希望大家不要置身於曖昧關係之中〃

☆呀洛〞

§對不起.文章有點長..!§
點解突然會開個咁既POST呢..
係睇得多FB既文章同埋身同感受而發
希望各位會員盡量唔好置身於曖昧關係之中..感覺係非常痛苦
我同呢位"朋友"已經識左一年.當中拖手.攬.出街.上屋企.吻等等..
都試過..我曾經係第三者;但我亦都比佢放棄過..
而家雖然佢已經同果個對佢唔好既人分左手(但IVE同班)
我地亦有見返面..牽手..吻等等行為
但最後..我努力了那麼久..
問了一個對自己也挺殘忍的問題
說:我們現在已經算在一起了嗎?
答:我不知道=[..不知道?甚麼叫作不知道..
我放不下她..她跟我分開的幾個月..幾乎每晚也哭著睡..甚至不能睡覺..很痛苦
我在打此文章時..她MSN也處於線上;但我卻不敢找她
基於我問了那個問題以後..感覺好像也疏遠了
好像只有我愛她.她沒愛我;昨天的MSN對話當中..我打了很多字..卻換來;是的.嗯.很累.明白.知道等等..
感覺非常心灰..就像愛理不理.呼之則來 揮之則去    我當了她的負累
每次被朋友問到我倆關係時..只能答 朋友罷了..換來答覆卻是;朋友會牽手嗎?(尷尬非常)
信息沒回.電話沒接;然後自己就會胡思亂想..可能是自己的問題
每天都跟自己說;可能自己長得醜(只有一個高字..)丶家中不富裕丶沒有很好的學識丶沒有那個"他"待她那麼壞(?)而自責
暫時也想不到甚麼了..先說到這兒
希望各會員可以跟你喜歡的人搞清楚關係..不然像我般日久生情..最後自己也退不了一步..放不下..不斷被傷害
在我們分開的幾個月時間裡..當中有一名女生(雖然不是長得很美)
但她不斷的鼓勵我丶逗我開心丶在我生日的時候也有跟一班朋友唱K慶祝生日
可是那時候是自己想不通..傷過了以後還跟自己說..沒關係 我能等下去;曾暗戀一個人十一年也可以了 有甚麼可以難到我?
在朋友和自己的感覺下知道她喜歡了我..可是我還想等下去..於是不懂相處的我便傷害了她;
最後FB被刪好友;MSN被封..失去了一位朋友

[ 本帖最後由 ☆呀洛〞 於 11-1-18 11:12 PM 編輯 ]

☆呀洛〞

如果說出口..那只是乞求換來的關心?

鳥羽 涉

我覺得佢唔愛你 就唔會俾你吻 -__-

吻這個動作應該都超越曖昧關係

以上個人意見

sllybus

曖昧關係真好辛苦..
如果俾我揀,,我寧願同佢繼續曖昧落去
都唔想好似而家咁..完全唔理我

☆呀洛〞

有時候都在繞一個圈子騙自己
最近我們考完試都不用上學至26號
她說要上班..一星期四天..可是我沒問她那一天要上以及幾點至幾點
唯有猜由3PM-11PM吧..有時候11點半也沒看她上MSN時
就想..沒關係..她到11點嘛 沒那麼快.. 12點.1點.2點
看到她上線時;問她一句..那麼晚的?今天要上班噢?..她答 不是 我今天外出了
我只能答..哦 還以為你到11點..  當我聽到放兩星期假時我還很興奮..因為可以見到她了(同科不同院校)
她說 我有四天要上班..我頓時覺得自己開心一整天也很傻。
她很貪睡..每次要早上上班或是上8:30-10:30的課我都會打電話叫醒她..
雖然只是說..嗯 我而家起身刷牙洗面啦..係咁啦  這十秒都沒有的對話當中
也會感到很滿足..
有時候上午時間把信息發送..下午也沒收到信息的話
就跟自己說..她一定沒睡醒吧/昨晚玩電腦到很夜(因小弟最晚也只會在凌晨2時上床休息;而她可以4點甚至不睡)
但到了傍晚也沒有回信息..就開始擔心..她是否有甚麼事呢?應該也不會還沒起床吧?等等..
到晚上MSN也沒上 可能到凌晨才上線一會兒..信息卻沒回..一遍一遍的解釋
是我太煩人嗎?或者在我眼中這是一種關心..
對她說..很想你;她回 『.__.』 甚麼意思? 我也搞不懂了..很迷惘
上一次見面已是12月25日..那天她晚上約了朋友..但卻來沙田找我
我帶她上了我的家;她在沙發睡著了..我也只好靜靜的待在她旁邊 一聲不作..免得吵醒她
雖然見面時間只有兩個多小時..但我都很珍惜..我還跟她說
31號不能見也沒關係(很在意)..反正你跟你中學同學也很久才見一次面..我自己睡一大覺也一樣吧
而我在意的..是怕第二學期開始..大家會忙於功課等等..很少見面
最後我31號那天約了朋友出油麻地打籃球;打完後可能因為有汗而"攝親"不舒服
由旺角火車站至馬鐵恆安站..我沿途也很想嘔..真的感到很不舒服
身體冷得發震..但頭卻流著汗..旺角站上車後>九龍塘挺不了下車>休息一陣子才撐得到大圍轉馬鐵..
當天辛苦得想死..但我換來甚麼?一句關心的說話都沒有..反而得到的是知己的關心..
暫時也想不到甚麼了..

[ 本帖最後由 ☆呀洛〞 於 11-1-21 10:56 PM 編輯 ]

子鶩－水之魂

你地既關係己經超越左曖昧

算得上情侶了

只是單方面的戀愛而已

換句話講

佢只係吸食你愛情與青春既寄生蟲而已

需要你不斷輸出關心既養份比佢

理所當然既關心佢

而你不斷被佢既冷莫所腐食

你仲要晒時間係佢身上??

把蟲杜掉吧!!

何必再浪費時間係一個連你地係咩關係都唔知既人身上呢?

搵一個佢好鐘意你既人嘗試咩叫戀愛吧

至少你還可以學習如何去愛佢

子鶩－水之魂

有時不妨抽身睇下眼前既自己

會否覺得可笑.....

旁觀者清 當局者迷

你應該明既~

☆呀洛〞

Re;子鶩
其實每日都會有你呢種諗法
始終都係果句..放唔低;
如果放得低既話其實已經係半年前斷絕來往既時候離開她了
這是第一次戀愛;可能會有點執著..
究竟..是幸還是恨?

lemonkin

講真,佢只係當你水泡,
條女知道你中意佢,咪來者不拒囉,
講真啊,一開始係咁都冇乜所謂,
當係趣味,但係耐左仲係咁就一定要搞清楚,
如果唔係受傷害既一定係自己!
所以你地分開係一個好好既決定

☆呀洛〞

Re lemonkin;
如果我能把她放下早就不用受這種痛楚了;
要是知道自己放不下..怎說也不通吧=)?
就知道她最近忙於上班..我都沒找她
前晚跟她說..那麼久沒找你;是因為知道妳下班很後累;亦不想打擾妳..不想妳覺得我煩人
她答我;嗯 我明白;我真的很累..
我都不知道該答甚麼好了;答了 嗯..所以靜靜的 好好休息..
=[

平果樹=)`

曖昧關係真係好辛苦
將來甚至現在既野好多都唔清楚
放手當然會唔捨得
唔放手自己又會好辛苦好累
鍾意左咁耐緊係唔想放棄
但係你而家諗下佢點對你
如果呢一刻你係諗到D開心既事
咁我覺得你係呢段關係中至少都開心過
都有價值
但如果你諗到既全部係一D唔開心既事
咁我覺得你係時候放棄喇
無謂不斷等不斷等
換黎既只係傷心
唔捨邊有得喎
有人話愛就應該乜都唔理
但係講真
值得咩?
何況果個仲要係愛唔愛你都唔知既人

anyway
自己慢慢諗
畢竟呢件事對你好重要
最後祝你幸福
搵到一個相愛既人~

☆呀洛〞

Re 平果樹;]
開心既事..都會有諗起;
但覺得孤獨既時候都會向壞果方面諗..
可能我本身就太諗負面野啦=(
有時仲會傻到諗『果個人』既感受
可能自己真係太為人地諗左先..
有時做好多野都會諗人地既感受係點先會做..=[

kind2003

樓主 我好明白你既心情
有一個女仔我10月果陣識佢 好好傾 成日星期五夜晚約出黎跑步
但係重點唔係跑步 而係跑完之後我地兩個捱住一齊吹水傾心事既時間
有時我地兩個仲會攬住對方 捱住一齊小休 不論天氣幾凍都好 我地都keep住
但係我比較差一d係我冇勇氣問清楚佢 到佢而家對我既兄弟產生左感覺 仲一齊 開始左既時候
我個心先開始難受 今日返學見到佢地咁親密既行為 態度 語言 自己個心就好似貫穿左咁
望又唔敢直望佢地 叫又唔敢好似平時咁叫 怕佢地會誤會 我講我既心聲出黎更加係唔敢(因為果個男仔係我識左好耐既兄弟黎)
當初仲賴大方咁成全佢地 到頭來自己原來係承受唔到果份壓力 失落感 真係好後悔 我諗我以後都唔可以再同果個女仔變番以前咁..

☆呀洛〞

所以..我寫了這篇文章是希望
各會員若置身曖昧之中必須要搞清楚關係..;

吞食貝貝

都有好多人鐘意曖昧既感覺

紅螞蟻

原帖由 吞食貝貝 於 11-1-25 12:16 AM 發表
都有好多人鐘意曖昧既感覺

兩睇啦
曖昧嗰下真係幾刺激
但如果最後攤牌發現自己只係一廂情願既時候
嗰種痛心真係非筆墨所能形容

吞食貝貝

原帖由 紅螞蟻 於 11-1-25 01:59 AM 發表

兩睇啦
曖昧嗰下真係幾刺激
但如果最後攤牌發現自己只係一廂情願既時候
嗰種痛心真係非筆墨所能形容

即係性行為吾用安全設施...有後遺症但依然好多人咁做
當你爭扎緊去吾去曖昧...都需要好大意志去抵抗
但係人永遠會比好既一面沖燻...最後變成後悔

SIu贀

同意

Shaorin

我同呢位"朋友"已經識左一年.當中拖手.攬.出街.上屋企.吻等等..

這還是曖昧關係之中嗎???

love564273

抱歉...我也是這一種壞人...
會搞曖昧關係...我承認我是一個沒安全感...缺乏愛的人..
我今天也好像傷害了他...
我不是有意的...抱歉...