當女生同你講愛已淡...

伯爵

昨晚...我最愛o既人sd左個sms同我講
話我好似冇以前咁愛你
我應該點樣做好...
當時我心入面真係有一種好自私o既感覺
希望佢可以留低...
但係我就講反話叫佢要講就講啦...唔洗怕我傷心
好亂...個心真係好亂...
佢話佢好辛苦...我到底點樣先可以令佢開心...令佢快樂
就算要我默然咁離開佢....只要佢開心...我就好足夠
但係我真係好想好想佢可以留低陪我...我唔想離開佢
我可以點丫...我到底可以點做丫

另外...佢同我講o既時候...我當時呆左一呆...好想喊出黎
但係我卻半滴眼淚都冇...我係咪太冷血...太冇情喇
明明心入面真係千般萬般捨不得...但係我只有痛o既感覺
個種痛...真係好難受...好難受...
係我o既世界入面...就好似只有漆黑...寂靜
我成個人都好似比黑夜包住哂...郁都郁唔到...
眼前就好似慢慢咁見住佢離開...但係我點追極都好...我都追唔上佢...
只可以望見佢愈走愈遠...
我個陣時成個腦都係我同佢o既回憶
我當時真係好想比人打暈我...我可以唔洗諗佢
我個心就可以唔洗再痛...

我到底默然咁離開....定係繼續我對佢份愛
有冇人可以幫到我...
我真係好想陪住佢...好想係佢耳邊講一千句...一萬句...
我愛你

[ 本帖最後由 伯爵 於 10-7-3 03:26 PM 編輯 ]

《狄奧》

一對情侶一開始係會熱戀.....
佢呢家應該係冇左呢種感覺
呢個時候 就係你地兩個要學識點樣維繫你地兩個感情既時候
唔係一句冇左以前個種感覺就分手....

伯爵

但係我真係好驚...
我好驚會維繫唔到...好驚會失去佢...
而且我唔知用咩方法去維繫好
佢都同我講過...不如大家比少少時間比大家啦
我好怕時間會將佢帶走...咁一句分手...我仲可以接受到...
但係時間o既折磨....我承受唔到...每一秒o既重量...已經令我太難受
更何況係千百秒

☆可兒☆

送十二個大字給你~!

問心隨心~盡心盡力~結果隨緣!!

伯爵

原帖由 ☆可兒☆ 於 10-7-3 04:01 PM 發表
送十二個大字給你~!

問心隨心~盡心盡力~結果隨緣!!

問心~我真係真係好想陪住佢一世...愛佢一生....愛佢一世!!!

盡心~如果愛一個人係要用100%去愛...我可以用200%...甚至300%去愛佢
因為我真係好愛佢!!!

結果~唔通真係要等時間去把我同佢o既愛沖淡為止?
我真係唔願意見到呢個結果

點都好啦...我都好多謝你12真言

☆可兒☆

其實 是有16個字的...

我撇除了4個沒寫上.... 就是 [見機執生]

對佔了半數人...呢樣係好難既事. 講得清講得真..好多時d人都會當係廢話
講左好似無講甘......所以我無寫上

其實.. 安慰自己又好~~ 說是[對得住自己]又好~

繼續努力又好~ 放手又好   

盡左人事~  好既就恭喜  壞既就盡量放開 ... 都是 執生既一種~!!



正確掛序係: 問心隨心 盡心盡力 見機執生 結果隨緣~!!!!

[ 本帖最後由 ☆可兒☆ 於 10-7-3 04:25 PM 編輯 ]

睇波之人

如果你仲愛佢既~~~就做多d野哄番佢啦

mathew802

如果個女仔仲愛你.
佢平日就咁望住你已經好開心.
而你亦都無需要做咁多野.
執著有時候會令人感到痛苦.
但放開.就可能令你一生都有遺憾

盡自己最後一分努力去爭取吧!~去享受這段愛情.這份甜蜜
不要問...能否一世一生在一起
愛的意義並不在於長與短.付出多少.得到多少
是在乎「感覺」當一個人失去這種感覺.你便會懂得珍惜
享受最後的一刻.可能是你現在最值得去做的事情
反正......她對你愛已淡的話..無論你如何去補救也是無濟於事

`刺夢']

我愛你的一句說話  所有人也可向心愛的人說出
但不是個個都可以對你一生一世說
在最後 你地可以係番一世 總會有一段傷心的時間
所以感覺係最能影響關係的
如果係我 我會選擇離開 因為我相信每一個人提出分手都係是理性的決定
她經過深思的決定  也難以改變

紫靈姬

曾幾何時我都會好似有樓主既諗法
無人唔會自私 都會好想將自己愛既人留係身邊
但係到底感情有冇辦法維繫到呢
我既經歷就無可能 我都算係剛同兩年半男朋友分手
我初開始半年感情已經出現問題  之後好努力想維持感情關係
都係單方付出 另一方無動於衷
一開始好想對方為自己付出少少 但都係無用
所有唔捨得既感情 都已經變淡 變成真正分手既收場
女仔講分手 只有兩個原因
1.好想你好好反省一下 想你努力挽救呢段感情
2.感情已經淡到無得挽救既地步 想挽都挽唔到
我既意思即係 你愛對方 你應該要盡力嘗試挽救呢段感情
不過問真係好難問得到 因為無人會知道 你另一半鐘意聽咩說話 只有你先知
最重要有冇盡力過 你愛佢 你唔同佢講 唔用行動 佢點會知呢
你自己屈埋係個心度傷心 我就唔知對方有冇 但對方一定都會唔好受得去邊吧

伯爵

原帖由 ☆可兒☆ 於 10-7-3 04:21 PM 發表
其實 是有16個字的...

我撇除了4個沒寫上.... 就是 [見機執生]

對佔了半數人...呢樣係好難既事. 講得清講得真..好多時d人都會當係廢話
講左好似無講甘......所以我無寫上

其實.. 安慰自己又好~~ 說是[對得 ...

見機執生~我會盡力執生
但係...係戀愛中o既人...可唔可以做到你講o既16字真言...
我怕...

原帖由 睇波之人 於 10-7-3 06:34 PM 發表
如果你仲愛佢既~~~就做多d野哄番佢啦

我做緊架喇...我希望可以係淨低o既時間入面
盡力做多d野陪佢多d...令佢開心...就算下一秒離開...但係呢一秒可以令佢開心
已經係我最大的幸福

原帖由 mathew802 於 10-7-3 07:19 PM 發表
如果個女仔仲愛你.
佢平日就咁望住你已經好開心.
而你亦都無需要做咁多野.
執著有時候會令人感到痛苦.
但放開.就可能令你一生都有遺憾

盡自己最後一分努力去爭取吧!~去享受這段愛情.這份甜蜜
不要問...能否一 ...

冇錯~~所以我e+除左盡力令佢開心之外...我都會好好珍惜同佢淨低o既時間
咁...我已經好滿足

原帖由 `刺夢'] 於 10-7-3 09:06 PM 發表
我愛你的一句說話  所有人也可向心愛的人說出
但不是個個都可以對你一生一世說
在最後 你地可以係番一世 總會有一段傷心的時間
所以感覺係最能影響關係的
如果係我 我會選擇離開 因為我相信每一個人提出分手都 ...

佢未講分手...但係我心入面有一恐懼
我怕...呢一秒佢唔講...但係下一秒呢...就天曉得了

原帖由 紫靈姬 於 10-7-3 09:36 PM 發表
曾幾何時我都會好似有樓主既諗法
無人唔會自私 都會好想將自己愛既人留係身邊
但係到底感情有冇辦法維繫到呢
我既經歷就無可能 我都算係剛同兩年半男朋友分手
我初開始半年感情已經出現問題  之後好努力想維持感 ...

對唔住丫...我居然勾起你o既傷心事tim><
如果單方面付出...可以令到愛可以耐一d
我願意做付出個位...
其實佢未同我講分手...但係我feel到
佢話冇咁愛你...我諗...係分手o既先兆
我唔理喇...我唯有係淨低o既日子繼續愛佢...

其實冇一個男朋友想自己最愛o既人傷心...所以有好多人都會揀自己屈埋係個心度傷心
只有同一個願望...就係想自己最愛...永遠幸福快樂

[ 本帖最後由 伯爵 於 10-7-4 07:34 PM 編輯 ]

kam1991ho

呢d唔係單一個人可以做既野 你同佢都應該好好維繫

睇波之人

^^!!咁就好啦~
都希望你成功

livinano

有網台節目會講分析呢個CASE?!
節目討論:
http://www.hkreporter.com/talks/thread-944825-1-1.html
節目重溫:
http://www.hkreporter.com/myradi ... t.php?channelid=287

紫靈姬

原帖由 伯爵 於 10-7-4 19:13 發表

對唔住丫...我居然勾起你o既傷心事tim><
如果單方面付出...可以令到愛可以耐一d
我願意做付出個位...
其實佢未同我講分手...但係我feel到
佢話冇咁愛你...我諗...係分手o既先兆
我唔理喇...我唯有係淨低o既日子繼續愛佢...

其實冇一個男朋友想自己最愛o既人傷心...所以有好多人都會揀自己屈埋係個心度傷心
只有同一個願望...就係想自己最愛...永遠幸福快樂

唔緊要 我只不過係作一個分享
其實真係唔需要諗太多 諗得太多個結果係點都未決定
你仲有機會可以把握 做好能做到既野 盡力就可以
連力都未盡過 就輕易放棄的話 口講幾愛都無用啦 不是嗎?
同樣既我都已經放棄兩年半既感情 但絕無後悔 係佢唔懂得珍惜我姐
無論結果如何 我相信你都可以重新振作打起精神

THM:$

每段感情都會有淡既一日
勸你放開d 放手啦:)

紫靈姬

原帖由 THM:$ 於 10-7-13 20:30 發表
每段感情都會有淡既一日
勸你放開d 放手啦:)

當事情發生在你身上有冇辦法可以輕易放手
如能輕易放手的話 咁就真係要自問究竟係咪真係愛過她了

mwmwabbie

一份感情行刑呢步....點留都係冇用..可能佢身邊已經出現一個佢愛既人...
放手啦....