如果真正為隻as好的話........

nhy51

我係個老玩家..我亦同大家一樣經歷過以前神領既日子..
由剛開始打小魔c..yoyo..魔森..魔/妖窟..妖獸..海島..惡魔島..馬仔7仔..到後期既童話..雪城..海王..魔王..等等..
我都跟住隻game一齊成長..
前排個fd叫我玩返..我先知as要返黎..跟住當然同大家一樣..辛辛苦苦周圍去搵個cb號返黎..2kf呢個acc..都係為左拎cb號而開..

入返隻game之後..發覺完全唔同哂..冇左我最中意做既升技..冇左我最中意響pk場同會戰果陣聽既爆水聲..冇得再見我打個fd果陣出現既"miss"..等等
等左咁多年..玩返之後竟然咁陌生..呢隻基本上唔係我"等"緊既果隻game..
但我明白到.......呢個已經係一個"已成既事實"...所以我亦都希望大家明白到呢點....

cb開始之後..我每次上各大as論壇..都係一大堆xyz緊as既主題/留言..
而呢堆人甚至理直氣壯咁認為自己xyz係為隻game好..希望佢改善..
當然...佢地既出發點係岩..但做法呢? 恕我不能認同..
不如停一停..認真諗下咁樣做係咪真係好,真係對件事有幫助?
有怨言,有bug要回報,有意見....響呢度發表真係有用?
有問題直接send email去代理果邊仲好啦..
響個論壇度大吵大鬧..對件事幫助有幾大..? 自己知..
有份開post插隻game插gc果d..撫心自問..有幾多個係有send過email去代理果邊? 唔係話冇..但一定唔係十足囉..

大家不如試下響d搜尋器度搵下神領..10個結果有9個都係xyz緊隻game..
試問一下如果長此落去..隻game仲會有人玩?
雖說隻game好多人都認為係靠老玩家而生存..但係真的嗎?
真係認為靠班老玩家就可以養得起一隻game? 可以講一定冇可能..
我相信如果今次隻game冇新玩家加入..一定會好快汁
到時再次冇得玩..大家又願意見到嗎?
還是有人認為如果隻game唔改返以前咁..玩唔玩都罷?
如果呢個人真係咁諗..呢個人就真係好自私..始終你既單一諗法唔代表全部老玩家/新玩家
你唔想玩既同時..我相信好多人亦會同我一樣..放唔低對呢隻game既情意結..

所以..如果大家真係為隻game好的話..對隻game有咩不滿..對gc有幾不滿..請send email去代理果邊..唔好再響各大小論壇發表啦..
只要你send過email去代理果邊..你都至少盡過一點責任..就算隻game到最後唔改..都起碼問心無愧
但相反..如果隻game到最後係比我地"唱衰"而走入絕路既..我相信大家將來一定會後悔..

[ 本帖最後由 nhy51 於 11-5-8 04:37 PM 編輯 ]

dddiscoo

點解成日口口聲聲改新模式先會有新玩家加入 而你又咁肯定新玩家會有一定數量留底？無舊版模式就唔會有咁多人留戀 新版時下咁多線上遊戲比起呢隻夢領質數唔比夢領差 什至乎比夢領吸引得多多聲 我如果無玩過神領 我依然會係永恆一直玩落去

nhy51

我諗樓上呢位唔係咁睇得明中文..

[ 本帖最後由 nhy51 於 11-5-8 05:39 PM 編輯 ]

nhy51

原帖由 dddiscoo 於 11-5-8 05:21 PM 發表
點解成日口口聲聲改新模式先會有新玩家加入 而你又咁肯定新玩家會有一定數量留底？無舊版模式就唔會有咁多人留戀 新版時下咁多線上遊戲比起呢隻夢領質數唔比夢領差 什至乎比夢領吸引得多多聲 我如果無玩過神領 我依然 ...

我想問聲..
有邊句野令到你睇到我話 "新模式先會有新玩家加入"..?
又有邊句令你睇到"我肯定新玩家會有一定數量留底"?
又有邊句令你覺得我話舊版唔多人留戀?

我一樣覺得以前as好..but.....so what?
而家唯一可以做既就係..試著改變..而試著改變既途徑..唔係響度大吵大鬧..而係直接搵相關部門跟進..
到最後改變唔到..就得接受..!! 呢個先係我開post既目的..
我叫人唔好響度xyz..係因為響度發表無補於事既同時..亦會令到隻game無新玩家加入..繼而令到隻game經營唔到落去..令到大家一齊無得玩..
響度xyz..根本就幣多於利..有意見發表應該搵gc..總好過搵論壇既post一人一句

dddiscoo

簡單少少 從你打呢編文章開始  一點原則都無 就係因為你咁無原 先會令到全心令大家心中既神領要向代理商低頭 你不配做神做神領既粉絲

闇之WIN神

簡單講句~
你問有幾多插緊GC既人真係有sd email去俾GC?
有幾多我唔知~
但係我話你知我一定有~使唔使sd多一份俾你過目?
我唔止sd GC, 我sd埋去韓國原廠
咁又點?
email我照sd
響forum度我一樣照插

我sd既email唔係叫佢改番原版
係建議點樣響現在版本度改進~
佢地聽唔聽/睇唔睇就另一回事
我響forum度繼續插又係另一回事

唔好將幾樣野拉埋一齊黎講ok~?

[英雄]

改變唔到..就得接受-.-
改變唔到係可以選擇唔玩  無話一定要接受架
響度xyz..係因為響度發表無補於事
我唔信gc d工作人員唔會留意各論壇玩家ga心聲啦
就好似派工作人員入去開心遊戲網度 睇玩家ga意見
越多人討論代表越多人在意隻game 如果唔係有鬼人入來咩

[英雄]

早d講哂d問題出來
等大家有d心理準備

依嫁一樣問題都唔提
到時ob 人地照樣會發現問題 人氣要減始終都係會擋唔住的
反而宜加講 仲有d機會令遊戲開發商盡量改變歡合玩家

nhy51

原帖由 dddiscoo 於 11-5-8 05:46 PM 發表
簡單少少 從你打呢編文章開始  一點原則都無 就係因為你咁無原 先會令到全心令大家心中既神領要向代理商低頭 你不配做神做神領既粉絲

原則唔係響度打幾隻字就代表有..
唔鬧既人唔代表唔想隻game變返以前咁..
唔鬧既人唔代表冇爭取過..
但你要明白..有原則..有爭取..唔代表到最後個結果一定令人滿意..
我只係知道不斷鬧不斷講悔氣說話..對隻game唔會有任何幫助..只會令新玩家望而卻步..變相令隻game更快死亡!!
為隻game好..係應該同gc溝通..同原廠溝通..而唔係響論壇度同d會員埋怨!!

原帖由 闇之WIN神 於 11-5-8 05:56 PM 發表
簡單講句~
你問有幾多插緊GC既人真係有sd email去俾GC?
有幾多我唔知~
但係我話你知我一定有~使唔使sd多一份俾你過目?
我唔止sd GC, 我sd埋去韓國原廠
咁又點?
email我照sd
響forum度我一樣照插

我sd既ema ...

你話你自己有就夠..無必要比我睇..
亦無必要留你呢個言來對號入座..我講緊既只係一d不斷鬧而又無做過任何野既人
你話你有付出過既..我替大家高興都黎唔切!
但你自己都識講..呢度係一個forum..係個討論區!!唔係個埋怨區..
你地咁樣做會影響到一d真係想入黎睇資料既人..亦都會令到一d想玩呢隻game既新玩家唔想玩..
當你影響到其他人既時候..就絕對可以將2件事拉埋一齊講..
當然..你繼續決定插係你既事..我控制唔到..
我都只係比個意見/建議姐..
總有人聽唔入耳..但我唔會阻止..亦無能力阻止..

原帖由 [英雄] 於 11-5-8 06:02 PM 發表
改變唔到..就得接受-.-
改變唔到係可以選擇唔玩  無話一定要接受架
響度xyz..係因為響度發表無補於事
我唔信gc d工作人員唔會留意各論壇玩家ga心聲啦
就好似派工作人員入去開心遊戲網度 睇玩家ga意見
越 ...

唔細啦..唔好捉字室啦..
我當然知道可以唔玩..但選擇唔玩果位..
無必要周圍同人講隻game唔好玩..無必要唱衰隻game..
無必要響度繼續開post鬧..
選擇得唔玩...我相信呢個as forum都已經唔再關佢事..
既然佢黎得呢個forum..就即係代表呢個人仲未放得低隻game..
放唔低就應該做得d建設性既事..ok?

h0820776

樓主我支持你

[英雄]

樓主都唔知係咪被中共洗腦
幾時香港人變到唔可以表達自己意見
講隻game d問題出來都唔俾
依嫁係度嘈係俾d人注意到隻game的問題
希望gc/遊戲開發商 可以改回舊版(呢個注定不現實)/改善(我地要爭取的地方)
eg
做出讓步 部份技能cd改好d
部份技能書開放番可以打怪出
部份前置技唔會因為學左新招而用唔到
呢d都要我地爭取
似你咁樣咩都唔講 剩係話隻game好好 我做唔到sorry哂
真正為隻game好唔會似你咁做

nhy51

原帖由 [英雄] 於 11-5-8 07:16 PM 發表
樓主都唔知係咪被中共洗腦
幾時香港人變到唔可以表達自己意見
講隻game d問題出來都唔俾
依嫁係度嘈係俾d人注意到隻game的問題
希望gc/遊戲開發商 可以改回舊版(呢個注定不現實)/改善(我地要爭取的地方)
eg
做 ...

麻煩你睇哂成篇野先慢慢發表你既意見..
就算你睇哂..你都慢慢消化下先..拜託!
你引用既野無一樣係我所表達既意思..
冇人話而家隻game好好..冇人話唔爭取..冇人話唔比你比意見..
只係....要識揀對象!!
你所講既野我都冇一樣睇得過眼..所以我會選擇send email比gc果邊..希望佢跟進..希望佢會為我地同原廠傾..
我只知道只有佢地先有最終既決定權..而唔係響呢度既任何一位會員!!

[ 本帖最後由 nhy51 於 11-5-8 07:28 PM 編輯 ]

S!u粉

原帖由 闇之WIN神 於 11-5-8 05:56 PM 發表
簡單講句~
你問有幾多插緊GC既人真係有sd email去俾GC?
有幾多我唔知~
但係我話你知我一定有~使唔使sd多一份俾你過目?
我唔止sd GC, 我sd埋去韓國原廠
咁又點?
email我照sd
響forum度我一樣照插

我sd既ema ...

GC例牌機械式回覆...只會令人更灰心...

闇之WIN神

原帖由 nhy51 於 11-5-8 06:53 PM 發表
你話你自己有就夠..無必要比我睇..
亦無必要留你呢個言來對號入座..我講緊既只係一d不斷鬧而又無做過任何野既人
你話你有付出過既..我替大家高興都黎唔切!
但你自己都識講..呢度係一個forum..係個討論區!!唔係個埋怨區..
你地咁樣做會影響到一d真係想入黎睇資料既人..亦都會令到一d想玩呢隻game既新玩家唔想玩..
當你影響到其他人既時候..就絕對可以將2件事拉埋一齊講..
當然..你繼續決定插係你既事..我控制唔到..
我都只係比個意見/建議姐..
總有人聽唔入耳..但我唔會阻止..亦無能力阻止.....

無對號入座~不過我係其中一個有插gc既人~亦話你知同樣有做建議~
更想話俾你知好多人都係一邊插一邊做建議~
呢個係討論區~自然可以討論gc同原廠有咩做得唔夠好~
想入黎睇資料既可以去分版睇攻略睇心得~
若果連咁簡單既野都唔識搵~重要俾人影響到~就係果d「新玩家」既事~就無可能將「3件事」拉埋黎講~
起碼所有插緊原廠同gc既言論係響呢個「討論區」入面~
而「攻略心得區」就依然有你講既資料~

聽唔聽得入耳又好~總之唔係你講多2句開個post就可以解決到既事黎~

nhy51

原帖由 S!u粉 於 11-5-8 07:27 PM 發表


GC例牌機械式回覆...只會令人更灰心...

任何一個代理都係咁..就算以前數碼都係咁..
但係..就當佢地唔會每封睇..起碼inbox入面都有睇到有幾個封"新郵件"..會睇得出有幾多人有意見..

[英雄]

一句一句回你又話我捉字室 真係笑.....

但我明白到.......呢個已經係一個"已成既事實"...所以我亦都希望大家明白到呢點....
已成既事實
一日末ob一日都仲有變數呀大哥 如果係已成ga事實佢唔洗cb啦 直接ob乜野都唔洗改 因為已成事實 唔會再聽玩家意見

cb開始之後..我每次上各大as論壇..都係一大堆xyz緊as既主題/留言..
而呢堆人甚至理直氣壯咁認為自己xyz係為隻game好..希望佢改善..
當然...佢地既出發點係岩..但做法呢? 恕我不能認同..
不如停一停..認真諗下咁樣做係咪真係好,真係對件事有幫助?

咪講左官方人員都會去各大論壇留意玩家意見囉
就好似派左官方小愛入去開心遊戲網
有d網文係各論壇見到大家反映ga意見
唔多唔少都會去信gc又好 去開貼俾官方小愛睇又好
你唔可以講呢d行為係無意思 幫唔到野囉 只要有希望大家都想爭取更好的神領
而唔係似你咁!!
有怨言,有bug要回報,有意見....響呢度發表真係有用?
有問題直接send email去代理果邊仲好啦..

直接sd email去又唔係無做過 你有無sd過?
官方俾ga係機械式回復 咁係各大論壇發貼講問題
仲有個好處 可以俾更多有心人sd信去 多d人希望更大

最後我唔想同你再嘈了
係我錯入來呢度回左你的貼

nhy51

原帖由 闇之WIN神 於 11-5-8 07:31 PM 發表


無對號入座~不過我係其中一個有插gc既人~亦話你知同樣有做建議~
更想話俾你知好多人都係一邊插一邊做建議~
呢個係討論區~自然可以討論gc同原廠有咩做得唔夠好~
想入黎睇資料既可以去分版睇攻略睇心得~
若果連 ...

講多無謂..都係果句..贏口舌之爭無用..
不如你地自己試下黎個好簡單既試驗..
你試下叫你地d兄弟姊妹也好..表哥表弟也好..甚至鄰居都好..
搵幾個未接觸過神領既人入黎呢個forum睇頭3版文章..
問下佢睇完之後..對呢隻game有咩感想..
問下佢睇完之後..會唔會玩呢隻game?
問下佢睇完之後..對呢班留言插既人有咩感想?
我相信第3者既答案點都會中肯過呢度任何一個會員..

闇之WIN神

原帖由 nhy51 於 11-5-8 07:38 PM 發表


講多無謂..都係果句..贏口舌之爭無用..
不如你地自己試下黎個好簡單既試驗..
你試下叫你地d兄弟姊妹也好..表哥表弟也好..甚至鄰居都好..
搵幾個未接觸過神領既人入黎呢個forum睇頭3版文章..
問下佢睇完之後. ...

都係果句
若果只係睇頭3個post就決定玩定唔玩
呢d咁膚淺既玩家都唔會玩得耐
難道你認為even成個論壇都係一d讚緊隻game既post
d新人睇完就無覺得好好玩?

ccb同cb之前已經試過啦
早在ccb之前成個夢領版超過9成都係正面post
係吸引左好多新手
完左個ccb同cb之後
你不如數下而家重有幾多個係真真正正既「新玩家」?

唔好咁天真啦

chiusau

香港+大陸+台灣=市場  希望神領唔好執啦
樓主講的不無道理

nhy51

原帖由 闇之WIN神 於 11-5-8 07:49 PM 發表


都係果句
若果只係睇頭3個post就決定玩定唔玩
呢d咁膚淺既玩家都唔會玩得耐
難道你認為even成個論壇都係一d讚緊隻game既post
d新人睇完就無覺得好好玩?

ccb同cb之前已經試過啦
早在ccb之前成個夢領版超過 ...

想問一下何謂"新玩家"?  就係本身未接觸過隻game既人為之新玩家..
亦即係果d認為"好就玩,唔好就唔玩"既人..
而呢d未接觸過既人..咪就係靠一d網絡/論壇..睇一d評語黎決定玩唔玩囉..
10個有9個同你講前面條路有屎..你仲會唔會行落去呀? 你唔行係咪代表你膚淺呀? 醒下啦..
膚淺果個唔係d新玩家..而係你呀..凡事唔好睇得咁表面啦..
新玩家連開game既第1步都唔想行..學咩人講留唔留得住/玩唔玩得耐
但係而家點解d新人連行第1步既興趣都冇呀? 多得你呢d咁既人囉..
明唔明咩叫意慾呀? 連意慾都冇..點會有興趣呀? 連興趣點冇..點會入game呀?
連新人都冇..隻game仲點會長命呀?
每樣野都會有個引申既後果出黎架! ok?


道不同不相為謀..唔岩咀型既..講多哂氣!! 你要繼續鬧繼續插就隨你啦
anyway..大家都係為隻game好姐..嘈黎冇意思!!