唉...2年喇...

henryma000

如題..我同之前果條女已經散左2年...但係我個心都未完全放得低...
試過好多好多麻醉自己同埋放低佢既方法...但都唔成功...係...
試過放低一排(幾個月)既...但係當我感到最無助最無希望既時候...
腦海諗起既第一個人都係佢...我亦曾經嘗試要求復合or挽留...
但係都不成功...in my opinion:佢而家同佢既男友表面上係好開心...
但係佢地跟本都唔match...無論在性格or形象...係...佢而家既男友係可以滿足佢好多野...
而呢d野...我可能未必滿足唒佢...但係...始終都係想佢返返我既身邊...
ps:佢既性格同我都幾相似...掘強...固執...等等...
     唉...已經頹左2年啦...

☆星辰★

傻佬！愛情係冇得勉強嫁，就算比佢依家同番你一齊，你得到佢個人，得唔到佢個心，咁又何苦呢？
我以前都好似你咁，去等一個唔會再鐘意既女仔，果段時間我好頹廢，但最後我明白我同佢係唔會有結果。。。
愛一個人應該係要對方得到幸福，而不是一定要擁有！
或許。。。時間與經歷可沖淡一切

~傳說中的傻仔︻

1.我唔信你身邊無朋友圈子    點都有1-2個死黨掛   係唔係真係有事上黎  "只會"諗起ex呢?

2.你覺得人地唔夾   其實呢一點已經證明你份人好主觀  你覺得就會一定係?  唔可以咁架嘛  人地個甜密既點係邊  你外人既身份又點明白??

3.睇怕樓主你都係日諗夜諗個隻   不如放開懷抱去接受現實啦

即係呢   我明白2年雖然好似好長  亦都未必沖淡到樓主既感覺   但係既然係咁

倒不如好似個男人痛快咁接受自己已經失去既現實仲好~

樓主提到期間提出"復合"   睇怕應該唔只一次啦

咁樣咪令到ex覺得你煩  有乜理由唔更愛佢而家呢個男朋友呢?

所以!!  放低過去  展望將來吧啦

糗豪

放開會好1d
唔係叫你放棄wo
只係叫你唔好睇得甘重
為左一個人以浪費自己兩年既光陰
值得咩?
你話你同佢呢兩年都有開心過就話值得姐
但係呢兩年只係你自己係到日思夜想
甘樣係完全唔值得
樓主你要諗開d
男人重要係事業
你衣加努力追求自己既夢想先喇
愛情呢d野放係一邊
可能會不知不覺之間無啦啦出現返你身邊

henryma000

原帖由 ~傳說中的傻仔︻ 於 10-8-29 10:57 AM 發表
1.我唔信你身邊無朋友圈子    點都有1-2個死黨掛   係唔係真係有事上黎  "只會"諗起ex呢?

2.你覺得人地唔夾   其實呢一點已經證明你份人好主觀  你覺得就會一定係?  唔可以咁架嘛  人地個甜密既點係邊  你外人既身 ...

首先多謝你既回覆...
回問題...
1. 講真...我既性格...自己知自己事...死黨定義好多種....我就覺得我身邊真係冇乜真心朋友...
2.呢樣野唔係我自己覺得...係個個朋友都咁講...本來都唔覺...但係....
3.接受現實...唉...2年...接受到既...就接受左啦...

henryma000

原帖由 ☆星辰★ 於 10-8-29 03:52 AM 發表
傻佬！愛情係冇得勉強嫁，就算比佢依家同番你一齊，你得到佢個人，得唔到佢個心，咁又何苦呢？
我以前都好似你咁，去等一個唔會再鐘意既女仔，果段時間我好頹廢，但最後我明白我同佢係唔會有結果。。。
愛一個人應 ...

同道人...我都明白...有d野錯過就唔會再有機會...但我都有一個信念...只要有恆心...鐵柱都磨成針...

henryma000

原帖由 糗豪 於 10-8-29 06:42 PM 發表
放開會好1d
唔係叫你放棄wo
只係叫你唔好睇得甘重
為左一個人以浪費自己兩年既光陰
值得咩?
你話你同佢呢兩年都有開心過就話值得姐
但係呢兩年只係你自己係到日思夜想
甘樣係完全唔值得
樓主你要諗開d
男人 ...

可能係因為未試過有一個女仔咁為我著想(同佢一齊戈陣...)...所以我覺得值得...
又可能係我既拍拖經驗少啦...我都明白男人既事業係好緊要...
但係都想有個伴侶係身邊一齊經歷...一齊成長...

henryma000

真係唔想再失眠落去....

雲吞餃

原帖由 henryma000 於 10-8-29 02:16 AM 發表
如題..我同之前果條女已經散左2年...但係我個心都未完全放得低...
試過好多好多麻醉自己同埋放低佢既方法...但都唔成功...係...
試過放低一排(幾個月)既...但係當我感到最無助最無希望既時候...
腦海諗起既第一個 ...

ps:佢既性格同我都幾相似...掘強...固執...等等...
其實呢個只不過係你自欺欺人既想法...
兩個人一齊.終要一個願打一個願捱
既然兩個人都咁固執...發生問題都各持己見,,...各不相讓..到頭來受傷既只有兩方
你認為咁樣會好夾?

henryma000

原帖由 雲吞餃 於 10-8-30 09:31 AM 發表

ps:佢既性格同我都幾相似...掘強...固執...等等...
其實呢個只不過係你自欺欺人既想法...
兩個人一齊.終要一個願打一個願捱
既然兩個人都咁固執...發生問題都各持己見,,...各不相讓..到頭來受傷既只有兩方
你認 ...

唔就都就左佢咁耐...其實佢而家條仔都係差唔多...

紫靈姬

可能我會講得好簡單
但係你要諗下 你既思緒係咪永遠都要停留於過去呢
無錯我明白你依然好愛分手兩年既女朋友
可惜佢已經有男朋友 夾唔夾唔係你講的
你真係愛佢 唔應該係想佢返黎你身邊
而係應該好衷心地祝福對方可以得到幸福
再者我唔覺得性格夾一定係可以一齊到相處得好開心
你所講個兩樣性格掘強 固執 根本就係缺點黎
我想你係時候應該要改變一下你既態度
就係固執呢個問題 令到你困難左兩年
你前女友就算真係同返你一齊 你既性格都係一成不變
無所改進的話 究竟可以一齊到幾耐 你想折磨你自己還是她
要記住凡事應該要向前望 唔應該向後望
P.S純粹個人意見 不喜可以唔需要回覆

sweetiewing

我覺得你要擴大你既生活圈子..
我唔知你個ex係有幾好啦..(可能真係好到冇得頂)
但佢都已經開始左佢既新生活啦..
你唔可以再原地踏步架..
我都曾經失戀..都拍左2年幾..
分手個一刻..真係世界末日咁...
但分手總有原因..我就慢慢數下..我同佢係咪有好多唔夾既地方..
同埋係咪好多野都要遷就大家..先令對方開心..
起初既..大家都會願意..但日子耐左就會變成埋怨..
所以呢...你都唔好再頹落去啦..
2年啦..浪費左既時間冇得追返來架...
wake up!!!!!
一定仲有其他好既女仔..係你未遇到姐..
呢個只係一個成長既經歷..
希望你可以生活得更好啦..

lapya74

過去就由佢啦~你死要諗住~
你一定之後冇拍拖啦~或你拍拖果個女仔~你根本就唔係咁鐘意~
你身邊太小女仔比你選擇~~

henryma000

原帖由 sweetiewing 於 10-9-11 01:42 PM 發表
我覺得你要擴大你既生活圈子..
我唔知你個ex係有幾好啦..(可能真係好到冇得頂)
但佢都已經開始左佢既新生活啦..
你唔可以再原地踏步架..
我都曾經失戀..都拍左2年幾..
分手個一刻..真係世界末日咁...
但分手總 ...

thx for ur comment...呢排好好多了...

henryma000

原帖由 lapya74 於 10-9-22 05:42 PM 發表
過去就由佢啦~你死要諗住~
你一定之後冇拍拖啦~或你拍拖果個女仔~你根本就唔係咁鐘意~
你身邊太小女仔比你選擇~~

應該係可能我眼角高....

魂仔=]

樓主,可能我同你同病相憐吧..

話說我同左之前條女散左七個月有多,最愛既一次亦最hurt我果次

到左幾個月有女黎話想同我一齊,好了到左一齊 唔夠幾日 我已經覺得唔惦, 點解唔惦? 因為比之前條女hurt得深囉

話說 雖然就係過左幾耐 以為真係忘記左佢, 但無時無刻 亦一定會有途俓去睇佢過得點,同條仔又點 雖然用唔到任何方法同佢溝通,

但自己亦想個心安落, 但當你搵左一樣新既興趣 當你專注果樣興趣 你自自然然就唔會去留意佢,我自己亦係咁樣解決左之前條女成日諗起佢既問題,

過多一排 你就會覺得 有無女 佢過成點已經係過去 , 諗起都只不過係回憶 回憶只係一個會令你諗起你果陣有幾傻等等, 唔諗好過諗,你亦會發現到
友情勝於愛情, 唔洗刻意去諗之前條女,

到左哩d階段你自然就覺得朋友勝於之前條女, 而當你係哩d時候諗起之前條女你果陣已經無感覺

以上全部都係我既個人意見同感受... 唔知你得唔得啦 總之你唔好成日死諗住之前條女就得,之後既事 你可以跟下我咁做

henryma000

原帖由 魂仔=] 於 10-9-27 09:33 PM 發表
樓主,可能我同你同病相憐吧..

話說我同左之前條女散左七個月有多,最愛既一次亦最hurt我果次

到左幾個月有女黎話想同我一齊,好了到左一齊 唔夠幾日 我已經覺得唔惦, 點解唔惦? 因為比之前條女hurt得深囉

話說 ...

anyway...好多謝你既分享...但係我自己知自己事...
我覺得我鍾意人係唔難...但係要搵一個我又鍾意佢而佢又鍾意我係好難...
如果可以的話...我都好希望快d搵到新對像....

ＭＡＮＤＹ

原帖由 henryma000 於 10-9-28 12:11 AM 發表

anyway...好多謝你既分享...但係我自己知自己事...
我覺得我鍾意人係唔難...但係要搵一個我又鍾意佢而佢又鍾意我係好難...
如果可以的話...我都好希望快d搵到新對像....

咁你就要俾比機加油啦

henryma000

原帖由 ＭＡＮＤＹ 於 10-9-28 01:08 AM 發表


咁你就要俾比機加油啦

比機加油

然兄

加油加油 =]