完全評測，評測公測期間所發生的問題

lovexjapan08

上星期正式公測的賭神俱樂部，係封測所提出過的意見，到公測可以照舊錯漏百出，仍然很多的問題未能作出更新，在下公開左幾種做得最錯的問題

1，聊天室文字仍然未能夠出倒一些常見字眼

例如活動，官方，甚至.com 都用**作代替，由封測講到而家都未能作出更正

2，要玩家上線才可以邀請加入俱樂部或者加入好友

其他遊戲的做法就係你唔上線，人地就算加你入好友都無問題，但係可以寫到明玩家不在線上，而邀請俱樂部更加出現左無此玩家,，稍後會有圖上埋黎俾大家鑑賞

3，無顯示出其他俱樂部成員名單

一般玩開遊戲的商會功能都會顯示出其他俱樂部成員名單，但此遊戲可以破天慌連其他俱樂部的成員名單都無，實在驚人

4，要抄人地會長個名才可以發送訊息

通常按一下會長個名都可以顯示出會長資訊及可以做倒發送訊息，但係要人地抄低會長個名，之後先發送訊息，越搞越複雜，相當煩複

5，麻雀牌局對手離線的話糊出離線者收唔倒錢，但放統俾離線者就要俾錢

我放統俾離左線的玩家就要俾錢，我食佢就無得收錢，咁我下次輸大牌離左線就乜都得喇，咁樣打法........................

6，德洲樸克無人識入單桌賽

單桌賽的特色就係每位參加者可以係入場費下進行牌局，而唔係，我有六七千個陣，你擺低二三百走入黎all in玩野，咁單桌賽到現時為止係無人入場，唔知係唔係其他人唔識入

7，港式麻雀任務無經驗值加

台灣麻雀+30經驗，但係港式麻雀完全無經驗加

8，配桌功能無人去用

配桌功能算得上係遊戲的重心，因為部份任務要係配桌下完成，但係個個剩係識得玩自由入席，見位就入，打十次八次都係同一班人，唯一一樣野就係睇運氣去做人，咁配桌功能仲有甚麼用，如果四個都係識得的話，咁牌局有作假都好容易啦

總括而言：一隻遊戲可以用半年時間做出可以俾在下寫左好多不足之處，如果話係為左打台灣牌而打真係幾好，但係德洲樸克，港式麻雀，水果盤，真係做得相當差，水果盤直頭用運氣黎形容