Rank: 1

UID: 1732191
帖子: 7
積分: 6
Good: 1
註冊時間: 10-5-17
在線時間: 4 小時

1^#

發表於 10-5-30 11:02 PM |只看該作者 |正序瀏覽 |打印

在監房的日子
諗返起一年前而家既我.真係辛苦
因為一單傷人案而被法官判左我去沙咀勞教中心1-6個月
雖然判個刻我都仲未後悔.但已經覺得黎梗既日子將會好難行
仲記得係沙咀既每一日.做既每一件事都一樣
入去果時會係壁屋等過介~之後坐船到大嶼山轉車...初初入到去既時候緊係好驚...一入去果陣要比人守身...係其間仲要比人打~.~之後就去左新人組2~3星期
早上:接4張毯要接到好似電視機咁有前有後.接衫褲要接到正正方方起哂4隻角.
   大約1個鐘頭比你搞掂哂d野.搞掂哂d野阿sir黎cheap房.唔掂既又打又體罰
   跟住就要做晨操.晨操既意思係3個字內不停做掌上壓左右既運動.唔准停
   停左就會累大家重頭做過.冇得食早餐~~做完晨操之後就可以去食早餐
   沙咀既早午晚餐比每一個監房既份量係多d~~食早餐又要合作性又要講求速
   度~~做唔到呢幾樣你份早餐就會比阿sir倒哂落地下.要你好似狗咁食~~
   食完之後就會返去自己住個座打掃.要掃到一粒塵都冇.唔係既又體罰又冇
   飯食..掃完之後又要去剪草.剪草時要跪地.雙腳合埋.雙手包住自己雙腳
   大約剪3個鐘到左右~~如果係呢3個鐘內.比阿sir發現你隻腳有任何移動
   你又會被體罰.冇飯食~~(如果冇草剪就會步操)
下午:剪完草就會去飯堂食晏就.阿sir就會係中午時間交更~~晏就既食品係一杯茶
   同一杯好難食既粥~~當然又係要好合作性同速度~~食完晏就就會去
   【埋位】~【埋位】既意思係全組人分成3行.左轉右轉後轉步操咁既意思~
   係過程中~頭上又有猛烈既太陽照射.所有步操既動作同聲音都要一致~
   好似中國解放軍咁.一但是但一個唔得~就成組人罰兔仔跳.跳足1個鐘~
   【埋位】好既就可以休息2分鐘.唔好既就係咁練.大約晏就2點就會返自己
   個座換衫PE.換完衫就會到PE場.有一個PE阿sir帶住我地做PE.跟本上係
   沙咀做PE先係最辛苦既事.要2個鐘頭內不段做掌上壓.兔仔跳.四式.八式
   十六式等等...途中所有人都要配合.一但有一個做唔到或者跟唔到.我地
   又會罰星期六同星期日加操3個鐘.(本身星期六日係可以休息.但係而家
   我諗都冇休息呢D日子)PE完之後返去自己個座沖涼換衫.搞掂哂阿sir
   又帶我地出去步操.一個人唔掂又要體罰.又打又罵
晚上:步操完後就會食晚飯.食完晚飯就可以返自己個座準備訓教.但訓教之前阿sir
   就會派書信.返房後要將今朝接過既野全部整亂佢.唔可以搏大霧.如果比阿sir
   發現你就加一個月監~~整完之後我地就開始磨皮靴.要磨到對皮靴成對玻璃
   靴咁.好似噴油噴落去咁.要照到牙縫既~~磨完又要吸光哂d廁所水~做完哂
   野之後.阿sir就會宣佈靜坐1小時.靜坐期間唔可以移.移親你就唔駛訓~
   靜坐完阿sir就會宣佈訓教.....

沙咀既生活大約就係咁..時間真係好快過.出面1日等如入面3日.
或者入面真係太辛苦.我係入面半年期間
係每次靜坐期間.我都會反省.出去之後唔再做犯法事..
當然出冊後要守監管令一年..如果犯了監管令.就會比人通緝你返沙咀重受3個月
一返到沙咀實比阿sir打到嘔血
所以係呢度想同大家講.犯法既事真係唔好做.腳踏實地先好丫
如果大家有咩唔明都可以msn我:loveto_hiu@hotmail.com

已有 1 人評分	Good	收起理由
xo小馬ox	+ 1	感謝分享

總評分: Good + 1 查看全部評分

讚0 噓0

回覆引用

關閉 安全驗證

在監房的日子(2009年) [複製鏈接]

SHGHHHHHHHHHHHHHHHHHHHHHHHH

瀏覽過的版塊

關閉安全驗證