我究竟屬於邊度...?

江湖殺手

我究竟屬於邊度...?

由一出世開始...我就唔係跟老豆同呀媽住...
一出世就係姑媽既家庭,所以我對呀媽同老豆既感覺都係好陌生...
細個見到面都係叫聲...呀媽...老豆...冇咩感覺...
大部份時間都係係姑媽既屋企生活,
印象中,細個有時,都會返呀媽屋企住,但係真係好小會返去,

今年19了~我係呢個姑媽既家庭住左十九年,
我一直都認為我自己係冇咩親情,
因為係呢個家庭入面,成日都會嘈交,唔知點解...可能我性格既問題...
每當我聽到一句,「你唔鍾意呢度既,你就返去你老豆果度」類似既說話,
都會令我落淚,我每次係度諗...我一直都係住係呢度...乜呢到...唔係我屋企咩...?
我間唔中都返老豆屋企住,但係係冇感覺...冇一種屋企既感覺...
有一次,係老豆屋企,嘈交了,唔知點解,我呢個老豆都同我講呢句,「你返去你姑媽度」
我呆了...哭了...兩邊都叫我走...咁我去邊...?

我表哥快要結婚了,媳婦都快要入門了,
所以我快要離開呢個以為屬於自己既家,
次次諗起原來我唔屬於呢度,淚水就會不停湧出黎
我表哥都開左口同我姑媽講...你要姪仔定親生仔...
我由細到大,比較好感情既表姐,都講:「咁大個仔,係要返,返"自己"既屋企住嫁喎」
以前我姑媽間唔中同我講,你表哥表姐一直當你細佬咁...呆了...

我想知係咪我既問題...定我諗多左...
係咪其實我走係應該.....我快心理不平衡了...
當我係細佬既話...做咩要我走...?我只係要地下做床位姐...
出年,就要離開...我真係有好多既問號...例如:做乜我一出世唔係跟我老豆住...
如果我一出世就同我老豆住既話,我而家就洗有呢種咁唔開心既情緒~

你地d大人鐘意點就點,冇諗過我想唔想...?
講明唔想入呢間中學,因為我知呢間學校出名係唔掂,
但一句,話表哥係呢間出黎,一定入呢間
到我入左呢間中學,全班大部份既同學都成日俾d壞同學蝦同玩,甚至"老粒",老粒即係佢叫你俾5蚊佢,有時10蚊,唔俾,就打,當時冇人敢同老師講,個個同學都係好怕事,俾左錢就算
直到有一日,我不知係邊黎既勇氣,我報警,校方知道後,都係像徵式咁處理,我當時仲以為唔洗一定見到呢個同學,但係...中三打後既學期,呢個人都仲係度,我太天真...

夜萌

唔知聽到你既情況,睇到有D心酸
人這輩子,有時總會有種有苦無法說出口既感覺
始終內心有太多唔開心或者一直好想講既說話
都冇勇氣講出口
到最後問題黎到既時間,傷口就會撕裂
當痛到一個地步會慢慢變成習慣
麻木到會眼淚都唔會再流
我實在講唔出D咩安慰既說話
只可以講生命既定位始於需要自己花好多時間去搵
或者嘗試勇敢一次訴出心聲
言語始終係互相溝通了解既橋樑

樓主唔好再咁唔開心啦
始終長期將自己困係低落既情緒,唔係一件好事
只會愈想愈多....愈想愈灰
世界咁大...你又咁年輕...未來重係未知之數
總會有一個真正屬於你既地方
只係呢一刻你未搵到姐


題外話...睇完你呢個POST
令我更加想珍惜自己身邊既人

[ 本帖最後由 夜萌 於 10-7-24 03:12 AM 編輯 ]

R-峰

禁慘既....試下同呀媽講出你既心聲,呀媽應該會明白,我想問點解會一直都同姑媽果邊住既,仲有性格要改改,因為嘈交真係會傷感情,要加油喔@~@Y

kaiIKA

睇完
感覺樓主跟我有幾分相像,,
我都係比姑媽湊大,,不過很早離開了,,
父母分隔兩地 ,,而我跟我老豆
從小印象中只得父親

回正題
---------------------------------------------------------------------------
成日嘈交 試下控制下  叫你走可能係氣話
因為同親生父母仿如陌生人  心底話向誰數說?? 這個我明白
細個冇主見 冇能力  大人們當然自把自為拉
自認為把他覺最好的給你 ,,  不用理會你感受,,
現在 ,,樓主已成年了 擁有自主權,, 為自己將來打算拉
姑媽佢一家  對左19年 ,, 旦講現實  你唔係親生 ,,
難度一直寄人離下??
不捨感覺只是一起生活19年,, 你始終唔係佢地一家人呀(原諒我直接)
既然老豆有屋 何不搬去與他同住呢,,
感覺可以培養  "家"只是虛構名
收下口  佢嘈你唔同佢嘈  咁仲有咩好嘈呢?.?到低兩父子 ,,
感情會隨住利益/時間消逝   亦會因了解 /時間建立
既然呢度唔屬於你  未去屬於你既地方囉,, 同你一家人既始終係至親(唔理你認唔認)
以上係我主觀的意見 ,,  

--------------------------------------------------------------------------
雖然我沒比樓主大,, 旦已不再為"家"煩了
最重要係樓主你既思想
唔好亂諗野,, 人生先過左19年 仲有大把日子行  ,,
越諗越煩  越煩越易做傻事

發生左既事 不可能改變  只能改變對它的態度
將來係由自己創造既,,

09083

人生不如意事十常八九
你要知道每個人都有煩惱=]
因為係凡人
只不過煩GE野唔同
明顯你煩GE野係家庭
但係有D人煩GE野可能係幾方面
不過無疑你GE處境係幾慘~
相信明天會更好吧

cocktail980

唔好唔開心啦....ADD OIL!~~

IrisMo

振作少少啦 加油!

cfbaby

我都係咁 冇計啦!

Sdmsg

我同你有少少相似 發生既事

Poleemk

退一步就冇乜事架喇

MKDoel

總有解決方法既

unico

唔好咁啦.. 嘈交姐

鷹眼

if i were u, i won't talk to anyone untill i would find a person that is really understand me
(cause,there is a lot of "poor guy" who is no sympathy

cocktail980

真係有d似...
不過唔好唔開心~~~總要面對的

猶長吧

唔開心的事會過去,不要這樣!
只有在風雨中成長的人,才能挻立於風雨中.
最低潮,就是最高潮的開始,明天會更好.

金夕雨

你大個D般出去住咪得囉。洗咩諗咁多～

江湖殺手

原帖由 鷹眼 於 10-8-5 08:25 AM 發表
if i were u, i won't talk to anyone untill i would find a person that is really understand me
(cause,there is a lot of "poor guy" who is no sympathy

搵唔到咁點算? ha~屈埋屈埋會有心病...

charles1997

你姑媽又衰左d,話唒你地住左十九年...
難聽講句....冇.人.性

江湖殺手

原帖由 夜萌 於 10-7-24 03:09 AM 發表
唔知聽到你既情況,睇到有D心酸
人這輩子,有時總會有種有苦無法說出口既感覺
始終內心有太多唔開心或者一直好想講既說話
都冇勇氣講出口
到最後問題黎到既時間,傷口就會撕裂
當痛到一個地步會慢慢變成習慣
麻木 ...

其實我又可以話係~一訓醒教唔開心果d野就咩得唔記得果種人~
但有時夜深~訓教果時就好自然諗埋一邊...

江湖殺手

感謝你地俾既意見同分享~