睇野啦!
首先,講下突擊先,
突擊既槍係可以教單發連發,
3 個c4可以炸爆一架坦克,
仲可以修理載具,
基本係咁.
對付坦克果時就要做好一齊死既準備,
因為你裝完c4去坦克度再走好有可能比坦克射死,
所以最好就係裝完即刻禁制.
跟住就係偵察啦,
人地話偵察難玩,係既,
係難玩d,其實偵察要做既係查人位,
同埋點樣用地雷封路,
坦克由突擊同支援對付就得.
其實偵察主要就係保護我方搶點兵,坦克,直昇機安全同埋打死人地偵察,
咁樣先可以順利壓到人地.
到醫療啦,
醫療可以話係最輕鬆,
淨係搵掩護,
攞醫療包出黎醫人,
但係記住唔係緊急關頭千其唔好掉醫療包,
咁樣好晒野,好快醫療都因為冇醫療包而醫唔到人,
順便提下,醫療既槍連發高,所以唔好同醫療正面搏火,
唔係小心比醫療秒殺.
到最後既支援啦,
支援可以話係四種兵入面最有潛力既一種,
因為支援有火箭炮,又有彈箱,
雖然火箭炮冇得補彈,但係補到步槍手槍既彈,
可以話生存率係最高.
-------------------我係線@w@-----------------------------
到坦克啦,坦克有2個位,
f1個位主要係打人地坦克,壓人地點,
f2其實好重要,因為f1睇唔到既地方隨時比突擊裝c4,又或者比人用飛彈射,
f2就係要防止依類事發生.
至於直昇機,首先係武裝直昇機,
f1要渣得好,唔係就一機兩命就咁冇左,
同時都要打人地既直昇機,
渣得好人地就比你玩殘,
而f2就負責打地面,
見人就用機槍掃射,
當右鍵入左空對地飛彈模式,
咪心急,等佢鎖好再射都唔遲,
另外既個架,
個機師渣得好就得,
渣得好就可以空降自己友係人地基地搗亂.
仲有出發前最好安c4上去,用黎等空降後唔比人發現.
--------------------我又黎啦xd----------------------
到戰爭模式既地圖啦,
首先係燃燒的領土,
呢個場既偵察要行動快,
搶到高台點就好打好多.
跟住就係十字路口啦@@,
依個圖可以話係最激烈既圖,
行動要更快,最重要就係坦克一定要唔好咁快爆,唔係會理唔到人地,
仲有善用掩護,咁就可以好有效率咁壓.
到指揮中心,
呢個場步兵好緊要,
要善用岔道同地下通道,
可以有助壓人.
到最後的森林啦,
善用據點機槍掩護隊友搶點,
可以令隊友安全搶點,
直昇機要快,
偷襲人地基地係可以攪亂人地基地,
最好就制住人地既直昇機,
咁人地想偷襲就冇可能,
但係小心比人發現@@.
----------------------------------------------------------
好啦,到底同人地打點先可以唔浪費子彈咁殺人呢?
掃射?亂射?盲射?
答案就係點射!!!!!
點解?我要提醒一下,mkz唔係cso,
唔係鬥槍,而係鬥技術,
點射係mkz入面最有效既殺人方法,
其實瞄準果陣,準星既凸對準目標下面,
現到下面彈左名出黎就射,
咁係好準架,
對上邊一種兵都有用(話說今日馬鹿比我點射射死)
記住啦,如果做唔到就真係好槍械訓練場練下啦!
閃人!!!!!
[ 本帖最後由 蒼空之羽 於 10-8-21 10:37 PM 編輯 ] |
發表於 10-8-21 02:54 PM
cail me play?