燥底!!要求改寶石的數值08!!你要入黎睇

tkodick

點解係中華街的寶石是有30敏 + 極好用的功效    功效我先不講

請問寶石技能 的為意是什麼? 相信有數公會 已經把寶石技能 提升至4-5級  (4-5級的難度, 我來告訴大家 最少5000-8000粒破碎寶石)

但你冇拉拉係中華街就殺出個程咬金! 姐係玩野姐   寶石技都只不過係由破碎(5的數值) 合成非破碎(10的數值)      

搞到心血 浪費哂! 如果係咁的話 你係咁出新裝喇  迫人重沖裝備喇  新裝數值可以勁過綠品+0果時 可以勁過現有裝備的紫10 架   咁有Q意思!!!?

係唔係應該改一下30敏這個數值呢?

Blood_8198

你的要求，不是本人可以決定的事。這是2個問題。

1. 開發商是否同意調整？

2. 有多少玩家「甘願」接受調整？

在初初推出中華街時，已向開發商提出，新的寶石太好，有雙功能，故要求看陀寶石的隱藏數值。
根據當時資料，其發動率不高。新地圖要有吸引力，需要推出更好的東西，這是必然的事。

透過本年一月的比賽結果，已再次向開發商提出調整意見。

是在擔心什麼？多數是擔心有多少玩家「甘願」接受調整吧！

網絡世界，是現實世界的延伸。
看看今天的什麼財政告訴，每個人也只考慮自己的利益。
又有多少人願意放下自己的利益，叫社會更繁榮安定？

調整不難，難就難在，有多少人「甘願」接受調整。調整後，要受多少「不甘者」的破壞。


又來一個思考遊戲吧。
．假如你的角色被改弱了，你會大罵什麼被改弱了？
．假如別人的角色改強了，你會大罵那個角色，那一招被改強了？
．假如你的寶石被改弱了，你會大罵什麼寶石被改弱了？



＊現代人很奇怪，正面地問意見，從來也只數他人，不看自己。
　抱東怨西，卻又不數自己的那裡過強，只拿自己的弱項來比別人的強項。
　以上的問題，可幫忙大家找到答案。

調整什麼？我也有想過，假如預早通知玩家，三個月後會調整什麼，重新平均遊戲，
又是否可以叫更多人甘願接受調整呢？

tkodick

文字一大推 看似有理
若我是野蠻的  跟本可以話你 九唔答八  仲記得早期活動禮卷X3 可以換到品質料/等級料(價值380點) 你冇拉拉改番,全K1玩家又願意咩?
咁你出新地圖 出+100 敏石吧!! 亂改亂出 新野就要好 不知所謂!

但我絕非野蠻的...好   姐係冇法喇/_\  我啞忍接受吧~

原帖由 Blood_8198 於 11-2-24 10:20 AM 發表
你的要求，不是本人可以決定的事。這是2個問題。

1. 開發商是否同意調整？

2. 有多少玩家「甘願」接受調整？

在初初推出中華街時，已向開發商提出，新的寶石太好，有雙功能，故要求看陀寶石的隱藏數值。
根 ...

[ 本帖最後由 tkodick 於 11-2-24 02:43 PM 編輯 ]

seedzero121

原帖由 tkodick 於 11-2-24 02:08 PM 發表
文字一大推 看似有理
若我是野蠻的  跟本可以話你 九唔答八  仲記得早期活動禮卷X3 可以換到品質料/等級料(價值380點) 你冇拉拉改番,全K1玩家又願意咩?
咁你出新地圖 出+100 敏石吧!! 亂改亂出 新野就要好 不知所 ...

字海一堆 唔想睇-.-

ho1234067

樓主~其實如果話唔公平既話~你有冇站係gm同開發商既身份同立場諗過？
開發商要賺錢,所以每一次大更新都必須要有賣點~雖然我都覺得某些物品既數值大得嚇人,但你試諗下如果冇左呢d物品~大家都只係係度鬥高lv同鬥裝勁,根本就唔會有突破~但就係因為呢d物品亦令遊戲既公平性大減~後果從今日既K1就可以睇到~所以我都覺得開發商要正視呢個問題~如果真係修改某些物品既數值，你就要諗下如何補償俾果d己付出左既玩家~

至於Gm方面~好老實佢有好多野控制唔到~包括我地點玩隻game~例如佢唔會控制到個點價同理d角色既能力值等等~因為佢唔係話事人~佢係我地同開發商之間溝通既橋樑~我地有咩不滿可以同佢講~佢再同開發商講~但我地唔應該有咩都鬧左佢先~因為佢都只不過係呢集game既其中一份子~我地覺得有d咩唔公平既佢都一樣~只不過大家都係冇能為力而己~大家能做的都係向開發商表達意見而己~所以唔好有咩都話左gm唔岩先~有時見到08俾人媽到咩咁~我都鄧佢可憐~

最後~我雖然唔知樓主玩左K1幾耐~但我話你知呀~我由呢隻Game公測第一日玩到依家~見證住K1既成長~我覺得K1仲未發展成熟~好多系統都唔完善~你講果個寶石技能d等級根本未開盡~況且果d30敏石每個ac只可以換一次，仲要有36lv先得~所以問題唔係太大~只要等到開放更高技能等級便是了~仲有世上冇免費午餐~人地打石都要用好多時間同金錢~唔好講到人地好似不勞而獲咁~

龍九洲

原帖由 ho1234067 於 11-2-25 02:03 AM 發表
樓主~其實如果話唔公平既話~你有冇站係gm同開發商既身份同立場諗過？
開發商要賺錢,所以每一次大更新都必須要有賣點~雖然我都覺得某些物品既數值大得嚇人,但你試諗下如果冇左呢d物品~大家都只係係度鬥高lv同鬥裝勁,根 ...

如果真係話下唔公平都要企係人地立場黎講既
係呢幾日香港幾百萬人都唔企係 財爺 政府 大商家立場到諗了

請你記住每隻game都係玩裝同玩lv..
出左30敏石 吸血石 就冇左技術呢回事

免費game一定係比錢既做大
比錢既玩晒 呢點係成個香港至到全世界網遊既一個惡性循環

第二段部份同意
但相信樓主唔係插08..

發展成唔成熟 公唔公平呢樣野唔在講
樓主由封測玩到公測
我都由公測第一日開始玩而且頭最小一個月長據於最高lv個十個
我敢講我係第一個拎寶石合成技能書既玩家
但我拎左第一眼望落去就知好難升
學左拎浩男元神就算 冇諗過玩合石
你就知個技能有幾難升

好啦我假設寶石技能有十lv
10lv合到+1000命石有吸血有雙打
咁你合到先得架大佬呀?
36lv ac唔使三日升到啦
教埋你啦 一有m15開每日雙經兩倍經書6開升上36有幾難?
(低lv刷m打怪開雙經先有經架 高lv開雙打怪都係冇經 唔使問)

而家人地就係話佢咁辛苦升個寶石技能
但中華街一出佢就奶左野
你明唔明呀?

Blood_8198

同意 龍九洲的看法。

在我看來，大問題只有一個。
１．究竟有多少玩家甘願放下個人的利益？

雖說現在還是公測，但明白公測的意義者，卻小之有小。

你們的問題，在現今所有遊戲中也存在。改也死，不改也死。
為公平，為平衡調整。換來的，卻是已有利益者的無盡告票。
不調整，是抱怨與玩家流失。
考慮兩者的利害因果，付出的時間、金錢、回報，便能明白開發商的矛盾。

在我入行之初，我一直以為，只要玩家好便可以。玩家要什麼，便做什麼。
什麼也要平，要送，要快，極力為玩家爭取。你說被騙，不會報警，我為你出頭。
結果，玩家爽了，品評很好，卻沒有足夠收入維持遊戲的運作。
我也因幫助沒有報警之人，被懷疑黑商作業，盜取他人物品，偏幫打壓「正當玩家」。

久了，便明白到，只幫玩家生存，開心是不夠。若遊戲不能活下去，做得再多，再好也沒有用處。
好心，只是被人利用。(被騙的人啊，不是不想幫你，求你先再報警。)

過一去，我一直也不認同舊公司的方針(我轉過數家公司)，「先立財，後立品。」
當時，我深信，只要遊戲管理得好，便一定可以生存。
很無奈，現實不是這樣。現今，很多玩家也只看利益，才不理他人的死活。

[ 本帖最後由 Blood_8198 於 11-2-25 10:47 AM 編輯 ]

tkodick

你知唔知自己想表達D咩   我幾時話過唔公平  
唔係''亂博回''亂吊'' 就可以阻止

大家都只係係度鬥高lv同鬥裝勁,根本就唔會有突破~但就係因為呢d物品亦令遊戲既公平性大減~後果從今日既K1就可以睇到.<---你的說法
緊係高LV 勁裝勁D架喇=.= ON框框 隻GAME就係出左呢D先沒落咋 傻仔~ 唔知係度 9 up-.-  

原帖由 ho1234067 於 11-2-25 02:03 AM 發表
樓主~其實如果話唔公平既話~你有冇站係gm同開發商既身份同立場諗過？
開發商要賺錢,所以每一次大更新都必須要有賣點~雖然我都覺得某些物品既數值大得嚇人,但你試諗下如果冇左呢d物品~大家都只係係度鬥高lv同鬥裝勁,根 ...

ho1234067

ok~我認我上面個post有模糊之處~
我係度澄清一下~首先我都覺得果d 30敏石令果d升左寶石技能既人好氣餒,因為我都有學,而且好老實~自從出左3O敏石之後我就冇再有升寶石技能既想法~因為唔知佢會唔會出d更勁既石~.~
另外樓主可以話我亂博,但唔可以話我“亂吊”因為我由始至終個語氣都係好友善~仲有我之所以話未出30敏石之前大家都係鬥高lv鬥裝勁既原因係因為當時大家係唔係都加左命中先~所以3O敏石既出現真係令加點方面有突破~但係後果就係令遊戲變得不公平~特別係令果d升左寶石技能既玩家蝕底~

龍九洲講得岩~有時真係唔可以下下都話公唔公平~因為個世界本身都好唔公平~不過你個回覆最尾話果d方法我都知~但都要有裝同有人幫先得嫁~係依家既K1入面好小人肯帶其他人升lv~咁面對呢d情況咪唯有用多d時間黎升|v |o~

seedzero121

其實出左30敏石之後都係鬥裝勁但我覺得唔會鬥lv勁 冇分別-.-

ho1234067

我覺得3O敏石影響得最大既係加點方面^
純個人意見~不喜勿插~

Blood_8198

既然已開了話題，不如談談，要怎樣改才比較好。

個人覺得，如果系統本體，可以限制全身只有一粒「中華街的相同寶石」有效。
那當時他們推出的手法是沒有問題。
（例如，全身裝備有２粒紫邪石，但只會計一粒數。）

現在要改，要某些人接受也很難。
現時來說，由於中華街的寶石有雙效果，調整為每粒+20敏會比較好。

調整前，要預早２個月通知，唔好又改左唔通知人。
這樣，多方面的負面氣氛也小些。（包括抗議調整的人。）

[ 本帖最後由 Blood_8198 於 11-2-27 10:43 AM 編輯 ]

abmotors

08,不如你開個投票貼比人投反對定贊成好過啦,重有要提你一樣野,如果到最後真係決定改石,建議將受影響人仕發一張點數重置卡,因為好多人因為呢d石先改左加全爆發,咁樣鼓譟既聲音應該會少d

elsonpoon

我絕對贊成
因為我成日比石屈倒喊

xoy225

我比石屈到有d唔想玩囉-3-

神鬼無間

我先將故事拉返去「2000fun超級霸王小隊賽」當日講起
只要大家翻查舊有影片紀錄  會發現甲隊既攻擊力係乙隊面前變得不外如是
而乙隊一旦出手就能夠以瞬雷掩耳既速度擊殺甲隊
亦即使甲隊技術如何了得  係90秒既狀態下仍然顯得不堪一擊
點解會出現呢種情況??
好簡單一樣野  就係中華街既寶石
(相信以上所言  觀看者亦明白係咩事  我亦唔再多言)

我黎呢度唔係打算鬧人鬧事  只係客觀地表示自己意見
樓主(以下簡稱黑狗先生)
當日比賽以寶石數值取勝  今日卻以第三者既身份黎批評寶石數值
咩道理??
我唔係有心要鬧  我亦冇再因為當日既事而嬲  只係覺得一樣野  「最冇資格批評寶石數值既人」我睇非你莫屬

縱觀今日
K1之所以沒落   不外乎幾個原因
1.更新慢    2.活動少   即最簡單兩個字  太悶
到今日   我對寶石數值更改表示唔贊同    一直以黎  從來冇人打算過要求更改寶石數值問題
好簡單一樣野   人人都話改呢樣改個樣  咁應該聽邊個講??
想當日乙隊用寶石及配點取勝之時   黑狗先生你有燥底過話要改寶石數值嗎?
繼而在更早之前  利用幾個公會既友誼儲破碎寶石升寶石技既  又係你嗎?
呢個舉動   令人懷疑既係  你以寶石取勝後  其後命令其會員以及自己以極其難聽既說話諷刺敵人
將敵人踩至變成地底泥先甘心
而家要求更改數值  意即斷絕敵人反噬   諗得仲真夠高明
作為一個人   非常冇品
作為一個會長  無比下流
作為一個玩家  極其無恥
我作為你曾經的一個對手  我亦感到面上無光
以上  係我以退出K1既身份所講  

其次  利益方面  將觀點轉予柏豪(龍九洲)之說法
黑狗先生將自己塑造成一個中華街寶石受害者既身份黎控訴中華街寶石之驚人數值
又有冇考慮過自己做法??
寶石技能冇錯係極為難升   但從來冇人認為需要自己一個人升出黎
意即   集體負責
當一個會 甚至幾個會既人集體一齊儲破碎寶石   事情或許會變得簡單
08所談及既絕對有道理   人性本如此  又有誰能確保自己可以放下利益
而黑狗先生又有冇係其他人既立場睇過??
引用自08仔之說法  又有誰甘願接受調整??
我自問由封測到公測一直都玩  於中華街初出之時  我卻從來冇聽到過反對聲音

另一方面 黑狗先生你以3張活動禮卷換取等級/品質升級材料之事例駁回08仔之說法
但一般有邏輯思維既人都清楚明白到   係公司(gameone)及遊戲利益作為大前提下  會容許你間接以60點既數目去購買價值380點既物品??



人性方面  如果黑狗先生你真係真心地要求更改  會等到今日先提出嗎?
中華街推出時間至今起碼都有幾個月   將最大利益歸於自己之後而要求犧牲其他所有人既利益及假設性利益
呢種行為   與(XXX)有甚分別?


最後澄清一下    我從未對當日比賽既敗陣感到羞恥  因為我最清楚一樣野   我既對手唔係用我既強項黎打敗我
即使如此    我亦唔贊同樓主   即黑狗先生之見解

我只係輸比中華街既寶石   僅此而已

                                                                                                                                    中華街寶石的手下敗將   

入雲龍 字

[ 本帖最後由 神鬼無間 於 11-3-4 01:38 AM 編輯 ]

o0小流0o

原帖由 神鬼無間 於 11-3-3 05:14 PM 發表
我先將故事拉返去「2000fun超級霸王小隊賽」當日講起
只要大家翻查舊有影片紀錄  會發現甲隊既攻擊力係乙隊面前變得不外如是
而乙隊一旦出手就能夠以瞬雷掩耳既速度擊殺甲隊
亦即使甲隊技術如何了得  係90秒既狀態 ...

一個人的要求
其實都好難說服大家
當自己利用完寶石的數值獲取勝利後,繼而要求改寶石的數值
除了野蠻,想不到有其他形容詞。

seedzero121

罵戰睇泥要開始了

神鬼無間

從來我回覆都冇打算罵戰
我只係以第三者分析出呢件事
不過我點都估唔到黑狗先生居然會講得出要求改數值
唔知佢仲做唔做得出del人ac呢種咁缺德既事呢??
我個人總是做得出唔怕認的
從bug錢到九百萬事件我都從來未有隱瞞過
卻唔知道 黑狗先生是否亦係如此?

最後一句

現實世界的老實人總是敗給賤人
話中之意 我相信黑狗先生一定明白的!

[ 本帖最後由 神鬼無間 於 11-3-6 07:51 PM 編輯 ]