【賽前分析】森巴死神 G組勾魂

【翔少】

睇完我都覺得好笑

C 朗現身，「死神」也來了！天之驕子C 朗拿度今晚千呼萬喚始出來，「魔獸」杜奧巴也或能趕及露面，但另一方面，來自南美、穿起黃衣的森巴死神亦已經執起屠刀，今晚就要掀起「死亡G組」一片腥風血雨。巴西、葡萄牙、科特迪瓦、北韓困獸鬥，四隊只能活兩隊，面對提早來臨的挑戰，巴西已化身死亡之神，谷盡十成功力忘情入魔，誓要其餘三隊血濺南非！


Ｇ組被稱為死亡之組，但對世界排名第一、曾五奪世界盃冠軍嘅巴西嚟講，真係一啲都唔死亡，因為巴西自八二年世界盃開始，已連續七屆分組賽首名出線。經歷過咁多風風雨雨，足球王國依然能夠屹立不倒，梗係有原因嘅，話晒都係死神吖，其他對手點都要畀番幾分薄面。

連續七屆首名出線

雖然同組對手都有一定分量，但唔係完全冇破綻，好似北韓欠大賽經驗，今次係佢哋自六六年以來首次參加世界盃，面對攻力強勁嘅巴西，相信好難有奇迹出現；「大象兵團」科特迪瓦個人質素係唔錯，但踢落各自為戰，完全冇隊形可言；葡萄牙雖然係上屆四強分子，更擁有Ｃ朗拿度呢位世界級球星，但入波能力麻麻，熱身賽對維德角攻極都唔入，相信巴西可以保留首名出線優良傳統，喺呢組首名出線。就睇吓邊隊咁唔好彩，成為死神嘅陪葬品！

科特迪瓦靠魔獸鍊到尾

死神係勁，但科特迪瓦有「魔獸」杜奧巴在陣都唔弱。魔獸同死神大家都係來自魔界，照計唔一定冇得打。雖然魔獸喺早前嘅熱身賽，畀「東瀛忍者」田中鬥莉王所傷，不過魔獸流住係野性嘅血，所以復原速度特別快，就算首場分組賽唔出得，之後兩場對巴西同北韓都一定落場搏命。

逐個秤死唔晒

除咗魔獸之外，科特迪瓦陣中大部分主力都喺歐洲頂級聯賽搵食，好似攻擊方面，就有車路士前鋒沙洛文卡勞及今季喺樸茨茅夫表現相當出色嘅迪丹尼，兩人都可分擔杜奧巴嘅工作。


防守方面，高路托尼同耶耶托尼兩兄弟係科特迪瓦嘅主將，加上防守中場索高拿、右閘伊保爾等，個個獨當一面，逐個秤唔一定會輸蝕畀其他球隊。科特迪瓦有咁多高手撐場，即使喺死亡之組，都冇咁易死得去嘅！

葡萄牙賽程着數有生路

巴西係得人驚，但如果冇葡萄牙，根本唔會有巴西呢個地方，因為巴西於一五○○至一八二二年曾經係葡萄牙殖民地，及後才宣布獨立，所以葡萄牙慣咗食住巴西，今次大佬打細佬，又點會驚呀！由於巴西畀葡萄牙管治咗咁多年，所以依家巴西嘅文化仍深受葡萄牙影響，除咗巴西官方語言係葡萄牙語之外，兩地嘅生活方式亦好接近，依家葡萄牙聯賽有大量巴西球員搵食，好似葡萄牙中場迪高咁，佢雖然喺巴西出生，但喺葡萄牙搵食多年，所以索性歸化埋葡萄牙籍，今次倒戈相向，名副其實係自己人打自己人。

尾輪先撼巴西

雖處身「死亡G 組」，但葡萄牙不無優勢，佢哋最後一場分組賽先對巴西，如果到時死神兩戰兩勝提早出線嘅話，話唔定會念着舊情放葡萄牙一條生路，但大前提係葡萄牙都要喺頭兩場分組賽生生性性至得！

北韓視死如歸放馬過嚟

雖然死神巴西降臨，但北韓有精神力量支持，只要心裏面冇鬼，對死神仍有力一拚！畢竟死神只係一個人嘅心魔，只要有心，個個都係死神！北韓球員喺離開國家到達南非一刻，已經有為國捐軀嘅打算，完全將生死置諸度外。

鄭大世牙擦擦

頭號球星鄭大世喺熱身賽表現出色，已引來多間歐洲球會注意，呢位「亞洲朗尼」接受訪問時相當招積，話有信心每場分組賽射入一球，助北韓喺「死亡Ｇ組」殺出重圍，力壓兩大勁敵葡萄牙同科特迪瓦，同巴西一齊出線。

至於中場安英學則話北韓心理質素好過巴西：「北韓最大本錢就係心理質素強，而且已經集訓咗一段好長時間，相信球隊嘅實力已較外圍賽時大為提升，分組賽出線絕非難事。」決心咁大，隨時連死神都怕咗佢哋呀！

【翔少】

原帖由 【翔少】 於 10-6-15 10:21 AM 發表
睇完我都覺得好笑

C 朗現身，「死神」也來了！天之驕子C 朗拿度今晚千呼萬喚始出來，「魔獸」杜奧巴也或能趕及露面，但另一方面，來自南美、穿起黃衣的森巴死神亦已經執起屠刀，今晚就要掀起「死亡G組」一片腥風血 ...

不如去寫劇本啦

Kｕsｏ-小光

畀「東瀛忍者」田中鬥莉王所傷，不過魔獸流住係野性嘅血，所以復原速度特別快
打機咩=.=............

shinn901

魔獸令我諗起MAGIC超人DH12

[ 本帖最後由 shinn901 於 10-6-15 10:29 AM 編輯 ]

iamtaitai

原帖由 shinn901 於 10-6-15 10:27 AM 發表
魔獸令我諗起MAGIC超人DH12

同感...侯活型咁多-,-

小岡_wing

北韓球員喺離開國家到達南非一刻，已經有為國捐軀嘅打算，完全將生死置諸度外。

Ber

小弟認為北韓可能會有驚喜

sai888

北韓ｅ場可以唔洗睇

C 朗拿度速度上有所下降

不過ｅ場都有ｄ睇頭

最少有傷左後復出的杜奧巴

魔獸果然係魔獸，識復活
玩命一樣

葡萄牙對阿根廷，我想睇
C 朗拿度對美斯
C 朗拿度對希古恩

EVO-MC

North Korea can collect skin;P

【翔少】

原帖由 EVO-MC 於 10-6-15 12:36 PM 發表
North Korea can collect skin;P

skin;P??

【翔少】

原帖由 littlehin 於 10-6-15 02:24 PM 發表

收皮-.-
翔少今晚有咩心水,巴西唔駛講啦,買黎都冇肉食-.-

;P<=代表d咩

RJJ.

岩岩食飯睇理份報紙我都笑左-.-

roy1b111

做咩咁多花名?

079049

原帖由 【翔少】 於 10-6-15 10:21 AM 發表
睇完我都覺得好笑

C 朗現身，「死神」也來了！天之驕子C 朗拿度今晚千呼萬喚始出來，「魔獸」杜奧巴也或能趕及露面，但另一方面，來自南美、穿起黃衣的森巴死神亦已經執起屠刀，今晚就要掀起「死亡G組」一片腥風血 ...

你個簽名

【翔少】

原帖由 079049 於 10-6-15 02:37 PM 發表

你個簽名

有咩問題

麟=)

朝鮮話唔定和到巴西

聽聞輸左要返去做礦工/死刑